ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:4 - ದೇವ್ನಿ ಖ್ಹಾಚಿ ವಚನ್

⁴ ಬಿಜೇಕ್‍ಜ಼ಣ ಸೇವಕ್‌ನ ತೀರ್ಪ್‌ಕರಾನ ತೂ ಕೋಣ್? ಯೋ ಘಟ್‍ಥಿ ಭಿಯೋತೋಬಿ ರಡ್‍ಕ್ಯೊತೋಬಿ ಯೋ ಇನ ಯಜಮಾನ್ನ ಶೇರಾಸ್. ಶನಕತೊ ಇನ ಘಟ್ ಭೀರಾವಾನಿತರ ಕರಾನ ಪ್ರಭು ಶಕತ್‌ವಾಳೊ ಹುಯಿರೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:4 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:17

ಪ್ರಭು ಯೇಸುಕ್ರಿಸ್ತಮ ವಿಶ್ವಾಸ್‌ರಾಖ್ಯಾತೆ ಆಪ್ಣುನ ದಿದೋತೆ ವರನಾಸ್ ದೇವ್ನೆ ಆ ಅದ್ಮಿವೋನಾಬಿ ದಿದೊ. ಅಮ್‍ರ‍್ಹವಾನಾಪರ್ ಮೆ ದೇವ್ನ ಕಾಮ್ನ ಭೀರಾಖಾನ ಮೇ ಕೋಣ್? ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:23

ಇವ್ಣೆಜಿನೂಬಿ ಬಿಜೂ಼ಬಿ ಅವಿಶ್ವಾಸ್‌ಮ ಭಡ್ಯುನಾತೊ ಖಶಿ ಭಂದೈಜಾ಼ಶೆ. ಶನಕತೊ ಇವ್ಣುನ ಬಿಜು಼ಪಾಚು಼ ಖಶಿಭಂದಾವನ ದೇವ್ ತಾಖತ್‌ವಾಳೊ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:3

ಇನಖ್ಹಾಜೆ ಬೋಟಿ ಖಾವವಾಳೊ ಖಾಯಿಕೊಂತೆ ಇನ ನಕ್ಲೆ ನಕೊ ಕರಾದೆ. ಭಾಜಿಪಾಲೊ ಖಾವಾಳೊ ಬೋಟಿ ಖಾವವಾಳನ ತೀರ್ಪ್‌ನಕೊಕರಾದೆ. ಶನಕತೊ ದೇವ್ ಇವ್ಣ ಭೇಜ಼ಣಾನ ಮಳೈರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:25

ಅಪ್ಣೆ ದೇವ್ನ ಮಹಿಮೆ ಕರಿಯೆ ಮೆ ಯೇಸು ಕ್ರಿಸ್ತನಿ ಬಾರೇಮ ಬೋಲಿವತಾಳ್ಯೋತೆ ಸುವಾರ್ತೆನಿ ಘೋಣಿ ಅಜು಼ ಜ಼ಗ್‌ಜ಼ಮಾನೇಥಿ ಲಪಿರ‍್ಹೂಥೂತೆ ಹಮ್ಕೆ ದೆಖಾವನು ಗಪ್ಲತ್‌ನ ಖ್ಹಾಚಾ಼ನಿತರ ತುಮಾರಿ ವಿಶ್ವಾಸ್ಮ ತುಮುನ ಘಟ್ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:20

ಅಲ ಅದ್ಮಿ, ದೇವ್ನ ಆಡ್‌ಫೇಡ್ ವಾತೆ ಬೋಲವಾಳೊ ತು ಕೋಣ್? ಉಬ್ಜಿಹುಯು ಉಬ್‌ಜಾ಼ವವಾಳನ “ಶನ ಮನ ಅಮ್ ಉಬ್ಜಾ಼ಯೊಕರಿ ಬೋಲೆಜಾ಼ಯ್?

ಇಬ್ರಿ 7:25

ಇನಖ್ಹಾಜೆ ಯೋ ಇನೇಥಿ ದೇವ್‌ಕನ ಆವಾಳಾನ ಪೂರ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೊಸ್. ಶನಕತೊ ಇವ್ಣಖ್ಹಾಜೆ; ದೇವ್‌ಕನ ಬಿಂತೀಕರಾನ ಕೆದೇಬಿ ಜಿವಿರ‍್ಹವಾಳೊ ಹುಯಿರ‍್ಹೊಸ್.

1 ಪೇತ್ರ 1:5

ಕಡ್‍ಶೀನ ದನ್ಮ ಮಾಲುಮ್‌ ಹುವಾನ ತಯ್ಯಾರ್‌ಹುಯಿರ‍್ಹುತೆ ರಕ್ಷಣೆ ವಿಶ್ವಾಸ್ ಕರಾವಾಳ ತುಮುನ ಮಳ್‌ಣುಕರಿ ದೇವ್ ತುಮುನ ಇನಿ ಶಕಥ್ಥಿ ಬಚಾ಼ಡಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:24

ದೇವ್ ತಾಖತ್‌ವಾಳೊ ಹುಯಿರ‍್ಹೋಸ್. ತುಮೆ ಠೋಕರ್ ನಾ ಖಾವ್ಣುತೆತಿಮ್ ಮದತ್ ಕರಾವಾಳೊ ಹುಯಿರ‍್ಹೊಸ್. ಯೋ ತುಮಾರಮ ಶನೂ ಕಳಂಕ್‌ಕೊಂತೆ ತಿಮ್‍ಕರೀನ್ ಇನು ಮಹಿಮೆ ಝ಼ಗೋಕನ ಲ್ಯಾವಾನಾಬಿ ತುಮುನ ಮಹಾಖ್ಹುಷಿನ ದ್ಯವಾನಾಬಿ ಶಕತ್‌ವಾಳೊ ಹುಯಿರ‍್ಹೊಸ್.