ಪ್ರಕಾಶಿತ್ 22:18 - ದೇವ್ನಿ ಖ್ಹಾಚಿ ವಚನ್

¹⁸ ಆ ಪುಸ್ತಕ್‌ಮ ಲೀಖೈರ‍್ಹೂತೆ ಪ್ರವಾದನೆನು ವಚನ್‌ಖ್ಹಾರು ಖ್ಹಮ್‌ಜಾ಼ತೆ ಹರೇಕ್ ಜ಼ಣಾನಾಬಿ ಮೇ ಬೋಲಾನಿ ಸಾಕ್ಷಿ ಶಾತ್‌ಕತೊ, “ಕೋಣ್‌ತೋಬಿ ಅನಾಮ ಶಾತ್ತೋಬಿ ಮಳಾಯೊತೊ, ದೇವ್ ಇವ್ಣಪರ್ ಆ ಪುಸ್ತಕ್‌ಮ ಲೀಖೈರ‍್ಹುತೆ ಖ್ಹತಾಪ್ಣಿಖ್ಹಾರು ಆವಾನಿತರ ಕರ್ಶೆ.

ಪ್ರಕಾಶಿತ್ 22:18 ပူးပေါင်းရင်းမြစ်များ

ಮತ್ತಾಯ 15:13

ಯೇಸುನೆ, “ಪರಲೋಕ್‍ಮ ಛಾ಼ತೆ ಮಾರೊ ಬಾ ಗಾಡ್ಯೊಕೊಂತೆ ಝಾ಼ಡಖ್ಹಾರನ ಜ಼ಡ್‌ ಖ್ಹಮೇಥು ಉಖ್ಡಿ ನಾಕ್‌ಶೆ” ಕರಿ ಜವಾಬ್‌ ದಿದೊ.

ಎಫೆಸ 4:17

ಇನಾಖ್ಹಾಜೆ ಮೆ ಪ್ರಭುಮ ತುಮುನ ಶಾತ್‌ ಬೋಲುಸ್‌ಕತೊ ಅಲಕ್‌ ಅದ್ಮಿಖ್ಹಾರು ಚಾ಼ಲಾನಿಘೋಣಿ ಅನ ಅಗ್ಗಳ್ ನಾಚಾ಼ಲ್ನು. ಇವ್ಣೆ ಕಾಯ್‌ ಫಾಯಿದೊಕೊಂತೆ ಅಕ್ಕಲ್‌ವಾಳನಿತ್ರ ಚಾ಼ಲಿಲೆಸ್.

1 ಥೆಸ 4:6

ಅಜು಼ ಆ ಬಾರೇಮ ಜಿನುಕು ಕೋಣ್‌ಬಿ ಕ್ರಿಸ್ತನ ಮಹಿ ಇವ್ಣ ಭೈಯೇ ಹುಯಿರ‍್ಹಾತೆ ಅದ್ಮಿನ ಠಗಾವ್ಣುಕರಿ ಝೇತೈನ್‌, ಖರಾಬ್ ನಾ ಕರ‍್ನು. ಆ ಖ್ಹಾರಿ ಬಾರೇಮ ಪ್ರಭು ನಿಶತ್ ದಿಶೆಕರಿ ಹಮೆ ತುಮುನ ಬೋಲಿರಾಖ್ಯಾಸ್.

ಪ್ರಕಾಶಿತ್ 1:3

ಆ ಪ್ರವಾದ್‌ನೆನಿ ವಚನ್‌ಖ್ಹಾರು ಫಡವಾಳೂಬಿ ಖ್ಹಮ್‌ಜವಾಳೂಬಿ ಅಜು಼ ಅನಾಮ ಲೀಖೈರುತೆ ಇನಲೀನ್ ಚಾ಼ಲವಾಳು ಕೆತ್ರೇಕ್ಕಿ ಧನ್ಯರ್ ಹುಯಿರ‍್ಹುಸ್‍, ಶನಕತೊ ಆ ಖ್ಹಾರು ಚಾ಼ಲನೊದನ್ ಖನ್ನೆ ಐಗು.

ಪ್ರಕಾಶಿತ್ 15:1

ಪರ್‌ಲೋಕ್‌ಮ ಮೇ ಘಣು ಆಶ್ಚರ್ಯ ಹುಯಿರ‍್ಹಾವನು ಬಿಜೇಕ್ ಅದ್ಭುತ್‌ನ ದೇಖ್ಯೊ. ತದೆ ಖ್ಹಾತ್‌ಜ಼ಣ ದೇವ್‌ದೂತರ್‌ನ ಹಾತ್ಮ ಖ್ಹಾತ್ ಖ್ಹತಾಪ್ಣಿ ಥು, ಆ ಖ್ಹರ್ತಿನಿ ಖ್ಹತಾಪ್ಣಿಖ್ಹಾರಿ. ಆ ಅಖ್ಖಾನ ಜೋ಼ಡೆ ದೇವ್‌ನೊ ಇರಾದೊ ಪೂರ ಉಷೆ.

ಪ್ರಕಾಶಿತ್ 15:6

ಯೋ ಮಂದಿರ್‌ಮಾಥು ಖ್ಹಾತ್ ಖ್ಹತಾಪ್ಣಿನ ಧರಿರಾಖವಾಳ ಯೊ ಖ್ಹಾತ್‌ಜ಼ಣ ದೇವ್‌ದೂತರ್‌ ಆಯು. ಇವ್ಣೆ ಶುದ್ದಥೀಬಿ, ಉಜಾ಼ಖ್ಹ್‌ನುಬಿ, ಕೋರುಲುಂಗ್ಡಾನ ಫೇರಿರಾಖ್ಯುಥು. ಅಜು಼ ಇವ್ಣ ಛಾ಼ತಿಪರ್ ಖ್ಹೊನ್ನಾನ ಪಟಾನ ಭಾಂದಿರಾಖ್ಯುಥು.

ಪ್ರಕಾಶಿತ್ 19:20

ತದೆ ಯೊ ಜಾನ್ವರ್‌ನು ಧರಿಲಿದು. ಅತ್ರೇಸ್ ಕಾಹೆತೆ ಜಾನ್ವರ್‌ ಭಣೀಥು ಅದ್ಭುತ್ ಕಾಮ್‌ಖ್ಹಾರು ಕರೀನ್, ಜಾನ್ವರ್‌ನು ಖ್ಹಣೇದ್ ನಖಾಯಹುಯನ, ಅಜು಼ ಇನ ಮೂರತ್ನ ಆರಾದನೆ ಕರವಾಳನ ಪೊಖ್ಹ್‌ಲೈರಾಖ್ಯೊಥೊತೆ ಯೊ ಝೂ಼ಟುಪ್ರವಾದಿಬಿ ಇನ ಜೋ಼ಡೆ ಧರೈಗಯೊ. ಯೋ ಭೇಜ಼ಣಾನ ಜಾನ್ನಖ್ಹಮೇದ್‌ ರಂಜ಼ಕ್‌ಥಿ ಬಳಾನು ಆಗ್ನ ತಲಾವ್ಮ ಫೇಕ್ಯು.

ಪ್ರಕಾಶಿತ್ 20:10

ಅತ್ರೇಸ್ ಕಾಹೆತೆ ಇವ್ಣುನ ಠಗಾಯೊತೆ ಶೈತಾನ್ ಆಗ್ ರಂಜ಼ಕ್‌ಖ್ಹಾರು ಲಾಗುಕರಾನ ತಲಾವ್ಮ ನಾಖಿದಿದು ಹಿಜ್ಜಾ಼ ಜಾನ್ವರ್‌ಬಿ ಝೂ಼ಟುಪ್ರವಾದಿ ಖ್ಹಾರೂಬಿ ಹಿಜ್ಜಾ಼ ಥು. ಇವ್ಣೆ ರಾತ್‌ದನ್ ಜ಼ಗ್‌ಜ಼ಮಾನಮಾಬಿ ಖ್ಹತಾಪ್ಣಿ ಪಡುಕರ್ಷೆ.

ಪ್ರಕಾಶಿತ್ 20:15

ಯೋ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುನಾಮ್‍ ಲೀಖೈರ‍್ಹಾವನು ದೆಖಾಯು ಕೊಯ್ನಿಕಿ ಇನ ಆಗ್ನ ತಲಾವ್ಮ ಭಿರ್ಕಾಯು.

ಪ್ರಕಾಶಿತ್ 22:10

ಆನಾಹುಯಿನ್ ದೇವ್ನದೂತನೆ ಮನ, “ಆ ಪುಸ್ತಕ್‌ಮ ಛಾ಼ತೆ ದೇವ್‍ಥಿ ಆವಾನು ವಚನ್ ಅಖ್ಖಾನ ಗಪ್ಲತ್ ನಕೊಕರ್. ಶನಕತೊ ಆ ಅಖ್ಖು ಚಾ಼ಲಾನ ದನ್ ಖನ್ನೆ ಐಗು.

ಪ್ರಕಾಶಿತ್ 22:16

“ಯೇಸು ಕರಿ ಮೇಸ್ ಮಾರು ಖ್ಹಾರ ಸಬೇವ್ನಿ ಬಾರೇಮ ತುಮುನ ಸಾಕ್ಷಿ ಬೋಲಾನಖ್ಹಾಜೆ ಮಾರ ದೂತನ ಮೋಕ್ಲಿರಾಖ್ಯೊಸ್. ಮೇ ದಾವೀದನು ಖೂಮ್‌ ಕರಿ ಬೋಲಾನು ಬಡ್ಡೇಥು ನಿಕ್‌ಳ್ಯುತೆ ಚಿಗುರ್‌ಬಿ, ಇನಿ ಸಂತಾನ್‌ಬಿ ಉಜಾ಼ಖ್ಹ್‌ಥಿ ನಿಕ್ಳಾನೊ ಶುಕ್ಕರ್‌ಬಿ ಹುಯಿರೊಸ್.

ಪ್ರಕಾಶಿತ್ 22:7

ಖ್ಹಮ್‌ಜೊ಼, ಮೆ ಘಣು ಜ಼ಲ್‌ದಿ ಆವುಸ್! ಆ ಪುಸ್ತಕ್‌ಮ ಲೀಖೈರ‍್ಹೂತೆ ಖ್ಹಾರಿ ವಚನ್ನ ಪಾಡಿಚಾ಼ಲವಾಳೊ ಧನ್ಯ ಹುಯಿರ‍್ಹೊಸ್ ಕರಿ ಬೋಲ್ಯೊ.

ಪ್ರಕಾಶಿತ್ 22:9

ಕತೋಬಿ ಯೋ ದೇವ್ನದೂತನೆ, “ಮನ ಖ್ಹಲಾಮ್ ನಕೊಕರ್. ಮೇಬಿ ತಾರಿನಿತರಾಸ್ ಆ ಪುಸ್ತಕ್‌ಮ ಛಾ಼ತೆ ಅಖ್ಖಿ ವಚನ್ನ ಪಾಡಿ ಚಾ಼ಲ್ಯಹುಯ ಅದ್ಮಿನಿತರಸ್. ಅಜು಼ ತಾರ ಭೈಯೇ ಹುಯಿರ‍್ಹಾತೆ ಪ್ರವಾದಿನಿ ಘೋಣಿ ಮೇಬಿ ಖಲಿ ಏಕ್‌ ಸೇವಕ್ ಹುಯಿರ‍್ಹೊಸ್. ತೂ ದೇವ್ನ ಖ್ಹಲಾಮ್ ಕರ್‌” ಕರಿ ಬೋಲ್ಯೊ.

ಪ್ರಕಾಶಿತ್ 3:14

ಲವೊದಿಕೀಯಮ ಛಾ಼ತೆ ಸಬೆನ ದೂತನ ಲೀಕ್, ವಿಶ್ವಾಸ್ ಯೋಗ್ಯಬಿ, ಖ್ಹಾಚಿ ಸಾಕ್ಷಿಬಿ, ದೇವ್ನಿ ಬಣಾವಟ್ನ ರಾಜ಼ ಹುಯಿರೋತೆ ‘ಆಮೆನ್’ ಕರಿ ರ‍್ಹವಾಳೊ ಶಾತ್‌ ಬೋಲಸ್‍ಕತೊ,