ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:10 - ದೇವ್ನಿ ಖ್ಹಾಚಿ ವಚನ್

¹⁰ ಅಮ್‍ರ‍್ಹವಾಪರ್, ನಾಖಾವಳೊ ತೂ ಶನ ತಾರ ಭೈನ ತೀರ್ಪ್‌ಕರಸ್? ಅಖ್ಖಾಸ್ನ ಖಾವಾಳೊ ತು ತಾರ ಜೋ಼ಡ್ಮ ರ‍್ಹವಾಳ ವಿಶ್ವಾಸಿನ ಶನ ಚಾ಼ವ್‌ಣ್ಯ ಕಾಡಸ್‌? ಅಪ್ಣೆ ಖ್ಹಾರುಸ್ ದೇವ್ನು ನ್ಯಾವ್‍ನಿ ಝ಼ಗೋನಖ್ಹಾಮ್ಣೆ ಭೀರಿಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:10 ပူးပေါင်းရင်းမြစ်များ

ಮತ್ತಾಯ 7:1

“ತುಮೆ, ಬಿಜಾ಼ನ ತೀರ್ಪ್‌ ನಕೊ ಕರೊ, ತದೆ ದೇವ್‌ಬಿ ತುಮೂನ ತೀರ್ಪ್‌ ಕೋ ಕರ್‌ಶೇನಿ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:9

ಅತ್ರೇಸ್ ಕಾಹೆತೆ, ಹಮೇಸ್ ನೀತಿವಾಳ ಕರಿ ಭರೋಖ್ಹೊ ಕರೀನ್, ಬಿಜ಼ ಖ್ಹಾರಾನ ಕಡ್‌ತೇಲ್‌ನಿಮತ್ ದೇಖಾತೆ ಇವ್ಣುನಾಬಿ, ಯೇಸುನೆ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:11

ಹೆರೋದ ಅಜು಼ ಇನು ಸಿಪಾಯಿಖ್ಹಾರು ಯೇಸುನಿ ಛಿಂಘಾವ್ಣಿ ಕರೀನ್, ನಕ್ಲೆ ಕಾಡ್ಯು. ಅಜು಼ ಘಣು ಅಛ್ಛು಼ ಝ಼ಗ್ಗಾನ ಫೇರೈನ್, ಪಾಛು಼ ಪಿಲಾತಕನ ಮೋಕ್ಲಿದಿದೊ.

ಯೋಹಾನ 5:22

ಅತ್ರೇಸ್ ಕಾಹೆತೆ, ಬಾ ಕಿನಾಬಿ ತೀರ್ಪ್‌ ಕರ್ಶೆ ಕೊಯ್ನಿ. ತೀರ್ಪ್ ಕರಾನಿ ಭರ್‌ಪೂರ್‌ ಅದಿಕಾರ್‌ನ ಛಿಯ್ಯಾನ ದೀರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:42

ಅಜು಼ ಯೋಸ್ ಜಿವ್ತುರ‍್ಹವಾಳನ, ಮರಿರ‍್ಹಾವಳನ ದೇವ್‍ಥಿ ನ್ಯಾವ್‍ನೊ ಅಧಿಪತಿಹುಯಿನ್ ಚೂ಼ಣಾಯೊಹುಯೊ ಕರಿ ವತಾಳನಖ್ಹಾಜೆ ಸಾಕ್ಷಿ ಬೋಲ್‌ನು ಕರಿ ಅಪ್ಣುನ ಹುಕುಮ್‌ ದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:31

ಜಗತ್ನ ಅದ್ಮಿಖ್ಹಾರಾನು ನ್ಯಾಯನ ಫೆಡಾವನಖ್ಹಾಜೆ ದೇವ್ನೆ ಏಕ್‍ದನ್ನ ಖ್ಹಣೇದ್ ಕರಿರಾಖ್ಯೋಸ್. ತದೆ ನ್ಯಾವ್‌ನ ಫೇಡಾವನಖ್ಹಾಜೆ ಇನೆ ಏಕ್‍ಜ಼ಣಾನ ಕೇತ್ರಾಕಿ ವರಖ್ಹ್‌ನ ಪಾರಸ್ ಚೂ಼ಣಿರಾಖ್ಯೊಸ್. ಅನ ಹರೇಕ್‌ಜ಼ಣಾನ ಮಾಲುಮ್ ಕರಾವನಖ್ಹಾಜೆ ಆ ಏಕ್‍ಜ಼ಣಾನ ಮರ‍್ಯಹುಯಮಾಥು ಜಿವ್ತು ಉಠಾಡಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:11

‘ಘರ್ ಭಾಂದಾವಾಳ ಹುಯಿರ‍್ಹಾತೆ ತುಮೆ ನಕೊಕರಿ ಮ್ಹೆಂದಿದಾತೆ ಯೊ ಬಂಡೋಸ್ ಯೇಸು. ಯೋಸ್ ಮುಖ್ಯ ಹುಯಿರ‍್ಹುತೆ ಕೋಣಾನೊ ಬಂಡೊ ಹುಯಿಗಯೊ’.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:16

ಇನಖ್ಹಾಜೆ ಮೇ ಬೋಲುತೆ ಸುವಾರ್ತೆನಿಘೋಣಿ ಯೋ ದನ್ಮ ಅಮ್ಮಸ್ ದೇವ್ ಯೇಸುಕ್ರಿಸ್ತಥಿ ಅಖ್ಖಾಮ ಗಪ್ಲಥ್ಥಿ ರ‍್ಹೇಯ್ತೆ ಸೋಚ್ನ ತೀರ್ಪ್‌ ಕರ್ಶೆ.

1 ಕೊರಿಂಥ 4:5

ಅನಖ್ಹಾಜೆ ಕಬ್ಲಗು ಪ್ರಭು ಕೊ ಆವಾನಿಕಿ ಯೊ ವಖ್ಹತ್‌ನ ಅಗ್ಗಳಸ್ ಶನುಬಾರೇಮಾಬಿ ನ್ಯಾವ್‌ನು ತೀರ್ಪ್ ನಕೊಕರ್ಷು; ಇನೆ ಅಂಧಾರಮಾನು ಲಪಿಹುಯು ಕಾಮ್‌ಖ್ಹಾರು ಉಜಾ಼ಳಾಮ ಲೀನ್‌ ಆವ್‌ಶೆ. ಅದ್ಮಿನಿ ದಿಲ್ನಿಖ್ಹಾರಿ ಸೋಚ್ನ ಭಾರ್‌ ಕಾಡ್‌ಶೆ. ತದೆ ಹರೇಕ್‍ಜ಼ಣಾನ ಆವ್ಣುತೆ ಖ್ಹರಾವ್ಣಿ ದೇವ್‍ಥೀಸ್‍ ಮಳ್‌ಶೆ.

2 ಕೊರಿಂಥ 5:10

ಅಪ್ಣೆಖ್ಹಾರು ನ್ಯಾವ್ನಖ್ಹಾಜೆ ಕ್ರಿಸ್ತನ ನ್ಯಾವ್ನಿಝಗೊನ ಖ್ಹಾಮ್ಣೆ ಭಿರೇವ್ಣುಸ್‍ ಭೀರೇವ್ಣು. ಹರೇಕ್ ಜ಼ಣು ಆಲೋಕ್‍ನ ಶರೀರ್‌ಮ ಜಿವಿರ‍್ಹಾವಾನಿ ವಖ್ಹತ್‌ಮ ಕರಿರಾಖ್ಯೊತೆ ಅಛ್ಛಾ಼ನಖ್ಹಾಜೆ ರ‍್ಹವೊ ಖರಾಬ್‍ನಖ್ಹಾಜೆ ರ‍್ಹವೊ ಹೋಣುತೆ ಪ್ರತಿಫಲ್ ಲಿಶೆ.