ಪ್ರಕಾಶಿತ್ 22:4 - ದೇವ್ನಿ ಖ್ಹಾಚಿ ವಚನ್

⁴ ಇವ್ಣೆ ಇನು ಮ್ಹೋಡು ದೇಕ್‌ಶೆ ಇವ್ಣ ಮುಡ್‌ಕ್ಯಪರ್ ಇನು ನಾಮ್ ಲೀಖೈರ‍್ಹಿಶೆ.

ಪ್ರಕಾಶಿತ್ 22:4 ပူးပေါင်းရင်းမြစ်များ

ಮತ್ತಾಯ 5:8

ಕೋಣ್ ದಿಲ್ಮ ಪಾಕ್‌ ರ‍್ಹೇಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್‍. ಇವ್ಣೆ ದೇವ್ನ ದೇಕ್‌ಶೆ;

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 17:24

“ಬಾ! ತುನೆ ಅವ್ಣುನ ಮನ ದಿದೊ, ಅಜು಼ ಮೇ ಕಿಜ್ಗಾ಼ ರ‍್ಹವುಸ್‍ಕಿ ಹಿಜ್ಜಾ಼ಸ್ ಅವ್ಣೇಬಿ ರ‍್ಹೇವ್ಣುಕರಿ ಅಜು಼ ಆ ಜಗತ್ನ ಉಬ್ಜಾ಼ನ ಅಗಾಡಿಸ್, ತುನೆ ಮನ ಪ್ಯಾರ್ ಕರೀನ್, ಮನ ದಿದೋತೆ ಮಹಿಮೆನ ಅವ್ಣೆ ದೇಕ್ಣು ಕರಿ ಮೇ ಆಖ್ಹ್ ಕರುಸ್.

1 ಕೊರಿಂಥ 13:12

ಹಮ್ಕೆ ಅಪ್ಣೆ ಐನಾಮ ದೆಖಾತೆ ತಿಮ್ಮಸ್ ಭುಂಬ್‌ಳ್ಯು ದೇಖೆಸ್. ತದೆ ಆಮಖ್ಹಾಮೆ ದೇಕ್‌ಶು. ಹಮ್ಕೆ ಮನ ಖಲಿ ಜ಼ರ ಮಾಲುಮ್‌ ಛಾ಼. ತದೆ ಮೆ ಪೂರ ಖ್ಹಮ್‍ಜಾ಼ಡ್‍ಶೇತೆ ತಿಮ್ ಪೂರ ಖ್ಹಮ್‍ಜಿಲೀಶ್.

ಇಬ್ರಿ 12:14

ಅಖ್ಖಾನಿ ಜೋ಼ಡ್ಮ ಸಮಾಧಾನ್‌ಥೀಬಿ ಜಿವ್ಣುಕರಾನ ಅಜು಼ ಸಮಾಧಾನ್‌ಥಿ ರ‍್ಹವಾನ ಕೋಶಿಶ್ ಕರೊ. ಪರಿಶುದ್ಧಕೊಂತೆ ಕೋಣ್‌ಬಿ ಪ್ರಭುನ ದೇಖಾನ ಕೊಹೊಯ್ನಿ.

ಪ್ರಕಾಶಿತ್ 14:1

ಅನಪಾರ್ ಮೆ ದೇಖಾಮ ಬಲಿ ಮೇಂಢಾನ ಚೆಲ್ಕುಹುಯಿರ‍್ಹವಾಳೊ ಚೀಯೋನ್ ಪರ್ಭತ್‌ಪರ್‌ ಭಿಯುರ‍್ಹವಾನು ದೇಖ್ಯೊ. ಇನ ಜೋ಼ಡ್ಮ ಏಕ್‌ ಲಾಕ್ ಚಾರ್‌ಉಪ್ಪರ್ ಚಾ಼ಳಿಖ್ಹ್ ಹಜಾ಼ರ್‌ಜ಼ಣು ಥು. ಇವ್ಣ ತಾಳ್ವಪರ್ ಇನು ನಾಮ್‌ಬಿ ಇನ ಬಾನು ನಾಮ್‌ಬಿ ಲೀಖೈರ‍್ಹೂಥು.

ಪ್ರಕಾಶಿತ್ 3:12

ಖಿವೊ ಜೂತಾಸ್ಕಿ ಇನ ಮಾರ ದೇವ್ನ ಮಂದಿರ್‌ಮ ಆಧಾರ್‌ನು ಖಂಬುಕರಿನ್ ಭೀರಾಖಿಷ್. ಯೋ ಕದೇಬಿ ಹಿಜ್ಜಾ಼ಥು ಧಕ್‍ಷೇಸ್‍ ಕೊಯ್ನಿ. ಅತ್ರೇಸ್ ಕಾಹೆತೆ ಮಾರ ದೇವ್ನ ನಾಮ್ನ ಅಜು಼ ಮಾರ ದೇವ್ನ ಖ್ಹಯೇರ‍್ನು ನಾಮ್ ಇನಾಪರ್ ಲೀಖಿಶ್. ನವು ಯೆರೂಸಲೇಮಸ್ ಯೊ ನಂಗರ್. ಯೋ ಖ್ಹಯೇರ್ ಮಾರ ದೇವ್‌ಕಂಥು ಸೊರ್ಗಮಾಥು ಉತ್ರಿ ಆವ್‌ಶೆ. ಮಾರು ನವುನಾಮ್ ಇನಾಪರ್ ಲೀಖಿಶ್.

ಪ್ರಕಾಶಿತ್ 7:3

“ಹಮೆ ಹಮಾರ ದೇವ್ನ ದಾಸರ‍್ನ ತಾಳ್ವಪರ್ ಮುದ್ರೊ ಮಾರ‍್ವಲಗೂಬಿ ಜ಼ಮೀನ್ನರ‍್ಹವೊ, ದರ‍್ಯಾವ್ನರ‍್ಹವೊ, ಝಾ಼ಡಾವ್ನರ‍್ಹವೊ, ನಾಶ್‌ ನಾಕರ‍್ನು ಕರಿಬೋಲ್ಯೊ.