ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:7 - ದೇವ್ನಿ ಖ್ಹಾಚಿ ವಚನ್

⁷ ಇಮ್‍ಕತೊ ಶಾತ್? ಇನಖ್ಹಾಜೆ ಇಸ್ರಾಯೇಲ್‍ನೆ ಢೂಂಡ್ಯಹುಯಾನ ಲೀಲಿದುಕೊಯ್ನಿ. ಕತೋಬಿ ಇವ್ಣಾಮ ಚೂ಼ಣೈಗಯಹುಯಾನೆ ಲೀಲಿದು; ಉಬ್ರಿಹುಯುಖ್ಹಾರು ಕಠಣ್ ದಿಲ್‍ವಾಳುಹುಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:7 ပူးပေါင်းရင်းမြစ်များ

ಮಾರ್ಕ 6:52

ಶನಕತೊ ಇವ್ಣೆ ಯೇಸುನೆ ಪಾಚ಼್ ರೋಟಾನ ಪಾಚ಼್ ಹಜಾ಼ರ್ ಅದ್ಮಿನ ಖಡಾಯೋತೆ ಇನಿ ಮತ್ಲಬ್‌ನ ಮಾಲುಮ್ ಕರ‍್ಯುಕೊಯ್ನಿ. ಇವ್ಣೊ ದಿಲ್‌ ಬಂಡೊ ಹುಯಿರ‍್ಹೋಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 13:24

ಯೇಸುನೆ ಜವಾಬ್‌ ದಿದೋಕಿ, ನ್ಹಾನ ಬಾಕಲ್‌ ವಾಟೆಕರಿ ಮಹಿ ಜಾ಼ವಾನ ಕೋಶಿಶ್‌ ಕರೊ, ಶನಕತೊ ಘಣು ಅದ್ಮಿ ಮಹಿ ಜಾ಼ವ್ಣುಕರಿ ಕರಸ್, ಕತೋಬಿ ಇವ್ಣೊ ಹಾತ್‌ ಕೋಹುಯುನಿ.

ಯೋಹಾನ 12:40

‘ದೇವ್ನೆ ಇವ್ಣ ಡೋಳಾನ ಕಾಣು ಕರಿರಾಖ್ಯೋಸ್, ಅಜು಼ ಇವ್ಣ ದಿಲ್ನ ಕಠಣ್ ಕರಿರಾಖ್ಯೋಸ್, ಶನಕತೊ, ಇವ್ಣೊ ಡೋಳೊ ದೇಕ್ಣು ನಾ ಅಜು಼ ಇವ್ಣೊ ದಿಲ್‌ ಪರಖ್‌ಣು ನಾ’ ಕರಿ ಅಜು಼ ಇವ್ಣೆ ಇನಾಭಣಿ ಫರೀನ್, ಇನಖ್ಹಾಜೆ ಅಛ್ಛು಼ ನಾ ಹೋಣು ಕರಿ” ಬೋಲೈರ‍್ಹುಸ್ತೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:3

ಇವ್ಣೆ ದೇವ್‌ಥಿ ಮಳಾತೆ ನೀತಿನ ನಾಮಾಲುಮ್‌ ಕರ್ಲಿನ್ ಶೊಂತ್‌ ನೀತಿನಾಸ್ ರಾಖಾನ ಕೋಶಿಶ್‌ ಕರುಕರಾಸ್ತೆಖ್ಹಾಜೆ ದೇವ್ನಿ ನೀತಿನ ಹೇಟುಕೊಹುಯುನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:25

ಭೇನೆ ಭೈಯೇವೊ, ಏಕ್‌ ಗಪ್ಲತ್‌ನಿ ವಾತೆ ಖ್ಹಾಚು಼ಛಾ಼ ಇನ ತುಮೇಬಿ ಖ್ಹಮಜ಼್‌ಣುಕರಿ ಆಖ್ಹ್‌ಕರುಸ್. ಶನಕತೊ ತುಮೆ ಕೆತ್ರೆ ಅಕ್ಲಿ ಹುಯಿರಾಸ್‍ಕರಿ ಮಾಲುಮ್ ಹುವಾಸ್. ಯೋ ಶಾತ್‍ಕತೊ, ಯೆಹೂದ್ಯರ್‌ಕಾಹೆತೆ ಅದ್ಮಿಯೇವ್‍ ದೇವ್‌ಕನ ಆವಾಲಗು ಖಲಿ ಇಸ್ರಾಯೇಲ್‌ವಾಳ ಅದ್ಮಿ ಇವ್ಣ ದಿಲ್ನ ಕಠಣ್ ಕರಿರಾಖಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:5

ಯೋಸ್ ಪರಕ್ಮ ಆ ಹಗಾಮ್ಮಾಬಿ ವಾರ್‌ಖ್ಹೇಥಿ ಚೂ಼ಣೈರ‍್ಹುತೆ ಇಸ್ರಾಯೇಲ್‍ವಾಳನು ಜಾನ್ನ ದೇವ್ ಬಚಾ಼ಡ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:9

ಇಮ್‍ಕತೊ ಶಾತ್? ಅಪ್ಣೆ ಯೆಹೂದ್ಯಕಾಹೇತೆ ಇವ್ಣೆಥಿಬಿ ಊಚಾ಼ಕಿ ಶು? ಕದೇಬಿ ಕೊಯ್ನಿನಿ! ಮೇ ತದೇಸ್‌ ಯೆಹೂದ್ಯರ್‌ರ‍್ಹವೊ ಯೆಹೂದ್ಯಕಾಹೆತೆ ರ‍್ಹವೊ ಖ್ಹಾರೂಸ್ ಪಾಪ್ನ ಮಹಿರ‍್ಹಾವಳು ಕರಿ ಮೇ ಪಹಿಲೇಸ್ ದೆಖಾಡಿರಾಖ್ಯೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:15

ಇಮ್‍ಕತೊ ಶಾತ್? ಅಪ್ಣೆ ಧರ್ಮಶಾಸ್ತ್ರನಿ ಅಧೀನ್‍ ನಾ ರ‍್ಹೇವ್ಣುತೆ ವಾರ್‌ಖ್ಹಾನಿ ಅಧೀನ್ ಹುಯಿರ‍್ಹಿಯೇಸ್‍ಕರಿ ಪಾಪ್ ಕರೇಜಾ಼ಯ್ಕಿ ಶು? ಕೊಯ್ನಿಕತೊ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:18

ಇನಖ್ಹಾಜೆ ದೇವ್ ಕಿನ ಗೋರ್‌ಕರ‍್ನುಕರಿ ಖ್ಹೂಜ಼್‌ಕರಸ್ಕಿ ಇನ ಗೋರೆಲುಕರಸ್. ಕಿನ ಕಠಣ್ ಕರ್ನುಕರಿ ಖ್ಹೂಜ಼್‌ಕರಸ್ಕಿ ಇವ್ಣುನ ಕಠಣ್ ಬಣಾವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:23

ಅಜು಼ ಮಹಿಮೆ ಲಿಲ್ಯಾವನಖ್ಹಾಜೆ ಅಗಾಡಿಸ್ ತಯಾರ್‌ಕರೀನ್, ದೇವ್ನೆ ಇನಿ ಗೋರ್‌ ಲೀಲ್ಯಾವಾಳನ ಇನಿ ಮಹಾನ್ ಮಹಿಮೆನ ದೆಖಾಡ್ಯೊ.

1 ಕೊರಿಂಥ 10:19

ಇಮ್‍ಕತೊ ಮೇ ಶಾತ್‌ ಬೋಲುಕರುಸ್? ಮೂರತ್ನ ಚ಼ಢಾಯಹುಯ ಖಾಣುನು ಚೀಜ಼್ ಖ್ಹಾಚು಼ ಕರಿ ಬೋಲಾನ ಹುವಾಸ್ಕಿ? ಕೊಯ್ನಿ, ಮೂರತ್ ಖ್ಹಾಚು಼ ದೇವ್‌ಕರಿ ಬೋಲಸ್.

2 ಕೊರಿಂಥ 3:14

ಕತೋಬಿ ಇವ್ಣಿ ಬುದ್ಧಿ ಮಂಕ್ ಹುಯಿರ‍್ಹಿಥೀತೆ ಇನಾಖ್ಹಾಜೆ ಇವ್ಣೆ ಮಾಲುಮ್ ಕರೀಲಿದುಕೊಯ್ನಿ. ಇವ್ಣೆ ಜೂ಼ನು ಒಪ್ಪಂದಾನನ ಪಢಾನಿ ವಖ್ಹ್‌ತೆ ಯೋಸ್ ಘುಮ್‍ಟೊ ಇವ್ಣ ದಿಲ್‌ಪರ್‌ ಢಪೈಜಾ಼ಸ್. ಶನಕತೊ ಖಲಿ ಕ್ರಿಸ್ತಥಿಸ್ ಯೋ ನಿಕ್‍ಳೈಜಾ಼ಶೆತೆ.

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

ಎಫೆಸ 1:4

ಜಗತ್‌ ಉಬ್‌ಜಾ಼ತಿ ಪಹಿಲೇಸ್ ಅಪ್ಣೆ ಇನಖ್ಹಾಮ್ಣೆ ಪರಿಶುದ್ಧಬಿ ದೋಷ್‌ಕೊಂತೇಬಿ ಹುಯಿರ‍್ಹೇಣು ಕರಿ ದೇವ್ನೆ ಕ್ರಿಸ್ತನಿ ಗಳ್‌ಜೋ಼ಡ್ಮ ಅಪ್ಣುನ ಚೂ಼ಣಿಲಿದೊ. ಶನಕತೊ ಆ ಇನಿ ಪ್ಯಾರ್ ಹುಯಿರ‍್ಹಿಸ್.

ಎಫೆಸ 4:18

ಇವ್ಣ ದಿಲ್‌ ಅಂಧಾರಥಿ ಢಪೈರ‍್ಹೂಸ್, ಇವ್ಣೆ ಇವ್ಣಿ ಕಠೋರ್ ದಿಲ್‌ಥೀಬಿ ಅಜು಼ ಇವ್ಣಾಮ ಅಕ್ಕಲ್‌ಕೊಂತೆ ಖ್ಹಾಜೇಥಿಬಿ ದೇವ್ ದೇಸ್ತೆ ಜಾನ್‌ಥಿ ದೂರ್ ಹುಯಿರ‍್ಹೂಸ್.

ಫಿಲಿಪ್ಪಿ 1:18

ಇವ್ಣಿ ಉದ್ದೇಶ್ ಶಾತಸ್ ಹುಯಿರ‍್ಹವಾದೆ, ಠಗಾವಾಥಿ ರ‍್ಹವೊ ನತರ್ ಖ್ಹಾಚೇಥಿ ರ‍್ಹವೊ ಯೋ ಮನ ಮುಖ್ಯಕಾಹೆ. ಕ್ರಿಸ್ತಯೇಸುನ ಬಾರೇಮ ಬೋಲಿವತಾಳು ಕರುಕರಾತೆಸ್ ಮನ ಖುಷಿ. ಅಜು಼ ಅಗ್ಗಳ್‌ಬಿ ಖುಷಿ ಕರುಸ್.

ಇಬ್ರಿ 12:17

ಯೊ ಹುವಾದಿನ್ ಇನಿ ಬಾನಿ ಆಶೀರ್ವಾದ್‌ ಲೇವ್ಣುಕರಿ ಡೋಳಾನು ಆಂಝು಼ ನಾಕ್ತೊಹುಯಿನ್ ಬಿಂತಿಕರ‍್ಯೊತೊಬಿ, ಇನೆ ಕರ‍್ಯೊತೆ ಇನ ಬದ್ಲಾವನ ಇನ ಕೊಹುಯುನಿ.

1 ಪೇತ್ರ 1:2

ಪವಿತ್ರಾತ್ಮಥಿ ಅಭಿಷೇಕ್ ಕರೈಲಿದಹುಯಿನ್ ವಿಧೇಯ ಹುವಾನಖ್ಹಾಜೆ, ಯೇಸು ಕ್ರಿಸ್ತನ ಲ್ಹೋಯಿಥಿ ಛಿಡ್‍ಕೈನ್, ಬಾ ಹುಯಿರ‍್ಹೋತೆ ದೇವ್ನಿ ಭವಿಶ್ಯನಿ ಗ್ಯಾನ್‌ಥಿ ಚೂ಼ಣೈಗಯಹುಯಾನ ಲೀಖಾನು ಶಾತ್‍ಕತೊ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಘಣು ಮಳಾದೆ.