ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:28 - ದೇವ್ನಿ ಖ್ಹಾಚಿ ವಚನ್

²⁸ ಶನಖ್ಹಾಜೆಕತೊ ಯೊ ಅದ್ಮಿಖ್ಹಾರು ದೇವ್ನಿ ಗ್ಯಾನ್ನ ಝಿಟ್ಕಾರ‍್ಯುತೆ ಇನಖ್ಹಾಜೆ ಇವ್ಣುನ ಪಾಪ್ನುಕಾಮ್‍ ಕರಾನ ಮ್ಹೆಲಿದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:28 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:23

ಮೆ ತುಮಾರ ಖ್ಹಯೇರ್‌ಮ ಚಾ಼ಲಿನ್ ವೇಳ್ಮ ತುಮೆ ಪೂಜ಼ಕರಾತೆ ದೇವ್ತಿನು ಮೂರತ್ನ ದೇಖಾನಿವಖ್ಹ್‌ತೆ ಏಕ್‌ ಚಾ಼ಚ಼ರ್‌ಪರ್ ‘ಮಾಲುಮ್‌ಕೊಂತೆ ದೇವ್ನ ಕರಿ ಲೀಖೈರ‍್ಹೂಥು. ಇನಖ್ಹಾಜೆ ತುಮೆ ಖೆವಾನ ಮಾಲುಮ್‌ಕೊಂತೆ ಪೂಜ಼ಕರಸ್ಕಿ ಇನಾಸ್ ತುಮೂನ ಮಾಲುಮ್‌ ಕರಾವುಸ್ ಖ್ಹಮ್‍ಜೊ಼” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:32

ಯೇಸು ಮರ‍್ಯಹುಯಮಾಥು ಪಾಛು಼ಜಿವ್ತೊಹುಯಿನ್ ಉಠೀನ್ ಐರ‍್ಹೋಸ್‍ಕರಿ ಬೋಲಾನಿ ವಾತೆನ ಖ್ಹಮ್‍ಜ್ಯೊತೆ ಅದ್ಮಿಮ ಥೋಡುಜ಼ಣು ನಕ್ಲೆ ಕರ‍್ಯು. ಅಜು಼ ಥೋಡುಜ಼ಣು “ಆ ವಾತೆನಿ ಬಾರೇಮ ತೂ ಬಿಜೇಕ್‍ಹಲ್ಲ ಬೋಲೆಜಾ಼ಯ್ ತದೆ ಹಮೆ ಖ್ಹಮಜ಼್‌ಶು” ಕರಿ ಬೋಲ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:18

ಖರಾಬ್ ಚಾ಼ಲ್‌ಥಿ ಖ್ಹಾಚ಼ನ ಲಪಾಡವಾಳು ಹುಯಿರ‍್ಹುತೆ ಅದ್ಮಿವೋನು ಅಖ್ಖಿಥರಾನು ಭಕ್ತಿಕೊಂತೆ ಅಜು಼ ಪಾಪ್ನುಚಾ಼ಲ್ನ ಉಪ್ಪರ್ ದೇವ್ನು ಇರಾದೊ ಪರ್‌ಲೋಕ್‌ಥು ಉತ್ರಿನ್‍ ಆವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:21

ಶನಕತೊ ಇವ್ಣೆ ದೇವ್ನ ಮಾಲುಮ್ ಕರಿರಾಖ್ಯುತೋಬಿ ಇನ ದೇವ್‌ಕರಿ ಖ್ಹರಾಯುಕೊಯ್ನಿ ಇನಿ ಮದತ್‍ನ ಯಾದ್‌ಕರಿನ್ ಧನ್ಯವಾದ್ ಕರ‍್ಯುಕೊಯ್ನಿ. ಇನ ಬದಲ್ ಇವ್ಣ ಕೊಂತೆಕಾಮ್ಮ ಮಘನ್ ಹುಯಿಗು. ಅಕ್ಕಲ್‌ಕೊಂತೆ ಇವ್ಣೊ ದಿಲ್‌ ಅಂಧಾರೇಥಿ ಭರೈರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:24

ಇನಖ್ಹಾಜೆ ಅದ್ಮಿವೋನ ದಿಲ್ನಿ ಲಾಲಚ್‌ನಿಘೊಣಿ ಚಾ಼ಲಿಲಿನ್ ಇವ್ಣ ಇವ್ಣ ಶರೀರ್‌ನ ಇವ್ಣಮಹಿ ಖ್ಹರಮ್‌ ಕಡೈಲ್ಯವಾದೆಕರಿ ದೇವ್ನೆ ಇವ್ಣುನ ಕಚಿಂಡ್‌ ಚಾ಼ಲ್‌ಮ ಮ್ಹೇಲಿದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:26

ಇವ್ಣೆ ಅಥ್ರಾನು ಕರ‍್ಯುತೆ ಇನಖ್ಹಾಜೆ ದೇವ್ ಇವ್ಣುನ ರ‍್ಹೇವ್ಣುತೆ ಶರೀರ್‌ನು ಪರಕ್ನು ಸುಖಭೋಗ್‍ನ ಮ್ಹೆಂದಿನ್ ನಾಕರ‍್ನುತೆ ಶರೀರ್‌ನು ಪರಕ್ನು ಸುಖಭೋಗ್‍ನ ಕರಾನ ಮ್ಹೇಲ್ಯೊ.

1 ಕೊರಿಂಥ 15:34

ನೀತಿನಖ್ಹಾಜೆ ಹೊಷಾರಿ ಹುವೊ, ಪಾಪ್ನ ನಕೊಕರೊ. ಥೋಡಜ಼ಣಾನ ದೇವ್ನಿ ಬಾರೇಮ ಮಾಲುಮ್ಮಸ್‍ಕೊಯ್ನಿ. ತುಮೂನ ಖ್ಹರಮ್‌ ಲಾಗಾದೆಕರಿ ಮೇ ಆ ವಾತ್ ಬೋಲುಕರುಸ್.

2 ಕೊರಿಂಥ 10:5

ಅಪ್ಣಿ ದೇವ್ನಿ ಗ್ಯಾನ್ನ ವಿರೋದ್ ಉಠಾತೆ ಅಹಂಕಾರ್‌ನ ಅಪ್ಣೆ ನಾಶ್‍ಕರಿನ್, ಹರೇಕ್ ಖ್ಹೂಜ್‍ನಾಬಿ ಕ್ರಿಸ್ತನ ಸಮರ್ಪಣ್‌ ಹುವಾನಿತರ ಯೋ ಅಖ್ಖಾನ ಕೊಂಡಿಲಿಯೇ.

ಎಫೆಸ 5:4

ಗಲೀಜ಼್ ವಾತೆ, ಬೇಕಾರ‍್ನಿ ವಾತೆ, ನಕ್ಲೆಕಾಡಿ ಹಾಖ್ಹಾನು ಆಖ್ಹಾರು ನಕೊ. ಆ ಅಖ್ಖು ಖ್ಹಾಜ಼ಕೊಂತೆ ಹುಯಿರ‍್ಹುಸ್. ಅನಬದಲ್, ತುಮೆ ದೇವ್ನ ಧನ್ಯವಾದ್ ಕರೊ.

2 ಥೆಸ 1:8

ಯೊ ಆಗ್‍ನಿ ಝ಼ಲ್‌ಪಟ್‌ ಜೋ಼ಡ್ಮ ಕೋಣ್ ದೇವ್ನ ಠೊಕ್ರಾವಸ್ಕಿ ಅಜು಼ ಯೇಸು ಪ್ರಭುನಿ ಬಾರೇನಿ ಸುವಾರ್ತೆನ ಮಾನ್ಯುಕೊಯ್ನಿಕಿ ಇವ್ಣುನ ನಿಶತ್‌ ದ್ಯವಾನ ಆವ್‌ಶೆ.

2 ತಿಮೊ 3:8

ಯನ್ನ ಅಜು಼ ಯಂಬ್ರ ಮೋಶೆನಿ ವಿರೋದ್ ಕರ‍್ಯುಕೀ ಇಮ್ಮಸ್, ಆ ಅದ್ಮಿವ್‌ ಜಿನುಕು ಖ್ಹಾಚಿನ ವಿರೋದ್ ಕರಾಸ್. ಅವ್ಣು ದಿಮಾಕ್ ಬರಬರ್‌ಕೊಯ್ನಿ ಅಜು಼ ವಿಶ್ವಾಸ್‌ನ ಮ್ಹೆಂದಿದುಹುಯು ಹುಯಿರ‍್ಹೂಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:16

ಇವ್ಣೆ ದೇವ್ನಿ ಬಾರೇಮ ಪರ್ಖಿರಾಖ್ಯಸ್ ಕರಿ ಬೋಲಿಲೆಸ್. ಕತೋಬಿ ಇವ್ಣೆ ಹುಕುಮ್ನ ನಾಮಾನವಾಳು ಹುಯಿನ್ ಗಂಧು ಕಾಮ್ ಕರಾವಾಳು, ದೇವ್ನ ಅಜು಼ ಖಿವು ಅಛ಼್ಛುಕಾಮ್ ಕರಾನಬಿ ಲ್ಹಾಯಕ್ ಕೊಯ್ನಿ.

ಫಿಲೆಮೋನ 1:8

ಇನಖ್ಹಾಜೆ ತೂ ಕರ್ನುತೆ ಏಕ್‍ ಕಾಮ್ ಛಾ಼ ಇನ ತೂ ಬರಬರ್‌ಥಿ ಕರ್ನುಕರಿ ಹುಕುಮ್‌ ದ್ಯವಾನಖ್ಹಾಜೆ ಮನ ಕ್ರಿಸ್ತಮ ಪೂರ ಅಧಿಕಾರ್‌ ಛಾ಼.

2 ಪೇತ್ರ 3:5

ಕತೋಬಿ ಅಗಾಡಿ ದೇವ್ನೆ ಇನಿ ವಾತೆಥಿ ಆಬ್‍ ಧರ್ತಿನ ಅಖ್ಖಾನ ಬಣಾಯೊ ಅಜು಼ ಪಾಣಿಥಿ ಧರ್ತಿನ ಬಣಾಯೊ ಕರಿ ಬೋಲಾನಿ ವಾತೆನ ಹೋಣುಸ್‍ಕರಿ ಭೈಕಿಜಾ಼ಸ್‌.