ಪ್ರಕಾಶಿತ್ 5:6 - ದೇವ್ನಿ ಖ್ಹಾಚಿ ವಚನ್

⁶ ಸಿಂಹಾಸನ್‌ಬಿ ಚಾರ್ ಜೀವಿಬಿ ಥೂತೆ ಝಗೋಕನಾಬಿ ಅಜು಼ ಶಾಣುಖ್ಹಾರು ಥೂತೆ ಝ಼ಗೋನ ಇಚ಼್‌ಮ ಏಕ್‌ ಮೇಂಢಾನ ಭಿಯುರ‍್ಹವಾನು ದೇಖ್ಯೊ. ಯೋ ಹಮ್ಕೆ ತದೇಸ್‌ ಬಲೀನಖ್ಹಾಜೆ ರ‍್ಹೇಖ್ಹಯ್‌ ರ‍್ಹಾವನಿತರ ದೆಖವ್‌ಕರ್ತುಥು. ಯೋ ಮೆಂಢಾನ ಚೆಲ್ಕಾನ ಖ್ಹಾತ್ ಶಿಂಗ್ಡು ಖ್ಹಾತ್ ಡೋಳಾವ್‌ಥು. ಆಖ್ಹಾರು ಧರ್ತಿಪರ್ ಮೋಕ್‌ಲೈರ‍್ಹುಥೂತೆ ದೇವ್ನು ಖ್ಹಾತ್ ಆತ್ಮ ಹುಯಿರುಥು.

ಪ್ರಕಾಶಿತ್ 5:6 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:69

ಇನೊ ಸೇವಕ್ ಹುಯಿರ‍್ಹೊಥೋತೆ ದಾವೀದ್‌ನ ಖಾನ್‌ದಾನ್‌ಮಾಥು ಅಪ್ಣಖ್ಹಾಜೆ ಘಣಿ ಶಕತ್‌ವಾಳೊ ಏಕ್‌ ರಕ್ಷಕ್‌ನ ದೀರಾಖ್ಯೊಸ್.

ಯೋಹಾನ 1:29

ಇನವ್ಹಾಣೆ ಯೋಹಾನನೆ ಇನಾಖನ್ನೆ ವಳ್ಯಾವ್‍ತೊಥೋತೆ ಯೇಸುನ ದೇಖಿನ್, “ದೇವ್ನ ಮೇಂಢಾನ ಚೆಲ್ಕಾನ ದೇಖೊ, ಯೊ ಜಗತ್‌ನು ಪಾಪ್ನ ದೂರ್ ಕರ್ಶೆ.”

ಯೋಹಾನ 1:36

ತದೆ ಹಿಜ್ಜಾ಼ ಯೇಸು ಒಳೇಜಾ಼ತೊಥೋತೆ ದೇಖಿನ್, “ಹಂದೇಖೊ, ಬಲಿನಖ್ಹಾಜೆ ದೇವ್ನೆ ನೇಮಕ್ ಕರ‍್ಯೊತೆ ಮೇಂಢಾನು ಚೆಲ್ಕು!” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:32

ಯೊ ಫಡುಕರ್ತೊ ಥೋತೆ ಪವಿತ್ರ್‌ ದಪ್ತರ್‌ಮ ವಚನ್ನುಭಾಗ್‌ ಖೆವುಕತೊ ‘ಕತ್ರಾನ ಲೀಜಾ಼ಯಿತೆ ಮೇಂಢಾನ ಚೆಲ್ಕನಿತರ ಇನ ಲೀನ್‌ಗಯು; ಅಜು಼ ಮೇಂಢು ರುಯಿ ಕತ್ರಾವಾಳನ ಖ್ಹಾಮ್ಣೆ ಖ್ಹೊಪ್‍ರ‍್ಹವಾನಿತರ ಇನೆ ಮ್ಹೋಡು ಮ್ಹೆಲ್ಯೊಸ್‍ ಕೊಯ್ನಿ.

ಪ್ರಕಾಶಿತ್ 1:4

ಯೋಹಾನನೆ ಏಷ್ಯಾ ತಬರ್‌ಖಾಮ ರ‍್ಹವಾಳಿ ಖ್ಹಾತ್ ಸಬೆನ ಶಾತ್‌ ಲೀಖುಕರಾಸ್‌ಕತೊ, ರ‍್ಹವಾಳೊ ಅಜು಼ ಅಗ್ಗಳ್‌ಥೋತೆ, ಖ್ಹಾಮ್ಣೆ ಆವವಾಳೊ, ಇನೇಥಿ ಅಜು಼ ಇನು ಸಿಂಹಾಸನ್ನ ಖ್ಹಾಮ್ಣೆಛಾ಼ತೆ ಖ್ಹಾತ್ ಆತ್ಮಥಿ ಅಜು಼ ಯೇಸು ಕ್ರಿಸ್ತಥಿ ವಾರ್‌ಖ್ಹೊಬಿ ಸಮಾಧಾನ್‍ಬಿ ಮಳಾದೆ.

ಪ್ರಕಾಶಿತ್ 12:11

ಇವ್ಣೆ ಮರಣ್‌ಲಗೂಬಿ ಭೈಯೇ ಭೇನೆನ ಇವ್ಣ ಜಾನ್ನ ಪ್ಯಾರ್ ಕರ‍್ಯಕೊಂತೆ, ಮೇಂಢಾನ ಚೆಲ್ಕುಹುಯಿರ‍್ಹವಾಳನ ಲ್ಹೋಯಿಥಿಬಿ ಇನು ಸಾಕ್ಷಿನು ಅಜು಼ ಬೋಲಾಯುತೆ ವಚನ್‌ಥಿಬಿ ಇನ ಜೂತಿಲಿದು.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 14:1

ಅನಪಾರ್ ಮೆ ದೇಖಾಮ ಬಲಿ ಮೇಂಢಾನ ಚೆಲ್ಕುಹುಯಿರ‍್ಹವಾಳೊ ಚೀಯೋನ್ ಪರ್ಭತ್‌ಪರ್‌ ಭಿಯುರ‍್ಹವಾನು ದೇಖ್ಯೊ. ಇನ ಜೋ಼ಡ್ಮ ಏಕ್‌ ಲಾಕ್ ಚಾರ್‌ಉಪ್ಪರ್ ಚಾ಼ಳಿಖ್ಹ್ ಹಜಾ಼ರ್‌ಜ಼ಣು ಥು. ಇವ್ಣ ತಾಳ್ವಪರ್ ಇನು ನಾಮ್‌ಬಿ ಇನ ಬಾನು ನಾಮ್‌ಬಿ ಲೀಖೈರ‍್ಹೂಥು.

ಪ್ರಕಾಶಿತ್ 17:14

ಇವ್ಣೆ ಮೇಂಢಾನು ಚೆಲ್ಕುಹುಯಿರ‍್ಹವಾಳನ ವಿರೋದ್‌ಥಿ ಜಂಗ್ ಭೀಡ್‌ಷೆ. ಕತೋಬಿ ಯೋ ಪ್ರಭುನೊ ಪ್ರಭು ರಾಜಾ಼ನೊ ರಾಜಾ಼ಬಿ ಹುಯಿರ‍್ಹಿಷೇತೆ ಇನಖ್ಹಾಜೆ ಮೇಂಢಾನು ಚೆಲ್ಕು ಇವ್ಣೇಥಿ ಜೈಕಾರ್ ಉಷೆ ಅಜು಼ ದೇವ್ನೆ ಬುಲೈರಾಖವಳುಬಿ ದೇವ್ನೆ ಚೂ಼ಣಿರಾಖ್ಯೋತೆಬಿ, ಅಜು಼ ವಿಶ್ವಾಸ್‌ವಾಳ ಹುಯಿರ‍್ಹೂತೆ ಇನವಾಳು ಮೇಂಢಾನ ಚೆಲ್ಕಾನ ಜೋ಼ಡ್ಮ ವಾಟೊವಾಳು ಹುಯಿರ‍್ಹಿಷೆ.

ಪ್ರಕಾಶಿತ್ 21:22

ಮೆ ಖ್ಹಯೇರ್‌ಮ ಮಂದಿರ್‌ಬಿ ದೇಖ್ಯೊ ಕೊಯ್ನಿ. ಶನಕತೊ ಸರ್ವಶಕತ್‌ನೊ ದೇವ್‌ಹುಯಿರ‍್ಹೋತೆ ಪ್ರಭು ಅಜು಼ ಮೇಂಢಾನು ಚೆಲ್ಕುಹುಯಿರ‍್ಹವಾಳೊ ಯೊ ಇನು ಮಂದಿರ್‌ ಹುಯಿರ‍್ಹೂಸ್.

ಪ್ರಕಾಶಿತ್ 21:23

ಖ್ಹಯೇರ‍್ನ ಉಜಾ಼ಳು ದ್ಯವಾನ ಚಾ಼ಂದ್‌ರ‍್ಹವೊ ಚ಼ಂದರ್‌ಮೊರ‍್ಹವೊ ಹೋಣುಥುಕೊಯ್ನಿ ಶನಕತೊ ದೇವ್ನಿ ಮಹಿಮೆಸ್ ಉಜಾ಼ಖ್ಹ್‌ ದೆವ್‌ಕರ್ತೋಥೊ. ಮೇಂಢಾನು ಚೆಲ್ಕುಸ್ ನಂಗರ‍್ನ ದೀವೊ ಹುಯಿರ‍್ಹೋಥೊ.

ಪ್ರಕಾಶಿತ್ 22:1

ಅನಕೇಡೆಥು ದೇವ್ನದೂತನೆ ಫಟಕ್‌ಡಿನಿಘೋಣಿ ಉಜಾ಼ಖ್ಹ್‌ ದ್ಯವಾನು ಜಾನ್ನು ಪಾಣಿನ ನದ್ದೀನ ಮನ ವತಾಳ್ಯೊ. ಯೊ ನದ್ದಿ ದೇವ್ ಬಿಜು಼ ಮೇಂಢಾನ ಚೆಲ್ಕಾನು ಸಿಂಹಾಸನ್‌ಕಂಥು ಉಬ್ಜಿನ್,

ಪ್ರಕಾಶಿತ್ 22:3

ದೇವ್‍ಥಿ ಶಾಪ್ ಲಿದುಹುಯು ಖಿವೂಬಿ ಯೊ ಖ್ಹಯೇರ್‌ಮ ಕೊರ‍್ಹಿಶೇನಿ. ಹಿಜ್ಜಾ಼ ದೇವ್ನು ಅಜು಼ ಬಲೀನ ಮೇಂಢಾನ ಚೆಲ್ಕಾನು ಸಿಂಹಾಸನ್ ರ‍್ಹಿಶೆ.ಇನ ಸೇವಕರ್‌ಯಿನ ಆರಾದನೆ ಕರ್ಶೆ.

ಪ್ರಕಾಶಿತ್ 4:8

ಯೋ ಚಾರ್ ಜೀವಿ ಎಕೇಕೆನ ಛೊ಼ಛೋ಼ ಫಾಕ್ಡಿ ಥು. ಅಶ್‌ಪಿಶ್‌ಬಿ ಮಹಿಬಿ ಘಣು ಡೋಳಖ್ಹಾರುಥು, ಆ ಜಿನಾವರ್‌ ಖ್ಹಾರು ರಾತ್‌ದನ್ ಆರಾಮ್‌ಕೊಂತೆ ದೇವ್ ಹುಯಿರ‍್ಹಾವಳೊ ಪ್ರಭು ಪರಿಶುದ್ಧ್, ಪರಿಶುದ್ಧ್, ಪರಿಶುದ್ಧ್, ಯೋ ಸರ್ವಶಕತ್‌ನೊ ಅಗ್ಗಳ್ ಥೋತೆ, ಹಮ್ಕೆ ಛಾ಼ತೆ, ಆವಾಳೊಛಾ಼ತೆ ಕರಿ ಬೋಲುಕರ್ತುಥು.

ಪ್ರಕಾಶಿತ್ 5:11

ಇನಪಾರ್ ಇನು ಸಿಂಹಾಸನ್ನು ಚಾರ್ ಜೀವಿ ಅಜು಼ ಸಬೆನ ಶಾಣಾವ್ನ ಅಶ್‌ಪಿಶ್ ಭಿಯುಥೂತೆ, ಕೈಯೆಕ್ಕಿ ಜ಼ಣು ದೇವ್‌ದೂತರ‍್ನ ಅವಾಜ಼್‌ನ ಖ್ಹಮ್‌ಜೊ. ಇವ್ಣು ಗಣ್ತಿ ಲಾಖೋಲಾಕ್‌ಬಿ ಕರೋಡೊ ಕರೊಡೋಬಿ ಥು.ಬಿಜು಼ಪಾಛು಼ ದೇಖಾನಿ ವಖ್ಹ್‌ತೆ ದೇವ್ನ ದೂತರ್ ಭಿಯೂಥು.

ಪ್ರಕಾಶಿತ್ 5:12

ಆ ದೇವ್ನದೂತರ್‌ನೆ ಜೋ಼ರಾನಿ ಅವಾಜ಼್‌ಥಿ, “ಖೂನಿ ಹುಯಿಗೋತೆ ಮೇಂಢಾನು ಚೆಲ್ಕು ಅದಿಕಾರ್‌ನಾಬಿ, ಧನ್‌ದೌಲತ್ನಾಬಿ, ಅಕ್ಕಲ್‌ನಾಬಿ, ಶಕತ್‍ನಾಬಿ, ಮರ್ಯಾದಿನಾಬಿ, ಮಹಿಮೆನಾಬಿ, ಧನ್ಯವಾದ್‌ನ ಲ್ಯಾವಾನ ಯೋಗ್ಯ ಹುಯಿರೊಸ್” ಕರಿ ಗೀದ್‌ ಬೋಲ್ಯು.

ಪ್ರಕಾಶಿತ್ 5:13

ಅತ್ರೇಸ್ ಕಾಹೆತೆ ಆಬ್‌ಮಾಬಿ ಜಮೀನ್‌ಮಾಬಿ ಧರ್ತಿನ ಹೇಟ್‌ಬಿ ದಲ್‌ದರ‍್ಯಾವ್‌ಮಾಬಿ ಉಬ್‍ಜೂತೆ ಅಖ್ಖು ಅಮ್ ಬೋಲ್ಯುಕಿ, “ಸಿಂಹಾಸನ್‌ಪರ್ ಬೆಠೊರ‍್ಹಾವಳನಾಬಿ ಮೇಂಢಾನು ಚೆಲ್ಕು ಹುಯಿರ‍್ಹಾವಳನಬಿ, ಧನ್ಯವಾದ್, ಮರ್ಯಾದಿ, ಮಹಿಮೆ, ಖ್ಹಾರಿಅದಿಕಾರ್, ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ.” ಕರಿ ಬೋಲಾನು ಮೆ ಖ್ಹಮ್‌ಜೊ.

ಪ್ರಕಾಶಿತ್ 5:14

ಯೋ ಚಾರ್ ಜೀವಿ “ಆಮೆನ್” ಕರಿ ಬೋಲ್ಯು. ಶಾಣುಖ್ಹಾರು, ಆಡ್‍ಪಡಿನ್ ಆರಾದನೆ ಕರ‍್ಯು.

ಪ್ರಕಾಶಿತ್ 6:16

ಇವ್ಣೆ ಅಮ್ ಬೋಲ್ಯುಕಿ, ಪಹಾಡ್ನಾಬಿ ಬಂಡಾನಿ ಚಿಪಾಟ್‌ಬಿ ಹಮಾರಪರ್ ಲಡ್ಕಿಜಾವೊ, ಸಿಂಹಾಸನ್ನ ಉಪ್ಪರ್ ಬೆಠೊರ‍್ಹವಾಳಾನ ಮೇಂಢಾನಚೆಲ್ಕನ ಖೀಜ಼್‌ಮಾಥು ಹಮುನ ಛು಼ಕಾವ್‌!