ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:2 - ದೇವ್ನಿ ಖ್ಹಾಚಿ ವಚನ್

² ಅಪ್ಣಾಮ ಹರೇಕ್‍ಜ಼ಣು ಇನ ಭೀಡೆವಾಳನು ಭಕ್ತಿನ ಭಡಾವಾನಖ್ಹಾಜೆ, ಆಖ್ಹ್‌ಕರಿನ್ ಅಪ್ಣ ಭೈಯೇ ಭೇನೇನ ಅಛ್ಛಾ಼ನಖ್ಹಾಜೆ ಕಮ್‍ಠೋಕವಾಳ ಹುಯಿರ‍್ಹೇಣು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:2 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:19

ಇನಖ್ಹಾಜೆ ಖೆವು ಅಪ್ಣುನ ಸಮಾಧಾನ್ನಾಬಿ ಏಕ್‌ಥಿಏಕ್ ಭಾಲ್ ದೆವಾಮ ಭಡಾವಮಾಬಿ ಅಗಾಡಿ ಚ಼ಲಾವಸ್ಕಿ ಇನಾಸ್ ಕರಿಯೆ.

1 ಕೊರಿಂಥ 10:23

“ಅಖ್ಖಾಸ್ ಕಾಮ್ನಾಬಿ ಕರಾನ ಛುಟ್ಕಾರ್ ಛಾ಼” ಕತೋಬಿ ಅಪ್ಣೆ ಕರಿಯೇತೆ ಖ್ಹಾರು ಕಾಮ್‍ಬಿ ಅಛ್ಛು಼ಕರಿ ಬೋಲಾನು ಬರೋಬರ್ ಕೊಯ್ನಿ.” ಖ್ಹಾರುಸ್ ಕಾಮ್ ಕರಾನ ಅದಿಕಾರ್‌ಛಾ಼ ಕತೋಬಿ ಅಖ್ಖೂಬಿ ಅದ್ಮಿವೋನ ಫಾಯಿದೊ ಕೊಹುಯಿರ‍್ಹೇಯ್ನಿ.

1 ಕೊರಿಂಥ 10:24

ಹರೇಕ್‍ಜ಼ಣು ಇವ್ಣ ಅಛ್ಛಾ಼ನ ಖಲಿ ನಾ ಸೋಚ್ಣುತೆ ಬಿಜಾ಼ನ ಅಛ್ಛಾ಼ನಾಬಿ ಸೋಚಾದೆ.

1 ಕೊರಿಂಥ 10:33

ಮೇತೊ ಮಾರಿ ಶೊಂತ್‍ ನಫ್ಫಾನಖ್ಹಾಜೆ ಢೂಂಡುಕೊಂತೆ ಖ್ಹಾರುಸ್ಜ಼ಣು ರಕ್ಷಣೆ ಲೇವ್ಣುಕರಿ ಇವ್ಣಿ ನಫ್ಫಾನಖ್ಹಾಜೆ ಅಖ್ಖಜ಼ಣಾಮ ಅಖ್ಖೀಸ್ ವಾತೇಮ ಖ್ಹರೈಲೆವುಸ್.

1 ಕೊರಿಂಥ 13:5

ಯೊ ಬಿಜೇಕ್‌ಜ಼ಣಾನಿ ಖ್ಹರಮ್‌ ಕಾಡಕೊಯ್ನಿ, ಇನ ಅಛ್ಛಾ಼ನಾಸ್ ಢೂಂಡಕೊಯ್ನಿ, ಒಗ್ಗೀಮ ಇರಾದೊಕರಾಕೊಯ್ನಿ, ಗಲತ್‌ನ ಗಣ್ತಿಮ ಘಾಲಕೊಯ್ನಿ.

1 ಕೊರಿಂಥ 14:26

ಇನಖ್ಹಾಜೇಥಿ ಭೈಯೇ ಭೇನೆವೊ ಅಪ್ಣೆ ಶಾತ್‌ ಬೋಲೆಜಾ಼ಯ್‍? ತುಮೆ ಸಬೆಮಳಾದೀನ್, ಹರೇಕ್‌ಜ಼ಣಾನ ಕೀರ್ತನೆ ರ‍್ಹವೊ, ಉಪದೇಶ್ ಕರಾನುರ‍್ಹೇವೊ ದೇವ್‍ಥಿ ನವು ಖ್ಹಾಚ಼ನ ಖ್ಹಮ್‍ಜಾ಼ಡಾನ ರ‍್ಹವೊ, ಅಲಕ್ ಬೋಲಿಮ ಬೋಲಾನು ರ‍್ಹವೊ, ಇನಿ ಮತಲಬ್‍ನ ಬೋಲಾನು ರ‍್ಹವೊ, ಆ ಖ್ಹಾರೂಸ್ ಸಬೆನ ಭಾಂದಾನು ರ‍್ಹವೊ ಆತ್ಮಮ ಭಡಾವಾನಖ್ಹಾಜೆ ಹುವಾದೆ.

1 ಕೊರಿಂಥ 14:3

ಕತೋಬಿ ಪ್ರವಾದ್‌ನೆ ಕರವಾಳೊತೊ ಅದ್ಮಿವೊನಿ ಜೋ಼ಡ್ಮ ವಾತೆ ಬೋಲಸ್. ಇವ್ಣಿ ಭಕ್ತಿ ಜಾ಼ಖ್ಹತ್‍ಕರಾನ, ಭಾಲಿದ್ಯವಾನ, ಸಮಾಧಾನ್ ಕರಾನಖ್ಹಾಜೆಕರಾಸ್.

2 ಕೊರಿಂಥ 12:19

ಹಮೆ ಅವ್ಡಿ ವಖ್ಹತ್ ತುಮಾರ ಖ್ಹಾಮ್ಣೆ ಆಡ್‌ಫೇಡ್ ಬೋಲುಕರಿಯೇಸ್‍ಕರಿ ಲಾಝ್ಯಾಕಿ ಶು? ದೇವ್ನ ಖ್ಹಾಮ್ಣೇಸ್ ಹಮೆ ಕ್ರಿಸ್ತಮರ‍್ಹೀನ್, ವಾತ್ ಬೋಲಾವಾಳ ಹುಯಿರ‍್ಹಾಸ್. ಪ್ಯಾರ್‌ನ ದೋಸ್ತಿವೊ, ಹಮೆ ಕರಾನು ಅಖ್ಖೂಬಿ ತುಮಾರಿ ಭಕ್ತಿನ ಜಾ಼ಖ್ಹತ್ ಕರಾನಸ್‍ ಹುಯಿರ‍್ಹೂಸ್.

2 ಕೊರಿಂಥ 13:9

ಹಮೆ ಕಮ್‍ಜೋ಼ರಿ ರ‍್ಹಯಾತೋಬಿ ತುಮೆ ತಾಖತ್‌ವಾಳ ಹುಯಿರ‍್ಹಾತೊ ಹಮೆ ಖ್ಹುಶಿಕರ್‌ಶು. ಆ ನಾಹುಯಿನ್ ತುಮೆ ಪೂರಪರಕ್‍ಥಿ ಬರೋಬರ್ ರ‍್ಹೇವ್ಣುಕರಿ ಪ್ರಾರ್ಥನೆ ಕರಿಯೇಸ್.

ಎಫೆಸ 4:12

ಯೋ ಕ್ರಿಸ್ತನ ಶರೀರ್‌ಮ ಎಕ್ಟುಹುವಾನಖ್ಹಾಜೆ ಅಖ್ಖಾ ದೇವ್ನ ಅದ್ಮಿವ್‌ನ ಕ್ರಿಸ್ತನ ಸೇವೆನ ಕಾಮ್ನಖ್ಹಾಜೆ ತಯಾರ್ ಕರಾನ ಟೇಕೆ ಯೋ ಅಮ್ ಕರ‍್ಯೊ.

ಎಫೆಸ 4:29

ತುಮಾರ ಮ್ಹೋಡೆಥಿ ಖಿವು ಖರಾಬ್ ವಾತೆ ನಾ ಆವ್ಣು. ಕತೋಬಿ ಭಕ್ತಿನ ಭಡಾವಾನಿ ಯೋವೇಳ್ಮ ಬೋಲ್ನುತೆ ವಾತೆ ಹುಯಿರ‍್ಹೇಣು. ತುಮೆ ವಾತೆ ಬೊಲ್ಯಾತೊ ಖ್ಹಮ್‌ಜಾ಼ವಾಳನಾಬಿ ಅಛ಼್ಛು ದೆಖಾವ್‌ಶೆ.