ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:17 - ದೇವ್ನಿ ಖ್ಹಾಚಿ ವಚನ್

¹⁷ ಕಿಮ್‌ಕತೊ ದೇವ್ ಸುವಾರ್ತೆಥಿ ಅದ್ಮಿವೋನ ಇನಭಣಿ ಅಛ಼್ಛುಹುವಾನಿಘೊಣಿ ಕರಸ್. ಅಥ್ರಾನು ಸಂಬಂದ ಶುರುವಾತ್‍ಥು ಖ್ಹರ್ತಿಲಗೂಬಿ ವಿಶ್ವಾಸ್‌ನಪರ್‌ ಭೀರೆಸ್. “ಅಮ್‌ ನೀತಿವಾಳೊ ವಿಶ್ವಾಸ್‌ಥೀಸ್ ಜಿವ್‌ಶೆ” ಕರಿ ಪವಿತ್ರಪುಸ್ತಕ್ಮ ಲಿಖೈರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:17 ပူးပေါင်းရင်းမြစ်များ

ಯೋಹಾನ 3:36

ಇನ ಛಿಯ್ಯಾನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಛಾ಼; ಕತೋಬಿ ಛಿಯ್ಯಾನಿ ವಾತೆನ ಝಿಟ್ಕಾರಸ್ಕಿ ಇವ್ಣುನ ಯೋ ಜಿ಼ಂದ್‌ಗಿ ಮಳ್‌ಶೆ ಕೊಯ್ನಿ, ಅಜು಼ ದೇವ್‌ನೊ ಇರಾದೊ ಇವ್ಣಾಪರ್ ರ‍್ಹಿಶೆ” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 10:3

ಇವ್ಣೆ ದೇವ್‌ಥಿ ಮಳಾತೆ ನೀತಿನ ನಾಮಾಲುಮ್‌ ಕರ್ಲಿನ್ ಶೊಂತ್‌ ನೀತಿನಾಸ್ ರಾಖಾನ ಕೋಶಿಶ್‌ ಕರುಕರಾಸ್ತೆಖ್ಹಾಜೆ ದೇವ್ನಿ ನೀತಿನ ಹೇಟುಕೊಹುಯುನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:21

ಕತೋಬಿ ಹಮ್ಕೆ ದೇವ್ ಧರ್ಮಶಾಸ್ತ್ರನಿ ಮದತ್‌ಕೊಂತೇಸ್ ಅದ್ಮಿವ್‍ನ ನೀತಿವಾಳೊ ಕರಿಬಣಾವನ ಮಾರಗ್‌ನ ವತಾಳಿರಾಖ್ಯೊಸ್. ಕತೋಬಿ ಆಹೈರುತೆ ಧರ್ಮಶಾಸ್ತ್ರ ಅಜು಼ ಪ್ರವಾದಿ ಖ್ಹಾರು ಆ ನವಮಾರಗ್‍ನಿ ಬಾರೇಮ ಅಪ್ಣುನ ಬೋಲಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:22

ಯೇಸುಕ್ರಿಸ್ತಮ ವಿಶ್ವಾಸ್‍ಕರಾವಾಳಥಿಸ್‌ ವಿಶ್ವಾಸಿಖ್ಹಾರವ್ನ ದೇವ್ನಿ ನೀತಿ ಆವ್‌ಶೆ. ಅನಾಮ ಖೆವುಬಿ ಅಶಿಲ್ ಕಮ್‌ಶಿಲ್ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:3

ಕತೋಬಿ ಇವ್ಣಾಮ ಥೋಡಜ಼ಣಾನೆ ವಿಶ್ವಾಸ್‌ ಕರ‍್ಯುನಾಕರ‍್ಯುತೋಬಿ ಶಾತ್? ದೇವ್ ಬಿಣ್‌ ವಿಶ್ವಾಸ್‌ವಾಳೊಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:30

ಯೆಹೂದ್ಯರ್‌ಕಾಹೆತೆ ಇವ್ಣೇಥಿ ಇವ್ಣೆಸ್ ಇವ್ಣ ಶಕಥ್ಥಿ ನಾ ಕರ‍್ಯುತೋಬಿ ದೇವ್ನಿ ವಿಶ್ವಾಸ್‍ಥಿ ಹುಯುತೆ ನೀತಿವಾಳುಕರಿ ಗಣ್ತಿ ಹುಯಿಜಾ಼ಶೆ.

2 ಕೊರಿಂಥ 3:9

ಅನಿ ಅರ್ಥ ಶಾತ್‍ಕತೊ; ಯೋ ಸೇವೆ ಅದ್ಮಿನ ಅಪರಾದಿಕರಿ ತೀರ್ಪ್‍ದಿದು, ಕತೋಬಿ ಯೋ ಮಹಿಮೆನ ಲೀರಾಖ್ಯುಥು. ಅನಖ್ಹಾಜೆ, ನೀತಿನ ಕಫ್ಫನ್ ಹುಯಿರ‍್ಹುತೆ ಸೇವೆ ಬಿಜೂ಼ಬಿ ಘಣು ಮಹಿಮೆನ ಉಬ್‍ಜಾ಼ವಾನು ಕೆತ್ರೇಕ್ಕಿ ಖ್ಹಾಚಹುಯಿರೂಸ್.

2 ಕೊರಿಂಥ 5:21

ಕ್ರಿಸ್ತಮ ಪಾಪಸ್ ಕೋಥೂನಿ. ಕತೋಬಿ ಹಮೆ ದೇವ್ನ ಸಮರ್ಪಣೆನಿ ಪರಕ್ಮ ನೀತಿಸ್ವರೂಪಿ ಹುಯಿರ‍್ಹಾವನಿತರ ದೇವ್ ಇನ ಪಾಪ ಸ್ವರೂಪಿಕರಿ ಬಣಾಯೊ.

ಗಲಾತ್ಯ 3:11

ಅತ್ರೇಸ್‍ಕಾಹೆತೆ ಧರ್ಮಶಾಸ್ತ್ರಥಿ ಕೋಣ್‌ಬಿ ದೇವ್ನಿ ಝ಼ಗೋಮ ನೀತಿವಾಳೊ ಕೊ ಉಷೇನಿಕರಿ ದೆಖಾವಸ್, ಶನಕತೊ ನೀತಿವಾಳೊ ವಿಶ್ವಾಸ್‌ಥೀಸ್ ಜಿವ್‌ಶೆ ಕರಿ ಬೋಲೈರ‍್ಹುಸ್.

ಫಿಲಿಪ್ಪಿ 3:9

ಅನಾಮ ಮಾರಿ ಖ್ಹೂಜ಼್ ಶಾತ್‌ಕತೊ, ಮೆ ಕ್ರಿಸ್ತಾನ ಕಮೈಕರೀನ್, ಧರ್ಮಶಾಸ್ತ್ರನು ಫಲ್ ಹುಯಿರ‍್ಹುತೆ ಶೊಂತ್ ನೀತಿಕಾಹೆ, ಕ್ರಿಸ್ತಮ ವಿಶ್ವಾಸ್‌ಕರಾಥಿ ಮಳಾತೆ ಕತೊ ಕ್ರಿಸ್ತಪರ್‌ನಿ ವಿಶ್ವಾಸ್‌ನಿ ಆಧಾರ್‌ಥಿ ದೇವ್ ದೇಸ್ತೆ ನೀತಿನಾಸ್ ಲೀನ್ ಕ್ರಿಸ್ತಮ ರ‍್ಹೇವ್ಣುಕರಿ ಬೋಲಾನುಸ್.

ಇಬ್ರಿ 10:38

ಇನಖ್ಹಾಜೆ ಮಾರು ನೀತಿವಾಳೊ ವಿಶ್ವಾಸ್‌ಥೀಸ್ ಜಿವ್‌ಶೆ, ಕತೋಬಿ ಇನೇಥಿ ಕೋಣ್‌ತೋಬಿ ಪೀಠೆ ಧಕ್ಯೋತೊ ಯೊ ಮನ ಪಸಂದ್ ಕೊರ‍್ಹಿಶೇನಿ.