ಪ್ರಕಾಶಿತ್ 5:9 - ದೇವ್ನಿ ಖ್ಹಾಚಿ ವಚನ್

⁹ ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.

ಪ್ರಕಾಶಿತ್ 5:9 ပူးပေါင်းရင်းမြစ်များ

ಮತ್ತಾಯ 20:28

ಅಮ್ಮಸ್ ಅದ್ಮಿನೊ ಛಿಯ್ಯೋಬಿ ಸೇವೆ ಕರೈಲ್ಯವಾನಖ್ಹಾಜೆ ಕೋ ಆಯೋನಿ, ಪಣ್ಕಿ ಸೇವೆ ಕರಾನ ಅಜು಼ ಇನೊ ಜಾನ್ನ ದೀನ್, ಕೈಯೆಕ್ಕಿ ಅದ್ಮಿನ ಛೋ಼ಡೈಲ್ಯವಾನಖ್ಹಾಜೆ ಆಯೊ” ಕರಿ ಬೋಲ್ಯೊ.

ಮತ್ತಾಯ 26:28

ಆ ಮಾರು ಲ್ಹೋಯಿ, ಆ ದೇವ್‌ನು ನವು ಒಪ್ಪಂದಾನನ ಮುದ್ರೊ ಮರೈಹುಯು ಮಾರು ಲ್ಹೊಯಿ; ಕೈಯೆಕ್ಕಿ ಅದ್ಮಿನು ಪಾಪ್‌ಖ್ಹಾರು ಮಾಪ್‌ ಕರಾನಖ್ಹಾಜೆ ರಂಚಾ಼ಯುತೆ ಮಾರು ಲ್ಹೊಯಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:28

ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್.

1 ಕೊರಿಂಥ 6:20

ತುಮೆ ದೇವ್‍ಥಿ ಮೋಲ್ ಲೆವಾಯಹುಯ ಇನಖ್ಹಾಜೆ ತುಮಾರ ಶರೀರ್‌ಖ್ಹಾರಥಿ ದೇವ್ನ ಮಹಿಮೆ ಕರೊ.

1 ಕೊರಿಂಥ 7:23

ತುಮೆ ಮೋಲ್ ಲೆವೈರ‍್ಹಾಸ್. ಇನಖ್ಹಾಜೆ ತುಮೆ ಅದ್ಮಿನ ಗುಲಾಮ್ ನಕೊ ಹುಯಿರ‍್ಹಿಶು.

ಎಫೆಸ 1:7

ಯೇಸು ಕ್ರಿಸ್ತನೆ ಅಪ್ಣಖ್ಹಾಜೆ ರಂಚ್ಯೊತೆ ಲ್ಹೋಯಿಥೀಸ್‍ ಛುಟ್ಕಾರ್‌ಹುಯು, ಕತೊ ದೇವ್ನಿ ಮಹಾ ವಾರ್‌ಖ್ಹೇಥಿಸ್ ಅಪ್ಣು ಪಾಪ್‌ಖ್ಹಾರು ಮಾಪಿ ಹುಯಿಗು.

ಎಫೆಸ 5:19

ಗೀದ್‍ಥೀಬಿ, ಸ್ತುತಿ ವಚನ್‌ಥಿಬಿ, ಆತ್ಮೀಕ್ ಲ್ಹೂರ್‌ನು ಗೀದ್‍ಥಿಬಿ ಏಕ್‌ಥಿಏಕ್ ವಾತೆ ಬೋಲ್ತಹುಯಿನ್ ತುಮಾರ ದಿಲ್ಮ ಪ್ರಭುನ ಸ್ತುತಿನು ಗೀದ್‌ ಬೋಲೊ.

ಕೊಲೊಸ್ಸೆ 1:14

ಆ ಛಿಯ್ಯಾಥಿ ಅಪ್ಣ ಪಾಪ್ನ ಮಾಪಿ ಮಳ್ಯು. ಛುಟ್ಕಾರ್‌ಹುಯು.

ಕೊಲೊಸ್ಸೆ 1:23

ಆಕಾಶ್‍ನ ಹೇಟ್‍ಛಾ಼ತೆ ತಮಾಮ್‌ ಉಬ್‍ಜಾ಼ವ್ಣಿನ ಅಜು಼ ತುಮೆ ಬೋಲಿರಾಖ್ಯಥಾತೆ ಸುವಾರ್ತೆನಿ ಆಖ್ಹ್‌ಥಿ ಧಕೇಲೈ ನಾಜಾ಼ವ್ಣುತೆ ಘಟ್‍ಥಿ ವಿಶ್ವಾಸ್ಮ ಭೀರ‍್ಯಾವಾಳ ಹುಯಿರ‍್ಹಾತೊ, ತುಮೆ ಹದಿಪಾಯ ಅಜು಼ ಘಟ್‍ಥಿ ಭೀರಿಶು. ಆಸ್ ಸುವಾರ್ತೆನ ಪೌಲಕರಿ ಮೆ ಸೇವಕ್ ಹುಯಿರ‍್ಹೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಇಬ್ರಿ 11:14

ಅಥ್ರಾನಿ ವಾತೆಖ್ಹಾರು ಬೋಲಾವಳು ಇವ್ಣೆ ಶೊಂತ್‌ ದೇಖ್ಹ್‌ನ ಢೂಂಡವಾಳು ಹುಯಿರುಸ್ ಕರಿ ಬೋಲಾನು ಮಾಲುಮ್ ಪಡಾಸ್‌.

2 ಪೇತ್ರ 2:1

ಕತೋಬಿ ಇಸ್ರಾಯೇಲ್ ಅದ್ಮಿಯೇವ್‍ನ ಜೋ಼ಡ್ಮ ಝೂ಼ಟು ಪ್ರವಾದಿಜಿನು ಥೂ. ಇಮ್ನಿಸ್ ಪರಕ್ಮ ತುಮಾರಮಾಬಿ ಝೂ಼ಟು ಬೋಧಕರ್ ಖ್ಹಾರು ರ‍್ಹಿಶೆ. ಇವ್ಣೆ ಖತರ್‌ನಾಕ್ ಖರಾಬ್ ಬೋಧನೆಖ್ಹಾರು ಗಪ್ಲಥ್ಥಿ ಮಹಿಲೀನ್‍ ಆವವಾಳುಬಿ ಅಜು಼ ಇವ್ಣುನ ಮೋಲ್ ಲಿದೋತೆ ಯಜಮಾನ್ನ ಜಿನು ಝಿಟ್ಕಾರವಾಳು ಹುಯಿರಿನ್ ಒಗ್ಗಿಸ್‌ಮ ಇವ್ಣಪರ್ ನಾಶನನ ಬುಲೈಲೆಸ್.

1 ಯೋಹಾನ 1:7

ಕತೋಬಿ ದೇವ್ ಉಜಾ಼ಳಮ ರ‍್ಹಾವನಿತರಸ್‍ ಅಪ್ಣೇಬಿ ಉಜಾ಼ಳಮ ಚಾ಼ಲ್ಯಾತೊ ಅಪ್ಣೆ ಏಕ್‌ಥಿಏಕ್ ಗಳ್‍ಜೋ಼ಡ್‍ಥಿ ರ‍್ಹಯೇಜಾ಼ಯ್ ತದೆ ಇನೊ ಎಕ್ಕಸ್ ದೇವ್‌ನೊ ಛಿಯ್ಯೊ ಯೇಸುನು ಲ್ಹೋಯಿ ಅಪ್ಣುನ ಅಖ್ಖಾ ಪಾಪ್‌ಥಿ ಛೋ಼ಡೈನ್ ಪಾಕ್‍ಕರಾಸ್.

1 ಯೋಹಾನ 2:2

ಯೋ ಅಪ್ಣ ಪಾಪ್ನ ಕ್ಷಮಾಪಣ್‍ನಖ್ಹಾಜೆ ಪರಿಹಾರ‍್ನೊ ಬಲಿಹುಯಿರ‍್ಹೊಸ್. ಅಪ್ಣ ಪಾಪ್ನಕರಿ ಖಲಿಕಾಹೆ ಅಖ್ಖಾ ಜಗತ್ನ ಖ್ಹಾರ ಅದ್ಮಿನ ಪಾಪ್ನಖ್ಹಾಜೆಬಿ ಪರಿಹಾರ್ ಹುಯಿರ‍್ಹೊಸ್.

ಪ್ರಕಾಶಿತ್ 10:11

ಇನಪಾರ್ ಯೊ ದೂತನೆ ಮನ, “ತೂ ಬಿಜೂ಼ಬಿ ಕೈಯೆಕ್‌ ಅದ್ಮಿವೋನ, ಬೋಲಿನ ಅಜು಼ ಖಾನ್‌ದಾನ್‌ ರಾಜಾ಼ವ್‌ನಿ ಬಾರೇಮ ಪ್ರವಾದ್‌ನೆ ಬೋಲ್‌ನು” ಕರಿ ಹುಕುಮ್‌ ಕರ‍್ಯೊ.

ಪ್ರಕಾಶಿತ್ 11:9

ಅಖ್ಖೂಸ್ ಅದ್ಮಿ, ಖೂಮ್‌, ಬೋಲಿ, ಜ಼ಗ್‌ಜಾತ್‌ಮ ಮಳಿಹುಯು ಆ ಭೇಜ಼ಣ ಸಾಕ್ಷಿನ ಮುರ್ದಾವ್ನ ಖ್ಹಡ್‌ತೀನ್ ದನ್‍ಲಗೂಬಿ ದೇಕ್‍ಷೆ ಅಜು಼ ಇವ್ಣ ಮುರ್ದಾವ್ನ ಮಖ್ಹಾಣ್ಯು ಕರಾನ ಕೊ ಮ್ಹೇಲ್‌ಶೇನಿ.

ಪ್ರಕಾಶಿತ್ 13:7

ಆ ನಾಹುಯಿನ್ ದೇವ್ನ ಪರಿಶುದ್ಧ ಅದ್ಮಿವ್‌ಪರ್ ಜಂಗ್ ಭೀಡಿನ್ ಇವ್ಣುನ ಹರಾವನಿ ಅದಿಕಾರ್ ದೆವಾಯು ಅಜು಼ ಅಖ್ಖೀಸ್ ಖೂಮ್‌, ಬೋಲಿ, ಲೋಗ್, ಜ಼ಗ್‌ಜಾ಼ತ್‌ಪರ್ ಇನ ಅದಿಕಾರ್ ದೆವಾಯು.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 14:6

ಬಿಜೇಕ್ ದೇವ್‌ನೊ ದೂತ ಆಬ್‌ನ ಇಚ಼್‌ಮ ಉಡುಕರಾನು ದೇಖ್ಯೊ. ಜ಼ಮೀನ್‌ಪರ್ ಜಿವ್‌ಕರಾತೆ ಹರೇಕ್ ಜ಼ಗ್‌ಜಾ಼ತ್‌, ಖೂಮ್‌, ಬೋಲಿ, ಅದ್ಮಿಖ್ಹಾರನ ಬೋಲಿವತಾಳಾನ ಖ್ಹಾಜೆ ಹರ್‌ಹಮೇಶಾನು ಅಛ್ಛಿ ಸಂದೇಶ್ ಇನಾಕನ ಥು.

ಪ್ರಕಾಶಿತ್ 15:3

ಇವ್ಣೆ ದೇವ್‌ನೊ ಸೇವಕ್ ಹುಯಿರೋತೆ ಮೋಶೆನ ಗೀದ್‌ನ ಮೇಂಢಾನು ಚೆಲ್ಕಾನು ಗೀದ್‌ನ ಬೋಲ್ತೊಹುಯಿನ್, ಪ್ರಭು ಹುಯಿರೋತೆ ದೇವ್ ತೂ ಸರ್ವಶಕತ್‌ನೊ, ತಾರು ಕಾಮ್‌ಖ್ಹಾರು ಮಹಿಮೆನಾಬಿ, ಆಶ್ಚರ್ಯನೂಬಿ ಹುಯಿರುಸ್.ಅಖ್ಖೀಸ್ ಜ಼ಗ್‌ಜಾ಼ತ್‌ನೊ ರಾಜ಼. ತಾರೊ ಮಾರಗ್‌ಖ್ಹಾರು ನ್ಯಾವ್ನುಬಿ ಖ್ಹಾಚೂ಼ಬಿ ಹುಯಿರುಸ್ ಕರಿ ಮಾಲುಮ್ ಕರಾವಸ್.

ಪ್ರಕಾಶಿತ್ 17:15

ಬಿಜೂ಼ಬಿ ಯೊ ದೇವ್ನದೂತನೆ ಮನ ಶಾತ್ ಬೋಲ್ಯೊಕತೊ,ಯೋ ವ್ಯಬಿಚಾರಿಣಿ ಬೆಠಿಥೀತೆ ಪಾಣಿನ ತುನೆ ದೆಖ್ಯೋನಿ, ಯೊ ಅಖ್ಖು ಜ಼ಗ್‌ಜಾ಼ತ್ನ, ಅದ್ಮಿವ್‌ನ ಟೋಳ್ನ, ದೇಖ್ಹ್‌ನ, ಬೋಲಿಯೇವ್ನ ವತಾಳಸ್‍.

ಪ್ರಕಾಶಿತ್ 4:11

ಹಮಾರೊ ಪ್ರಭು ಹುಯಿರ‍್ಹೋತೆ ದೇವ್, ತೂ ಮಹಿಮೆನಾಬಿ ಮಾನ್ ಮರ‍್ಯಾದಿನಾಬಿ ಶಕತ್ನ ಲೀಲಾವನ ಯೋಗ್ಯಹುಯಿರೋಸ್, ಶನಕತೊ ಹರೇಕ್ನ ಉಬ್‌ಜಾ಼ಯೋತೆ ತೂಸ್, ಅಖ್ಖೂಬಿ ತಾರೀಸ್ ಖ್ಹೂಜ಼್‌ಥಿಥು.ಅಜು಼ ತಾರೀಸ್ ಖ್ಹಯಾಲ್‌ಥಿ ಬಣಾವಟ್ ಹುಯು ಕರಿ ಬೋಲ್ತುಹುಯಿನ್ ಆರಾದನೆ ಕರುಕರ್ತುಥು.

ಪ್ರಕಾಶಿತ್ 5:12

ಆ ದೇವ್ನದೂತರ್‌ನೆ ಜೋ಼ರಾನಿ ಅವಾಜ಼್‌ಥಿ, “ಖೂನಿ ಹುಯಿಗೋತೆ ಮೇಂಢಾನು ಚೆಲ್ಕು ಅದಿಕಾರ್‌ನಾಬಿ, ಧನ್‌ದೌಲತ್ನಾಬಿ, ಅಕ್ಕಲ್‌ನಾಬಿ, ಶಕತ್‍ನಾಬಿ, ಮರ್ಯಾದಿನಾಬಿ, ಮಹಿಮೆನಾಬಿ, ಧನ್ಯವಾದ್‌ನ ಲ್ಯಾವಾನ ಯೋಗ್ಯ ಹುಯಿರೊಸ್” ಕರಿ ಗೀದ್‌ ಬೋಲ್ಯು.

ಪ್ರಕಾಶಿತ್ 5:6

ಸಿಂಹಾಸನ್‌ಬಿ ಚಾರ್ ಜೀವಿಬಿ ಥೂತೆ ಝಗೋಕನಾಬಿ ಅಜು಼ ಶಾಣುಖ್ಹಾರು ಥೂತೆ ಝ಼ಗೋನ ಇಚ಼್‌ಮ ಏಕ್‌ ಮೇಂಢಾನ ಭಿಯುರ‍್ಹವಾನು ದೇಖ್ಯೊ. ಯೋ ಹಮ್ಕೆ ತದೇಸ್‌ ಬಲೀನಖ್ಹಾಜೆ ರ‍್ಹೇಖ್ಹಯ್‌ ರ‍್ಹಾವನಿತರ ದೆಖವ್‌ಕರ್ತುಥು. ಯೋ ಮೆಂಢಾನ ಚೆಲ್ಕಾನ ಖ್ಹಾತ್ ಶಿಂಗ್ಡು ಖ್ಹಾತ್ ಡೋಳಾವ್‌ಥು. ಆಖ್ಹಾರು ಧರ್ತಿಪರ್ ಮೋಕ್‌ಲೈರ‍್ಹುಥೂತೆ ದೇವ್ನು ಖ್ಹಾತ್ ಆತ್ಮ ಹುಯಿರುಥು.