ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:2 - ದೇವ್ನಿ ಖ್ಹಾಚಿ ವಚನ್

² ಇನಖ್ಹಾಜೆ ಅದಿಕಾರ್‌ನ ವಿರೋದ್ ಹುವವಾಳು ಅದ್ಮಿ ಖ್ಹಾಚಮಾಸ್ ದೇವ್ನಿ ನಿಯಮ್ನಾಸ್ ವಿರೋದ್ ಹುಯಿರ‍್ಹುಸ್. ಖ್ಹರ್ಕಾರ್‌ನ ಖ್ಹಾಮ್ಣೆ ಹುವವಾಳು ಇನುಯೋಸ್ ನ್ಯಾಯತೀರ್ಪ್‌ ಲೀಲೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:2 ပူးပေါင်းရင်းမြစ်များ

ಮತ್ತಾಯ 23:13

“ಮೋಶೆನಿ ವಚನ್ನ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ಅದ್ಮಿಖ್ಹಾರು ಸೊರ್ಗಾನು ರಾಜ್ಯಮ ಜಾ಼ವಾನು ಬಾಕಲ್‌ನ ತುಮೆ ಖ್ಹಾಮ್ಣೆ ಮೂಚಿನಾಖೋಸ್, ತುಮೇಬಿ ಮಹಿ ಕೋಜಾ಼ಯ್ನಿ ಅಜು಼ ಮಹಿ ಜಾ಼ವ್ಣುಕರಿ ಕರಾವಾಳಾನಾಬಿ ಕೋ ಮ್ಹೇಲೋನಿ.

ಮಾರ್ಕ 12:40

ಇವ್ಣೆ ಮುಂಡಚ್ಚಿ ತಯೇಡಾವ್‌ನ ಠಗೈನ್ ಇವ್ಣ ಘರ್‌ನ ಲೂಟಿಲೇಸ್ ಅಜು಼ ಅದ್ಮಿನ ವತಾಳಿಲ್ಯಾವನಖ್ಹಾಜೆ ಲಾಂಬಿ ಪ್ರಾರ್ಥನೆ ಕರಾಸ್. ಅವ್ಣಪರ್ ಘಣೇಥಿ ಘಣಿ ನಿಶತ್‌ ಮಳ್‍ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:47

ಅವ್ಣೆ ಮುಂಡಚ್ಚಿ ತಯೇಡಾವ್‌ನ ಘರ್‌ನ ಲೂಟಿನ್, ವತಾಳಿಲ್ಯಾವನಖ್ಹಾಜೆ ದೇವ್ನ ಲಾಂಬಿ ಪ್ರಾರ್ಥನೆ ಕರಾಸ್. ಅಥ್ರಾವ್ನ ಘಣಿ ನಿಶತ್‌ ಮಳ್‍ಶೆ!” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:1

ಹರೇಕ್‍ಜ಼ಣುಬಿ ಇನ ಉಪ್ಪರ್‌ಲ್ಯ ಅಧಿಕಾರಿಯೇನ ಅಧೀನ್ ಹುಯಿರ‍್ಹೇಣು; ಶನಕತೊ ದೇವ್‍ಥಿ ಪಣ್ಕಿ ಏಕ್‍ಜ಼ಣಾನಬಿ ಅದಿಕಾರ್ ರ‍್ಹೇಯಿಕೊಯ್ನಿ; ಛಾ಼ತೆ ಅದಿಕಾರ್ ದೇವ್‍ಥೀಸ್‍ ಆಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:3

ಶನಕತೊ ಖರಾಬ್‌ನ ಕರಾವಾಳನ ಅದಿಕಾರಿಯೇವ್‍ನು ಡರ್‌ರ‍್ಹೇಸ್ ಪಣ್ಕಿ, ಅಛ಼್ಛು ಕರವಾಳನ ಕಾಹೆ. ಅದಿಕಾರಿಯೇಥಿ ತೂ ಡರ್‌ಕೊಂತೆ ರ‍್ಹವಾನು ಆಖ್ಹ್‌ಕರಸ್‍ಕಿ ಶು? ಅಛ಼್ಛನಕರ್. ತದೆ ಇವ್ಣೇಥಿ ತುನ ಖ್ಹರಾವ್ಣಿ ಮಳ್‍ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:5

ಇನಖ್ಹಾಜೆ ಖಲಿ ದೇವ್ನಿ ನಿಶತ್ನಖ್ಹಾಜೆಕರಿ ಕಾಹೆ, ದಿಲ್ನಿಸಾಕ್ಷಿನಖ್ಹಾಜೇಬಿ ಅಧಿಕಾರಿಯೇನ ಅಧೀನ್‍ ಹುಯಿರ‍್ಹವಾನು ಜ಼ರೂರತ್ ರ‍್ಹೇಸ್,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:19

ಇಮ್‍ಕತೊ, “ದೇವ್ ಬಿಜೂ಼ಬಿ ಗಲತ್‌ ಢೂಂಡಸ್ ಶನ? ಇನಿ ಮರ್ಜಿನ ಖ್ಹಾಮ್ಣೆ ಭೀರ‍್ಹವಾಳು ಕೋಣ್?” ಕರಿ ಮನ ಬೋಲಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:1

ಖಾನೂಲ್‌ ಚ಼ಲಾವವಾಳಾನಿ ಅಜು಼ ಅದಿಕಾರಿ ಖ್ಹಾರಾನಿ ವಾತೇನ ಖ್ಹಮಜ಼್‌ಣು ಕರಿ ಅಜು಼ ಖ್ಹಾರೂಸ್ ಅಛ಼್ಛುಕಾಮ್ ಕರಾನ ತೈಯಾರ್ ರ‍್ಹೇಣು ಕರಿ ತಾರ ಅದ್ಮಿ ಖ್ಹಾರಾನ ಯಾದ್ ದೆವಾಡ್.

ಯಾಕೋಬ 3:1

ಮಾರ ಭೈಯೇ ಭೇನೆವೊ. ಖ್ಹಾರುಸ್ಜ಼ಣು ಶಿಕಾಡನ ಉತ್ವಾಳಿ ನಕೊಕರೊ, ಶಿಕಾಡವಾಳ ಹುಯಿರ‍್ಹಾತೆ ಅಪ್ಣೆ ಅಲಕ್‍ ಜ಼ಣೆಥೀಬಿ ಘಣಿ ನ್ಯಾಯತೀರ್ಪ್‌ನ ಶುಶತ್ಉಶು.

1 ಪೇತ್ರ 2:13

ಆ ಜಗತ್‌ನು ಅದಿಕಾರಿ ನೇಮಕ್ ಕರ‍್ಯುತೆ ಹರೇಕ್ ಒಪ್ಪಂದನಾಬಿ ಪ್ರಭುನಖ್ಹಾಜೆ ತುಮೆ ಅಧೀನ್‍ಹುವೊ. ಅಖ್ಖಾಸ್‌ಪರ್ ಅದಿಕಾರಿ ಹುಯಿರೋತೆ ರಾಜ಼ನಾಬಿ ಅಧೀನ್‌ರ‍್ಹವೊ,