ಪ್ರಕಾಶಿತ್ 5:5 - ದೇವ್ನಿ ಖ್ಹಾಚಿ ವಚನ್

⁵ ಶಾಣಾವ್‌ಮ ಏಕ್‌ ಜ಼ಣಾನೆ ಮನ, “ರೊವ್‌ನಕೊ ಯೂದಖೂಮ್ಮ ಪೈದಹುಯೊತೆ ಶುಂಭಾ ದಾವೀದನೊ ಖಾನ್‌ದಾನ್‌ವಾಳೊ ಹುಯಿರೋತೆ ಏಕ್‌ ಜ಼ಣೊ ಜೂತಿರ‍್ಹಾವಾಳೊ ಛಾ಼. ಯೊ ಖ್ಹಾತ್ ಮುದ್ರಾವ್ನ ಫೋಡಿನ್ ಆ ಪುಂಗ್‌ಳಿನ ಛೋ಼ಡ್‌ಶೆ” ಕರಿ ಬೋಲ್ಯು.

ಪ್ರಕಾಶಿತ್ 5:5 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 23:28

ತದೆ ಯೇಸುನೆ ಪೀಠೆ ಫರೀನ್ ಇವ್ಣುನ, “ಯೆರೂಸಲೇಮ್‌ನಿ ತಿರಿಯಾವೊ! ಮಾರಖ್ಹಾಜೆ ನಕೊ ರೋವೊ, ಕತೋಬಿ ತುಮಾರಖ್ಹಾಜೆ ಅಜು಼ ತುಮಾರ ಲಡ್ಕಾವ್‍ನಖ್ಹಾಜೆ ರೋವೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:13

ಪ್ರಭುನೆ ಯೋ ತಯೇಡಾನ ದೇಖಿ ಗೋರ್‌ಖೈನ್, “ರೋವ್‌ ನಕೊ” ಕರಿ ಇನ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:52

ಹಿಜ್ಜಾ಼ ಥೂತೆ ತಮಾಮ್‌ ಅದ್ಮಿ ಯೋ ಛೋ಼ಕ್ರಿನಖ್ಹಾಜೆ ರೊವ್‌ತುಹುಯಿನ್, ಛಾ಼ತಿ ಕೂಟುಕರ್ತೂಥೂ. ಅನ ದೇಖಿನ್ ಯೇಸುನೆ, “ನಕೊ ರೋವೊ, ಛೋ಼ಕ್ರಿ ಮರಿಕೊಯ್ನಿ, ಖ್ಹುತೀಸ್!” ಕರಿ ಬೋಲ್ಯೊ.

ಯೋಹಾನ 20:13

ಯೋ ದೇವ್‌ನು ದೂತರ್ ಮರಿಯನ, “ಅಲಿ ಆಯಾ, ತೂ ಶನ ರೊವ್‌ಕರಾಸ್ತೆ?” ಕರಿ ಪುಛಾ಼ಯ. ತದೆ ಇನೆ, “ಮಾರೊ ಪ್ರಭುನು ಮುರ್ದಾನ ಇವ್ಣೆ ಪಳ್ಳಿಚ಼ಲಿಗಯು, ಅಜು಼ ಇನ ಕಿಜ್ಗಾ಼ ಮ್ಹೇಲಿರಾಖ್ಯುಸ್ ಕರಿ ಮನ ಮಾಲುಮ್‌ ಕೊಯ್ನಿ!” ಕರಿ ಜಾ಼ವಾಬ್‌ ದಿದಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:3

ದೇವ್‌ನೊ ಛಿಯ್ಯೊಹುಯಿರೊತೆ ಅಪ್ಣೊ ಪ್ರಭು ಯೇಸುಕ್ರಿಸ್ತನಿ ಬಾರೇಮ ಬೋಲಾನು ಹುಯಿರ‍್ಹುಸ್. ಅದಮ್‍ಜ಼ಮಾನನಿ ರೂಪ್‌ಮ ಯೋ ದಾವೀದನು ಖೂಮ್ಮ ಪೈದಹುಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:12

ಪಾಛೊ಼ ಯೆಶಾಯ ಶಾತ್ ಬೋಲಸ್‍ಕತೊ, “ಇಷಯನ ಪಿಳ್ಗಿವಾಳೊ ಏಕ್‍ಜ಼ಣೊ ದೆಖೈಲೇಸ್. ಯೊ ಯೆಹೂದ್ಯರ್‌ಕಾಹೆತೆ ಅದ್ಮಿಖ್ಹಾರಾನ ಚ಼ಲಾವನ ಆವ್‌ಶೆ. ಅಜು಼ ಯೊ ಅದ್ಮಿಖ್ಹಾರು ಇನಖ್ಹಾಜೆ ಭರೋಖ್ಹೊ ಕರ್ಶೆ.

ಇಬ್ರಿ 7:14

ಅಪ್ಣೊ ಪ್ರಭು ಯೆಹೂದ ಖಾನ್‍ಖೋಜ಼್‌ಮ ಪೈದಾ ಹುಯಿನ್ ಆಯೊಹುಯೊಕರಿ ಅಛ್ಛಿನಿತರ ಮಾಲುಮ್‍ಪಡಸ್; ಆ ಖಾನ್‌ಖೋಜ಼್‌ನ ಯಾಜಕವ್ನಿ ಬಾರೇಮ ಮೋಶೆನೆ ಶಾತ್ಬಿ ಬೋಲ್ಯೊ ಕೊಯ್ನಿ.

ಪ್ರಕಾಶಿತ್ 1:1

ಯೇಸು ಕ್ರಿಸ್ತನಿ ಪ್ರಕಾಶಿತ್ ವಚನ್ ಒಗ್ಗಿಸ್‌ಮ ಚಾ಼ಲ್ನುತೆ ಬಾರೇಮ ಯೋ ಇನ ದಾಸಖ್ಹಾರನ ವತಾಳನಖ್ಹಾಜೆ ಆ ಖ್ಹಾರು ದೇವ್‍ಥಿ ದೆವಾಯುತೆ. ಯೇಸು ಇನ ದೂತನ ಮೋಕ್ಲಿನ್ ಇನೇಥಿ ಆ ಖ್ಹಾರಿವಾತ್ನ ಯೋಹಾನ ಮಾಲುಮ್‌ ಕರಾಯೊ.

ಪ್ರಕಾಶಿತ್ 22:16

“ಯೇಸು ಕರಿ ಮೇಸ್ ಮಾರು ಖ್ಹಾರ ಸಬೇವ್ನಿ ಬಾರೇಮ ತುಮುನ ಸಾಕ್ಷಿ ಬೋಲಾನಖ್ಹಾಜೆ ಮಾರ ದೂತನ ಮೋಕ್ಲಿರಾಖ್ಯೊಸ್. ಮೇ ದಾವೀದನು ಖೂಮ್‌ ಕರಿ ಬೋಲಾನು ಬಡ್ಡೇಥು ನಿಕ್‌ಳ್ಯುತೆ ಚಿಗುರ್‌ಬಿ, ಇನಿ ಸಂತಾನ್‌ಬಿ ಉಜಾ಼ಖ್ಹ್‌ಥಿ ನಿಕ್ಳಾನೊ ಶುಕ್ಕರ್‌ಬಿ ಹುಯಿರೊಸ್.

ಪ್ರಕಾಶಿತ್ 3:21

ಮೇ ಜೂತಿನ್ ಮಾರ ಬಾನಿ ಜೋ಼ಡ್ಮ ಸಿಂಹಾಸನ್‌ಮ ಬೆಠೂತೆ ತಿಮ್ಮಸ್ ಜೂತಹುಯಾನ ಮಾರ ಜೋ಼ಡೆ ಸಿಂಹಾಸನ್‌ಮ ಬೇಖ್ಹಾನಿ ಅಧಿಕಾರ‍್ನ ಮೇ ದಿಶ್.

ಪ್ರಕಾಶಿತ್ 4:10

ಯೋ ಚಾರ್ ಉಪ್ಪರ್ ವೀಖ್ಹ್‌ ಜ಼ಣು ಶಾಣುಖ್ಹಾರು ಸಿಂಹಾಸನ್‌ಪರ್ ಬೆಠೊರ‍್ಹವಾಳಾನ ಗೋಡಾಪರ್ ಆಡ್‍ಪಡಿನ್, ಇವ್ಣ ಕಿರೀಟ್ನ ಸಿಂಹಾಸನ್ನ ಖ್ಹಾಮ್ಣೆ ನಾಖಿನ್, ಜಾನ್ನದೇವ್‌ನ ಕದೇಬಿ ಆರಾದನೆ ಕರ್ತುಹುಯಿನ್

ಪ್ರಕಾಶಿತ್ 4:4

ಅತ್ರೇಸ್ ಕಾಹೆತೆ ಸಿಂಹಾಸನ್ನ ಅಶ್‌ಪಿಶ್ ಚಾರ್‌ಉಪ್ಪರ್ ವೀಖ್ಹ್‌ ಸಿಂಹಾಸನ್‌ಖ್ಹಾರಿಥಿ. ಯೋ ಸಿಂಹಾಸನ್‌ಪರ್ ಧೋಳು ಪೆರ್ವಾಖ್ಹ್‌ ಫೇರುಹುಯು ಚಾರ್ ಉಪ್ಪರ್ ವೀಖ್ಹ್‌ಜ಼ಣು ಶಾಣು ಬೇಠೂಥು. ಇವ್ಣ ಮಾಥಪರ್‌ ಖ್ಹೊನ್ನಾನಿ ಕಿರೀಟ್ ಘಲೈರ‍್ಹೀಥಿ.

ಪ್ರಕಾಶಿತ್ 5:4

ಪುಂಗ್‌ಳಿನ ಕಾಡನರ‍್ಹವೊ ದೇಖಾನರ‍್ಹವೊ ಯೋಗ್ಯ ಹುಯಿರ‍್ಹಾವಳೊ ಏಕ್‌ ಜ಼ಣುಬಿ ಕೊಮಳ್ಯುನಿಕರಿ ಮೇ ಘಣು ಕುಢಾಪಕರೀನ್‌ ರೋವ್‍ಕರ್ತೊಥೊ.

ಪ್ರಕಾಶಿತ್ 6:1

ಮೇಂಢಾನು ಚೆಲ್ಕು ಹುಯಿರಾವಳೊ ಯೋ ಖ್ಹಾತ್ ಮುದ್ರಾನ ಫೋಡಾನಿವಖ್ಹ್‌ತೆ ಮೇ ದೇಖ್ಯೊ ಅಜು಼ ಯೋ ಚಾರ್ ಜೀವಿಮ ಏಕ್‌ ಜೀವಿ ಘಲಾರನಿತರಾನೊ ಗಳೇಥಿ “ಆವ್”! ಕರಿ ಬೋಲಾನು ಖ್ಹಮ್‌ಜೊ.

ಪ್ರಕಾಶಿತ್ 7:13

ತದೆ ಶಾಣಾವ್‌ಮ ಏಕ್‍ಜ಼ಣೊ, “ಧೋಳು ಝ಼ಗ್ಗೊಖ್ಹಾರು ಫೇರಿರಾಖ್ಯುತೆ ಆದ್ಮಿಖ್ಹಾರು ಕೋಣ್! ಅವ್ಣೆ ಕಿಜ್ಜಾ಼ಥು ಆಯುಕರಿ ಪುಛಾ಼ಯು. ತದೆ ಗುರೂಜಿ ಇವ್ಣೆ ಕೋಣ್‌ಕರಿ ತುನಾಸ್ ಮಾಲುಮ್‌ಕರಿ ಬೋಲ್ಯೊ.