ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:24 - ದೇವ್ನಿ ಖ್ಹಾಚಿ ವಚನ್

²⁴ ಇನಖ್ಹಾಜೆ ಅದ್ಮಿವೋನ ದಿಲ್ನಿ ಲಾಲಚ್‌ನಿಘೊಣಿ ಚಾ಼ಲಿಲಿನ್ ಇವ್ಣ ಇವ್ಣ ಶರೀರ್‌ನ ಇವ್ಣಮಹಿ ಖ್ಹರಮ್‌ ಕಡೈಲ್ಯವಾದೆಕರಿ ದೇವ್ನೆ ಇವ್ಣುನ ಕಚಿಂಡ್‌ ಚಾ಼ಲ್‌ಮ ಮ್ಹೇಲಿದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:24 ပူးပေါင်းရင်းမြစ်များ

ಮತ್ತಾಯ 15:14

“ಇವ್ಣಿ ಬಾರೇಮ ಫಿಕರ್ ನಕೊ ಕರೊ! ಇವ್ಣೆ ಕಾಣು ಹುಯಿರ‍್ಹುಸ್‍, ಬಿಜಾ಼ನ ವಾಟ್‌ ವತಾಳನ ಜಾ಼ಸ್‌, ಕಾಣೊ ಕಾಣಾನ ವಾಟ್‌ ವತಾಳ್ಯೊತೊ ಇವ್ಣೆ ಭೇ ಜ಼ಣು ಖಾಡ್‌ಮ ಪಡಾಸ್‌” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:16

ಖ್ಹತಮ್ ಹುಯಿಗೂತೆ ಹಗಾಮ್ಮ ದೇವ್ನೆ ಖ್ಹಾರ ಅದ್ಮಿವೋನ ಇವ್ಣಿ ಇವ್ಣಿ ಮರ್ಜಿಥಿ ಇವ್ಣುನ ಹೋಣುತೆ ಮಾರಗ್‌ಪರ್ ಚಾ಼ಲಾನ ಮ್ಹೆಲಿದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:42

ಇನಖ್ಹಾಜೆ ದೇವ್ನೆ ಇವ್ಣೇಥಿ ಮ್ಹೋಡು ಫರೈನ್, ಆಬ್‌ನ ಶುಕ್ಕರ್‌ನ ಪೂಜ಼ ಕರಿಲ್ಯವಾದೆಕರಿ ಇವ್ಣುನ ಮ್ಹೇಲಿದಿದೊ. ಅನಿಬಾರೇಮ ಪ್ರವಾದಿನ ಪುಸ್ತಕ್‌ಮ ಅಮ್ ಲೀಖೈರುಸ್; ದೇವ್ ಅಮ್‍ ಬೋಲಾಸ್, ಇಸ್ರಾಯೇಲ್‌ನ ಖಾನ್‌ದಾನ್‌ವಾಳವೊ! ತುಮೆ ಚಾ಼ಳಿಖ್ಹ್ ವರಖ್ಹ್‌ಲಗು ಜ಼ಂಗಳ್‌ಮರ‍್ಹಾವಾನಿ ವಖ್ಹ್‌ತೆ ತುಮೆ ಮನ ಬಲಿ ಚ಼ಢಾಯಾಥಾಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:12

ಇನಖ್ಹಾಜೆ ತುಮೆ ಶರೀರ್‌ನ ಖರಾಬ್ ಆಖ್ಹ್‌ಮ ನಾ ಪಡ್‍ನೂತೆ ತುಮಾರ ಮಟಿಜಾ಼ವಾಳ ಶರೀರ‍್ಮ ಪಾಪ್ ಹುಕುಮ್‌ ಚ಼ಲಾವನ ನಕೊಮ್ಹೇಲಿದೆವೊ.

1 ಕೊರಿಂಥ 6:13

ಖಾಣು ಅಖ್ಖು ಪೇಟ್ನಖ್ಹಾಜೇಸ್. ಪೇಟ್ ಖಾಣನ ಖ್ಹಾಜೆಸ್ ಛಾ಼.” ಕರಿ ಬೋಲೆಜಾ಼ಯ್ ಯೋ ಖ್ಹಾಚಾಸ್. ಆ ಭೇನ ಪೂರ ಕರಾವಾಳೊ ದೇವಸ್. ಶರೀರ್‌ಛಾ಼ತೆ ವ್ಯಬಿಚಾರ್‌ ಕರಾನಖ್ಹಾಜೆ ಕಾಹೆ ಪ್ರಭುನ ಸೇವೆ ಕರಾನಖ್ಹಾಜೆಸ್. ಪ್ರಭು ಶರೀರ್‌ನಖ್ಹಾಜೆ ಛಾ಼.

1 ಕೊರಿಂಥ 6:18

ವ್ಯಬಿಚಾರ್‌ನ ಮ್ಹೇಲಿನ್ ದೂರ್ ಮಿಲೈಜಾ಼ವೊ. ಅದ್ಮಿಖ್ಹಾರು ಕರಾನು ಅಖ್ಖೂಸ್ ಪಾಪ್ನು ಕಾಮ್‌ಖ್ಹಾರು ಶರೀರ್‌ನ ಭಾರ್‌ ಹುಯಿರುಸ್. ಕತೋಬಿ ವ್ಯಬಿಚಾರ‍್ನು ಪಾಪ್‌ಕರವಾಳೊ ಏಕ್‍ಜ಼ಣೊ ಇನು ಶೊಂತ್ ಶರೀರ್‌ನು ವಿರೋದ್ ಪಾಪ್ ಕರಾವಾಳೊ ಹುಯಿರ‍್ಹೇಸ್.

ಎಫೆಸ 2:3

ಪಹಿಲೆ ಅಪ್ಣೇಬಿ ಇವ್ಣಿನಿತರಸ್ ಥಾ, ಶರೀರ್‌ನು ಆಖ್ಹ್‌ದಾಖ್ಹ್‌ನ ಪೂರ ಕರಾನಟೇಕೆ ಅಪ್ಣೆ ಕೊಶೀಷ್ ಕರುಕರ್ತಥ. ಶರೀರ್‌ನ ಆಖ್ಹ್‌ಮ ಪಡೀನ್, ಶರೀರ್ ಅಜು಼ ದಿಲ್ನಿ ಆಖ್ಹ್‌ನ ಅಪ್ಣೆ ಕರ‍್ಯಾ. ಇವ್ಣಿ ಛ಼ಂದ್‌ನಿತರ ಅಪ್ಣೇಬಿ ಜಿನು ಅಲಕ್‌ನಿಘೋಣಿ ದೇವ್ನ ಇರಾದಮ ಪಡ್ಯ.

1 ಥೆಸ 4:4

ದೇವ್ನ ಮಾಲುಮ್‌ಕರ‍್ಯುಕೊಂತೆ ಅಲಕ್‌ ಅದ್ಮಿವೋನಿಘೊಣಿ ಶರೀರ್‌ನಿ ಭೋಗ್‌ಮ ನಾಪಡ್ನುತೆ ತುಮಾರಮ ಹರೇಕ್ ಜ಼ಣು ಪವಿತ್ರ ದಿಲ್‌ಥೀಬಿ ಮರ‍್ಯಾದಿಥೀಬಿ ಬಾವಣ್ಣಿಜೋ಼ಡ್ಮ ಕಿಮ್ ಜಿವ್ಣು ಕರ್ನುಕರಿ ಶಿಕಿಲೇವ್ಣು.