ಪ್ರಕಾಶಿತ್ 22:17 - ದೇವ್ನಿ ಖ್ಹಾಚಿ ವಚನ್

¹⁷ ಆತ್ಮ ಅಜು಼ ವ್ಯತುಲ್ಡೀಬಿ, ಆವ್ಣುಕರಿ ಬೋಲ್‌ಶೆ. ಖ್ಹಮ್‌ಜಾ಼ವಾಳೊ, ಆವ್‌ಕರಿ ಬೋಲಾದೆ. ಠೋಖ್ಹ್‌ ರ‍್ಹವಾಳೊ ಆವಾದೆ, ಆಖ್ಹ್ ರ‍್ಹವಾಳೊ ಜಾನ್ನಪಾಣಿನ ಮೋಲ್‌ಕೊಂತೆ ಫುಗಟ್‍ಥಿ ಲಿಲ್ಯಾವದೆ.

ಪ್ರಕಾಶಿತ್ 22:17 ပူးပေါင်းရင်းမြစ်များ

ಯೋಹಾನ 1:37

ಯೋ ಭೇ ಶಿಷ್ಯರ್‌ ಯೋಹಾನ್ನಿ ಆ ವಾತೆನ ಖ್ಹಮ್‌ಜಿನ್‌, ಯೇಸುನ ಪೀಠೆ ಗಯ.

ಯೋಹಾನ 4:10

ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.

ಯೋಹಾನ 4:11

ಯೋ ತಯೇಡ ಇನ, “ಪ್ರಭು, ಪಾಣಿ ಶೇಂದಾನ ತಾರಕನ ಶಾತ್ಬಿ ಕೊಯ್ನಿ, ಬಾವ್ಡಿ ಘಣಿ ಗಧಾರ್ ಛಾ಼, ಅಮ್ ರ‍್ಹವಾಪರ್ ಯೋ ಜಾನ್ನು ಪಾಣಿ ತು ಕಿಮ್ ದಿಶ್?

ಯೋಹಾನ 4:14

ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.

ಯೋಹಾನ 4:29

“ಮೇ ಹಂಕೆತೋಡಿ ಕರೀತೆ ಖ್ಹಾರಸ್ನ ಬೋಲ್ಯೊತೆ ಏಕ್‌ ಅದ್ಮಿ ಹಿಜ್ಜಾ಼ ಛಾ಼. ಐನ್ ದೇಖೊ, ಯೋಸ್‌ ಕ್ರಿಸ್ತಕಿ ಹುಯಿರೇಣು ಶುಕಿ?” ಕರಿ ಹಿಜ್ಜಾ಼ನು ಅದ್ಮಿ ಖ್ಹಾರಾನ ಬೋಲಿ.

ಯೋಹಾನ 7:37

ಪೂಜಾ಼ನೊ ಖ್ಹರ್ತಿನೊ ಅಜು಼ ಮುಖ್ಯದನ್‌ ಹುಯಿರ‍್ಹೋತೆ ತದೆ ಯೇಸು ಭೀರಿನ್‌ ಊಚಿ ಅವಾಜ಼್‌ಥಿ ಬೋಲಾನು ಶುರುಕರ‍್ಯೊ, “ಕಿನ ಠೋಖ್ಹ್‌ ಲಾಗಸ್ಕಿ, ಯೊ ಅವಾದೆ ಅಜು಼ ಪಿಯ್ಯಾದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:24

ಕತೋಬಿ ದೇವ್ನು ಫುಗಟ್ ವಾರ್‌ಖ್ಹೇಥಿ ಇವ್ಣುನ ಛುಟ್ಕಾರ್ ದ್ಯವಾವಾಳೊ ಯೇಸುಕ್ರಿಸ್ತಥಿ ನೀತಿವಾಳುಕರಿ ತೀರ್ಪ್‍ಹುವಸ್.

1 ಕೊರಿಂಥ 2:12

ಅಪ್ಣೆ ಜಗತ್‌ಮಛಾ಼ತೆ ಆತ್ಮಾನ ಲೀರಾಖ್ಯಾಕೊಯ್ನಿ ದೇವ್ ಅಪ್ಣುನ ಫುಗಟ್ನಿ ಗೋರ್‌ಥಿ ದಿದೊತೆ ವರಾನ ಮಾಲುಮ್ ಕರಿಲ್ಯವಾನಖ್ಹಾಜೆ ದೇವ್‍ಥಿ ಆಯಿತೆ ಆತ್ಮನಾಸ್ ಲೀರಾಖ್ಯಸ್.

ಪ್ರಕಾಶಿತ್ 14:13

ಪರಲೋಕ್‌ಥು ಏಕ್‌ ಅವಾಜ಼್ ಮನ ಖ್ಹಮಜ್‍ಪಡ್ಯು. ಇನೆ ಹಂಕೇಥು ಪ್ರಭುನ ಭಕ್ತರ್‌ಹುಯಿನ್ ಮರಾವಳು ಧನ್ಯಕರಿ ಲೀಖ್‌ಕರಿ ಮನ ಬೋಲ್ಯು. ಇನ ಆತ್ಮನೆ, ಒಹೊ ಇವ್ಣೆ ಧನ್ಯರಸ್. ಇವ್ಣೆ ಇವ್ಣ ಮ್ಹಿನತ್‌ನ ಖತಮ್‌ಕರಿನ್ ಅರಾಮ್ ಕರ್ಶೆ ಅಜು಼ ಇವ್ಣು ಅಛ್ಛು಼ ಕಾಮ್‌ಖ್ಹಾರು ಇವ್ಣ ಜೋ಼ಡ್ಮ ಚಾ಼ಲ್‌ಷೆ ಕರಿ ಬೋಲ್ಯೊ.

ಪ್ರಕಾಶಿತ್ 2:7

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಕೋಣ್ ಜೂತಾಸ್ಕಿ ಇನ ದೇವ್ನ ಸೊರ್ಗಾಮ ಛಾ಼ತೆ ಜಾನ್ನ ಝಾ಼ಡ್‌ಣ ಪಂಡಾನ ಖಾವಾನ ಹುಕುಮ್‌ ದಿಶ್.

ಪ್ರಕಾಶಿತ್ 21:2

ಅತ್ರೇಸ್ ಕಾಹೆತೆ ಸೊರ್ಗಾಥು ಪರಿಶುದ್ ನಂಗರ್ ಯೆರೂಸಲೇಮ್ ದೇವ್‌ಕಂಥು ಉತ್ರಿ ಆವನು ಮೇ ದೇಖ್ಯೊ. ಯೋ ಇನ ಬಾವ್ರಿನಖ್ಹಾಜೆ ತಯಾರ್ ಹುಯಿರ‍್ಹವಾಳಿ ವ್ಯತುಲ್ಡಿನಿ ಘೋಣಿ ಶನ್‌ಗಾರ್ ಹುಯಿರ‍್ಹುಥು.

ಪ್ರಕಾಶಿತ್ 21:6

ತದೆ ಸಿಂಹಾಸನ್‌ಪರ್ ಬೆಠೊಥೋತೆ ಇನೆ, “ಅಖ್ಖೂಸ್ ಕರಿಹುಯ್ಗು; ಮೇಸ್ ಪಹಿಲೋಬಿ, ಖ್ಹರ್ತಿಬಿ, ಶುರುವಾತ್‍ಬಿ, ಖತಮ್‌ಬಿ ಹುಯಿರ‍್ಹೋಸ್. ತರ್ಖ್ಹವಾಳನ ಜಾನ್ನು ಪಾಣಿನೊ ಚೇಜ಼್‌ಭಾರನ ಮೋಲ್‌ಕೊಂತೆ ಫುಗಟ್‍ಥಿ ಪಿಯಾನ ದಿಶ್.

ಪ್ರಕಾಶಿತ್ 21:9

ಖ್ಹರ್ತಿನು ಖ್ಹಾತ್ ಖ್ಹತಾಪ್ಣಿಥಿ ಭರೈರುತೆ ಖ್ಹಾತ್ ಕಟೋರವ್ನ ಧರಿರಾಖ್ಯುತೆ ಖ್ಹಾತ್‌ಜ಼ಣ ದೇವ್‌ದೂತರ್‌ಮ ಏಕ್‍ಜ಼ಣೊ ಐನ್ ವಾತೆ ಬೋಲ್ತೊಹುಯಿನ್, “ಮಾರಿ ಜೋ಼ಡ್ಮ ಆವ್, ಮೇಂಢಾನ ಚೆಲ್ಕಾನ ಬಾವಣ್‍ ಹುವಾಳಿ ವ್ಯತುಲ್ಡಿನ ತುನ ವತಾಳುಸ್‌” ಕರಿ ಬೋಲ್ಯೊ.

ಪ್ರಕಾಶಿತ್ 22:1

ಅನಕೇಡೆಥು ದೇವ್ನದೂತನೆ ಫಟಕ್‌ಡಿನಿಘೋಣಿ ಉಜಾ಼ಖ್ಹ್‌ ದ್ಯವಾನು ಜಾನ್ನು ಪಾಣಿನ ನದ್ದೀನ ಮನ ವತಾಳ್ಯೊ. ಯೊ ನದ್ದಿ ದೇವ್ ಬಿಜು಼ ಮೇಂಢಾನ ಚೆಲ್ಕಾನು ಸಿಂಹಾಸನ್‌ಕಂಥು ಉಬ್ಜಿನ್,

ಪ್ರಕಾಶಿತ್ 22:16

“ಯೇಸು ಕರಿ ಮೇಸ್ ಮಾರು ಖ್ಹಾರ ಸಬೇವ್ನಿ ಬಾರೇಮ ತುಮುನ ಸಾಕ್ಷಿ ಬೋಲಾನಖ್ಹಾಜೆ ಮಾರ ದೂತನ ಮೋಕ್ಲಿರಾಖ್ಯೊಸ್. ಮೇ ದಾವೀದನು ಖೂಮ್‌ ಕರಿ ಬೋಲಾನು ಬಡ್ಡೇಥು ನಿಕ್‌ಳ್ಯುತೆ ಚಿಗುರ್‌ಬಿ, ಇನಿ ಸಂತಾನ್‌ಬಿ ಉಜಾ಼ಖ್ಹ್‌ಥಿ ನಿಕ್ಳಾನೊ ಶುಕ್ಕರ್‌ಬಿ ಹುಯಿರೊಸ್.

ಪ್ರಕಾಶಿತ್ 7:17

ಶನಕತೊ ಸಿಂಹಾಸನ್ನ ಇಚ಼್‌ಮ ಛಾ಼ತೆ ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹವಾಳೊ ಇವ್ಣುನ ಕುರುಬನಿತರ ರ‍್ಹೀನ್ ಜಾನ್ನು ಪಾಣಿನು ಚೆಜ಼್‌ಭಾರಕನ ಚ಼ಲೈಲಿಜಾಷೆ ಅಜು಼ ದೇವ್ ಇವ್ಣ ಡೋಳಾನು ಆಂಝು಼ಖ್ಹಾರು ನೂಛಿನಾಕ್ಷೆ ಕರಿ ಬೋಲ್ಯು.