ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:36 - ದೇವ್ನಿ ಖ್ಹಾಚಿ ವಚನ್

³⁶ ಶನಕತೊ ದೇವ್‍ಥಿ ತಮಾಮ್‍ನಾಸ್ ಉಬ್ಜಿರ‍್ಹುಸ್.ಖ್ಹಾರುಸ್ ಇನೇಥಿಸ್ ಇನಖ್ಹಾಜೇಸ್ ರ‍್ಹೇಸ್. ದೇವ್ನ ಜ಼ಗ್‌ಜ಼ಮಾನಮಾಬಿ ಮಹಿಮೆಹುವಾದೆ! ಆಮೆನ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:36 ပူးပေါင်းရင်းမြစ်များ

ಮತ್ತಾಯ 6:13

ಹಮೂನ ಶೋದನೆಮ ನಕೊನಾಕ್‌, ಕತೋಬಿ ಶೈತಾನ್‌ಥಿ ಹಮೂನ ಛೋ಼ಡಾವ್.’

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:38

“ಪ್ರಭುನ ನಾಮ್‌ಪರ್‌ ಆವಾಳ ರಾಜಾ಼ನ ಆಶೀರ್ವಾದ್‌ ಹುವಾದೆ ಪರ್‌ಲೋಕ್‌ಮ ಸಮಾಧಾನ್‍, ಉಪ್ಪರ್‌ಲ್ಯ ಲೋಕ್ಮ ಮಹಿಮೆ ಹುವಾದೆ!” ಕರಿ ಘಣಿಮೋಟಿ ಅವಾಜ಼್ ದೇವ್ನ ಸ್ತುತಿ ಕರಲಗ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:14

“ಉಪ್ಪರ್‌ಲ್ಯಲೋಕ್‍ಮ ದೇವ್ನ ಮಹಿಮೆ ಹುವಾದೆ, ಅಜು಼ ಧರ್ತಿಪರ್ ದೇವ್ನ ಕೋಣ್ ಖ್ಹಾಜ಼ಸ್ಕಿ ಇವ್ಣುನ ಶಾಂತಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:28

ಶನಕತೊ ಇನಾಸ್ಮ ಅಪ್ಣೆ ಜಿವ್‌ಕರಿಯೇಸ್. ಚಾ಼ಲುಕರಿಯೇಸ್ ಅಜು಼ ರ‍್ಹಿಯೇಸ್. ತುಮಾರ ಗೀದ್‌ ಲಿಖವಾಳಮ ಥೋಡುಜ಼ಣು, “ಹಮೆ ಇನ ಸಂತಾನ್‍ವಾಳಸ್” ಕರಿ ಬೋಲಿರಾಖ್ಯುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:27

ತುಮೂನ ಭೀರಾಖಾನ ಶಕತ್‌ವಾಳೊ ಹುಯಿರೋತೆ, ಅಖ್ಖೂಸ್ ಮಾಲುಮ್ ಕರಿರಾಖ್ಯೊತೆ ಏಕ್‌ನೊಎಕ್ಕಸ್ ದೇವ್ನ ಯೇಸುಕ್ರಿಸ್ತಥಿ ಕದೆಕದೇಬಿ ಮಹಿಮೆ ಹುವಾದೆ! ಆಮೆನ್.

1 ಕೊರಿಂಥ 11:12

ಶನಕತೊ ತಯೇಡ ಪರ್ಖ್ಹಾಥಿ ಪೈದಹುವಸ್. ಕತೋಬಿ ಖ್ಹಾರುಸ್ ದೇವ್‍ಥಿಸ್ ಹುಯಿರ‍್ಹುಸ್.

1 ಕೊರಿಂಥ 8:6

ಅಪ್ಣುನತೋಬಿ ಎಕ್ಕಸ್ ದೇವ್ ಛಾ಼. ಯೋ ಬಾಕರಿ ಬೋಲೈಲ್ಯಾವಾಳೊ; ಅಖ್ಖೂಸ್ ಉಬ್‍ಜ್ಯೊತೆ ಇನೇಥಿ ಹಮೆ ಇನಖ್ಹಾಜೆ ಜಿವೇಸ್ ಅಜು಼ ಏಕ್‍ನೊ ಏಕ್ಕಸ್‍ಜ಼ಣೊ ಪ್ರಭು ಛಾ಼. ಯೋಸ್ ಯೇಸು ಕ್ರಿಸ್ತ ಇನೇಥಿಸ್ ಹರೇಕ್ ತಯಾರ್‌ಹುಯು. ಇನೇಥಿಸ್ ಹಮೇಬಿ ಇನೇಥಿಸ್ ಛಿಯ್ಯೆ಼.

ಗಲಾತ್ಯ 1:5

ದೇವ್ನ ಜ಼ಗ್‌ಜ಼ಮಾನಮಾಬಿ ಮಹಿಮೆಹುವಾದೆ. ಆಮೆನ್.

ಎಫೆಸ 3:21

ಸಬೆಮಾಬಿ ಕ್ರಿಸ್ತ ಯೇಸುಮಾಬಿ ಜ಼ಗ್‌ಜ಼ಮಾನಮಾಬಿ ಪಿಢಿನ್‌ ಪಿಢಿಮಾಬಿ ಮಹಿಮೆ ಹುವಾದೆ.ಆಮೆನ್.

ಫಿಲಿಪ್ಪಿ 4:20

ಅಪ್ಣ ಬಾ ಹುಯಿರ‍್ಹೋತೆ ದೇವ್ನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಹುವಾದೆ! ಆಮೆನ್.

1 ತಿಮೊ 1:17

ಅಖ್ಖ ಜ಼ಮಾನಾನೊ ರಾಜ಼ಬಿ, ಕದೇಬಿ ರ‍್ಹವಾಳೊಬಿ ದೆಖಾವಕೊಂತೆ ಹುಯಿರೋತೆ ಎಕ್ಕಸ್ ದೇವ್ನ ಇಜ಼್ಜತ್‌ಬಿ ಮಹಿಮೆಬಿ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ. ಆಮೆನ್.

1 ತಿಮೊ 6:16

ಇನ ಎಕ್ಕಸ್ ಜ಼ಣಾನ ಮರಣ್‌ಕೊಂತೆ. ಕೋಣ್‌ಬಿ ಖನ್ನೆ ಜಾ಼ವಾನ ಕೋ ಹುವ್ವಾನಿತೆ ಉಜಾ಼ಳಾಮ ರ‍್ಹವಾಳೊ ಹುಯಿರ‍್ಹೋಸ್; ಹಂಕೆತೋಡಿ ಕೋಣ್‌ಬಿ ಇನ ದೇಖಿರಾಖ್ಯುಕೊಯ್ನಿ; ದೇಖಾನ ಉಶೇಬಿ ಕೊಯ್ನಿ.ಇನು ಇಜ಼್ಜತ್ ಅಜು಼ ಮಟಾನುಕೊಂತೆ ಶಕತ್ ಕೆದೇಬಿ ಇನಾಸ್ ರ‍್ಹವಾದೆ! ಆಮೆನ್.

2 ತಿಮೊ 4:18

ಅಜು಼ ಪ್ರಭು ಮನ ಖ್ಹಾರ ಖರಾಬ್‌ಥಿ ಬಚಾ಼ಡಿನ್, ಇನಿ ಸೊರ್ಗ ರಾಜ್ಯಮ ಲೀಜಾ಼ಶೆ. ಜ಼ಗ್‌ಜ಼ಮಾನಮಾಬಿ ಇನ ಮಹಿಮೆ ಹುವಾದೆ! ಆಮೆನ್.

ಇಬ್ರಿ 13:21

ತುಮೆ ಇನಿ ಮರ್ಜಿನ ಚ಼ಲಾವನಿತರ ಹರೇಕ್ ಅಛ್ಛಿ ಫಣೈಮಾಬಿ ಭರ್‌ಪೂರ್‌ ಕರಾದೆ, ಯೊ ಅಪ್ಣ ಬೀಚ್ಮ ಯೇಸು ಕ್ರಿಸ್ತಥಿ ಇನ ನಜ಼ರ‍್ಮ ಪಸಂದ್ ಹುವಾನಿತರ ಕಾಮ್ ಕರಸ್ ಇನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಹುವಾದೆ! ಇಮ್ಮಸ್ ಹುವಾದೆ. ಆಮೆನ್.

ಇಬ್ರಿ 2:10

ಹರೇಕ್‌ಬಿ ಕಿನಖ್ಹಾಜೆ ಕಿನೇಥಿ ಬಣ್ಯುಕಿ. ಯೊ ಘಣು ಜ಼ಣು ಛಿಯ್ಯಾವ್‍ನ ಮಹಿಮೆನ ಮಳಾವನಖ್ಹಾಜೆ; ಇವ್ಣ ಬಚಾ಼ಡವಾಳ ಮೋಟಾನ ಖ್ಹತಾವಥಿ ರಕ್ಷಣೆಲ್ಯವಾನು ಬರಬರಸ್.

1 ಪೇತ್ರ 4:11

ಏಕ್ಜ಼ಣೊ ಬೋಧನೆಕರಾವಳೊ ರ‍್ಹಯೊತೊ ದೇವ್ನಿ ವಚನ್ನ ಪಾಡಿಬೋಲವಾಳೊ ಹುಯಿನ್ ಬೋಧನೆ ಕರಾದೆ. ಏಕ್‍ಜ಼ಣೊ ಸೇವೆ ಕರಾವಾಳೊ ರ‍್ಹಯೋತೊ ದೇವ್ ದೇಸ್ತೆ ಶಕತ್ನಿಪರಕ್ಮ ಕರಾದೆ. ಆ ಅಖ್ಖೇಥಿಬಿ ಕ್ರಿಸ್ತಯೇಸುಥಿ ದೇವ್ನ ಧನ್ಯವಾದ್ ಹುವಾಸ್. ಕ್ರಿಸ್ತ ಯೇಸುನ ರಾಜ಼್‌ಭಾರ್‌ಬಿ ಮಹಿಮೆಬಿ, ಶಕತ್‌ಬಿ ಜ಼ಗ್‌ಜ಼ಮಾನಮಾಬಿ ಇನಾಸ್ ರ‍್ಹವಾದೆ ಆಮೆನ್.

1 ಪೇತ್ರ 5:11

ಯೋ ರಾಜ಼್‌ಭಾರ್ ಚ಼ಲಾವನು ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ. ಆಮೆನ್.

2 ಪೇತ್ರ 3:18

ಅಪ್ಣೊ ಪ್ರಭುಬಿ ರಕ್ಷಕಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನು ವಾರ್‌ಖ್ಹಾಮಾಬಿ ಗ್ಯಾನ್‌ಮಾಬಿ ತುಮೆ ಭಡ್ತಾಜಾ಼ವೊ, ಇನ ಹಮ್ಕೇಬಿ ಜ಼ಗ್‌ಜ಼ಮಾನಲಗೂಬಿ ಮಹಿಮೆ ಹುವಾದೆ! ಆಮೆನ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:25

ಅಪ್ಣುನ ರಕ್ಷಣೆ ಕರಾವಾಳೊಬಿ ಎಕ್ಕಸ್ ದೇವ್ನ, ಅಖ್ಖಾ ವಖ್ಹತ್‌ಮಥೂತೆ ತಿಮ್ಮಸ್ ಹಮ್ಕೇಬಿ ಕದೇಬಿ ಅಪ್ಣೊ ಪ್ರಭುಹುಯಿರ‍್ಹೋತೆ ಯೇಸು ಕ್ರಿಸ್ತಥಿ ಇನ ಮಹಿಮೆ, ತಾಖತ್ ಅಜು಼ ಅದಿಕಾರ್‌ಖ್ಹಾರು ರ‍್ಹವಾದೆ. ಆಮೆನ್.

ಪ್ರಕಾಶಿತ್ 19:1

ಆ ಹುಯಿಜಾ಼ವನ ಪರ್ ಸೊರ್ಗಾಮ ಮೋಟಿಭೀಡ್‌ಣು ಟ್ಹೌಕಾನಿತರ ಏಕ್‌ ಮೋಟಿ ಅವಾಜ಼್ ಖ್ಹಮ್‌ಜೊ. ಇವ್ಣೆ “ಹಲ್ಲೆಲೂಯ! ಆಖ್ಹ್‌ರೋಬಿ, ಮಹಿಮೆಬಿ, ಶಕತ್‌ಬಿ ಹಮಾರ ದೇವ್‌ಮ ಛಾ಼.

ಪ್ರಕಾಶಿತ್ 21:6

ತದೆ ಸಿಂಹಾಸನ್‌ಪರ್ ಬೆಠೊಥೋತೆ ಇನೆ, “ಅಖ್ಖೂಸ್ ಕರಿಹುಯ್ಗು; ಮೇಸ್ ಪಹಿಲೋಬಿ, ಖ್ಹರ್ತಿಬಿ, ಶುರುವಾತ್‍ಬಿ, ಖತಮ್‌ಬಿ ಹುಯಿರ‍್ಹೋಸ್. ತರ್ಖ್ಹವಾಳನ ಜಾನ್ನು ಪಾಣಿನೊ ಚೇಜ಼್‌ಭಾರನ ಮೋಲ್‌ಕೊಂತೆ ಫುಗಟ್‍ಥಿ ಪಿಯಾನ ದಿಶ್.

ಪ್ರಕಾಶಿತ್ 7:10

“ಇವ್ಣೆ ರಕ್ಷಣೆ ಕರಿ ಬೋಲಾನು ಸಿಂಹಾಸನ್‌ಪರ್ ಬೆಠೊರ‍್ಹಾವಳೊ ಅಪ್ಣೊ ಪ್ರಭುನ ಅಜು಼ ಮೇಂಢಾನುಚೆಲ್ಕು ಹುಯಿರ‍್ಹವಾಳನ ಮಳಿಹುಯು ಕರಿ ಊಚಿ ಅವಾಜ಼್‌ಥಿ ಚಿಕ್‌ರ‍್ಯು.

ಪ್ರಕಾಶಿತ್ 7:12

ಆಮೆನ್, ಧನ್ಯವಾದ್, ಮಹಿಮೆಬಿ, ಅಕ್ಕಲ್‌ಬಿ, ಗೌರವ್, ಮರ್ಯಾದಿ, ಶಕತ್ ಅಜು಼ ತಾಖತ್‌ಬಿ ಅಪ್ಣ ದೇವ್ನ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ, ಆಮೆನ್‌ಕರಿ ಬೋಲ್ಯು.