ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:8 - ದೇವ್ನಿ ಖ್ಹಾಚಿ ವಚನ್

⁸ ಏಕ್‌ಥಿಏಕ್ ಪ್ಯಾರ್‌ಕರ‍್ನುಕರಿ ಬೋಲಾನು ಕರಜ಼ಸ್ ಪಣ್ಕಿ ತುಮೂನ ಬಿಜು಼ ಖೆವು ಕರಜ಼್ ನಾರ‍್ಹೇವ್ಣು. ಶನಕತೊ ಬಿಜೇಕ್‍ಜ಼ಣಾನ ಪ್ಯಾರ್ ಕರಾವಾಳೊ ಧರ್ಮಶಾಸ್ತ್ರನಸ್ ಚ಼ಲೈರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:8 ပူးပေါင်းရင်းမြစ်များ

ಮತ್ತಾಯ 7:12

ಅದ್ಮಿಖ್ಹಾರು ತುಮೂನ ಶಶ್ಶಾತ್ ಕರ‍್ನುಕರಿ ತುಮೆ ಆಖ್ಹ್ ಕರೋಸ್ಕಿ, ಯೋಸ್ ತುಮೆ ಇವ್ಣುನ ಕರೊ: ಮೋಶೇನು ಧರ್ಮಶಾಸ್ತ್ರ ಅಜು಼ ಪ್ರವಾದಿಯೇನು ವಚನ್ನು ಮತ್‌ಲಬ್ ಆಸ್ ಹುಯಿರ‍್ಹೂಸ್.

ಯೋಹಾನ 13:34

ಹಮ್ಕೆ ಮೇ ತುಮೂನ ಏಕ್‌ ನವಿ ಹುಕುಮ್‌ ದೆವುಸ್ ತುಮೆ ಏಕ್‌ಥಿ-ಏಕ್‌ ಲಾಡ್‌ ಕರೊ. ಮೇ ತುಮೂನ ಲಾಡ್‌ ಕರ‍್ಯೊತೆ ತಿಮ್ಮಸ್, ತುಮೇಬಿ ಏಕ್‌ಥಿ-ಏಕ್‌ ಲಾಡ್‌ ಕರ್ನುಸ್‍ಕರ‍್ನು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:10

ಪ್ಯಾರ್ ಇನ ಭೀಡೆವಾಳನ ಖಿವು ಕೇಡ್ ಕರಾಕೊಯ್ನಿ. ಇನಖ್ಹಾಜೆ ಪ್ಯಾರ್ ಧರ್ಮಶಾಸ್ತ್ರನ ಭರ್‌ಪೂರ್‌ ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:7

ತುಮೆ ಕಿನಶಾತ್‍ ದೇವ್ಣುಕಿ ಯೋ ದೇವೊ, ಕಿನ ಕಂದಾಯಕಿ ಇನ ಕಂದಾಯ ದೇವೊ, ಕಿನ ಶುಂಕಕಿ ಇವ್ಣುನ ಶುಂಕದೆವೊ. ಅಜು಼ ಕಿನ ಡರ‍್ನುಕಿ ಇನ ಡರೊ, ಕಿನ ಅಧೀನ್‌ಕಿ ಇನ ಅಧೀನ್ ರ‍್ಹವೊ, ಕಿನ ಮರ್ಯಾದಿಕಿ ತಿನ ಮರ್ಯಾದಿ ದೆವೊ.

ಗಲಾತ್ಯ 5:14

ತಾರ ಭೀಡೆವಾಳನ ತಾರಿನಿತರಾಸ್ ಪ್ಯಾರ್ ಕರ್ನುಕರಿ ಎಕ್ಕಸ್ ಹುಕುಮ್ಮ ಧರ್ಮಶಾಸ್ತ್ರಸ್ ಲಪಿರ‍್ಹುಸ್.

ಕೊಲೊಸ್ಸೆ 3:14

ಅಜು಼ ಭರ್‌ಪೂರ್‌ಮ ಅಖ್ಖುಜ಼ಣು ಒಗ್ಗಟ್‍ಥಿ ಭಂದೈರ‍್ಹೀನ್ ಪ್ಯಾರ್‌ಮ ಭರೈರ‍್ಹೆವೊ.

1 ತಿಮೊ 1:5

ಪಾಕ್‌ ದಿಲ್‌, ಅಛ್ಛಿ ಖ್ಹಯಾಲ್, ಶುದ್ಧಮನ್‌ಥೀಬಿ ವಿಶ್ವಾಸ್‍ಥಿ ಪೈದಹುಯುತೆ ಪ್ಯಾರ್ ದೇವ್ನಿ ಹುಕುಮ್‌ನಿ ಶುಶತ್ ಹುಯಿರ‍್ಹಿಸ್.

ಯಾಕೋಬ 2:8

ಕತೋಬಿ ಧರ್ಮಶಾಸ್ತ್ರಮ ಛಾ಼ತೆ, “ತಾರ ಭೀಡೆವಾಳನ ತಾರಿನಿತರಸ್‍ ಪ್ಯಾರ್ ಕರ‍್ನು!” ಕರಿ ಬೋಲಾನು ರಾಜ಼ನಿ ಹುಕುಮ್‌ನ ಚ಼ಲಾವವಾಳ ಹುಯಿರ‍್ಹಾತೊ ತುಮೆ ಅಛ಼್ಛು ಕರಾವಾಳ ಹುಯಿರ‍್ಹಿಶು.

1 ಯೋಹಾನ 3:10

ಅಜು಼ ನೀತಿನ ವಾಟ್‌ಮ ನಾಚಾ಼ಲವಾಳೊ, ಇವ್ಣ ಭೈಯೇ ಅಜು಼ ಭೇನೇನ ಲಾಡ್‌ ನಾಕರವಾಳೊ ದೇವ್‍ಥಿ ಪೈದಹುಯೊ ಕೊಯ್ನಿ. ಅಮ್ ದೇವ್ನ ಲಡ್ಕಾ ಕೋಣ್ ಅಜು಼ ಶೈತಾನ್ನ ಲಡ್ಕಾ ಕೋಣ್‌ಕರಿ ಮಾಲುಮ್ ಕರಿಲೆಯೆಜಾ಼ಯ್‍.