ಪ್ರಕಾಶಿತ್ 21:7 - ದೇವ್ನಿ ಖ್ಹಾಚಿ ವಚನ್

⁷ ಜೂತವಾಳನ ಆ ಖ್ಹಾರುಸ್ ಮಳ್‌ಶೆ. ಮೇ ಇನ ದೇವ್ ಹುಯಿರ‍್ಹಿಶ್. ಯೊ ಮನ ಛಿಯ್ಯೊ ಹುಯಿರ‍್ಹಿಶೆ.

ಪ್ರಕಾಶಿತ್ 21:7 ပူးပေါင်းရင်းမြစ်များ

ಮತ್ತಾಯ 19:29

ಅಜು಼ ಮಾರ ನಾಮ್‍ಪರ್ ಘರ್‌ನರ‍್ಹೆವೊ, ಭೈಯೇನ ರ‍್ಹವೊ, ಭೇನೇನ ರ‍್ಹವೊ, ಬಾನ ರ‍್ಹವೊ, ಆಯಾನ ರ‍್ಹವೊ, ಲಡ್ಕಾವ್ನ ರ‍್ಹವೊ, ಖೇತರ್‌ನ ರ‍್ಹವೊ ಮ್ಹೇಲಿದಿದೂತೆ ಹರೇಕ್ನ ಖ್ಹೋ ಪಟ್ ಜಾ಼ಖ್ಹತ್ ಮಳ್‌ಶೆ ಅಜು಼ ಹರ್‌ಹಮೇಶಾನಿ ಜಿ಼ಂದ್‌ಗೀಬಿ ಮಳ್‌ಶೆ.

ಮತ್ತಾಯ 25:21

ತದೆ ಇನ ಯಜಮಾನ್ನೆ ಇನ, ‘ಶಬಾಶ್, ತೂ ಅಛ್ಛೊ಼ ಅಜು಼ ಭರೋಖ್ಹಾನೊ ಆಳ್‌! ಹುಯಿರ‍್ಹೋಸ್!’ ತೂ ಥೋಡಾಮ ನಿಯಥ್ಥಿ ರ‍್ಹಯೋತೆ ಇನಖ್ಹಾಜೆ, ಮೇ ತುನ ಮೋಟಾ ಕಾಮ್‌ಪರ್ ನೇಮ್‌ಶಾವುಸ್. ಐನ್, ಮಾರಿ ಖ್ಹುಶಿಮ ಭಾಗ್‌ ಹೂ’ ಕರಿ ಬೋಲ್ಯೊ.

ಮತ್ತಾಯ 25:34

ತದೆ ರಾಜಾ಼ ಇನಿ ಖಾವಿ ಬಾಜೂ಼ಮ ಭಿಯುತೆ ಅದ್ಮಿ ಖ್ಹಾರಾನ, ‘ಮಾರ ಬಾನೆ ಆಶೀರ್ವಾದ್‌ ಕರ‍್ಯೊತೆ ತುಮೆ ಆವೊ, ಜಗತ್‌ ಉಬ್‌ಜ್ಯುತೆ ತಪ್‌ಥು ತುಮಾರಖ್ಹಾಜೆ ತೈಯಾರ್ ಹುಯಿರ‍್ಹೂತೆ ರಾಜ್ಯನ ಅಲ್ಲೇವೊ.

ಮಾರ್ಕ 10:17

ಯೇಸು ನಿಕ್ಳಿನ್‌ ವಾಟ್‌ ಧರೀನ್ ಜಾ಼ವಾನಿ ವಖ್ಹತ್‌ಮ, ಏಕ್‌ ಜ಼ಣೊ ನಾಖ್ಹ್‌ತೊ ಐನ್, ಇನ ಖ್ಹಾಮೆ ಗುಡ್‍ಘ್ಯ ಟೇಕಿನ್, “ಅಛ್ಛೊ಼ ಗುರು, ಹಮೇಶಾನಿ ಜಿ಼ಂದ್‌ಗಿ ಮಳ್‌ಣುಕತೊ, ಮೇ ಶಾತ್‌ ಕರ‍್ನು?” ಕರಿ ಫುಛಾ಼ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:14

ಕೋಣ್ ದೇವ್ನ ಆತ್ಮಥಿ ಚ಼ಲೈಲೇಸ್ಕಿ ಇವ್ಣೆ ದೇವ್ನ ಲಡ್ಕಾ ಹುಯಿರ‍್ಹಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:19

ದೇವ್ನ ಲಡ್ಕಾವ್‌ನಿ ಮಹಿಮೆ ಕದೆ ದೆಖಾವ್‍ಶೇಕರಿ ಉಬ್‍ಜಾ಼ವ್ಣಿ ಘಣು ಜ಼ರೂರ್‌ಥಿ ಖ್ಹಾಮ್ಣೆ ದೇಖುಕರಸ್.

2 ಕೊರಿಂಥ 6:16

ದೇವ್ನ ಮಂದಿರ್‌ನಾಬಿ ಮೂರತ್‌ನಾಬಿ ಏಕ್‍ಕರಾನ ಉಶೇಕಿ ಶು? ಅಪ್ಣೆ ದೇವಸ್ ಬೋಲಿರಾಖ್ಯುತೆ ತಿಮ್ ಜಿವ್ತಜಾನ್ನೊ ಮಂದಿರ್‌ ಹುಯಿರಾಸ್ನಿ. ಮಾರ ಅದ್ಮಿವೋಮ ಮೇಸ್ ಘರ್ ಕರೀಶ್, ಇವ್ಣಾಮ ಮೇಸ್ ಜಿವ್ಣು ಕರ್ತೊಹುಯಿನ್ ಇವ್ಣಿಜೋ಼ಡೆ ಫರ್ತೊರ‍್ಹಿಶ್, ಮೇಸ್ ಇವ್ಣೊ ದೇವ್ ಹುಯಿರ‍್ಹಿಶ್. ಇವ್ಣೆ ಮನ ಪ್ರಜೆಹುಯಿರ‍್ಹಿಶೆ ಕರಿ ಬೋಲ್ಯೊ.

2 ಕೊರಿಂಥ 6:18

ಮೇ ತುಮಾರೊ ಬಾ ಹುಯಿರೊಸ್; ಅಜು಼ ತುಮೆ ಮಾರ ಛಿಯ್ಯಾ, ಛೋ಼ರಿಯೇ ಹುಯಿರಾಸ್ ಕರಿ ಬೋಲಸ್ ಸರ್ವಶಕತ್‍ವಾಳೊ ಹುಯಿರೋತೆ ಪ್ರಭು.”

ಇಬ್ರಿ 8:10

ಯೋ ಅಖ್ಖದನ್ನ ವಾರ್ ಮೇ ಇಸ್ರಾಯೇಲ್ ಖೂಮ್‌ವಾಳನಿ ಜೋ಼ಡ್ಮ ಕರಿಲೀಶ್‍ತೆ ಒಪ್ಪಂದ ಅಮ್‍ರ‍್ಹಿಶೆ, ಮೇ ಮಾರ ಹುಕುಮ್‌ನ ಇವ್ಣ ದಿಮಾಕ್ಮ ಮ್ಹೇಲಿಶ್. ಮೆ ಇವ್ಣ ದಿಲ್ಮ ಇನ ಲೀಖಿಶ್. ಮೇ ಇವ್ಣುನ ದೇವ್‌ ಹುಯಿರ‍್ಹೀಶ್. ಇವ್ಣೆ ಮಾರು ಅದ್ಮಿ ಹುಯಿರ‍್ಹಿಶೆ.

1 ಪೇತ್ರ 3:9

ಖರಾಬ್‌ನ ಖರಾಬ್, ಚಾ಼ವ್‍ಣ್ಯನ ಚಾ಼ವ್‌ಣ್ಯ ನಾಕರ‍್ನುತೆ ಆಶೀರ್ವಾದ್‌ ಕರೊ ಅನಖ್ಹಾಜೆಸ್ ದೇವ್ನೆ ತುಮುನ ಬುಲೈರಾಖ್ಯೋಸ್ನಿ. ಅಮ್ ಕರಾವಾಳ ಹುಯಿರ‍್ಹಾತೊ ತುಮೆ ಆಶೀರ್ವಾದ್‌ನ ಹಕ್‌ಥಿ ಲೀಲಿಶು.

ಪ್ರಕಾಶಿತ್ 2:11

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಜೂತವಾಳನ ಬೇನಿ ಮರಣ್‌ಥು ಶನು ಗಲತ್‌ ಕೋಉಷೇನಿ.

ಪ್ರಕಾಶಿತ್ 2:17

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಕೋಣ್ ಜೂತಾಸ್ಕಿ ಇನ ಲಪಾಡಿರಾಖ್ಯೊಸ್ತೆ ಮನ್ನ ಕರಿ ಖಾಣನ ದಿಶ್. ಅತ್ರೇಸ್ ಕಾಹೆತೆ ಮೆ ಇನ ಏಕ್‌ ಧೋಳ ಬಂಡಾನ ದಿಶ್, ಯೋ ಬಂಡಾಪರ್ ನವು ನಾಮ್ನ ಟಕೈನ್‌ಲೀಖೈಷ್‍ ಯೋ ನಾಮ್ ಲೀರಾಖವಾಳನ ಮಾಲುಮ್ ಪಡ್‌ಶೆ, ಪಣ್ಕಿ ಯೋ ಬಿಜು಼ ಕಿನಾಬಿ ಮಾಲುಮ್‍ ಕೋಪಡ್ಷೇನಿ.

ಪ್ರಕಾಶಿತ್ 2:25

ಕತೋಬಿ ತುಮೆ ಲೀರಾಖ್ಯಾಸ್ತೆ ಇನಾಸ್ ಮೇ ಆವಲಗು ಘಟ್‍ಥಿ ಧರಿರಾಖೊ.

ಪ್ರಕಾಶಿತ್ 2:7

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಕೋಣ್ ಜೂತಾಸ್ಕಿ ಇನ ದೇವ್ನ ಸೊರ್ಗಾಮ ಛಾ಼ತೆ ಜಾನ್ನ ಝಾ಼ಡ್‌ಣ ಪಂಡಾನ ಖಾವಾನ ಹುಕುಮ್‌ ದಿಶ್.

ಪ್ರಕಾಶಿತ್ 21:3

ಆ ನಾಹುಯಿನ್ ಸಿಂಹಾಸನ್‌ಥು ಏಕ್‌ ಮೋಟು ಅವಾಜ಼್ ಮೆ ಖ್ಹಮ್‌ಜೊ. ಯೊ ಅವಾಜ಼್ ದೇಖೊ, ದೇವ್ನು ಘರ್‌ ಅದ್ಮಿನಿ ಜೋ಼ಡ್ಮ ಛಾ಼. ಯೊ ಇವ್ಣಿ ಜೋ಼ಡ್‌ಮರ‍್ಹಿಷೆ. ಇವ್ಣೆ ಇನವಾಳ ಹುಯಿರ‍್ಹಿಷೆ ಅಜು಼ ಯೊ ಇವ್ಣೊ ದೇವ್ ಹುಯಿರ‍್ಹಿಷೆ.