ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:13 - ದೇವ್ನಿ ಖ್ಹಾಚಿ ವಚನ್

¹³ ಭೈಯೇ ಭೇನೆವೊ, ಪರೈಆದ್ಮಿಯೇವ್‍ಮ ಜುತ್ಯೋತೆತಿಮ್‍ ತುಮಾರಮಬಿ ಜೂತಿಶ್‌ಕರಿ, ಮೇ ಕೈಯೆಕ್‍ಹಲ್ಲ ತುಮುನ ಮಳಾನಖ್ಹಾಜೆ ದಿಲ್‍ಕರ‍್ಯೊತೋಬಿ, ಹಮ್ಕೆಲಗು ಶಾತ್ಕಿ ಏಕ್‍ ಆಡು ಹೂಕರ್ತುಥು ಕರಿ ತುಮೇಬಿ ಮಾಲುಮ್‌ಕರಿರಾಕೊ ಕರಿ ಮಾರಿ ಆಖ್ಹ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:13 ပူးပေါင်းရင်းမြစ်များ

ಯೋಹಾನ 12:24

ಮೇ ತುಮೂನ ಖ್ಹಾಚ ಬೋಲು ಕರುಸ್; ಕಬ್ಲಗು ಘವ್‌ನೊ ದಾಣೊ ಜ಼ಮೀನ್‌ಮ ಪಡೀನ್, ಮರ‍ಕೊಯ್ನಿಕಿ, ತಬ್‍ಲಗು ಎಕ್ಕಸ್ ರ‍್ಹಿಶೆ; ಕದೆ ಮರ‍ಸ್ಕಿ ತದೆ, ಘಣು ದಾಣಾನ ದಿಶೆ.

ಯೋಹಾನ 15:16

ತುಮೆ ಮನ ಚೂ಼ಣಿನ್ ಕಾಡಿರಾಖ್ಯಕೊಯ್ನಿ; ಮೇ ತುಮೂನ ಚೂ಼ಣಿನ್ ಕಾಡಿರಾಖ್ಯೊಸ್, ತುಮೆ ಜೈ಼ನ್‌, ಪಂಡು ದೇವ್ಣುಕರಿ ಅಜು಼ ಯೋ ಪಂಡು ಕೆದೇಬಿ ದ್ಯವಾನು ಹುಯಿರ‍್ಹೇಣು ಕರಿ, ಮೇ ತುಮೂನ ನೇಮ್‌ಶೈರಾಖ್ಯೋಸ್‌. ಅನಖ್ಹಾಜೆಸ್ ಮಾರ ನಾಮ್‍ಥಿ ತುಮೆ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ.

ಯೋಹಾನ 4:36

ವ್ಹಾಡವಾಳನ ಹಮ್ಕೆಸ್‌ ಕೂಲಿ ಮಳ್‌ಶೆ ಅಜು಼ ಯೋ ಹಮೇಶಾನಿ ಜಿ಼ಂದ್‌ಗೀನಖ್ಹಾಜೆ ಅನಾಜ಼್‌ನ ಜ಼ಮ ಕರಾಸ್. ಅಮ್ ಪಿಕಾವವಾಳಾನ ಅಜು಼ ವ್ಹಾಡವಾಳಾನ ಭೇನ ಎಕ್ಕದಮ್‌ ಖ್ಹುಶಿ ಉಷೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:15

ಥೋಡದನ್ ಬಾದ್‌ಮ, ವಿಶ್ವಾಸಿಮ ಖ್ಹುಮಾರ್ ಏಕ್‌ಖ್ಹೊ ವೀಖ್ಹ್‌ ಜ಼ಣು ಸಭೆಮ ಮಳೀನ್‍ ಅಯಿರ‍್ಹವಾಮ, ಪೇತ್ರನೆ ಬೀಚ್ಮ ಉಠಿ ಭೀರಿನ್:

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:27

ಪೌಲ,ಬಾರ್ನಬ ಅಂತಿಯೋಕ್ಯನ ಆಯಿನ್ ಹಿಜ಼್ಜಾನಿ ಸಬೆವಾಳನ ಎಕ್ಟು ಕರಿನ್, ದೇವ್ನೆ ಇವ್ಣಿಜೋ಼ಡೆ ರ‍್ಹೀನ್ ಕರ‍್ಯೊತೆ ಅಖ್ಖಾಕಾಮ್ನಿ ಬಾರೇಮ ಇವ್ಣುನ ಖ್ಹಮ್‍ಜಾ಼ಡ್ಯ. ಬಿಜು಼ “ಯೆಹೂದ್ಯರ್‌ಕಾಹೆತೆ ಇವ್ಣೇಬಿ ವಿಶ್ವಾಸ್ ಕರಾನಿತರ ದೇವ್ ಬಾಕಲ್ ಉಖ್ಡಿರಾಖ್ಯೋಸ್!” ಕರಿ ಬೋಲಿವತಾಳ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:12

ತದೆ ಝೂ಼ಂಡ್ ಭರೈರ‍್ಹುಥೂತೆ ಖ್ಹಾರಾಸ್‌ನೆ ಆ ವಾತೆಖ್ಹಾರಿ ಖ್ಹಮ್‌ಜಿನ್‌ ಶೊಪೊ ಪಡೀಗು. ಬಾರ್ನಬ ಅಜು಼ ಪೌಲಥಿ, ದೇವ್ನೆ ಅಲ್ಹಾವ್‌ ಅದ್ಮಿಮ ಕರ‍್ಯೊತೆ ಖ್ಹಾರು ಖ್ಹಣೇದ್‍ನು ಕಾಮ್ನಾಬಿ, ಅದ್ಭುತ್‌ಕಾಮ್‌ನಾಬಿ ಬೋಲ್ಯುತೆ ಇನ ಕಾನ್‍ದೀನ್ ಖ್ಹಮ್‌ಜ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:21

ಆ ಹುಯುತೆ ಇನಕೇಡೆಥು ಪೌಲ ಮೆಕೆದೋನ್ಯ ಅಜು಼ ಅಖಾಯ ದೇಖ್ಹ್‌ನಿ ವಾಟೆ ಯೆರೂಸಲೇಮ್ನ ಜಾ಼ವಾನಿ ಮನ್‌ಕರ‍್ಯೊ. ಹಿಜ್ಜಾ಼ ಮೇ ಜಾ಼ವಾನಿ ವಖ್ಹತ್‌ಮ ರೋಮ್ ನಂಗರ್‌ನಾಬಿ ಮಳ್‌ಣು” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:19

ಪೌಲನೆ ಇವ್ಣುನ ಖ್ಹಲಾಮ್‍ಕರೀನ್ ಇನಿ ಸೇವೆಥಿ ದೇವ್ನೆ ಕರ‍್ಯೊತೆ ಪೂರ ಕಾಮ್ನ ಯೆಹೂದ್ಯರ್‌ಕಾಹೆತೆ ಅದ್ಮಿಖ್ಹಾರಾನ ಬೀಚ್ಮ ಯೊ ಬೋಲಿವತಾಳ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:14

ಹಮೆ ಹಿಜ್ಜಾ಼ ಥೋಡು ವಿಶ್ವಾಸಿವ್‌ನ ದೇಖ್ಯ. ಇವ್ಣಜೋ಼ಡ್ಮ ಖ್ಹಾತ್ ದನ್‌ತೋಬಿ ರ‍್ಹೇವ್ಣುಕರಿ ಬೋಲಿಲಿದು. ಇನಖ್ಹಾಜೆ ಹಮೆ ರೋಮ್‍ನ ಆಯ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:12

ಮಾರಿ ವಿಶ್ವಾಸ್‌ಮ ತುಮೇಬಿ ತುಮಾರಿ ವಿಶ್ವಾಸ್‍ಥಿ ಮೇಬಿ ಏಕ್‍ಥಿಏಕ್‍ಜ಼ಣು ಮದತ್ನ ಲೀಲೆವ್ಣುಕರಿ ಮಾರಿ ಆಖ್ಹ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:25

ಭೇನೆ ಭೈಯೇವೊ, ಏಕ್‌ ಗಪ್ಲತ್‌ನಿ ವಾತೆ ಖ್ಹಾಚು಼ಛಾ಼ ಇನ ತುಮೇಬಿ ಖ್ಹಮಜ಼್‌ಣುಕರಿ ಆಖ್ಹ್‌ಕರುಸ್. ಶನಕತೊ ತುಮೆ ಕೆತ್ರೆ ಅಕ್ಲಿ ಹುಯಿರಾಸ್‍ಕರಿ ಮಾಲುಮ್ ಹುವಾಸ್. ಯೋ ಶಾತ್‍ಕತೊ, ಯೆಹೂದ್ಯರ್‌ಕಾಹೆತೆ ಅದ್ಮಿಯೇವ್‍ ದೇವ್‌ಕನ ಆವಾಲಗು ಖಲಿ ಇಸ್ರಾಯೇಲ್‌ವಾಳ ಅದ್ಮಿ ಇವ್ಣ ದಿಲ್ನ ಕಠಣ್ ಕರಿರಾಖಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:1

ಭೈಯೇ ಭೇನೇವೊ, ಧರ್ಮಶಾಸ್ತ್ರನ ಮಾಲುಮ್ ಕರಿರಾಖವಾಳನ ಮೇ ಶಾತ್ ಬೋಲಸ್‍ಕತೊ, ಏಕ್‍ಅದ್ಮಿ ಬಚಿರ‍್ಹಾವಲಗು ಖಲಿ ಧರ್ಮಶಾಸ್ತ್ರ ಇನ ಉಪ್ಪರ್ ಅದಿಕಾರ್ ಕರಸ್‍ಕರಿ ತುಮೂನ ಮಾಲುಮ್ ಛಾ಼.

1 ಕೊರಿಂಥ 1:10

ಬೇನೆ, ಭೈಯೇವೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ನಾಮ್‍ಥಿ ಮೇ ತುಮೂನ ಬಿಂತಿ ಕರುಸ್ತೆ ಶಾತ್‍ಕತೊ, ಅಬ್ಬಾಜ಼ಬ್ಬಿ ನಾ ಬೋಲ್ನುತೆ, ಅಷಿಲ್ ಕಮ್‍ಶಿಲ್ ಕರಿ ಬೇಭಾಗ್‌ ನಾ ರ‍್ಹೇವ್ಣು. ಎಕ್ಕಸ್ ದಿಲ್‌ಥಿ ಎಕ್ಕಸ್ ಖ್ಹಯಾಲ್‌ಥೀಬಿ ಎಕ್ಟುರ‍್ಹೀನ್ ಜಿವ್ಣು ಕರೊ,

1 ಕೊರಿಂಥ 10:1

ಭೇನೆ ಭೈಯೇವೊ ಮೇ ತುಮುನ ಬೋಲಾನ ಶಾತ್ ಅಖ್ಹ್‌ ಕರುಸ್‌ಕತೊ, ಅಪ್ಣೊ ಗುರುಗುರಬ್‍ಲ್ಯ ಖ್ಹಾರುಬಿ ವಾದ್ಳಾನ ಆಖ್ಹ್‌ರಾಮ ಥಾ, ಇವ್ಣೆಖ್ಹಾರುಬಿ ಜ಼ತನ್‌ಥಿ ದರ‍್ಯಾವ್‍ನ ಉಲಾಂಗಿಗಯು.

1 ಕೊರಿಂಥ 12:1

ಭೇನೆ ಭೈಯೇವೊ, ಹಮ್ಕೆ ಪವಿತ್ರಾತ್ಮಥಿ ಮಳಾತೆ ವರಾನಿಬಾರೇಮ ತುಮೆ ಬಿಣ್‍ಖ್ಹೈಲಿ ನಾ ಹುಯಿರ‍್ಹೇಣು. ಕರಿ ಆಖ್ಹ್ ಕರುಸ್.

1 ಕೊರಿಂಥ 14:20

ಭೇನೆ ಭೈಯೇವೊ ಲಡ್ಕವ್ನಿತರ ಸೋಚಾನು ಮ್ಹೇಲಿದೆವೊ. ಖರಾಬ್‌ನಿ ಬಾರೇಮ ಅಡ್ಡಾಣಿನಿತರ ರ‍್ಹಿಯತೋಬಿ, ತುಮಾರಿ ಖ್ಹೂಜ಼್‌ಮ ಸಮಜ್‌ಧಾರ್‌ ಹುಯಿರ‍್ಹೇವೊ.

1 ಕೊರಿಂಥ 14:26

ಇನಖ್ಹಾಜೇಥಿ ಭೈಯೇ ಭೇನೆವೊ ಅಪ್ಣೆ ಶಾತ್‌ ಬೋಲೆಜಾ಼ಯ್‍? ತುಮೆ ಸಬೆಮಳಾದೀನ್, ಹರೇಕ್‌ಜ಼ಣಾನ ಕೀರ್ತನೆ ರ‍್ಹವೊ, ಉಪದೇಶ್ ಕರಾನುರ‍್ಹೇವೊ ದೇವ್‍ಥಿ ನವು ಖ್ಹಾಚ಼ನ ಖ್ಹಮ್‍ಜಾ಼ಡಾನ ರ‍್ಹವೊ, ಅಲಕ್ ಬೋಲಿಮ ಬೋಲಾನು ರ‍್ಹವೊ, ಇನಿ ಮತಲಬ್‍ನ ಬೋಲಾನು ರ‍್ಹವೊ, ಆ ಖ್ಹಾರೂಸ್ ಸಬೆನ ಭಾಂದಾನು ರ‍್ಹವೊ ಆತ್ಮಮ ಭಡಾವಾನಖ್ಹಾಜೆ ಹುವಾದೆ.

1 ಕೊರಿಂಥ 9:2

ಅಲ್ಹಾವ್ ಅದ್ಮಿನ ಮೇ ಅಪೊಸ್ತಲ ನಾ ಹುಯಿರ‍್ಹುತೋಬಿ ತುಮೂನ ತೋಬಿ ಅಪೊಸ್ತಲ ಹುಯಿರ‍್ಹೋಸ್. ಮೇ ಪ್ರಭುನೊ ಅಪೊಸ್ತಲಕರಿ ಬೋಲೈಲ್ಯವಾನ ತುಮುನ ಮಾರು ಮುದ್ರೊ ನಾಖಿರಾಖ್ಯೋಸ್.

2 ಕೊರಿಂಥ 1:8

ಭೇನೆ ಭೈಯೇವೊ, ಹಮೆ ಏಷ್ಯಾ ತಬರ್‌ಖಾಮ ಖ್ಹಮಾಳ್ಯಾತೆ ಖ್ಹತಾಪ್ಣಿನಿ ಬಾರೇಮ ತುಮೂನ ಮಾಲುಮ್‌ಪಡಾದೆ ಕರಿ ಹಮಾರಿ ಖ್ಹಯಾಲ್ ಹುಯಿರಿಸ್, ಹಿಜ್ಜಾ಼ ಹಮೂನ ಕೈಏಕ್ ಮೋಟಿ ಖ್ಹೂಜ಼್‍ಥಿ. ಯೋ ಖ್ಹೂಜ಼್‌ಖ್ಹಾರಿ ಹಮಾರಿ ಶೊಂತ್ ಶಕಥ್ಥಿಬಿ ಘಣುಥು. ಜಾನ್‍ಖ್ಹಮೇದ್ ಬಚಾ಼ನಿ ವಿಶ್ವಾಸ್‌ ಹಮೆ ಮ್ಹೆಲಿದಿದ.

2 ಕೊರಿಂಥ 2:14

ಕತೋಬಿ ಮೇ ದೇವ್ನ ಧನ್ಯವಾದ್ ಕರುಸ್. ಯೋ ಹಮೂನ ಕ್ರಿಸ್ತನಿ ಗಳ್‌ಜೋ಼ಡ್ಮ ಕದೇಬಿ ಜೀತ್‍ನಿ ಜಯಭಣಿ ಚ಼ಲಾವ್ತೊ ಹುಯಿನ್ ಅಜು಼ ಇನಿ ಗ್ಯಾನ್ನಿ ಅಛ್ಛಿ ವಾಖ್ಹ್‌ನ ಅಖ್ಖಿಬಾಜು಼ ಹಮಾರೇಥಿ ಫೈಲಾವವಾಳ ದೇವ್ನ.

ಗಲಾತ್ಯ 3:15

ಭೈಯೇ ಭೇನೆವೊ, ದನ್‌ರೋಜ಼್‌ನ ಜಿವ್ಣಾಥು ಏಕ್‌ ಮತ್ಲಬ್ ತುಮುನ ಬೋಲುಸ್, ಏಕ್‍ಜ಼ಣೊ ಬಿಜೇಕ್‌ ಜ಼ಣಾಥಿ ಒಪ್ಪಂದ ಕರಿರಾಖಸ್. ಇನ ಬರೊಬ್ಬರ್‌ಥಿ ಕರೀನ್ ಖತಮ್ ಕರಾಪರ್ ಇನ ಕೋಣ್‌ಬಿ ಕಾಡಖ್ಹರ್ಕು ಕೊಯ್ನಿ, ಮಳಾವಖ್ಹರ್ಕೂಬಿ ಕೊಯ್ನಿ.

ಗಲಾತ್ಯ 6:18

ಭೈಯೇ ಭೇನೆವೊ, ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ವಾರ್‌ಖ್ಹೊ ತುಮಾರ ಆತ್ಮನಿ ಜೋ಼ಡ್ಮ ರ‍್ಹವಾದೆ. ಆಮೆನ್.

ಫಿಲಿಪ್ಪಿ 1:22

ಅಮ್ ಶರೀರ್‌ಮ ಬಚಾ಼ನುಸ್ ಫಲ್ ದ್ಯವಾನು ರ‍್ಹಯೂತೊ, ಅನಾಮಾಥು ಖಿವು ಚೂ಼ಣಿಲೇವ್ಣುಕರಿ ಮನ ಮಾಲುಮ್‌ ಕೊಪಡುಕರಾನಿ.

ಫಿಲಿಪ್ಪಿ 4:17

ಖ್ಹಾಚಮಾಬಿ ಮೆ ತುಮಾರೇಥಿ ಇನಾಮ್ ಲೇವ್ಣು ಕರಿಕಾಹೆ, ಕತೋಬಿ ಅನೇಥಿ ತುಮೆ ಚೆಹೆಳ್ ಅಜು಼ ಬರ್ಗತ್ ಹುವಾದೇಸ್ ಕರಿ ಮಾರಿ ಆಖ್ಹ್.

ಕೊಲೊಸ್ಸೆ 1:10

ಪ್ರಭುನ ಪಸಂದ್ ಹುವಾನಿ ಪರಕ್ಮ ಖ್ಹಾರಿಸ್ ತರಾಮ ತುಮೆ ಲ್ಹಾಯೇಕ್ ಹುಯಿನ್ ಜಿವ್ಣುಕರ‍್ನು ಕರೀಬಿ ಹರೇಕ್‍ಥರಾನು ಅಛ಼್ಛುಕಾಮ್ನ ಕರ್ತುಹುಯಿನ್ ದೇವ್ನಿ ಅಕ್ಕಲ್‌ಮ ಭಡ್ತುಜಾ಼ವ್ಣು ಕರಿ,

ಕೊಲೊಸ್ಸೆ 1:6

ತುಮೆ ಖ್ಹಾಚಾಮ ದೇವ್ನಿ ವಾರ್‌ಖ್ಹಾನ ಖ್ಹಮ್‌ಜಿನ್‌ ಮಾಲುಮ್ ಕರಿರಾಖ್ಯಾತೆ ದನ್‌ಥು ತುಮಾರಕನ ಆಯುತೆ ಯೋ ಸುವಾರ್ತೆನ ಜಗತ್‌ಮಖ್ಹಾರು ಫಲ್‍ದಿದೂತೆ ತಿಮ್ಮಸ್ ತುಮಾರಮಾಬಿ ಫಲ್‍ದೀನ್‍ ಭಢುಕರಸ್.

1 ಥೆಸ 2:18

ಶನಕತೊ ಆವಾನ ಹಮೂನ ಮನ್ ಥೂ, ಪೌಲ ಹುಯಿರ‍್ಹೋತೆ ಮೇಸ್ ಕೆತ್ರೇಕಿಹಲ್ಲ ಪಾಛು಼ ತುಮಾರಕನ ಆವ್ಣುಕರಿ ಕರ‍್ಯೊ, ಕತೋಬಿ ಶೈತಾನ್ನೆ ಆವಾನ ಮ್ಹೇಲ್ಯೊಕೊಯ್ನಿ.

1 ಥೆಸ 4:13

ಹಮಾರ ಭೈಯೇ ಭೇನೇವೊ, ಮರಿಗಯೂತೆ ಅದ್ಮಿನಿ ಬಾರೇಮಾನಿ ಖ್ಹಾಚಿನ ತುಮೆ ಮಾಲುಮ್ ಕರಿರಾಕ್ಣುಕರಿ ಹಮಾರಿ ಆಖ್ಹ್. ಅನೇಥಿ ಕೋಣ್‌ಬಿ ಭರೋಖ್ಹಾಮಕೊಂತೆ ಅಲಕ್‌ನಿಘೋಣಿ ತುಮೆ ದುಖ್‌ಮ ನಾರ‍್ಹೇವ್ಣು.

2 ಥೆಸ 2:7

ಠಗಾವ್ಣು ಅಜೂ಼ಬಿ ಗಪ್ಲಥ್ಥಿ ಕಾಮ್ ಕರುಕರಸ್. ಕತೋಬಿ ಅನ ಠೇರೈರಾಖವಾಳೊ ವಾಟ್‌ ಮ್ಹೇಲಾಲಗುಬಿ ಯೋ ಗಪ್ಲಥ್ಥೀಸ್ ರ‍್ಹಿಶೆ.

2 ತಿಮೊ 4:17

ಕತೋಬಿ ಪ್ರಭುನೆ ಮಾರ ಜೋ಼ಡೆಸ್ ರ‍್ಹೀನ್, ಮನ ಭಾಲಿದಿದೊ. ಅಜು಼ ಮೇ ಪರೈಜಾ಼ತ್‌ವಾಳು ಖ್ಹಾರು ಪೂರಿ ತರಿಕಾಥಿ ಖ್ಹಮ್‌ಜಾ಼ನಿಮತ್ ದೇವ್ನಿ ಸುವಾರ್ತೆನ ಬೋಲಾನಿಘೋಣಿ ಕರ‍್ಯೊ. ಎತ್ರೇಸ್ ಕಾಹೆತೆ ಇನೆ ಮನ ಶುಂಭಾನ ಮ್ಹೋಡಮಾಥು ಛೋ಼ಡಾಯೊ.