ಪ್ರಕಾಶಿತ್ 7:11 - ದೇವ್ನಿ ಖ್ಹಾಚಿ ವಚನ್

¹¹ ಇವ್ಣೆಖ್ಹಾರು ಸಿಂಹಾಸನ್ನ ಅಶ್‌ಪಿಶ್ ಭಿಯೂಥು. ಶಾಣುಖ್ಹಾರು ಅಜು಼ ಚಾರ್ ಜೀವಿಬಿ ಹಿಜ್ಜಾ಼ಥು. ದೇವ್ನು ದೂತರ್ ಸಿಂಹಾಸನ್ನ ಖ್ಹಾಮ್ಣೆ ಘುಡ್‌ಗ್ಯಾಟೇಕಿನ್‌ ಆರಾದನೆ ಕರ್ತುಹುಯಿನ್,

ಪ್ರಕಾಶಿತ್ 7:11 ပူးပေါင်းရင်းမြစ်များ

ಮತ್ತಾಯ 4:10

ತದೆ ಯೇಸುನೆ, “ಇನ, ಶೈತಾನ್‍ ತೂ ಹಟಿಜಾ಼! ‘ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ ಎಕ್ಕಸ್ ಜ಼ಣಾನ ಆರಾದನೆ ಕರ‍್ನು ಅಜು಼ ಸೇವೆ ಕರ‍್ನು ಕರಿ ವಚನ್‌ಮ ಲೀಖೈರ‍್ಹುಸ್” ಕರಿ ಬೋಲ್ಯೊ.

ಯೋಹಾನ 5:23

ಶನಕತೊ, ತಮಾಮ್‌ ಜ಼ಣು ಬಾನ ಮರ್ಯಾದಿ ವತಾಳಸ್ತೆ ಇಮ್ಮಸ್, ಛಿಯ್ಯಾನಾಬಿ ಮರ್ಯಾದಿ ವತಾಳ್ಣು ಕರಿ ಇನೆ ಅಮ್ ಕರ‍್ಯೊತೆ, ಕೋಣ್ ಛಿಯ್ಯಾನ ಮರ್ಯಾದಿ ದೇಯಿಕೊಯ್ನಿಕಿ ಇವ್ಣೆ ಇನ ಮೋಕ್‌ಲ್ಯೊತೆ ಬಾನಾಬಿ ಮರ್ಯಾದಿ ಕೋ ದೇಯ್ನಿ.

ಇಬ್ರಿ 1:6

“ಆ ಕಾಹೆತೆ ದೇವ್ ಇನ ಫೈಲೋಟ ಛಿಯ್ಯಾನ ಧರ್ತಿಪರ್ ಪಾಛು಼ ಮೋಕ್ಲಾನಿ ವಖ್ಹ್‌ತೆ, ದೇವ್ನ ದೂತರ್‌ಖ್ಹಾರು ಇನ ಆರಾದನೆ ಕರ್ನುಕರಿ ಹುಕುಮ್ ಕರಿರಾಖ್ಯೋಸ್”.

ಪ್ರಕಾಶಿತ್ 11:16

ಅನವಾರ್ ದೇವ್ನ ಜೋ಼ಡ್ಮ ಇವ್ಣ ಇವ್ಣ ಸಿಂಹಾಸನ್‌ಪರ್ ಬೇಠುಥೂತೆ ಚಾರ್‌ಉಪ್ಪರ್‌ವೀಖ್ಹ್‌ ಜ಼ಣು ಶಾಣು ಇನ ಆಡ್‍ಪಡಿನ್ ಆರಾದನೆ ಕರ‍್ಯು ಅಜು಼,

ಪ್ರಕಾಶಿತ್ 15:4

ಪ್ರಭು, ತುನ ಡರಾಕೊಂತೆ ಅಜು಼ ಅದ್ಮಿಖ್ಹಾರು ತಾರ ನಾಮ್ನ ಮಹಿಮೆ ಕರಾಕೊಂತೆ ಕೋಣ್‌ತೋಬಿ ಛಾ಼ಕಿಶು? ತೂ ಎಕ್ಕಸ್ ಜ಼ಣೊ ಪರಿಶುದ್. ತಾರು ನೀತಿನು ನ್ಯಾವ್‌ನು ತೀರ್ಪ್ ಉಜಾ಼ಳಮ ಆಯೂತೆ ಖ್ಹಾಜೆ ಹರೇಕ್ ಜ಼ಗ್‌ಜಾ಼ತ್‌ಖ್ಹಾರು ತಾರ ಖ್ಹಾಮ್ಣೆ ಅಯಿನ್ ತುನ ಆರಾದನೆ ಕರ್ಶೆ.

ಪ್ರಕಾಶಿತ್ 22:9

ಕತೋಬಿ ಯೋ ದೇವ್ನದೂತನೆ, “ಮನ ಖ್ಹಲಾಮ್ ನಕೊಕರ್. ಮೇಬಿ ತಾರಿನಿತರಾಸ್ ಆ ಪುಸ್ತಕ್‌ಮ ಛಾ಼ತೆ ಅಖ್ಖಿ ವಚನ್ನ ಪಾಡಿ ಚಾ಼ಲ್ಯಹುಯ ಅದ್ಮಿನಿತರಸ್. ಅಜು಼ ತಾರ ಭೈಯೇ ಹುಯಿರ‍್ಹಾತೆ ಪ್ರವಾದಿನಿ ಘೋಣಿ ಮೇಬಿ ಖಲಿ ಏಕ್‌ ಸೇವಕ್ ಹುಯಿರ‍್ಹೊಸ್. ತೂ ದೇವ್ನ ಖ್ಹಲಾಮ್ ಕರ್‌” ಕರಿ ಬೋಲ್ಯೊ.

ಪ್ರಕಾಶಿತ್ 4:10

ಯೋ ಚಾರ್ ಉಪ್ಪರ್ ವೀಖ್ಹ್‌ ಜ಼ಣು ಶಾಣುಖ್ಹಾರು ಸಿಂಹಾಸನ್‌ಪರ್ ಬೆಠೊರ‍್ಹವಾಳಾನ ಗೋಡಾಪರ್ ಆಡ್‍ಪಡಿನ್, ಇವ್ಣ ಕಿರೀಟ್ನ ಸಿಂಹಾಸನ್ನ ಖ್ಹಾಮ್ಣೆ ನಾಖಿನ್, ಜಾನ್ನದೇವ್‌ನ ಕದೇಬಿ ಆರಾದನೆ ಕರ್ತುಹುಯಿನ್

ಪ್ರಕಾಶಿತ್ 4:4

ಅತ್ರೇಸ್ ಕಾಹೆತೆ ಸಿಂಹಾಸನ್ನ ಅಶ್‌ಪಿಶ್ ಚಾರ್‌ಉಪ್ಪರ್ ವೀಖ್ಹ್‌ ಸಿಂಹಾಸನ್‌ಖ್ಹಾರಿಥಿ. ಯೋ ಸಿಂಹಾಸನ್‌ಪರ್ ಧೋಳು ಪೆರ್ವಾಖ್ಹ್‌ ಫೇರುಹುಯು ಚಾರ್ ಉಪ್ಪರ್ ವೀಖ್ಹ್‌ಜ಼ಣು ಶಾಣು ಬೇಠೂಥು. ಇವ್ಣ ಮಾಥಪರ್‌ ಖ್ಹೊನ್ನಾನಿ ಕಿರೀಟ್ ಘಲೈರ‍್ಹೀಥಿ.

ಪ್ರಕಾಶಿತ್ 4:6

ಅತ್ರೇಸ್ ಕಾಹೆತೆ ಸಿಂಹಾಸನ್ನ ಖ್ಹಾಮ್ಣೆ ಫಟಕ್ಡಿನಿತರ ದೆಖಾವನು ಶಿಖ್ಹಾನು ದರ‍್ಯಾವ್ ರ‍್ಹವಾನಿಘೋಣಿ ದೆಖಾಯು. ಸಿಂಹಾಸನ್ನ ಚಾರ್ ಬಾಜು಼ಮಾಬಿ ಚಾರ್ ಜೀವಿ ಥೂ. ಇನಖ್ಹಾಮ್ಣೆ ಪೀಠೆ ಕೈಯೆಕ್ಕಿ ಡೋಳಾಥ.

ಪ್ರಕಾಶಿತ್ 4:8

ಯೋ ಚಾರ್ ಜೀವಿ ಎಕೇಕೆನ ಛೊ಼ಛೋ಼ ಫಾಕ್ಡಿ ಥು. ಅಶ್‌ಪಿಶ್‌ಬಿ ಮಹಿಬಿ ಘಣು ಡೋಳಖ್ಹಾರುಥು, ಆ ಜಿನಾವರ್‌ ಖ್ಹಾರು ರಾತ್‌ದನ್ ಆರಾಮ್‌ಕೊಂತೆ ದೇವ್ ಹುಯಿರ‍್ಹಾವಳೊ ಪ್ರಭು ಪರಿಶುದ್ಧ್, ಪರಿಶುದ್ಧ್, ಪರಿಶುದ್ಧ್, ಯೋ ಸರ್ವಶಕತ್‌ನೊ ಅಗ್ಗಳ್ ಥೋತೆ, ಹಮ್ಕೆ ಛಾ಼ತೆ, ಆವಾಳೊಛಾ಼ತೆ ಕರಿ ಬೋಲುಕರ್ತುಥು.