ಪ್ರಕಾಶಿತ್ 9:4 - ದೇವ್ನಿ ಖ್ಹಾಚಿ ವಚನ್

⁴ ಜ಼ಮೀನ್‌ಪರ್ ಛಾ಼ತೆ ಘಾಖ್ಹ್‌ನ ರ‍್ಹವೊ ಪಂಡು ಫಲ್ನ ರ‍್ಹವೊ, ಝಾ಼ಡನ ರ‍್ಹವೊ, ನಾಶ್‌ನಾಕರ‍್ನುತೆ, ತಾಳ್ವಪರ್ ದೇವ್‌ನೊ ಮುದ್ರೊಕೊಂತೆ ಅದ್ಮಿವ್‌ನಖಲಿ ನಾಶ್‌ಕರ್ನುಕರಿ ಯೊ ಚಿಡ್ಡಾವ್ನ ಹುಕುಮ್‌ಹುಯು.

ಪ್ರಕಾಶಿತ್ 9:4 ပူးပေါင်းရင်းမြစ်များ

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಎಫೆಸ 4:30

ದೇವ್ನ ಪವಿತ್ರಾತ್ಮನ ದುಖ್ ನಕೊ ಕರೊ. ಇನಾಮಸ್ ಛುಟ್ಕಾರ್‌ನ ದನ್ನಖ್ಹಾಜೆ ಮುದ್ರೊ ಲೀರಾಖ್ಯಾಸ್ನಿ.

ಪ್ರಕಾಶಿತ್ 14:1

ಅನಪಾರ್ ಮೆ ದೇಖಾಮ ಬಲಿ ಮೇಂಢಾನ ಚೆಲ್ಕುಹುಯಿರ‍್ಹವಾಳೊ ಚೀಯೋನ್ ಪರ್ಭತ್‌ಪರ್‌ ಭಿಯುರ‍್ಹವಾನು ದೇಖ್ಯೊ. ಇನ ಜೋ಼ಡ್ಮ ಏಕ್‌ ಲಾಕ್ ಚಾರ್‌ಉಪ್ಪರ್ ಚಾ಼ಳಿಖ್ಹ್ ಹಜಾ಼ರ್‌ಜ಼ಣು ಥು. ಇವ್ಣ ತಾಳ್ವಪರ್ ಇನು ನಾಮ್‌ಬಿ ಇನ ಬಾನು ನಾಮ್‌ಬಿ ಲೀಖೈರ‍್ಹೂಥು.

ಪ್ರಕಾಶಿತ್ 6:6

ಇನಪಾರ್ ಚಾರ್ ಜೀವಿನ ಇಚ್ಮಾ಼ಥು ಏಕ್‌ ಜ಼ಣಾನಿ ಅವಾಜ಼್ ನಿಕ್ಳಾನಿಘೋಣಿ ಖ್ಹಮ್‌ಜೊ. ಏಕ್‌ ಪೈಶಾನ ಏಕ್‌ ಶೇರ್ ಘವ್‌, ಅಜು಼ ಏಕ್‌ ದನ್ನಿ ಕೂಲಿ ತೀನ್ ಶೇರ್ ಬಾಜ಼್ರೊ, ಕತೋಬಿ ತೇಲ್ನ ಅಜು಼ ದ್ರಾಕ್ಷಿನ ರಖ್ಹ್‌ನ ಖರಾಬ್‌ನಕೋಕರ್” ಕರಿ ಬೋಲ್ಯು.

ಪ್ರಕಾಶಿತ್ 7:1

ಆ ಹುಯಿಜಾ಼ವದಿನ್ ಚಾರ್‌ಜ಼ಣ ದೇವ್ನು ದೂತರ್ ಜ಼ಮೀನ್ನು ಚಾರ್ ರುಕ್‍ಮ ಭೀರಿನ್ ಜ಼ಮೀನ್‌ಪರ್‌ರ‍್ಹವೊ, ದರ‍್ಯಾವ್‌ಪರ್‌ರ‍್ಹವೊ, ನತರ್ ಖೆವ ಝಾ಼ಡಪರ್‌ರ‍್ಹವೊ ವ್ಹಯಿರೊ ನಾವಾಗ್ಣುತೆ ತಿಮ್ ಜ಼ಮೀನ್ನು ಚಾರ್‌ದಿಕ್ನು ವ್ಹಾಯಿರಾನ ಭೀರಾಖಿರಾಖನು ದೇಖ್ಯೊ.

ಪ್ರಕಾಶಿತ್ 8:7

ಪಹಿಲೊ ದೇವ್ನು ದೂತಾನೆ ಇನು ತುತ್ತೂರಿನ ಫೂಕಾನಿವಖ್ಹ್‌ತೆ ಲ್ಹೋಯಿ ಮಳಿಹುಯು ಗಾರಾನೊ ಪಾಣಿಬಿ, ಆಗ್‌ಬಿ,ಜ಼ಮೀನ್‌ಪರ್ ರಂಚಾ಼ಯು. ಜ಼ಮೀನ್ನು ತೀನ್‌ಮಾನು ಏಕ್‌ಭಾಗ್ ಬಳಿಗಯು. ಝಾ಼ಡವ್‌ಮ ತೀನ್‌ಮಾನು ಏಕ್‌ಭಾಗ್ ಬಳಿಗಯು. ಹರ‍್ಯು ಘಾಖ್ಹ್‌ಅಖ್ಖು ಬಳಿಗಯು.