ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:22 - ದೇವ್ನಿ ಖ್ಹಾಚಿ ವಚನ್

²² ಇನಖ್ಹಾಜೆ ದೇವ್ನಿ ಗೋರ್‌ನಾಬಿ, ನಿಶತ್ನಾಬಿ ದೇಕ್. ಪಟ್ಕಿಜಾ಼ವಳಾನ ಇನಿ ನಿಶತ್‌ ಮಳ್‍ಶೆ. ತೂ ಇನಿ ಗೋರ್‌ಮ ಭಡವಾಳೊ ಉಷೇತೊ, ತಾರಪರ್ ದೇವ್ನಿ ಗೋರ್‌ ವತಾಳ್‌ಶೆ. ನಾಹುಯುತೊ, ತೂ ಜಿನುಬಿ ಟುಟಿಜೈಶ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:22 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:15

ಪಲ್‍ವಾಯಿಹುಯಿ ಜ಼ಮೀನ್‌ಪರ್‌ ಪಡ್ಯುಹುಯು ದಾಣೊ ಕತೊ ದೇವ್ನಿವಚನ್ನ ಖ್ಹಮ್‌ಜಿನ್‌, ಖ್ಹಾಚು಼ ಅಜು಼ ಅಛ಼್ಛ ಮನ್‌ಮ ಇನ ರಾಖಿನ್, ಇವ್ಣೆ ಖ್ಹಮಾಳಿನ್ ಫಲ್ ದೇಸ್.

ಯೋಹಾನ 15:2

ಮಾರಾಮ ರ‍್ಹೀನ್, ಪಂಡು ದೇಯಿಕೊಂತೆ ಹರೇಕ್ ಡಾಳಿನ ಯೋ ಕತ್ರಿನಾಖಸ್‌; ಅಜು಼ ಪಂಡು ದೇಸ್ತೆ ಹರೇಕ್ ಡಾಳಿನ ಬಿಜೂ಼ಬಿ ಜಾ಼ಖ್ಹತ್ ಪಂಡು ದ್ಯವಾನಿಘೋಣಿ ಇನ ಛಾ಼ಟಿನ್ ಪಾಕ್‍ಕರಾಸ್.

ಯೋಹಾನ 8:31

ತದೆ ಯೇಸುನೆ ಇನಾಪರ್ ವಿಶ್ವಾಸ್‌ ಕರ‍್ಯೋತೊ ಯೆಹೂದ್ಯರ್‌ನ, “ತುಮೆ ಮಾರಿ ವಾತೇನಿತರ ಚಾ಼ಲ್ಯಾತೊ,ತುಮೆ ಖ್ಹಾಚ಼ಮಾಬಿ ಮಾರ ಶಿಷ್ಯ ಹುಯಿರ‍್ಹಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:23

ಬಾರ್ನಬ ಅಂತಿಯೋಕ್ಯನ ಪೋಚಾ಼ನಿವಖ್ಹತೆ ದೇವ್ನ ಅದ್ಮಿವೋನ ವಿಶ್ವಾಸ್ ಭಡಾವ್ತೊ ಹುಯಿನ್ ಪ್ರಭುಮ ಹುಮ್ಮಖ್ಹ್‌ ಕರಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:21

ಶನಕತೊ ದೇವ್ ಪೈದಾಖ್ಹ್‌ನಿ ಡಾಳಿಯೇನಸ್ ಬಚಾ಼ಡ್ಯೊ ಕೊಯ್ನಿಕತೊ ತುನಾಬಿ ಬಚಾ಼ಡ್‌ಶೆ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7

ಥೋಡುಜ಼ಣು ಅಛ್ಛಾ಼ನ ಕರ್ತುಹುಯಿನ್. ಮಹಿಮೆ, ಇಜ಼್ಜತ್‌, ಹಮೇಶನಜಾನ್ನ ಜಿವ್ಣನ ಢೂಂಡಸ್. ಇವ್ಣುನ ದೇವ್ ಹರ್‌ಹಮೇಶಾನಿ ಜಿ಼ಂದ್‌ಗಿ ದಿಶೆ.

1 ಕೊರಿಂಥ 15:2

ಮೇ ಬೋಲ್ಯೊತೆ ಆ ಸುವಾರ್ತೆನ ತುಮೆ ಘಟ್‍ಥಿ ಧರಿಲಿದಾತೊ ತುಮೂನ ರಕ್ಷಣೆ ಉಷೆ. ನತರ್‌ತೊ ತುಮಾರಿ ವಿಶ್ವಾಸ್ ಬೇಕಾರ್ ಹುಯಿಜಾ಼ಶೆ.

ಗಲಾತ್ಯ 6:9

ಅಛ್ಛಾ಼ನ ಕರಾಮ ವಳ್‍ಶಿ ನಕೊಕರಿಯೆ, ದಿಲ್ಮ ಢೀಲ ನಾಪಡ್ನುತೆ ರ‍್ಹಿಯೆ, ತದೆ ಬರೊಬ್ಬರ್‌ನಿ ವಖ್ಹತ್‌ಮ ಅನಾಜ಼್ ವ್ಹಾಡ್‌ಶು.

1 ಥೆಸ 3:5

ತಿಮೊಥೆನ ತುಮಾರಿ ವಿಶ್ವಾಸ್‌ನಿ ಬಾರೇಮ ಮಾಲುಮ್ ಕರಿಲ್ಯವಾನಖ್ಹಾಜೆ ಮೇ ತುಮಾರಕನ ಮೋಕ್‌ಲ್ಯೊತೆ. ಬಿಜು಼ ಜಾ಼ಖ್ಹತ್ ಥಾಮಾನ ಕೋ ಉಶೇನಿ ಕರಿ ಸೋಚಿನ್, ಮೇ ಇನ ಮೋಕ್‌ಲ್ಯೊತೆ. ಶನಕತೊ ಶೈತಾನ್ನೆ ತುಮೂನ ಶೋದನೆ ಕರ‍್ಯೊತೆ ಇನೇಥಿ ಹಮಾರಿ ಮ್ಹಿನತ್ ಬಿಣ್‌ಫಾಯಿದಾನು ಹುಯಿಜಾ಼ಶೆ ಕರಿ ಮನ ಧಡೂಕೊ ಥೊ.

1 ಥೆಸ 3:8

ತುಮೆ ಪ್ರಭುಮ ಘಟ್‍ಥಿ ಜಿವ್‌ಕರಾಸ್ತೆ ಹಮೆ ಖ್ಹಮ್‍ಜ್ಯಾಕಿ ಹಮೆ ಪಾಛು಼ ಹುಮ್ಮಖ್ಹ್‌ಹುಯ.

ಇಬ್ರಿ 10:23

ದಿದೋತೆ ವಾಗ್ದಾನ್ನ ಚ಼ಲಾವವಾಳೊ ದೇವ್. ಇನಖ್ಹಾಜೆ ಅಪ್ಣೆ ವಿಶ್ವಾಸ್‌ನಿ ಬಾರೇಮ ಘಟ್‍ಥಿ ಧರಿರಾಖೆ.

ಇಬ್ರಿ 3:14

ಶನಕತೊ ಪಹಿಲೆಥೂ ಖ್ಹರ್ತಿಲಗೂಬಿ ಭರೋಖ್ಹಾನ ಘಟ್‌ರಾಖ್ಯಾತೊ ಅಪ್ಣೆ ಕ್ರಿಸ್ತನ ಗಳ್‌ಜೋ಼ಡ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಷು.

ಇಬ್ರಿ 3:6

ಕತೋಬಿ ಕ್ರಿಸ್ತತೋಬಿ ಛಿಯ್ಯೊಹುಯಿನ್ ದೇವ್ನ ಘರ್‌ಪರ್ ಹಕ್‌ವಾಳೊ ಹುಯಿರ‍್ಹೋಸ್. ಅಪ್ಣೆ ಹಿಮ್ಮತ್‍ಬಿನ್ ಭರೋಖ್ಹಾಥಿಬಿ ಖ್ಹರ್ತಿಲಗು ಘಟ್‍ಥಿ ಧರಿರಾಖವಾಳ ಹುಯಾತೊ ಅಪ್ಣೆಸ್ ದೇವ್ನ ಘರ್ ಹುಯಿರ‍್ಹಿಷು.

1 ಯೋಹಾನ 2:19

ಇವ್ಣೆಅಖ್ಖು ಅಪ್ಣ ಖನ್ನೆಥಿ ನಿಕ್ಳಿ ಚ಼ಲೀಗು. ಶನಕತೊ ಇವ್ಣೆ ಖ್ಹಾಚಮಾಬಿ ಅಪ್ಣವಾಳು ಕಾಹೆ. ಇವ್ಣೆ ಅಪ್ಣವಾಳು ರ‍್ಹಿಯುಹೊತ್ತೊ, ಅಪ್ಣಿಜೋಡ್ಮಾಸ್ ರ‍್ಹಿಯುಹೊತ್. ಕತೋಬಿ ಇವ್ಣೆ ಅಪ್ಣೇಥಿ ನಿಕ್ಳಿಗಯುತೆ ಇನಖ್ಹಾಜೆ ಇವ್ಣೆಅಖ್ಖು ಅಪ್ಣವಾಳು ಕಾಹೆಕರಿ ಖ್ಹಾಚೇಥಿ ಮಾಲುಮ್‍ಪಡಸ್.

ಪ್ರಕಾಶಿತ್ 2:5

ಇನಖ್ಹಾಜೆ ತೂ ಕಿಜ್ಜಾ಼ಥು ಲಡ್ಕಿರ‍್ಹೋಸ್‌ಕಿ, ಇನ ತಾರಿ ಖ್ಹಯಾಲ್ಮಲ್ಯಾವ್. ದೇವ್‌ಭಣಿ ಮನ್‌ಫರೈನ್ ತೂ ಅಗ್ಗಳ್ ಕರುಕರ್ತೊಥೋತೆ ಕಾಮ್‌ಖ್ಹಾರುಸ್‌ ಕರ್‌, ತೂ ನಾ ಮನ್ ಫರಾಯೊತೊ ಮೆ ಅಯಿನ್ ತಾರು ದಿವಳ್ಗಿನ ಖಂಬಾನ ಇನು ಝ಼ಗೊಕಂಥು ಕಾಡಿನಾಖಿಷ್.