ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:16 - ದೇವ್ನಿ ಖ್ಹಾಚಿ ವಚನ್

¹⁶ ಕತೋಬಿ ಖ್ಹಾರುಸ್ ಸುವಾರ್ತೆನ ಸ್ವೀಕಾರ್ ಕರ‍್ಯುಕೊಯ್ನಿ. ಆ ಬಾರೇಮ ಯೆಶಾಯ ಪ್ರವಾದಿ “ಪ್ರಭು, ಹಮೆ ಬೋಲ್ಯಾತೆ ಸುವಾರ್ತೆನ ಕೋಣ್ ವಿಶ್ವಾಸ್ ಕರ‍್ಯು”? ಕರಿ ಬೋಲಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:16 ပူးပေါင်းရင်းမြစ်များ

ಮತ್ತಾಯ 13:14

ಅಮ್ ಯೆಶಾಯನೆ ಬೋಲ್ಯೋತೆ ಪ್ರವಾದ್‌ನೆ ಇವ್ಣಾಮ ಚಾ಼ಲಸ್. ಯೋ ಶಾತ್‌ಕತೊ ಆ ಅದ್ಮಿಖ್ಹಾರು ಖ್ಹಮ್‌ಜ಼್‌ಶೆ ಅಜು಼ ಖ್ಹಮಜ಼್‌ತೂಸ್‌ ರ‍್ಹಿಶೆ, ಕತೋಬಿ ಇವ್ಣುನ ಮಾಲುಮ್‌ ಕೋ ಪಡ್‌ಶೇನಿ; ಇವ್ಣೆ ದೇಕ್‌ಶೆ ಅಜು಼ ದೇಕ್‌ತೂಸ್‌ ರ‍್ಹಿಶೆ, ಕತೋಬಿ ಇವ್ಣುನ ದೆಖಾವ್‌ಶೆ ಕೊಯ್ನಿ;

ಯೋಹಾನ 10:26

ಕತೋಬಿ ಮನ ವಿಶ್ವಾಸ್‌ಕರಾಕೊಂತೆ ಇನಖ್ಹಾಜೆ, ತುಮೆ ಮಾರ ಮೇಂಢ ಕೋ ಹುಯಿರಾನಿ

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:24

ಪೌಲನೆ ಬೋಲ್ಯೊತೆ ಥೋಡಿ ವಾತೆನ ಥೋಡಜ಼ಣ ಯೆಹೂದ್ಯರ್‌ನೆ ಮಾನಿಲಿದು. ಕತೋಬಿ ಥೋಡಾನೆ ವಿಶ್ವಾಸ್‌ ಕರ‍್ಯುಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:5

ಇನು ನಾಮ್ನಿ ಮಹಿಮೆನಖ್ಹಾಜೇಸ್ ಅಖ್ಖಾಸ್ ದೇಖ್ಹ್‌ನು ಅದ್ಮಿಖ್ಹಾರು ಅನ ವಿಶ್ವಾಸ್‍ಕರಿನ್, ವಿಧೇಯಹುಯಿನ್ ಚಾ಼ಲನಿತರ ಕರಾನ ಅಪೊಸ್ತಲಹುವಾನಿ ಮೋಕಾನ ಯೇಸುಕ್ರಿಸ್ತಥಿಸ್ ದೇವ್ನೆ ಮನ ದೀರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:17

ಖ್ಹಾಚಮಾಬಿ ಫುಟಿರ‍್ಹುತೆ ಆಲಿವ್ ಝಾ಼ಡ್‌ನಿ ಡಾಳಿಯೆ ಟುಟಿಗಯು, ಅಜು಼ ಝಾ಼ಡಿನು ಆಲಿವ್ ಝಾ಼ಡ್‌ನಿ ಡಾಳೀನಿಘೊಣಿ ಹುಯಿರೋತೆ ತುನ ಇನಿ ಝ಼ಗೋಮ ಖಶಿ ಭಾಂದಿರಾಖಾತೆ ಯೋ ಖ್ಹಾಚ ಆಲಿವ್ ರಖ್ಹ್‌ನಿ ಜ಼ಡ್‌ಮ ಯೋ ಭಾಗ್‌ಲೀರಾಖ್ಯುತೊಬಿ ಯೋ ಡಾಳಿಯೇವ್‌ನ ಮ್ಹೇಲಿನ್ ತುನ ಚಿಕಾವನ ಉಪ್ಪರ್ ತೂ ಡಾಳಿನಿಬಾರೇಮ ಭಡೈಲೆನಕೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:26

ಹಮ್ಕೆ ಯೋ ಖ್ಹಾಚು಼ ಪ್ರವಾದ್‍ನೆನು ನಿಯಮ್‌ಥಿ ಹಮ್ಕೆ ಭಡ್‍ಕೈನ್ ಲೈರಾಖ್ಯುಸ್; ಅಜು಼ ಹರ್‌ಹಮೇಶ ರ‍್ಹವಾಳ ದೇವ್ನಿ ಹುಕುಮ್‌ನಿಮತ್ ಅಖ್ಖಾಸ್ ಜ಼ಗ್‌ಜಾ಼ತ್ನ ಅದ್ಮಿವೋನ ಮಾಲುಮ್‍ಪಡಾನಿ ಘೋಣಿ ಕರಿರಾಖ್ಯುಸ್, ಅಮ್ ವಿಧೇಯ ಹೋಣು ಅಜು಼ ವಿಶ್ವಾಸ್‌ ಕರ‍್ನು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:8

ಕತೋಬಿ ಉಭ್‌ರ‍್ಯುತೆ ಅದ್ಮಿಖ್ಹಾರು ಶೊಂತ್‍ ಅಖ್ಹ್‌ಕರವಾಳು ಖ್ಹಾಚ಼ನಲೀನ್ ಚಾ಼ಲಾನು ಮ್ಹೇಲಿನ್ ಠಗಾವ್ಣಿನ ಲೀನ್ ಚಾ಼ಲಸ್ಕಿ ಇವ್ಣಪರ್ ದೇವ್‌ನೊ ಇರಾದೋಬಿ ಚ಼ಂಢಾಳ್‍ಬಿ ರಂಚ಼್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:3

ಕತೋಬಿ ಇವ್ಣಾಮ ಥೋಡಜ಼ಣಾನೆ ವಿಶ್ವಾಸ್‌ ಕರ‍್ಯುನಾಕರ‍್ಯುತೋಬಿ ಶಾತ್? ದೇವ್ ಬಿಣ್‌ ವಿಶ್ವಾಸ್‌ವಾಳೊಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:17

ಕತೋಬಿ ದೇವ್ನ ಧನ್ಯವಾದ್‌ಹುವಾದೆ! ಶನಕತೊ ತುಮೆ ಏಕ್‌ ವಖ್ಹತ್‌ಮ ಪಾಪ್ನ ಗುಲಾಮ್ ಹುಯಿರ‍್ಹತೋಬಿ, ತುಮೆ ಶಿಕಿಲಿದಾತೆ ಖ್ಹಾಚಿ ಬೋಧನೆಮ ಭರ್‌ಪೂರ್‌ ಮನ್‌ಥಿ ವಿಧೇಯ ಹುಯಿರ‍್ಹಾಸ್.

ಗಲಾತ್ಯ 3:1

ಅಲ ಅಕ್ಕಲ್‌ಕೊಂತೆ ಗಲಾತ್ಯವಾಳ, ತುಮುನ ಮಂಕ್ ‌ಕೋಣ್‌ಕರ‍್ಯು? ಯೇಸು ಕ್ರಿಸ್ತ ಶಿಲ್‌ಬೇಪರ್ ಜಾನ್‌ಮ್ಹೆಲ್ಯೊತೆ ಯೊ ತುಮಾರ ಡೋಳಾನ ಖ್ಹಾಮ್ಣೆ ಛೋ಼ಡಿವತಾಳ್ಯುನಿ!

ಗಲಾತ್ಯ 5:7

ತುಮೆ ಅಛ್ಛಿನಿತರ ಮಿಲವ್‌ ಕರಸ್ ಕತೋಬಿ ಖ್ಹಾಚ಼ನ ನಾ ಪಾಡಿಚಾ಼ಲ್ನುಕರಿ ತುಮುನ ಠೆರಾಯುತೆ ಕೋಣ್?

2 ಥೆಸ 1:8

ಯೊ ಆಗ್‍ನಿ ಝ಼ಲ್‌ಪಟ್‌ ಜೋ಼ಡ್ಮ ಕೋಣ್ ದೇವ್ನ ಠೊಕ್ರಾವಸ್ಕಿ ಅಜು಼ ಯೇಸು ಪ್ರಭುನಿ ಬಾರೇನಿ ಸುವಾರ್ತೆನ ಮಾನ್ಯುಕೊಯ್ನಿಕಿ ಇವ್ಣುನ ನಿಶತ್‌ ದ್ಯವಾನ ಆವ್‌ಶೆ.

ಇಬ್ರಿ 11:8

ವಿಶ್ವಾಸ್‌ಥೀಸ್ ದೇವ್ನೆ ವಾಗ್ದಾನ್ ಕರ‍್ಯೊತೆ ದೇಖ್ಹ್‌ನ ಇನೆ ಲೀಲೇವ್ಣುಕರಿ ಅಬ್ರಹಾಮ್‌ನೆ ವಿಧೇಯ ಹುವಾಳೊ ಹುಯಿನ್ ಯೋ ಹಕ್‌ಥಿ ಲೇವ್ಣುಥೂತೆ ದೇಖ್ಹ್‌ನ ನಿಕ್ಳಿಗಯೊ. ಇನೆ ಕಿಜ್ಜಾ಼ ಜಾ಼ವ್ಣುಕರಿ ಸೋಚ್ಯೊ ಕೊಯ್ನಿತೇಬಿ ಚ಼ಲೆಗಯೊ.

ಇಬ್ರಿ 4:2

ಇಸ್ರಯೇಲ್‌ವಾಳಾನ ಸುವಾರ್ತೆ ಬೋಲಾಯುತೆ ತಿಮ್‌ ಹಮುನಾಬಿ ಬೋಲಾಯು. ಕತೋಬಿ ಯೊ ಹಗಾಮ್ಮ ಇವ್ಣೆ ಭರೋಖ್ಹಾಥಿ ಖ್ಹಮ್‌ಜ್ಯುಕೊಂತೆ ಇನಖ್ಹಾಜೆ ಇವ್ಣುನ ಫಾಯಿದೊ ಕೊಹುಯುನಿ.

ಇಬ್ರಿ 5:9

ಆ ನಾಹುಯಿನ್ ಇನೆ ಭರ್‌ಪೂರ್‌ ಕರೀನ್, ಇನ ವಿಧೇಯಹುವಾಳ ಅಖ್ಖನಾಬಿ ಹಮೇಶ ರಕ್ಷಣೆನಖ್ಹಾಜೆ ಬಣ್ಯೊ.

1 ಪೇತ್ರ 1:22

ತುಮೆ ಖ್ಹಾಚ ಉಪದೇಶ್‍ನ ವಿಧೇಯ ಹುಯಿರ‍್ಹಿನ್ ತುಮಾರ ಆತ್ಮಾನ ಪಾಕ್‍ ಕರಿಲಿದಾತೆ ಇನಾಖ್ಹಾಜೆ ಪಾಕ್‌ಮನ್‌ಥಿ ಭೈಯೆಭೇನೆನಿ ಪ್ಯಾರ್‌ವಾಳ ಹುಯಿರ‍್ಹೇವ್ಣು. ಅಮ್‍ರ‍್ಹವಾಪರ್, ಏಕ್‌ಥಿಏಕ್ ಪಾಕ್‍ದಿಲ್‍ಥೀಬಿ, ಛು಼ಟ ದಿಲ್‌ಥಿ ಪ್ಯಾರ್‌ಕರೊ.

1 ಪೇತ್ರ 2:8

ಅಜು಼ ಪವಿತ್ರ ದಪ್ತರ್‌ಮ ಅಜೇ಼ಕ್ಆಡಿ ಶಾತ್‌ ಲಿಖಾಸ್‌ಕತೊ “ಅದ್ಮಿ ಧೊಕ್‌ಡೈನ್ ಇವ್ಣೆ ರಡ್ಕಾನೊ ಬಂಡೊ ಹುಯಿರೋಸ್” ಇವ್ಣೆ ದೇವ್ನಿ ವಚನ್ನ ಅವಿಧೇಯ ಹುವಾತೆ ಇನಖ್ಹಾಜೆ ಯೊ ಬಂಡಾನ ಠೋಕರ್ ಲಾಗಿನ್‍ಪಟ್ಕಸ್. ಇನಖ್ಹಾಜೇಸ್ ಇವ್ಣೆ ಚೂ಼ಣೈಗಯೂತೆ.

1 ಪೇತ್ರ 3:1

ಇಮ್ನಿಸ್ ಪರಕ್ಮ ಬಾವ್ಣೆವೊ, ತುಮಾರ ಬಾವ್ರಿನಿ ದಾಬುಕ್ಮ ರ‍್ಹವೊ. ಇವ್ಣಾಮ ಥೋಡುಜ಼ಣು ದೇವ್ನಿ ವಚನ್ನ ಅವಿಧೇಯ ಹುಯಿರೂತೋಬಿ, ತುಮಾರ ಅಛ಼್ಛ ಕಾಮ್ನ ದೇಖಾಥೀಸ್ ಇವ್ಣೆ ವಿಶ್ವಾಸ್‌ಮ ಆವಾನಿತರ ಉಶೆ. ಇನಾಖ್ಹಾಜೆ ತುಮೆ ಏಕ್‌ ವಾತ್‍ಬಿ ಬೋಲ್ನುನಾತೆ ರ‍್ಹವಾನು ಜ಼ರೂರತ್ ಛಾ಼.