ಪ್ರಕಾಶಿತ್ 6:12 - ದೇವ್ನಿ ಖ್ಹಾಚಿ ವಚನ್

¹² ಯೋ ಮೇಂಢಾನು ಚೆಲ್ಕು ಛೋ಼ನು ಮುದ್ರಾನ ಫೋಡಾನು ಮೇ ದೇಖ್ಯೊ. ತದೆ ಮೋಟು ಭೂಕಂಪ್ ಹುಯು. ಚಾ಼ಂದ್ ಕಾಳು ಘುಂಗ್‌ಡಿನಿಮತ್ ಕಾಳೊಹುಯಿಗೊ. ಅಜು಼ ಅಖ್ಖೊಯೇಕ್ ಚ಼ಂದರ್‌ಮೊ ಲ್ಹೋಯಿನಿತರ ಲಾಲ್ ಹುಯಿಗೊ.

ಪ್ರಕಾಶಿತ್ 6:12 ပူးပေါင်းရင်းမြစ်များ

ಮತ್ತಾಯ 11:21

“ಅಯ್ಯೋ ಖೊರಾಜಿನ್‌ ಖ್ಹಯೇರ್, ತುಮಾರಿ ಹಾಲ್ನ ಶಾತ್‌ ಬೋಲು ಬೆತ್ಸಾಯಿದ, ತುಮಾರಿ ಹಾಲ್ನಬಿ ಶಾತ್‌ ಬೋಲು! ತುಮಾರಾಮ ಚಾ಼ಲ್ಯುತೆ ಮಹಾನ್ ಕಾಮ್‌ಖ್ಹಾರು ತೂರ್ ಅಜು಼ ಸೀದೋನ್ ಖ್ಹಯೇರ್‌ಮ ಚಾ಼ಲ್ಯುಹೋತ್ತೊ, ಹಿಜ಼್ಜಾವಾಳು ಕದೇಸ್‌ಕಿ ಛೈ಼ನೊಕೋಥ್‌ಳೊ ಲಪೇಟಿಲೀನ್, ರಾಕ್‌ಮ ಬೇಶಿನ್, ಇವ್ಣು ಪಾಪ್ನ ಮ್ಹೇಲಿನ್, ಫರಿಗಯುಹೋತ್‌!

ಮತ್ತಾಯ 24:29

ಯೋ ಖ್ಹಾರು ದನ್ನು ಖ್ಹತಾಪ್ಣಿ ಖತಮ್ ಹೋತಾಸ್‌ನ, ಚಾ಼ಂದ್ ಕಾಳೊಪಡಿಜಾ಼ಶೆ, ಚ಼ಂದರ್‌ಮೊ ಉಜಾ಼ಳು ಕೋದಿಶೇನಿ, ಆಬ್‍ಪರ್‌ಥು ಶುಕ್ಕರ್ ಖ್ಹಾರು ಖಂಕರ್‌ಶೆ, ಅಜು಼ ಆಬ್‍ಮ ಛಾ಼ತೆ ಶಕತ್‌ಖ್ಹಾರಿ ಕಾಪ್‌ಶೆ.

ಮತ್ತಾಯ 24:7

ದೇಖ್ಹ್‌ನ ವಿರೋದ್ ದೇಖ್ಹ್‌, ರಾಜ್ಯನ ವಿರೋದ್ ರಾಜ್ಯ ಉಟ್‌ಶೆ; ಖ್ಹಾರಿಸ್ ಬಾಜೂ಼ಮ ಕಾಳ್ದುಕಾಳ್ ಉಶೆ ಅಜು಼ ಜ಼ಮೀನ್ ಹಲ್‌ಶೆ.

ಮತ್ತಾಯ 27:45

ಧೊಪಾರ್‌ ಹುವ್ವಾದೀನ್, ಹಿಡಿ ದೇಖ್ಹ್‌ಪರ್ ಅಂಧಾರು ಢಪೈನ್, ತೀನ್ ಘಂಟತೋಡಿ ಇಮ್ಮಸ್ ಥೂ.

ಮತ್ತಾಯ 27:54

ಖ್ಹೋಶಿಪಾಯಿನೊ ಮೋಟಾನೆ ಅಜು಼ ಇನಜೋ಼ಡೆ ಯೇಸುನ ಕಾವ್ಲಿ ಕರುಕರ್ತುಥೂತೆ ಇವ್ಣೆ ಜ಼ಮೀನ್ ಹಲ್ಯುತೆ ಅಜು಼ ಚಾ಼ಲ್ಯುತೆ ಖ್ಹಾರಸ್ನ ದೇಖಿನ್, ಘಣು ಡರಿನ್, “ಖ್ಹಾಚಮಾಬಿ ಆ ದೇವ್‌ನೊ ಛಿಯ್ಯೊ ಹುಯಿರ‍್ಹೋಥೊ!” ಕರಿ ಬೋಲ್ಯು.

ಮತ್ತಾಯ 28:2

ತದೆ ಎಕ್ಕದಮ್‌ ಜೋ಼ರೇಖ್ಹು ಜ಼ಮೀನ್ ಹಲ್ಯು; ಪ್ರಭುನೊ ಏಕ್‌ ದೂತ ಆಬ್‍ಪರ್‌ಥು ಉತ್ರಿ ಐನ್, ಯೋ ಘವಿನ ಮೂಚೈ಼ರ‍್ಹುಥೂತೆ ಬಂಡಾನ ಹಿಜ್ಜಾ಼ಥು ಗಿರ್‌ಗಡೈನ್, ಇನಾಪರ್ ಬೇಶಿಗಯೊ.

ಮಾರ್ಕ 15:33

ಧೊಪಾರ್‌ ಹುವ್ವಾದೀನ್ ಹಿಡಿ ದೇಖ್ಹ್‌ಪರ್ ಅಂಧಾರು ಢಪೈನ್, ತೀನ್ ಘಂಟತೋಡಿ ಇಮ್ಮಸ್‌ಥು.

ಪ್ರಕಾಶಿತ್ 11:13

ಯೋಸ್ ವೇಳ್ಮ ಮೋಟು ಭೂಕಂಪ್ ಹುಯಿನ್ ಯೊ ಖ್ಹಯೇರ‍್ನು ದಖ್ಹ್‌ಮ ಏಕ್‌ಭಾಗ್ ನಾಶ್‌ಹುಯಿಗು. ಆ ಭೂಕಂಪ್‌ಥಿ ಖ್ಹಾತ್‍ಹಜಾ಼ರ್‌ ಜ಼ಣು ಮರಿಗು. ಇನಾಮ ಬಚ್ಯೂತೆ ಅದ್ಮಿಖ್ಹಾರು ಘಣು ಡರಿನ್ ಸೊರ್ಗಾನ ದೇವ್ನ ಮಹಿಮೆ ಕರ‍್ಯು.

ಪ್ರಕಾಶಿತ್ 16:18

ತದೆ ವಿಜ಼್‌ಳಿಬಿ, ಘಲಾರನೂಬಿ ಹುಯು ಅತ್ರೇಸ್ ಕಾಹೆತೆ ಮೋಟು ಭೂಕಂಪ್ ಹುಯು. ಅದ್ಮಿಖ್ಹಾರು ಜ಼ಮೀನ್‌ಪರ್ ಥೂತೆ ತಪ್‌ಥೂಬಿ ಇಮ್ನು ಮೋಟು ಭೂಕಂಪ್ ಕೊಹುಯಿರ‍್ಹುಥೂನಿ.

ಪ್ರಕಾಶಿತ್ 16:8

ಅನಕೇಡೆಥು ಚಾರ‍್ನ ದೇವ್ನದೂತನೆ ಇನ ಕಟೋರಮಥೂತೆ ಇನ ಚಾ಼ಂದ್‌ಪರ್ ರಂಚ್ಯೊ. ತದೆ ಚಾ಼ಂದ್‍ನ, ಆಗ್‍ನಿತರನು ತಡ್ಕೇಥಿ ಅದ್ಮಿನ ಭುಂಜಾ಼ನು ಹುಕುಮ್ ದೆವಾಯು.

ಪ್ರಕಾಶಿತ್ 8:12

ಚಾರ‍್ನೊ ದೇವ್‌ನೊ ದೂತನೆ ತುತ್ತೂರಿನ ಫೂಕ್ಯೊ, ತದೆ ಚಾ಼ಂದ್‌ನು ತೀನ್‌ಮ ಏಕ್‌ಭಾಗ್, ಇಮ್ಮಸ್ ಚ಼ಂದರ್‌ಮಾನು ಅಜು಼ ಶುಕ್ಕರ್‌ಮಾನು ತೀನ್‌ಮಾನು ಏಕ್‌ಭಾಗ್‌ನ ಖರಾಬ್‌ಹುಯಿನ್‌ ಅಂಧಾರು ಹುಯಿಗು. ಇನಖ್ಹಾಜೆ ದನ್ಮ ತೀನ್‌ಮಾನು ಎಕ್‌ಭಾಗ್ ಉಜಾ಼ಳುಕೊಂತೆ ಅಂಧಾರು ಹುಯಿನ್, ರಾತ್ನಿ ಘೋಣಿಸ್ ಹುಯಿಗು.

ಪ್ರಕಾಶಿತ್ 8:5

ಆ ನಾಹುಯಿನ್ ಯೋ ದೇವ್‌ನೊ ದೂತ ಢಾಕ್ಣಿನ ಲೀನ್ ಚಾ಼ಚ಼ರ್‌ನಿ ಆಗ್‍ಥಿಯಿನ ಭರಿನ್ ಜ಼ಮೀನ್ನ ಉಪ್ಪರ್ ಫೇಕ್ಯೊ. ತದೆ ಘಲಾರಿನ್ ಘೂಂಜಿನ್, ಮೋಟಿಅವಾಜ್‌, ವಿಜ಼್‌ಳಿ ಖಡ್‌ಕಿ, ಭೂಕಂಪ್ ಹುಯು.