ಪ್ರಕಾಶಿತ್ 21:8 - ದೇವ್ನಿ ಖ್ಹಾಚಿ ವಚನ್

⁸ ಕತೋಬಿ ಡರ್‌ಪೋಕ್‌ಖ್ಹಾರು, ವಿಶ್ವಾಸ್‌ಕೊಂತೆ ಖ್ಹಾರು, ಗಲೀಜ಼್ ಕಾಮ್ ಕರವಾಳು, ಖೂನಿಖ್ಹಾರು, ವ್ಯಬಿಚಾರ್ ಕರವಾಳು, ಜಾ಼ದುಕರಾವಳು, ಮೂರತ್ನ ಆರಾದನೆ ಕರವಾಳು, ಅಖ್ಖೂಸ್ ಜ್ಹೂ಼ಟು ಬೋಲವಾಳು ಅವ್ಣುನ ಮಳ್‌ಶೇತೆ ವಾಟೊ ಆಗ್ ರಂಜ಼ಕ್‌ಥಿ ಬಳ್ವಾನು ತಲಾವಸ್; ಯೋ ಬೇನು ಮರಣ್” ಕರಿ ಮನ ಬೋಲ್ಯೊ.

ಪ್ರಕಾಶಿತ್ 21:8 ပူးပေါင်းရင်းမြစ်များ

ಮತ್ತಾಯ 10:28

ಅತ್ರೇಸ್ ಕಾಹೆತೆ, ಶರೀರ್‌ನ ಮರ್‌ನಾಖಿನ್ ಆತ್ಮನ ಮಾರಾನ ಕೋ ಹುವ್ವಾನಿತೆ ಅದ್ಮಿನ ದೇಖಿನ್‌ ನಕೊ ಡರೊ; ಕತೋಬಿ ಆತ್ಮಾನ ಅಜು಼ ಶರೀರ್‌ನ ಭೇನ ನರಕ್ಮ ನಾಖಿನ್ ಬರ್ಬಾತ್ ಕರಾವಾಳೊ ದೇವ್ನ ದೇಖಿನ್ ಡರೊ.

ಮತ್ತಾಯ 25:25

ಮೇ ಡರಿನ್, ತಾರ ಪೈಶಾನ ಜ಼ಮೀನ್‌ಮ ಲಪಾಡಿರಾಖ್ಯೊಥೊ. ಹಂದೇಕ್, ತಾರು ತುನಾಸ್ ದೆವ್‍ಕರೂಸ್’ ಕರಿ ಬೋಲ್ಯೊ.

ಮತ್ತಾಯ 8:26

ಯೇಸುನೆ, “ತುಮೆ ಶನ ಡರೋಸ್ತೆ? ತುಮೂನ ಕಮ್‍ವಿಶ್ವಾಸ್ ಛಾ಼!” ಕರಿ ಬೋಲಿನ್, ಉಠೀನ್‌ ವಹಿರನಾಬಿ, ದರ‍್ಯಾವ್ನ ಗುರ್‌ಕಾಯೊ, ತದೆ ಖ್ಹಾರೂಸ್ ಖ್ಹೊಪೊ ಪಡಿಗಯು.

ಮಾರ್ಕ 9:44

ಬೇ ಹಾತ್‌ ರಾಖಿನ್ ಕದೇಬಿ ಉಝಾ಼ವಾನಿ ಕಾಹೆತೆ ಆಗ್ ಹುಯಿರ‍್ಹೀತೆ ನರಕ್ಮ ಪಡಾಥೀಬಿ, ಹಾತ್‌ಕೊಂತೆ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗಿ ಜಾ಼ವಾನು ತುನ ಅಶೇಲ್.

ಯೋಹಾನ 8:44

ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್ ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್.

2 ಥೆಸ 2:9

ಯೋ ಅಧರ್ಮಿ ಶೈತಾನ್ನಿ ಶಕಥ್ಥಿ ಭರೈನ್ ಆವ್‌ಶೆ ಅಜು಼ ಕೈಯೆಕ್ಕಿಥರಾನು ಠಗಾವನು ಮೋಟುಕಾಮ್, ಅದ್ಭುತ್‌ಕಾಮ್, ಚಮತ್ಕಾಕರ್‌ನ ಕರ್ಶೆ.

1 ತಿಮೊ 4:2

ಝೂ಼ಟಿ ಭೋದನೆ ಶಿಕಾಡವಳು, ಇವ್ಣಿ ದಿಲ್ನಿಸಾಕ್ಷಿಪರ್‌ ದಾಗ್‌ನಾಖಿಲಿನ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:16

ಇವ್ಣೆ ದೇವ್ನಿ ಬಾರೇಮ ಪರ್ಖಿರಾಖ್ಯಸ್ ಕರಿ ಬೋಲಿಲೆಸ್. ಕತೋಬಿ ಇವ್ಣೆ ಹುಕುಮ್ನ ನಾಮಾನವಾಳು ಹುಯಿನ್ ಗಂಧು ಕಾಮ್ ಕರಾವಾಳು, ದೇವ್ನ ಅಜು಼ ಖಿವು ಅಛ಼್ಛುಕಾಮ್ ಕರಾನಬಿ ಲ್ಹಾಯಕ್ ಕೊಯ್ನಿ.

ಇಬ್ರಿ 12:24

ನವ ಒಪ್ಪಂದಾನ ಇಚ಼್‌ಮ ರ‍್ಹವಾಳೊ ಯೇಸುಕನಬಿ ಹೇಬೆಲನ ಲ್ಹೋಯಿಥೀಬಿ ಮಹಾನ್ ವಾತೆ ಬೋಲಾಸ್ತೆ ಛಿಡ್‌ಕಾಯುತೆ ಲ್ಹೋಯಿಕನಾಬಿ ಐರ‍್ಹಾಸ್.

ಇಬ್ರಿ 13:4

ಅಖ್ಖುಜ಼ಣು ವ್ಯಹಾನ ಮರ್ಯಾದಿನುಕರಿ ಗಣ್ತಿಕರ‍್ನು ಅಜು಼ ಬಾವಣ್‍ ಬಾವ್ರಿ ಏಕ್‌ಥಿಏಕ್ ವಿಶ್ವಾಸ್ಮ ರ‍್ಹೇವ್ಣು. ಶನಕತೊ ಪಾಪೇಲವ್ನಬಿ ಅಜು಼ ವ್ಯಬಿಚಾರಿಯೇವ್ನಾಬಿ ದೇವ್ ನ್ಯಾವ್‌ಫೇಡಾವ್‌ಷೆ.

1 ಯೋಹಾನ 2:22

ಝೂ಼ಟಿಖೋರ್ ಕೋಣ್? ಯೇಸುನ ಪ್ರಭು ಕಾಹೆಕರಿ ಕೋಣ್ ಝಿಟ್ಕಾರಸ್ಕಿ ಯೋಸ್‍ ಝೂ಼ಟಿಖೋರ್ ಹುಯಿರಾಸ್‍, ಯೋ ಕ್ರಿಸ್ತವಿರೋದಿ, ಯೊ ಬಾನಾಬಿ ಅಜು಼ ಛಿಯ್ಯಾನಾಬಿ ಝಿಟ್ಕಾರವಾಳೊ ಹುಯಿರ‍್ಹೊಸ್.

1 ಯೋಹಾನ 3:15

ಕೋಣ್‌ಬಿ ಇವ್ಣ ಭೈಯೇ ಭೇನೇನ ವಹೇರ್‌ ಕರಾವಾಳೊ ಖೂನಿಹುಯಿರ‍್ಹೊಸ್. ಅಜು಼ ಖೆವ ಖೂನಿಮಾಬಿ ಕೆದೇಬಿ ರ‍್ಹವಾನು ಜಾನ್‌ ಕೋರ‍್ಹಿಶೇನಿ ಕರಿ ತುಮೂನ ಮಾಲುಮ್.

1 ಯೋಹಾನ 5:10

ದೇವ್ನ ಛಿಯ್ಯಾಮ ವಿಶ್ವಾಸ್ ಕರಾವಾಳೊ ಆ ಸಾಕ್ಷಿನ ಇನಾಮ ಲೀರಾಖಸ್. ದೇವ್ನ ನಂಬಕೊಂತೆ ಯೋ ಇನ ಝು಼ಟೊಕರಿ ಬಣೈರಾಖ್ಯೊಸ್. ಕಿಮ್‌ಕತೊ ದೇವ್ ಇನ ಛಿಯ್ಯಾನಿ ಬಾರೇಮ ದಿದೋತೆ ಸಾಕ್ಷಿಮ ಇನೆ ವಿಶ್ವಾಸ್ ಕರ‍್ಯೊಕೊಯ್ನಿ.

ಪ್ರಕಾಶಿತ್ 14:10

ಯೋಬಿ ಜಿನುಕು ದೇವ್‌ನೊ ಇರಾದೊಕರಿ ಬೋಲಾನ ಕಟೋರಮ ಶಾತ್ಬಿ ಮಳಾಯುಕೊಂತೆ ನಾಖಿಹುಯು ದೇವ್ನು ಇರಾದೊಕರಿ ದ್ರಾಕ್ಷಿನ ರಖ್ಹ್‌ನ ಪೀಶೆ. ಪರಿಶುದ್ ದೇವ್ನ ದೂತರ‍್ನ ಖ್ಹಾಮ್ಣೇಬಿ, ಬಲೀನ ಮೇಂಢಾನ ಚೆಲ್ಕಾನ ಖ್ಹಾಮ್ಣೆ ಅಗ್‌ಥೀಬಿ, ರಂಜ಼ಕ್‌ಥಿ, ಖ್ಹತಾಪ್ಣಿ ಪಡ್‌ಶೆ.

ಪ್ರಕಾಶಿತ್ 19:20

ತದೆ ಯೊ ಜಾನ್ವರ್‌ನು ಧರಿಲಿದು. ಅತ್ರೇಸ್ ಕಾಹೆತೆ ಜಾನ್ವರ್‌ ಭಣೀಥು ಅದ್ಭುತ್ ಕಾಮ್‌ಖ್ಹಾರು ಕರೀನ್, ಜಾನ್ವರ್‌ನು ಖ್ಹಣೇದ್ ನಖಾಯಹುಯನ, ಅಜು಼ ಇನ ಮೂರತ್ನ ಆರಾದನೆ ಕರವಾಳನ ಪೊಖ್ಹ್‌ಲೈರಾಖ್ಯೊಥೊತೆ ಯೊ ಝೂ಼ಟುಪ್ರವಾದಿಬಿ ಇನ ಜೋ಼ಡೆ ಧರೈಗಯೊ. ಯೋ ಭೇಜ಼ಣಾನ ಜಾನ್ನಖ್ಹಮೇದ್‌ ರಂಜ಼ಕ್‌ಥಿ ಬಳಾನು ಆಗ್ನ ತಲಾವ್ಮ ಫೇಕ್ಯು.

ಪ್ರಕಾಶಿತ್ 2:11

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಜೂತವಾಳನ ಬೇನಿ ಮರಣ್‌ಥು ಶನು ಗಲತ್‌ ಕೋಉಷೇನಿ.

ಪ್ರಕಾಶಿತ್ 2:2

ತಾರು ಕಾಮ್‌ಖ್ಹಾರು ಅಜು಼ ಮಿನ್ಹತ್‌ಬಿ ಖ್ಹಮಾಳನುಬಿ ಮೇ ಮಾಲುಮ್ ಕರಿರಾಖ್ಯೋಸ್. ತೂ ಖರಾಬ್ ಅದ್ಮಿನ ಖ್ಹಮಾಳಿಷ್ ಕೊಯ್ನಿ. ಅಪೊಸ್ತಲರ್ ಕಾಹೆತೆಬಿ ಇವ್ಣುನ ಅಪೊಸ್ತಲರ್‌ಕರಿ ಬೋಲೈಲ್ಯವಾಳು ತೂ ಪರ್ಖಿನ್ ಇವ್ಣುನ ಝೂ಼ಟುಕರಿ ಮಾಲುಮ್‌ಕರಿಲಿದೊ.

ಪ್ರಕಾಶಿತ್ 21:27

ಕತೋಬಿ ಅಶುದ್ದ ರ‍್ಹವಾನು ಖಿವು ಏಕ್‌ಬಿ ಕೊಪೇಖ್ಹ್‌ಶೇನಿ. ಇಮ್ಮಸ್ ಕಚಿಂಡ್‌ಕಾಮ್‌ ಕರಾವಳೊಬಿ ಠಗಾವವಾಳೋಬಿ ಇನಾಮ ಪೇಖ್ಹ್‌ಶೆ ಕೊಯ್ನಿ. ಕತೋಬಿ ಮೇಂಢಾನು ಚೆಲ್ಕು ಹುಯಿರ‍್ಹವಾಳನ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹೇಸ್ಕಿ ಇವ್ಣೆಖಲಿ ಯೊ ಖ್ಹಯೇರ್‌ಮ ಪೇಖ್ಹ್‌ಶೆ.

ಪ್ರಕಾಶಿತ್ 22:15

ಕತೋಬಿ ಕುತ್‌ರ‍್ಯಾವ್‌ನಿತರ ರ‍್ಹವಾಳುಬಿ, ಜಾ಼ದು ಕರವಾಳುಬಿ, ವ್ಯಬಿಚಾರ್ ಕರವಾಳುಬಿ, ಖೂನಿಖ್ಹಾರುಬಿ, ಮೂರತ್ನ ಖ್ಹಲಾಮ್ ಕರಾವಳುಬಿ, ಝೂ಼ಟಾನ ಪ್ಯಾರ್‌ಕರೀನ್ ಚಾ಼ಲವಾಳು ಅಜು಼ ಬೋಲವಾಳು ಯೊ ಖ್ಹಯೇರ‍್ನ ಭಾರ್‌ ರ‍್ಹಿಶೆಕರಿ ಬೋಲ್ಯೊ.

ಪ್ರಕಾಶಿತ್ 9:17

ಮೇ ದರ್ಶನ್‍ಮ ದೇಖ್ಯೊತೆ ಘೋಡಾವ್‌ಬಿ ಅಜು಼ ಇನಪರ್‌ಲ್ಯ ಸವಾರಿನ ಬಾರೇಮ ಬೋಲಾನು ಕಿಮ್‌ಥು ಕತೊ, ಸವಾರಿವ್‌ನು ಕವಚ್‌ನು ರಂಗ್ ಆಗ್‍ನಿತರ ಲಾಲ್, ಧುವ್ವನಿತರಾನು ನೀಲು, ರಂಜ಼ಕ್‌ನಿತರ ಪೀಳು ಥು. ಘೋಡಾವ್‌ನು ಮುಡ್‌ಕ್ಯು ಖ್ಹಾರು ಶುಂಭಾವ್‌ನ ಮುಡ್‌ಕ್ಯಾನಿ ಘೋಣಿ ಥು. ಅಜು಼ ಇನ ಮ್ಹೋಡೇಖ್ಹು ಆಗ್ ರಂಜ಼ಕ್‌ ಧುವ್ವೊ ನಿಕ್‌ಳ್ಯು.

ಪ್ರಕಾಶಿತ್ 9:21

ಆನಾಹುಯಿನ್ ಇವ್ಣೆ ಚ಼ಲಾವ್ತುಥೂತೆ ರ‍್ಹೇ಼ಖ್ಹಾನು, ಜಾ಼ದುಜ಼ಮ್‌ಕರ್‌, ಪಾಪೇಲು ಕಾಮ್, ವ್ಯಬಿಚಾರ್‌ನ, ಚೋ಼ರ್‌ಚ಼ಖಾಟ್ ಆ ಅಖ್ಖಮಾಥು ಏಕ್‌ಬಿ ಮ್ಹೇಲಿನ್ ದೇವ್‌ಭಣಿ ಫರ‍್ಯುಕೊಯ್ನಿ.