ಪ್ರಕಾಶಿತ್ 22:19 - ದೇವ್ನಿ ಖ್ಹಾಚಿ ವಚನ್

¹⁹ ಖಿವೊತೋಬಿ ಆ ಪ್ರವಾದನೆನು ವಚನ್‌ಮ ಏಕ್ನತೋಬಿ ಕಾಡಿನಾಖ್ಯೊತೊ, ಆ ಪುಸ್ತಕ್‌ಮ ಬೋಲೈರ‍್ಹುಸ್ತೆ ಜಾನ್ನ ಝಾ಼ಡಮಾಬಿ ಪರಿಶುದ್ಧ ಖ್ಹಯೇರ್‌ಮಾಬಿ ಇನಛಾ಼ತೆ ವಾಟಾನ ದೇವ್ ಕಾಡಿನಾಕ್‌ಶೆ.

ಪ್ರಕಾಶಿತ್ 22:19 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:52

ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೆ ತುಮಾರಿ ಹಾಲ್ನ ಶಾತ್‌ ಬೋಲು! ದೇವ್ನಿ ಬಾರೇಮ ಶಿಕಾನಟೇಕೆ ಛಾ಼ತೆ ಬೀಗಾನ ತುಮೇಸ್ ರಾಖಿಲಿದ, ತುಮೇಬಿ ಮಹಿ ಜಾ಼ಯ್‌ಕೊಯ್ನಿ, ಬಿಜಾ಼ನಾಬಿ ಜಾ಼ವಾನ ಕೋ ಮ್ಹೇಲಾನಿ” ಕರಿ ಬೋಲ್ಯೊ.

ಪ್ರಕಾಶಿತ್ 1:3

ಆ ಪ್ರವಾದ್‌ನೆನಿ ವಚನ್‌ಖ್ಹಾರು ಫಡವಾಳೂಬಿ ಖ್ಹಮ್‌ಜವಾಳೂಬಿ ಅಜು಼ ಅನಾಮ ಲೀಖೈರುತೆ ಇನಲೀನ್ ಚಾ಼ಲವಾಳು ಕೆತ್ರೇಕ್ಕಿ ಧನ್ಯರ್ ಹುಯಿರ‍್ಹುಸ್‍, ಶನಕತೊ ಆ ಖ್ಹಾರು ಚಾ಼ಲನೊದನ್ ಖನ್ನೆ ಐಗು.

ಪ್ರಕಾಶಿತ್ 11:2

ಕತೋಬಿ ಮಂದಿರ್‌ನ ಭಾರ್‌ಛಾ಼ತೆ ಝ಼ಗೋನ ಆಳ್ತಿ ನಾಕರ‍್ನುತೆ ಮ್ಹೇಲಿದೆ, ಯೊ ಪರೈ ಅದ್ಮಿನಖ್ಹಾಜೆ ದೆವೈರ‍್ಹೂಸ್. ಇವ್ಣೆ ಪರಿಶುದ್ ಖ್ಹಯೇರ‍್ನ ಬೇಉಪ್ಪರ್‌ ಚಾ಼ಳಿಖ್ಹ್ ಮಹಿನಲಗು ಖುಂದಲ್ತುಫಂಡ್‌ಷೆ.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 14:13

ಪರಲೋಕ್‌ಥು ಏಕ್‌ ಅವಾಜ಼್ ಮನ ಖ್ಹಮಜ್‍ಪಡ್ಯು. ಇನೆ ಹಂಕೇಥು ಪ್ರಭುನ ಭಕ್ತರ್‌ಹುಯಿನ್ ಮರಾವಳು ಧನ್ಯಕರಿ ಲೀಖ್‌ಕರಿ ಮನ ಬೋಲ್ಯು. ಇನ ಆತ್ಮನೆ, ಒಹೊ ಇವ್ಣೆ ಧನ್ಯರಸ್. ಇವ್ಣೆ ಇವ್ಣ ಮ್ಹಿನತ್‌ನ ಖತಮ್‌ಕರಿನ್ ಅರಾಮ್ ಕರ್ಶೆ ಅಜು಼ ಇವ್ಣು ಅಛ್ಛು಼ ಕಾಮ್‌ಖ್ಹಾರು ಇವ್ಣ ಜೋ಼ಡ್ಮ ಚಾ಼ಲ್‌ಷೆ ಕರಿ ಬೋಲ್ಯೊ.

ಪ್ರಕಾಶಿತ್ 2:11

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಜೂತವಾಳನ ಬೇನಿ ಮರಣ್‌ಥು ಶನು ಗಲತ್‌ ಕೋಉಷೇನಿ.

ಪ್ರಕಾಶಿತ್ 2:26

ಕೋಣ್ ಜೂತಿನ್ ಆವಾಸ್ಕಿ ಅಜು಼ ಮನ ಪಸಂದ್‍ನು ಕಾಮ್‌ಖ್ಹಾರು ಖ್ಹರ್ತಿಲಗು ಚ಼ಲಾವಸ್ಕಿ, ಇನ ಮೇ ಮಾರ ಬಾಥಿ ಲಿದೋತೆ ಅದಿಕಾರ್‌ನಿ ಘೋಣಿಸ್ ಅದ್ಮಿಪರ್ ಅದಿಕಾರ್‌ನ ದಿಶೆ.

ಪ್ರಕಾಶಿತ್ 2:7

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಕೋಣ್ ಜೂತಾಸ್ಕಿ ಇನ ದೇವ್ನ ಸೊರ್ಗಾಮ ಛಾ಼ತೆ ಜಾನ್ನ ಝಾ಼ಡ್‌ಣ ಪಂಡಾನ ಖಾವಾನ ಹುಕುಮ್‌ ದಿಶ್.

ಪ್ರಕಾಶಿತ್ 21:2

ಅತ್ರೇಸ್ ಕಾಹೆತೆ ಸೊರ್ಗಾಥು ಪರಿಶುದ್ ನಂಗರ್ ಯೆರೂಸಲೇಮ್ ದೇವ್‌ಕಂಥು ಉತ್ರಿ ಆವನು ಮೇ ದೇಖ್ಯೊ. ಯೋ ಇನ ಬಾವ್ರಿನಖ್ಹಾಜೆ ತಯಾರ್ ಹುಯಿರ‍್ಹವಾಳಿ ವ್ಯತುಲ್ಡಿನಿ ಘೋಣಿ ಶನ್‌ಗಾರ್ ಹುಯಿರ‍್ಹುಥು.

ಪ್ರಕಾಶಿತ್ 21:5

ತದೆ ಸಿಂಹಾಸನ್‌ಪರ್ ಬೆಠೊಥೋತೆ ಇನೆ, “ದೇಖ್ ಮೇ ಖ್ಹಾರುಸ್ ನವೇಥಿ ಉಬ್‌ಜಾ಼ವುಸ್‌” ಕರಿ ಬೋಲ್ಯೊ. ಅಜು಼ ಏಕ್‌ ಜ಼ಣಾನೆ ಮನ, ತೂ ಅನ ಲೀಕ್. ಶನಕತೊ ಆ ವಚನ್‌ಖ್ಹಾರು ಖ್ಹಾಚು಼ಬಿ ವಿಶ್ವಾಸ್‌ ಕರಖ್ಹರ್ಕೂಬಿ ಹುಯಿರ‍್ಹುಸ್” ಕರಿ ಬೋಲ್ಯೊ.

ಪ್ರಕಾಶಿತ್ 22:12

‘ದೇಖ್ ಮೇ ಜ಼ಲ್ದೀಸ್ ವಳ್ಯಾವ್‌ಸ್. ಮೆ ಹರೇಕ್ ಜ಼ಣಾನ ಇವ್ಣ ಇವ್ಣ ಚಾ಼ಲ್‌ನಿತರಸ್ ದ್ಯವಾನಿತರಾನು ಪ್ರತಿಫಲ್ ಮಾರಕನ ಛಾ಼.

ಪ್ರಕಾಶಿತ್ 22:2

ಖ್ಹಯೇರ‍್ನಿ ಮೋಟಿ ಗಲ್ಲೀನ ಇಚ಼್‌ಮ ವ್ಹವ್‌ಕರ‍್ತುಥು. ಯೊ ನದ್ದೀನು ಭೇ ಕನಾರಿಪರ್ ಜಾನ್ನು ಝಾ಼ಡುಖ್ಹಾರು ಥು. ಯೊ ವರಖ್ಹ್‌ನ ಭಾರ ಮಹಿನಾಬಿ ಫಲ್ ದೇತುಹುಯಿನ್ ಭಾರ ಮಹಿನಾಬಿ ಭಾರ ಥರಾನು ಪಂಡುಖ್ಹಾರು ದೇಸ್. ಯೊ ಝಾ಼ಡನ ಪಾಂದ್ಡಾನ ದವೈಥಿ ಖ್ಹಾರ ಜ಼ಗ್‌ಜಾ಼ತ್‌ವಾಳಾನ ಖ್ಹುದ್ರಾವಸ್.

ಪ್ರಕಾಶಿತ್ 22:7

ಖ್ಹಮ್‌ಜೊ಼, ಮೆ ಘಣು ಜ಼ಲ್‌ದಿ ಆವುಸ್! ಆ ಪುಸ್ತಕ್‌ಮ ಲೀಖೈರ‍್ಹೂತೆ ಖ್ಹಾರಿ ವಚನ್ನ ಪಾಡಿಚಾ಼ಲವಾಳೊ ಧನ್ಯ ಹುಯಿರ‍್ಹೊಸ್ ಕರಿ ಬೋಲ್ಯೊ.

ಪ್ರಕಾಶಿತ್ 3:12

ಖಿವೊ ಜೂತಾಸ್ಕಿ ಇನ ಮಾರ ದೇವ್ನ ಮಂದಿರ್‌ಮ ಆಧಾರ್‌ನು ಖಂಬುಕರಿನ್ ಭೀರಾಖಿಷ್. ಯೋ ಕದೇಬಿ ಹಿಜ್ಜಾ಼ಥು ಧಕ್‍ಷೇಸ್‍ ಕೊಯ್ನಿ. ಅತ್ರೇಸ್ ಕಾಹೆತೆ ಮಾರ ದೇವ್ನ ನಾಮ್ನ ಅಜು಼ ಮಾರ ದೇವ್ನ ಖ್ಹಯೇರ‍್ನು ನಾಮ್ ಇನಾಪರ್ ಲೀಖಿಶ್. ನವು ಯೆರೂಸಲೇಮಸ್ ಯೊ ನಂಗರ್. ಯೋ ಖ್ಹಯೇರ್ ಮಾರ ದೇವ್‌ಕಂಥು ಸೊರ್ಗಮಾಥು ಉತ್ರಿ ಆವ್‌ಶೆ. ಮಾರು ನವುನಾಮ್ ಇನಾಪರ್ ಲೀಖಿಶ್.

ಪ್ರಕಾಶಿತ್ 3:21

ಮೇ ಜೂತಿನ್ ಮಾರ ಬಾನಿ ಜೋ಼ಡ್ಮ ಸಿಂಹಾಸನ್‌ಮ ಬೆಠೂತೆ ತಿಮ್ಮಸ್ ಜೂತಹುಯಾನ ಮಾರ ಜೋ಼ಡೆ ಸಿಂಹಾಸನ್‌ಮ ಬೇಖ್ಹಾನಿ ಅಧಿಕಾರ‍್ನ ಮೇ ದಿಶ್.