ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:8 - ದೇವ್ನಿ ಖ್ಹಾಚಿ ವಚನ್

⁸ ಯೊ ಹುಮ್ಮಖ್ಹ್‌ ದೆವಾಳೊ ಉಷೇತೆ, ಹುಮ್ಮಖ್ಹ್‌ ದ್ಯವಾದೆ. ಧರಮ್ ದ್ಯವಾನು ವರ ಉಷೇತೊ ಯೋ ಛು಼ಟಾದಿಲ್‍ಥಿ ದ್ಯವಾದೆ. ಅದಿಕಾರಿ ಉಶೇತೊ, ಯೋ ನಿಯ್ಯಥ್ಥಿ ಚಾ಼ಲದೆ, ಗೋರ್‌ ವತಾಳವಾಳೊ, ಇನ ಖುಷಿಥಿಬಿ ಕರಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:8 ပူးပေါင်းရင်းမြစ်များ

ಮತ್ತಾಯ 25:40

ತದೆ ಯೋ ರಾಜಾ಼ ಫರೈನ್, ‘ಆ ಮಾರ ಭೇನೆ-ಭೈಯೇಮ ಕಡ್‌ತೇಲ್‌ನಿಮತ್ ಥೂತೆ ಏಕ್‌ನ ತುಮೆ ಶಶ್ಶಾತ್ ಕರ‍್ಯಾಕಿ, ಯೋ ಮನಾಬಿ ಕರಾದಾಖ್ಹಲ್ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್’ ಕರಿ ಬೋಲ್‌ಶೆ!

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:23

ಬಾರ್ನಬ ಅಂತಿಯೋಕ್ಯನ ಪೋಚಾ಼ನಿವಖ್ಹತೆ ದೇವ್ನ ಅದ್ಮಿವೋನ ವಿಶ್ವಾಸ್ ಭಡಾವ್ತೊ ಹುಯಿನ್ ಪ್ರಭುಮ ಹುಮ್ಮಖ್ಹ್‌ ಕರಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:12

ಅನ ದೆಖ್ಯೊತೆ ರಾಜ್ಯಪಾಲ್‌ನೆ ಪ್ರಭುಪರ್ ವಿಶ್ವಾಸ್‍ಕರಿನ್ ಪ್ರಭುನಿಬಾರೆನು ಶಿಕಾಡನು ಖ್ಹಮ್‌ಜಿನ್‌ ಆಶ್ಚರ್ಯ ಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:15

ಮೋಶೆನ ಧರ್ಮಶಾಸ್ತ್ರಕನ ಅಜು಼ ಪ್ರವಾದಿಖ್ಹಾರನ ದಪ್ತರ್‌ನ ಪಢೈ ಹುಯಿಜಾ಼ವಾದಿನ್ ಸಬಾಮಂದಿರ್‌ನೊ ಗಲ್‍ಢಖ್ಹಾರಾನೆ ಪೌಲ ಬಾರ್ನಬ, “ಭೈಯೇ ಭೇನೆವೊ, ಅದ್ಮಿಖ್ಹಾರಾನ ಮದತ್ ಹುವಾನಿತರ ಶಾತ್ತೋಬಿ ಭಾಲಿನಿವಾತೆ ಬೋಲ್ನುಕರಿ ಉಷೇತೊ ತುಮೆ ಬೋಲೊ” ಕರಿ ಇವ್ಣಕನ ಬೋಲಿ ಮೋಕ್‍ಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:32

ಯೂದ ಬಿಜು಼ ಸೀಲಬಿ ಪ್ರವಾದಿ ಹುಯಿರ‍್ಹಥಾತೆಖ್ಹಾಜೆ ಇವ್ಣಿ ಕೈಯೆಕ್ಕಿ ಥರಾನಿ ವಾತೆ ಖ್ಹಮ್‌ಜಿನ್‌ ಭೇನೆ ಭೈಯೇವ್‌ಖ್ಹಾರಾನ ಹಿಮ್ಮತ್‌ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:2

ಯೋ ತಬರ್‌ಖಾಮ ಚಾ಼ಲ್‍ಕುಚ಼್ ಕರ್ತೊಹುಯಿನ್ ಹಿಜ್ಜಾ಼ವಾಳನ ಕೈಏಕ್ ವಾತೇಥಿ ಭಾಲಿ ದೇತೊಹುಯಿನ್ ಗ್ರೀಸ್‌ ದೇಖ್ಹ್‌ನ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:28

ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:36

ಅಮ್ನಿಸ್ ಪರಕ್ಮ ಸೈಪ್ರಸ್ ಗಾಮ್ಮ ಪೈದಹುಯೊತೆ ಲೇವಿ ಹುಯಿರೊಥೋತೆ ಯೋಸೇಫಕರಿ ಏಕ್‍ಜ಼ಣೊ ಥೊ. ಇನ ಅಪೊಸ್ತಲ್‌ಖ್ಹಾರು ಬಾರ್ನಬ ಕರಿ ಬೋಲ್ತುಥು. ಇಮ್‍ಕತೊ “ಏಕ್‌ನ ಭಾಲಿ ದ್ಯವವಾಳೊ” ಕರಿ ಅರ್ಥ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:13

ಜ಼ರೂರತ್ ರ‍್ಹವಾಳ ದೇವ್ನ ಅದ್ಮಿನಿ ಜೋ಼ಡ್ಮ ತುಮಾರಕನ ಛಾ಼ತೆ ಇನಾಮ ಮದತ್ ಕರೊ, ಮ್ಹೇಮಾನ್ನ ಘರ್‌ಮ ಬುಲೈನ್ ಉಪಚಾರ್ ಕರೊ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:6

ಅನಖ್ಹಾಜೆಥೀಸ್ ತುಮೆ ಶುಂಕ ದೆವ್‌ಕರಾಸ್. ಶನಕತೊ ಅಧಿಕಾರಿಖ್ಹಾರು ದೇವ್ನ ಸೇವಕ್ ಹುಯಿರ‍್ಹಿನ್ ಯೋ ಕಾಮಸ್‌ ಕರಾವಾಳ ಹುಯಿರೇಸ್.

1 ಕೊರಿಂಥ 12:28

ದೇವ್ ಇನಿ ಸಬೆಮ ಪಹಿಲೆ ಅಪೊಸ್ತಲರ‍್ನ, ಬೇನು ಪ್ರವಾದಿಖ್ಹಾರನ, ತೀನ್ನು ಸಂದೇಶ್ ಶಿಕಾಡವಳನ ಮಿಛಾ಼ಣ್ಯೋಸ್. ಪಾಛ಼ಳ್‍ಥು ಅದ್ಭುತ್‌ ಕಾಮ್ನ ಕರಾವಾಳನ, ರೋಗ್ ಅಖ್ಖು ಅಛ್ಛು಼ ಕರವಾಳನ, ಅಲಕ್‌ನ ಮದತ್ ಕರವಾಳನ,ವಾಟ್‌ವತಾಳವಾಳನ, ಥರಥರಾನಿ ಬೋಲಿ ಬೋಲಾನಿ ವರಾನ ದೀರಾಖ್ಯೊಸ್.

1 ಕೊರಿಂಥ 14:3

ಕತೋಬಿ ಪ್ರವಾದ್‌ನೆ ಕರವಾಳೊತೊ ಅದ್ಮಿವೊನಿ ಜೋ಼ಡ್ಮ ವಾತೆ ಬೋಲಸ್. ಇವ್ಣಿ ಭಕ್ತಿ ಜಾ಼ಖ್ಹತ್‍ಕರಾನ, ಭಾಲಿದ್ಯವಾನ, ಸಮಾಧಾನ್ ಕರಾನಖ್ಹಾಜೆಕರಾಸ್.

2 ಕೊರಿಂಥ 1:12

ಹಮೆ ಆ ವಾತ್ನಿ ಬಾರೇಮ ಕಂಡಿ ಛ಼ಡೈಲಿಯೇಸ್ಕಿ, ಹಮೆ ಖಲಿ ಅದ್ಮಿವೋನಿ ಅಕ್ಕಲ್‍ನ ಲಿದಾಕೊಂತೆ ದೇವ್ನ ವಾರ್‌ಖ್ಹಾನ ಆಖ್ಹ್‌ರಾಮ ಪರಿಶುದ್ಧಬಿ ನಿಯತ್‍ವಾಳಾಬಿ ಹುಯಿನ್ ಆ ಜಗತ್ಮ ತುಮಾರಿ ಬಾರೇಮ ಚಾ಼ಲಿಲಿದಾಕರಿ ಹಮಾರು ದಿಲ್‌ ಹಮೂನ ಸಾಕ್ಷಿ ಬೋಲಸ್.

2 ಕೊರಿಂಥ 11:3

ಕತೋಬಿ ಹವ್ವ ಖ್ಹಾಪ್‍ನ ಲಬುಜ಼್‌ನಿ ವಾತ್ಮ ಮೈಕಮ್‍ಹುಯಿನ್ ಧೋಕಹುಯಿತೆ ತಿಮ್ ತುಮಾರು ದಿಲ್‌ ಕ್ರಿಸ್ತನಿ ಬಾರೇಮ ರ‍್ಹೇವ್ಣುಥೂತೆ ಶುದ್ಧಮನ್‌ಥೀಬಿ ಪರಿಶುದ್ ಭಕ್ತಿನಾಬಿ ಮ್ಹೇಲಿನ್ ಖರಾಬ್ ಹುಯಿಜಾ಼ಶೆಕರಿ ಡರ್‌ ಮಾರಾಮ ಛಾ಼.

2 ಕೊರಿಂಥ 8:12

ಏಕ್‍ಜ಼ಣೊ ದ್ಯವಾನೊ ದಿಲ್‍ರ‍್ಹಿನ್ ಯೋ ಇನ ದಿಲ್ನಿ ಅನುಸಾರ್ ದಿದೊತೊ ತುಮಾರು ದಾನ್ ಸ್ವೀಕಾರ್ ಹುಯಿರ‍್ಹಿಶೆ; ಇನ ದೇವ್‍ಥಿ ಲ್ಹಾಯೇಕ್ ಮಳ್‍ಶೆ.

2 ಕೊರಿಂಥ 9:11

ಅಮ್‍ ತುಮೆ ಅಖ್ಖಕಾಮ್ಮಬಿ ಶೌಕಾರಿ ರ‍್ಹೀನ್ ದಿಲ್‍ಛೋ಼ಡಿ ದ್ಯಾವಾನ ಶಕತ್‌ವಾಳ ಹುಯಿರ‍್ಹಿಶು. ತುಮಾರಿ ದಾನಅಖ್ಖು ಹಮಾರ ಹಾತೇಥಿ ಬಿಜೇಕ್‍ಜ಼ಣಾನ ಮಳ್ಯುತೊ ಯೊ ದೇವ್ನ ಧನ್ಯವಾದ್ನಿ ಸ್ತುತಿಹುವಸ್.

2 ಕೊರಿಂಥ 9:13

ಕ್ರಿಸ್ತನಿ ಸುವಾರ್ತೆನಿ ಸ್ವಿಕಾರ್‌ಥಿ, ತುಮೆ ಕೆತ್ರೆ ನಿಯ್ಯತ್‍ನ ಸೇವೆ ಕರಾವಾಳ ಹುಯಿರ‍್ಹಾಸ್, ಅಜು಼ ತುಮುನಾಬಿ ಬಿಜಾ಼ನಾಬಿ ಕೆತ್ರೆ ದಿಲ್‌ ಛೋ಼ಡಿದ್ಯಾವಾಳ ಹುಯಿರ‍್ಹಾಸ್ ಕರಿ ಬೋಲಾನು ಖ್ಹಮ್‌ಜಿನ್‌ ಕೈಏಕ್‍ಜ಼ಣು ದೇವ್ನ ಖ್ಹರಾವ್‌ಶೆ.

2 ಕೊರಿಂಥ 9:7

ಹರೇಕ್ ಜ಼ಣೋಬಿ ಇವ್ಣ ದಿಲ್ಮ ನಿರ್ಧಾರ್‌ಕರಾತೆ ಪರಕ್ಮ ದ್ಯವಾದೆ. ಕೋಣ್‌ಬಿ ದುಖ್‌ಥಿ ರ‍್ಹವೊ, ಜು಼ಲಮ್‌ಥಿ ರ‍್ಹವೊ ನಾದೇವ್ಣು ಎಥ್ರಾನವಾಳನ ದೇವ್ ಪ್ಯಾರ್‌ಕರಸ್.

ಎಫೆಸ 6:5

ಆಳ್‍ಖ್ಹಾರ, ಆ ಜಗತ್ನ ಯಜಮಾನ್ ಹುಯಿರ‍್ಹವವಾಳನ ಕ್ರಿಸ್ತನಿ ದಾಬುಕ್ಮ ಕಿಮ್ ರ‍್ಹೇಸ್ಕಿ ಇಮ್ಮಸ್ ದಿಲ್ಮ ಡರ್‌ಥಿ ಕಾಪವಾಳಹುಯಿರ‍್ಹೀನ್ ಛು಼ಟ ದಿಲ್‌ವಾಳಹುಯಿನ್ ದಾಬುಕ್ಮ ರ‍್ಹವೊ.

ಕೊಲೊಸ್ಸೆ 3:22

ಚಾ಼ಕ್ರಿ ಕರಾವಾಳವೊ ತುಮಾರೊ ಜಗತ್‌ನು ಯಜಮಾನ್ ಯೋ ದೇಖುಕರಾನಿ ವಖ್ಹತ್ ಖಲಿ ವಿಧೇಯ ಹುಯಿನ್ ಚಾ಼ಕ್ರಿ ಕರಾವಾಳ ನಾರ‍್ಹೇವ್ಣುತೆ ಪ್ರಭುನ ಡರ್‌ಭಕ್ತಿನ ದಿಲ್‌ವಾಳ ಹುಯಿನ್ ಕಾಮ್‍ಕರೊ.

1 ಥೆಸ 2:3

ಹಮಾರಿ ಸಮಾಚಾರ್ ಹುಮ್ಮಖ್ಹ್‌ನು ಹುಯಿರ‍್ಹುಸ್. ಮೈಲುಬಿ ಕಾಹೆ, ಅಜು಼ ತುಮೂನ ಠಗಾವ಼್ಣು ಕರಿ ಕಾಹೆ.

1 ಥೆಸ 2:8

ಶನಕತೊ ಹಮೆ ತುಮೂನ ಜಾ಼ಖ್ಹತ್ ಪ್ಯಾರ್ ಕರ‍್ಯಾತೆ ಇನಖ್ಹಾಜೆ ದೇವ್ನಿ ಅಛ್ಛಿ ಸಂದೇಶ್ ಖಲಿ ಬೋಲಾನಟೇಕೆ ಕಾಹೆತೆ ತುಮಾರಖ್ಹಾಜೆ ಜಾನ್ನ ದ್ಯವಾನಾಬಿ ಹಮೆ ತಯಾರ್ ಹುಯಿರಾಸ್.

1 ತಿಮೊ 4:13

ಮೇ ಆವಾತೋಡಿ, ತೂ ಅಖ್ಖಾನ ಖ್ಹಾಮ್ಣೆ ವಚನ್‌ ಪಢಾಮ, ಬೋಲಿದ್ಯವಾಮ ಅಜು಼ ಶಿಕಾಡಾಮ ಹುಮ್ಮಖ್ಹ್‌ಥಿ ರ‍್ಹೇ.

1 ತಿಮೊ 5:17

ಸಬೇಮ ಅಛ್ಛಿನಿತರ ಕಾಮ್ ಕರಾಸ್ತೆ ಶಾಣ ಅದ್ಮಿನ ಬೇ ಪಟ್ ಮರ್ಯಾದಿ ದೇವ್ಣು. ತದೆ ವಚನ್ ಬೋಲಿದ್ಯವಾಮ ಅಜು಼ ಶಿಕಾಡಾಮ ಯೊ ಮ್ಹಿನತ್ ಕರಾಸ್.

1 ತಿಮೊ 6:18

ಇವ್ಣುನ ಹುಕುಮ್ ದೇಕಿ; ಇವ್ಣೆ ಅಛ್ಛು಼ ಕಾಮ್ ಕರ‍್ನು. ಅಜು಼ ಅಛ್ಛು಼ ಕಾಮ್ ಕರಾಮ ಇವ್ಣೆ ಶೌಕಾರಿ ಹುಯಿರ‍್ಹೇಣು, ಧರ್ಮಿ, ಅಜು಼ ಇವ್ಣಾಕನ ಛಾ಼ತೆ ಜಿನಖ್ಹ್‌ನ ವಾಟಪಾಡಿಲ್ಯವಾದೆ.

ಇಬ್ರಿ 10:25

ಸಬೆ ಮಳಾನು ಆದತ್‌ನ ಥೋಡುಜ಼ಣು ಮ್ಹೆಲಿದಿದೂತೆ ತಿಮ್ ಅಪ್ಣೆ ಮ್ಹೇಲಿನಾದೆವ್ಣುತೆ, ಅಪ್ಣುನ ಮಾಲುಮ್‌ ಛಾ಼ತೆ ಪರಕ್ಮ ಪ್ರಭು ಆವಾನದನ್‍ ಖನ್ನೆ ಐಗಾತೆ ಇನಖ್ಹಾಜೆ ಬಿಜೂ಼ಬಿ ಘಣು ಏಕ್‌ಥಿಏಕ್ ಹುಮ್ಮಖ್ಹ್‌ ದಿಯೇ.

ಇಬ್ರಿ 13:17

ತುಮಾರು ಸಬೆನ ಮೋಟಾವ್ನಿ ವಾತೆನ ಖ್ಹಮ್‌ಜೊ಼, ಇವ್ಣ ದಾಬುಕ್ಮ ರ‍್ಹವೊ. ಇವ್ಣೆ ಗಣ್ತಿ ದೇವ್ಣುತೆ ಖ್ಹಾಜೇಥಿ ತುಮಾರ ಆತ್ಮವ್‌ನ ಕಾವ್ಲಿ ಕರಾವಾಳ ಹುಯಿರ‍್ಹಾಸ್. ಇವ್ಣೆ ದುಖ್ ನಾಕರ‍್ನುತೆ ಖ್ಹುಶಿಥಿ ಅನ ಕರಾನಿಘೋಣಿ ಚಾ಼ಲಿಲೆವೊ. ಶನಕತೊ ಇವ್ಣೆ ದಿಲ್‌ ದುಖ್‌ಕರೀನ್ ಕರಾನಿ ಸೇವೇಥಿ ತುಮುನ ಫಾಯಿದೊ ಹುವಾನುಕಾಹೆ.

ಇಬ್ರಿ 13:22

ಭೈಯೇ ಭೇನೇವೊ ಆ ಅಕ್ಕಲ್‌ನಿ ವಾತೇನ ಖ್ಹಮಾಳಿ ರ‍್ಹೇವ್ಣುಕರಿ ಹುಮ್ಮಖ್ಹ್‌ ದ್ಯವಾನ ತುಮುನ ಗಿಂಗೈಲೆವುಕರುಸ್. ಶನಕತೊ ತುಮುನ ಲೀಖಾಯುತೆ ಆ ಚಿಟ್ಟಿ ಘಣು ಕೊಯ್ನಿ.

ಇಬ್ರಿ 13:24

ತುಮಾರ ಅಖ್ಖಾಸ್ ಸಬೇನಿ ಮೋಟಾವ್ನ ಅಜು಼ ಪವಿತ್ರ ದೇವ್ನ ಅದ್ಮಿವ್‌ನಾಬಿ ಖ್ಹಲಾಮ್ ಬೋಲೊ. ಇಟಲಿ ದೇಖ್ಹ್‌ನು ಬೇನೆ ಭೈಯೇಬಿ ಇವ್ಣೇಬಿ ತುಮುನ ಖ್ಹಲಾಮ್ ಬೋಲಸ್.

ಇಬ್ರಿ 13:7

ತುನ ಕೋಣ್ ದೇವ್ನಿ ವಚನ್ನ ಭೋದನ್ ಕರಸ್ಕಿ ಯೊ ತುಮಾರ ಸಬೆನ ಮೋಟಾವ್ನ ಖ್ಹಯಾಲ್ ಕರಿಲೆವೊ. ಅಜು಼ ಜಿವ್ಣನ ಖ್ಹರ್ತಿಲಗು ಖಿವಿ ಪರಕ್ಮ ಚಾ಼ಲಿಲಿದುಕರಿ ಖ್ಹಯಾಲ್ ಕರೀನ್ ಇವ್ಣ ವಿಶ್ವಾಸ್ ಪಾಡಿಚಾ಼ಲೊ.