ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:5 - ದೇವ್ನಿ ಖ್ಹಾಚಿ ವಚನ್

⁵ ಇನಖ್ಹಾಜೆ ಖಲಿ ದೇವ್ನಿ ನಿಶತ್ನಖ್ಹಾಜೆಕರಿ ಕಾಹೆ, ದಿಲ್ನಿಸಾಕ್ಷಿನಖ್ಹಾಜೇಬಿ ಅಧಿಕಾರಿಯೇನ ಅಧೀನ್‍ ಹುಯಿರ‍್ಹವಾನು ಜ಼ರೂರತ್ ರ‍್ಹೇಸ್,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:5 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:16

ಇನಾಖ್ಹಾಜೆ ದೇವ್ ಬಿಜು಼ ಅದ್ಮಿನ ಖ್ಹಾಮ್ಣೆ ಮಾರೇಥಿ ಹುವಾಯೆತ್ರೆ ದಿಲ್ನಿಸಾಕ್ಷಿನ ಕದೇಬಿ ಪಾಕ್‌ ರಾಖಾನ ಕೋಶಿಶ್ ಕರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:6

ಅನಖ್ಹಾಜೆಥೀಸ್ ತುಮೆ ಶುಂಕ ದೆವ್‌ಕರಾಸ್. ಶನಕತೊ ಅಧಿಕಾರಿಖ್ಹಾರು ದೇವ್ನ ಸೇವಕ್ ಹುಯಿರ‍್ಹಿನ್ ಯೋ ಕಾಮಸ್‌ ಕರಾವಾಳ ಹುಯಿರೇಸ್.

ಇಬ್ರಿ 13:18

ಹಮಾರ ಖ್ಹಾಜೆ ಪ್ರಾರ್ಥನೆ ಕರೊ. ಅಪ್ಣೆ ಹರೇಕ್ ವಿಚಾರ್‌ಮ ಅಛ಼್ಛ ಹುಯಿನ್ ಚಾ಼ಲಿಲೇವ್ಣುಕರಿ ಸೋಚಿಯೆ. ಶನಕತೊ ಹಮೆ ಅಖ್ಖಿವೇಳ್ಮ ದಿಲ್ನಿಸಾಕ್ಷಿನ ಲೀರಾಖ್ಯಸ್‌ಕರಿ ಮಾನಿರಾಖ್ಯಸ್.

1 ಪೇತ್ರ 2:19

ಎಕ್‍ಜ಼ಣೊ ಅನ್ಯಾಮ್‍ಥಿ ಖ್ಹತಾವಾಳೊ ಹುಯಿರ‍್ಹಿನ್ ದೇವ್ ದೇಕ್‌ಶೆಕರಿ ಇನ ಖ್ಹಮಾಳಿಲಿದೋತೊ, ಯೋ ಖ್ಹರಾವ್ಣಿನ ಲ್ಹಾಯಕ್ ಹುಯಿರ‍್ಹೊಸ್.

1 ಪೇತ್ರ 3:16

ಅಜು಼ ಅಛ಼್ಛು ದಿಲ್‌ನಿಸಾಕ್ಷಿವಾಳ ಹುಯಿ‍ರ‍್ಹೆವೊ. ತದೆ ತುಮೆ ಖರಾಬ್‌ನ ಕರಾವಾಳಕರಿ ತುಮಾರಿ ಬಾರೇಮ ಖರಾಬ್ ವಾತೆ ಬೋಲಿನ್ ಕ್ರಿಸ್ತಮಛಾ಼ತೆ ತುಮಾರಿ ಅಛ್ಛಿ಼ಚಾ಼ಲ್‍ನಿ ಬಾರೇಮ ಖರಾಬ್‍ವಾತ್‍ ಬೋಲಾವಾಳು ತುಮುನ ಚಾ಼ವ್‍ಣ್ಯ ಕಾಡಾನ ಖ್ಹರ್‌ಮೈಜಾ಼ಶೆ.