ಪ್ರಕಾಶಿತ್ 3:18 - ದೇವ್ನಿ ಖ್ಹಾಚಿ ವಚನ್

¹⁸ ತೂ ಶೌಕಾರ್ ಹುವಾನ ಆಗ್‌ಮ ನಾಖಸ್ತೆ ಖ್ಹೊನ್ನಾನಾಬಿ ಖ್ಹರಮ್‌ನ ಕಾರಣ್ ಹುಯಿರ‍್ಹೂತೆ ತಾರು ಉಘಾಡಾನ ದೆಖಾವ್ಣುನಾತೆ ಫೆರಾನಖ್ಹಾಜೆ ಧೋಳ ಲುಂಗ್ಡಾವ್‍ನಾಬಿ ಡೋಳೊದೆಖಾವನಖ್ಹಾಜೆ ತುಮಾರ ಡೋಳಾವ್‌ನ ಲಗಾಡನಖ್ಹಾಜೆ ಅಂಜ಼ಣ್‍ನಾಬಿ ಮಾರೇಥಿ ಲೀಲೇವ್ಣುಕರಿ ಮೇ ತುಮೂನ ಅಕ್ಕಲ್ ಬೋಲುಕರುಸ್.

ಪ್ರಕಾಶಿತ್ 3:18 ပူးပေါင်းရင်းမြစ်များ

ಮತ್ತಾಯ 13:44

“ಸೊರ್ಗನು ರಾಜ್ಯ ಅಮ್ ಹುಯಿರ‍್ಹೂಸ್. ಕಿಮ್‌ಕತೊ, ಏಕ್‌ ಜ಼ಣಾನೆ ಖೇತರ್‌ಮ ಲಪಿರ‍್ಹೂತೆ ನಿಧಿನ ದೇಖಿನ್‌, ಇನ ಪಾಛು಼ ಖೇತರ್‌ಮಾಸ್‌ ಖೋಂದಿ ಘಾಲಿದೀನ್‌, ಇನೇಥಿ ಘಣು ಖ್ಹುಶಿಹುಯಿನ್ ಜೈ಼ನ್‌, ಇನಾಕನ ಥೂತೆ ಖ್ಹಾರುಸ್‌ ವೇಚಿನಾಖಿದೀನ್‌, ಆಯಿನ್ ಯೋ ಖೇತರ್‌ನ ಮೋಲ್‌ಲೀಲಿದೊ.

ಮತ್ತಾಯ 25:9

ತದೆ ಅಕ್ಲಿ ಕವಾರಿಯೇನೆ, ‘ಕೊಯ್ನಿ, ‘ತುಮೂನ ದಿದುತೊ, ಹಮುನಾಬಿ ತುಮೂನಾಬಿ ಪೂರಾಕೊಂತೆ ಇಮ್‌ ಹುಯಿಜಾ಼ಶೆ. ತುಮೆ ವೇಚಾ಼ವಾಳಾಕನ ಜೈ಼ನ್, ಮೋಲ್ ಲೀಲೆವಾನೂಸ್ ಅಛ್ಛು಼’ ಕರಿ ಜ಼ವಾಬ್ ದಿದಿಯೆ.’

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:21

ಇನಖ್ಹಾಜೆ ಯೋಸ್‌, ಧನ್‌-ದೌಲತ್‌ನ ಜ಼ಮಕರಿಲ್ಯವಾಳಾನಿ ಹಾಲ್‌ಬಿ ಅಮ್ಮಸ್, ಕತೋಬಿ ದೇವ್ನ ಡೋಳಾಮ ಇವ್ಣೆ ಶೌಕಾರ್ ಕಾಹೆ.

2 ಕೊರಿಂಥ 5:3

ಅಪ್ಣೆ ಇನ ಫೇರಿಲಿದತೊ ಉಘಾಡ ಹುಯಿರ‍್ಹಿಶು ಕೊಯ್ನಿ.

2 ಕೊರಿಂಥ 8:9

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ವಾರ್‌ಖ್ಹಾನ ತುಮೆ ಮಾಲುಮ್ ಕರಿರಾಖ್ಯಸ್. ಕಿಮ್‌ಕತೊ ಯೋ ಧನ್‍ ದೌಲತ್‌ವಾಳೊ ರ‍್ಹಯೊತೋಬಿ ಯೋ ಗರೀಬ್ ಹುವಾಥೀಸ್ ತುಮೆ ಧನ್‌ ದೌಲತ್‌ವಾಳ ಬಣನಿತರ ಯೋ ತುಮಾರಖ್ಹಾಜೆ ಗರೀಬ್‍ಹುಯೊ.

1 ತಿಮೊ 6:18

ಇವ್ಣುನ ಹುಕುಮ್ ದೇಕಿ; ಇವ್ಣೆ ಅಛ್ಛು಼ ಕಾಮ್ ಕರ‍್ನು. ಅಜು಼ ಅಛ್ಛು಼ ಕಾಮ್ ಕರಾಮ ಇವ್ಣೆ ಶೌಕಾರಿ ಹುಯಿರ‍್ಹೇಣು, ಧರ್ಮಿ, ಅಜು಼ ಇವ್ಣಾಕನ ಛಾ಼ತೆ ಜಿನಖ್ಹ್‌ನ ವಾಟಪಾಡಿಲ್ಯವಾದೆ.

ಯಾಕೋಬ 2:5

ಮಾರ ಪ್ಯಾರ್‌ನ ಭೈಯೇ ಭೇನೆವೊ ಖ್ಹಮ್‍ಜೊ ದೇವ್ ಆ ಜಗತ್‌ನು ಗರೀಬ್‌ನ ವಿಶ್ವಾಸ್‌ಮ ಶೌಕಾರ್ ಬಣೈನ್‍ಬಿ ಇನ ಪ್ಯಾರ್ ಕರಾವಾಳನ ದೇವ್ನೆ ವಾಗ್ದಾನ್ ಕರ‍್ಯೊತೆ ರಾಜ್ಯನ ಭಾದ್ಯ ಬಣೈನ್‍ಬಿ ರ‍್ಹೇವ್ಣುಕರಿ ಚೂ಼ಣಿಲಿದೊ ಕೊಯ್ನಿಕಿಶು?

1 ಪೇತ್ರ 1:7

ನಾಶಹುಯಿಜಾ಼ವಾನುಬಿ, ಆಗ್‌ಥಿ ಛ಼ಣೈನ್ ಹುಯಿರ‍್ಹುತೆ ಖ್ಹೋನ್ನೇಥಿಬಿ ಘಣು ಮೋಲ್ನು ಹುಯಿರ‍್ಹುತೆ ತುಮಾರಿ ವಿಶ್ವಾಸ್ ಆ ವದೇಖ್ಹ್‌ಥಿ ತರೀಪ್‌ಶ ಹುಯಿನ್ ಯೇಸುಕ್ರಿಸ್ತ ಆವಾನಿ ವಖ್ಹತ್ ತುಮುನ ಕೀರ್ತಿ, ಮಾನ್, ಮಹಿಮೆ ಅಖ್ಖು ಉಬ್ಜಿ ಆವಾನಿತರಾನು ಹುಯಿರ‍್ಹುಸ್.

ಪ್ರಕಾಶಿತ್ 16:15

“ಹಂದೇಕ್ ಚೋ಼ರ್ ಆವಾನಿಘೋಣಿ ವಳ್ಯಾವುಸ್. ಇನುಯೋ ಉಘಾಡೊ ಹುಯಿನ್ ಅದ್ಮಿಥಿ ಖ್ಹರಮ್‌ ನಾಕಡೈಲೇವ್ಣುತೆ ಹೊಷಾರ್‌ಥಿ ರ‍್ಹೀನ್ ಇನ ಲುಂಗ್ಡಾನ ಜ಼ತನ್‌ಥಿ ಬಚಾ಼ಡೈಲ್ಯವಾಳೊ ಧನ್ಯ ಹುಯಿರೋಸ್.”

ಪ್ರಕಾಶಿತ್ 19:8

ಉಜಾ಼ಖ್ಹ್‌ನುಬಿ ಶುದ್ದಬಿ ಕವ್‌ಳು ಕೋರುಲುಂಗ್ಡು ಫೇರಾನಯಿನ ವಾರ್‌ಖ್ಹೊ ಮಳ್ಯು. ಯೋ ಕೋರುಲುಂಗ್ಡು ಕತೊ ದೇವ್ನು ಅದ್ಮಿವ್‌ನು ನ್ಯಾವ್‌ನು ಕಾಮ್‌ಖ್ಹಾರುಸ್‌ ಹುಯಿರುಸ್.

ಪ್ರಕಾಶಿತ್ 2:9

ಮೇ ತಾರು ಖ್ಹತಾಪ್ಣಿ ಅಜು಼ ಗರೀಬ್‍ರ‍್ಹವಾನುಬಿ ಮಾಲುಮ್ ಕರಿರಾಖ್ಯೊಸ್, ಕತೋಬಿ ತೂ ಶೌಕಾರಸ್ ಹುಯಿರ‍್ಹೋಸ್. ಅತ್ರೇಸ್‍ಕಾಹೆತೆ ಯೆಹೂದ್ಯರ್ ಕರಿ ಬೋಲೈಲ್ಯವಾಳು ಇವ್ಣೆಸ್ ತಾರಿ ಬಾರೇಮ ದೂಷಣೆ ಬೋಲಾನು ಮಾಲುಮ್. ಇವ್ಣೆ ಯೆಹೂದ್ಯರ್ ಕಾಹೆ, ಶೈತಾನ್ನ ಸಬೆನಾ ಮಂದಿರ್‌ವಾಳು ಹುಯಿರ‍್ಹೂಸ್

ಪ್ರಕಾಶಿತ್ 3:17

ತೂ ತಾರಿ ಬಾರೇಮ ಮೇ ಶೌಕಾರ್ ಧನ್‍ದೌಲತ್ನೊ, ಶನಾಮಬಿ ಟುಸ್‌ಟಿನಾರ‍್ಹವಾಳೊ ಕರಿ ಬೋಲಿಲೇಸ್. ಕತೋಬಿ ತೂ ಖಲಿ ಖರಾಬ್ ಹಾಲತ್ಮ ಪಡಿರ‍್ಹವಾಳೊ. ಖರಾಬ್ ನಶೀಬ್‍ನೊ ಅನಾದಿ, ಅಂಧೊ ಉಘಾಡೊ ಹುಯಿರೋಸ್ ತು ಕರಿ ಮಾಲುಮ್‌ ಕೋಕರ‍್ಯೊಂತೆ ಛಾ಼.

ಪ್ರಕಾಶಿತ್ 4:4

ಅತ್ರೇಸ್ ಕಾಹೆತೆ ಸಿಂಹಾಸನ್ನ ಅಶ್‌ಪಿಶ್ ಚಾರ್‌ಉಪ್ಪರ್ ವೀಖ್ಹ್‌ ಸಿಂಹಾಸನ್‌ಖ್ಹಾರಿಥಿ. ಯೋ ಸಿಂಹಾಸನ್‌ಪರ್ ಧೋಳು ಪೆರ್ವಾಖ್ಹ್‌ ಫೇರುಹುಯು ಚಾರ್ ಉಪ್ಪರ್ ವೀಖ್ಹ್‌ಜ಼ಣು ಶಾಣು ಬೇಠೂಥು. ಇವ್ಣ ಮಾಥಪರ್‌ ಖ್ಹೊನ್ನಾನಿ ಕಿರೀಟ್ ಘಲೈರ‍್ಹೀಥಿ.

ಪ್ರಕಾಶಿತ್ 7:13

ತದೆ ಶಾಣಾವ್‌ಮ ಏಕ್‍ಜ಼ಣೊ, “ಧೋಳು ಝ಼ಗ್ಗೊಖ್ಹಾರು ಫೇರಿರಾಖ್ಯುತೆ ಆದ್ಮಿಖ್ಹಾರು ಕೋಣ್! ಅವ್ಣೆ ಕಿಜ್ಜಾ಼ಥು ಆಯುಕರಿ ಪುಛಾ಼ಯು. ತದೆ ಗುರೂಜಿ ಇವ್ಣೆ ಕೋಣ್‌ಕರಿ ತುನಾಸ್ ಮಾಲುಮ್‌ಕರಿ ಬೋಲ್ಯೊ.