ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:19 - ದೇವ್ನಿ ಖ್ಹಾಚಿ ವಚನ್

¹⁹ ಕತೋಬಿ ಇಸ್ರಾಯೇಲ್‌ವಾಳನೆ ಸುವಾರ್ತೆ ಮಾಲುಮ್ ಕರ‍್ಯಕೊಯ್ನಿಕಿ ಶು? ಕರಿ ಮೇ ಪುಛಾ಼ವ್‍ಸ್. ಪಹಿಲೆ ಮೋಶೆನೆ, “ಮೇ ಖೂಮ್‌ವಾಳೊ ಕಾಹೆತೆ ಇವ್ಣೇಥಿ ತುಮೆ ಬಳಾಪೊಕರಾನಿತರ ಕರೀಶ್. ಅಕ್ಕಲ್‌ಕೊಂತೆ ಖೂಮ್‍ವಾಳಥಿ ಮಾರು ಅದ್ಮಿ ಇರಾದೊ ಆವನಿತರ ಕರೀಶ್” ಕರಿ ಬೋಲುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:19 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:18

ಕತೋಬಿ ಇವ್ಣೆ ಕದೇಬಿ ಇನಖ್ಹಮ್‍ಜ್ಯು ಕೊಯ್ನಿಕಿಶು? ಕರಿ ಮೇ ಪುಛಾ಼ವ್‍ಸ್, ಇವ್ಣೆ ಖ್ಹಾಚಮಾಸ್ ಖ್ಹಮ್‍ಜಿರಾಖ್ಯುಸ್. ಪವಿತ್ರದಪ್ತರ್‌ಮ ಅಮ್ ಬೋಲಿರಾಖ್ಯುಸ್‍ಕಿ, “ಬೋಲಾವಾಳಾನಿ ಅವಾಜ಼್ ಜಗತ್ನ ಖ್ಹಾರೀಸ್‍ ಬಾಜು಼ ಜೈ಼ರ‍್ಹೂಸ್‍, ಇವ್ಣಿವಾತೆಖ್ಹಾರಿ ಜಗತ್ನ ಕಡೇಶಿಲಗೂಬಿ ಫೈಲೈರ‍್ಹುಸ್”

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:11

ಇಮ್‍ಕತೊ ಉಟ್ನುನಾತೆ ಪರಕ್ಮ ಯೆಹೂದ್ಯರ್ ಠೋಕರ್‌ಲಾಗಿನ್ ಇವ್ಣೆ ರಡ್ಕಿಗುಕಿಶು? ಕಾಹೆ ಇಮ್‌ ಕಾಹೆ! ಶನಕತೊ ಇವ್ಣಿ ಗಲತ್‌ನಖ್ಹಾಜೆ ಯೆಹೂದ್ಯರ್‌ನ ಪೇಟ್ನ ಬಳಾಪೊ ಹುವಾನಖ್ಹಾಜೆ ರಕ್ಷಣೆ ಯೆಹೂದ್ಯರ್‌ಕಾಹೆತೆ ಅದ್ಮಿಪರ್ ಆಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:14

ಕಿಮ್‌ಕತೊ ಮೆ ಮಾರಶೊಂತ್ ಅದ್ಮಿಯೆವ್‌ಮ ಬಳಾಪನ ಜಾ಼ಖ್ಹತ್ ಕರೀನ್ ಇವ್ಣಮ ಥೋಡಜ಼ಣಾನ ತೋಬಿ ರಕ್ಷಣೆಮ ಲ್ಯಾವ್ಣು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:26

ಅಮ್ನಿಪರಕ್ಮ ದೇವ್ ಮೇ ನೀತಿವಾಳೊಕರಿ ವತಾಳಿಲೇಸ್.ಅಜು಼ ಯೋ ಯೇಸುನ ವಿಶ್ವಾಸ್‍ಕರಾವಾಳ ಹರೇಕ್ನ ನೀತಿವಾಳಕರಿ ಬಣಾವಸ್.

1 ಕೊರಿಂಥ 1:12

ಕತೊ ತುಮಾರಮ ಏಕ್‍ಜ಼ಣೊ, “ಮೇ ಪೌಲನ ಪೀಠೆ ಜ಼ವುಸ್‌” ಕರಿ ಬೋಲಸ್, ಬಿಜೇಕ್‍ಜ಼ಣೊ “ಮೇ ಅಪೊಲ್ಲೋಸನ ಪೀಠೆ ಜ಼ವುಸ್‌” ಕರಿ ಬೋಲಸ್. ಅಜು಼ ಬಿಜೇಕ್ ಜ಼ಣು, “ಮೇ ಕೇಫನ ಪೇತ್ರನ ಪೀಠೆ ಜವುಸ್‌ ಕರಿ ಬೋಲಸ್. ಅಜೇಕ್‌ಜ಼ಣೊ, “ಮೇ ಕ್ರಿಸ್ತನ ಪೀಠೆ ಜ಼ವುಸ್‌” ಕರಿ ಬೋಲಸ್.

1 ಕೊರಿಂಥ 10:19

ಇಮ್‍ಕತೊ ಮೇ ಶಾತ್‌ ಬೋಲುಕರುಸ್? ಮೂರತ್ನ ಚ಼ಢಾಯಹುಯ ಖಾಣುನು ಚೀಜ಼್ ಖ್ಹಾಚು಼ ಕರಿ ಬೋಲಾನ ಹುವಾಸ್ಕಿ? ಕೊಯ್ನಿ, ಮೂರತ್ ಖ್ಹಾಚು಼ ದೇವ್‌ಕರಿ ಬೋಲಸ್.

1 ಕೊರಿಂಥ 11:22

ಖಾವಾನಬಿ, ಪೀಯಾನಾಬಿ ತುಮೂನ ಘರ್ ಕೊಯ್ನಿಕಿ ಶು? ನತರ್ ದೇವ್ನಿ ಸಬೆನ ಝೀಟ್ಕಾರೀನ್ ಶಾತ್ಬಿಕೊಂತೆ ಇವ್ಣುನ ಖ್ಹರಮ್‌ ಕಾಡೋಸ್‍ಕಿ ಶು? ಮೇ ತುಮೂನ ಶಾತ್ ಬೋಲು? ಮೇ ತುಮೂನ ಖ್ಹರಾಯೆಜಾ಼ಯ್? ಆ ಬಾರೇಮ ಖ್ಹಚಂಬಿ ಕೊಯ್ನಿ.

1 ಕೊರಿಂಥ 12:2

ತುಮೆ ಅಲ್ಹಾವ್‌ ಅದ್ಮಿ ರ‍್ಹವಾನಿ ವಖ್ಹ್‌ತೆ ವಾಟ್‌ ಭೈಕಿನ್ ಕಿಮ್ ಮುಕ್ಕ ಮೂರತ್‍ಭಣಿ ಫರಿರಾಥ ಕರಿ ತುಮೆ ಮಾಲುಮ್ ಕರಿರಾಖ್ಯಸ್.

1 ಕೊರಿಂಥ 15:50

ಭೇನೆ ಭೈಯೇವೊ, ಮೇ ಶಾತ್ ಬೋಲಸ್‍ಕತೊ, ಲ್ಹೋಯಿ ಬೋಟಿ ದೇವ್ನ ರಾಜ್ಯಮ ಭಾಗ್‌ ಲಿಶೆಕೊಯ್ನಿ. ನೂಛೈಜಾ಼ಯ್‌ ಕೊಯ್ನಿತೆ, ಇನಾಮ ಭಾಗ್‍ಲ್ಯಾವಾನ ಉಶೆಕೊಯ್ನಿ.

1 ಕೊರಿಂಥ 7:29

ಅಲ ಭೇನೆ ಭೈಯೆ, ಮೇ ಶಾತ್‌ ಬೋಲುಕರುಸ್‍ಕತೊ, ವಖ್ಹತ್ ತೀರ ಕಮ್‍ಛಾ಼ತೆ ಇನಖ್ಹಾಜೆ ಅನ ಅಗ್ಗಳ್ ಬಾವಣ್‍ರ‍್ಹವಾಳ ಇವ್ಣೆ ಅಮ್ ಬಾವಣ್‍ ಕೊಯ್ನಿಕರಿಬಿ ಜಿವ್ಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:3

ಶನಕತೊ ಏಕ್‌ ಹಗಾಮ್‌ಥು ತದೆ ಅಪ್ಣೇಬಿ ಅಗಾಡಿ ಖ್ಹಯಾಲ್‌ಭರ‍್ಯಾ ಹುಯಿರ‍್ಹಾಥ, ಹುಕುಮ್‌ನ ತೋಡಾವಾಳ ಹುಯಿರ‍್ಹಾಥ ಅಜು಼ ಘುಂಜ್‌ಳಾವ್ಣಿಮ ಥಾ. ಖ್ಹಾರಿಸ್ ತರ‍್ಹಾನಿ ಲಾಲಚ್‌ಬಿ ಅಜು಼ ಭೋಗ್‌ನ ಗುಲಾಮ್ ಥಾ. ಅಪ್ಣ ಖರಾಬ್ ಖ್ಹಯಾಲ್ ಅಜು಼ ಗಲ್ತಿಕರಾಸ್ಮ ಅದ್ಮಿಖ್ಹಾರು ಅಪ್ಣುನ ದಾವೊ ಕರ್ತುಥು.ಅಪ್ಣೇಬಿ ಏಕ್‌ಥಿಏಕ್ ದಾವೊ ಕರ‍್ಯಾ.

1 ಪೇತ್ರ 2:10

ಏಕ್‌ ಹಲ್ಲ ತುಮೆ, ದೇವ್ನ ಅದ್ಮೆವ್‍ ಕೋಥಾನಿ. ಕತೋಬಿ ತುಮೆ ಹಮ್ಕೆ ದೇವ್ನ ಅದ್ಮಿಹುಯಿರಾಸ್; ಏಕ್‌ಹಲ್ಲ ದೇವ್ನ ಗೋರ್‌ನ ಮಾಲುಮ್ ಕರಿರಾಖ್ಯಥ ಕೊಯ್ನಿ. ಕತೋಬಿ ಹಮ್ಕೆ ದೇವ್ನ ಗೋರ್‌ನ ಲೀರಾಖವಾಳ ಹುಯಿರ‍್ಹಾಸ್.