ಪ್ರಕಾಶಿತ್ 21:27 - ದೇವ್ನಿ ಖ್ಹಾಚಿ ವಚನ್

²⁷ ಕತೋಬಿ ಅಶುದ್ದ ರ‍್ಹವಾನು ಖಿವು ಏಕ್‌ಬಿ ಕೊಪೇಖ್ಹ್‌ಶೇನಿ. ಇಮ್ಮಸ್ ಕಚಿಂಡ್‌ಕಾಮ್‌ ಕರಾವಳೊಬಿ ಠಗಾವವಾಳೋಬಿ ಇನಾಮ ಪೇಖ್ಹ್‌ಶೆ ಕೊಯ್ನಿ. ಕತೋಬಿ ಮೇಂಢಾನು ಚೆಲ್ಕು ಹುಯಿರ‍್ಹವಾಳನ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹೇಸ್ಕಿ ಇವ್ಣೆಖಲಿ ಯೊ ಖ್ಹಯೇರ್‌ಮ ಪೇಖ್ಹ್‌ಶೆ.

ಪ್ರಕಾಶಿತ್ 21:27 ပူးပေါင်းရင်းမြစ်များ

ಮತ್ತಾಯ 13:41

ಅದ್ಮಿನೊ ಛಿಯ್ಯೊ ಇನ ದೂತರ್‌ನ ಮೋಕ್ಲಿನ್, ಇವ್ಣೆ ಇನ ರಾಜ್ಯಮ ಕೋಣ್ ಪಾಪ್ ಅಜು಼ ಖರಾಬ್‌ಕರಾನಿತರ ಕರ‍್ಯುಕೀ ಇಮ್ನ ಅದ್ಮಿಖ್ಹಾರನ ಎಕ್ಟು ಕರೀನ್‌,

ಮಾರ್ಕ 7:2

ತದೆ ಇವ್ಣೆ ಯೇಸುನು ಶಿಷ್ಯರ್‌ಮ ಥೋಡುಜ಼ಣು ಅಶುದ್ದ ಹಾಥ್ಥಿ ಕತೊ ಗುರುಗುರಬ್‌ಲ್ಯಥಿ ಚಾ಼ಲ್ತುಆಯುತೆ ಇಮ್‌ ಪರಿಸಾಯರ್ ಖ್ಹಾರು ಶಿಕಾಡ್ತುಥೂತೆ ಇಮ್‌, ಹಾತ್‌ ಧೋಯುಕೊಂತೆ ಖಾಣು ಖಾತಾನ ದೇಖ್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:20

ಕತೋಬಿ ಭೂತ್‌ಖ್ಹಾರು ತುಮಾರಿ ವಾತೇನ ಖ್ಹಮ್‌ಜಾ಼ಸ್‌ ಕರಿ ಬೋಲಿನ್ ಖ್ಹುಶಿ ನಕೊ ಕರೊ, ತುಮಾರು ನಾಮ್‌ಖ್ಹಾರು ಪರ್‌ಲೋಕ್‌ಮ ಲೀಖೈರ‍್ಹುಸ್ ಕರಿ ಬೋಲಿನ್ ಖ್ಹುಶಿ ಕರೊ”.

ಎಫೆಸ 5:5

ಪಾಪೇಲ ಕಾಮ್ಮ ಜಾ಼ವಳೊ , ಖರಾಬ್ ಕಾಮ್ ಕರವಾಳು, ಮೂರತ್ನ ಪೂಜ಼ ಕರವಾಳನಿ ಘೋಣಿನೊ ನಿಕ್‍ಳ್ಯ ಜಾನ್ನೊ ರ‍್ಹವೊ ಇವ್ಣುನ ಕ್ರಿಸ್ತನಿ ಅಜು಼ ದೇವ್ನ ರಾಜ್ಯಮ ವಾಟೊ ಕೊಯ್ನಿಕರಿ ತುಮಾರ ದಿಲ್ಮ ಘಟೈರ‍್ಹವಾದೆ.

ಫಿಲಿಪ್ಪಿ 4:3

ಮಾರೊ ಖ್ಹಾಚೊ಼ ಸಾಥಿನೊ ಸೇವಕ್, ಯೊ ತಯೇಡಾವ್ನ ಮದತ್ ಹುಯಿರ‍್ಹೇವ್ಣುಕರಿ ತುನ ಬೋಲಿಲೆವುಸ್. ಇವ್ಣೆ ಜಿನು ಕ್ಲೇಮೆನ್ಸ್ ಅಜು಼ ಥೋಡ ಜೋ಼ಡ್ಮಕಾಮ್‍ ಕರವಾಳನ ಖ್ಹಮೇದ್ ಮಾರ ಜೋ಼ಡೆ ಸುವಾರ್ತೆನಖ್ಹಾಜೆ ಖ್ಹತ್ಯು. ಅವ್ಣು ನಾಮ್‌ಅಖ್ಖು ಜಾನ್ನ ಹಕ್‌ವಾಳಾನಿ ಪಟ್ಟಿಮ ಛಾ಼.

1 ತಿಮೊ 1:10

ಅನೀತಿವಾಳು, ಸಲಿಂಗ್‍ ವ್ಯಬಿಚಾರ್ ಕರವಾಳು, ಚೋ಼ರ್‌ಚ಼ಖಾಟ್ ಕರಾವಾಳು, ಝೂ಼ಟಿಸಾಕ್ಷಿ ಬೋಲವಾಳು, ಕೋಣ್ ಅಛ್ಛಿ ಉಪದೇಶ್‍ನ ವಿರೋದ್ ಹುಯಿರ‍್ಹುಸ್ಕಿ ಇವ್ಣಖ್ಹಾಜೆ ಹುಯಿರುಸ್.

ಇಬ್ರಿ 12:14

ಅಖ್ಖಾನಿ ಜೋ಼ಡ್ಮ ಸಮಾಧಾನ್‌ಥೀಬಿ ಜಿವ್ಣುಕರಾನ ಅಜು಼ ಸಮಾಧಾನ್‌ಥಿ ರ‍್ಹವಾನ ಕೋಶಿಶ್ ಕರೊ. ಪರಿಶುದ್ಧಕೊಂತೆ ಕೋಣ್‌ಬಿ ಪ್ರಭುನ ದೇಖಾನ ಕೊಹೊಯ್ನಿ.

2 ಪೇತ್ರ 3:13

ಕತೋಬಿ ಅಪ್ಣೆ ದೇವ್ನಿ ವಾಗ್ದಾನ್ನಿ ಪರಕ್ ನವು ಆಬ್‍ಅಖ್ಖು ಅಜು಼ ನವಿ ಧರ್ತಿನಾಬಿ ಮ್ಹೋರೆ ದೇಖುಕರೆಸ್ ಯೋ ಅಖ್ಖಾಮ ನೀತಿ ಜಿವಿರ‍್ಹಿಶೆ.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 20:12

ಅತ್ರೇಸ್ ಕಾಹೆತೆ ಮರ‍್ಯುಹುಯು ನ್ಹಾನು ಮೋಟು ಖ್ಹಾರುಸ್ ಸಿಂಹಾಸನ್ನ ಖ್ಹಾಮ್ಣೆ ಬೆಠುರಾವನು ದೇಖ್ಯೊ. ತದೆ ಪುಸ್ತಕ್ ಅಖ್ಖೂಸ್ ಛೋ಼ಡಾಯು. ಜಾನ್ನ ಹಕ್‌ವಾಳಾನಿ ಪಟ್ಟಿ ಕರಿ ಅಜೇಕ್ ಪುಸ್ತಕ್‍ಬಿ ಛೋ಼ಡಾಯು.ಆ ಪುಸ್ತಕ್‌ಮ ಲೀಖೈರ‍್ಹೂಸ್ತೆ ಪರಕ್ಮ ಯೋ ಮರ‍್ಯುಹುಯು ಖ್ಹಾರನ ಇವ್ಣು ಇವ್ಣು ಕಾಮ್ ಕಿಮ್ಕಿ ತಿಮ್ಮಸ್ ತೀರ್ಪ್‌ಹುಯು.

ಪ್ರಕಾಶಿತ್ 20:15

ಯೋ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುನಾಮ್‍ ಲೀಖೈರ‍್ಹಾವನು ದೆಖಾಯು ಕೊಯ್ನಿಕಿ ಇನ ಆಗ್ನ ತಲಾವ್ಮ ಭಿರ್ಕಾಯು.

ಪ್ರಕಾಶಿತ್ 21:8

ಕತೋಬಿ ಡರ್‌ಪೋಕ್‌ಖ್ಹಾರು, ವಿಶ್ವಾಸ್‌ಕೊಂತೆ ಖ್ಹಾರು, ಗಲೀಜ಼್ ಕಾಮ್ ಕರವಾಳು, ಖೂನಿಖ್ಹಾರು, ವ್ಯಬಿಚಾರ್ ಕರವಾಳು, ಜಾ಼ದುಕರಾವಳು, ಮೂರತ್ನ ಆರಾದನೆ ಕರವಾಳು, ಅಖ್ಖೂಸ್ ಜ್ಹೂ಼ಟು ಬೋಲವಾಳು ಅವ್ಣುನ ಮಳ್‌ಶೇತೆ ವಾಟೊ ಆಗ್ ರಂಜ಼ಕ್‌ಥಿ ಬಳ್ವಾನು ತಲಾವಸ್; ಯೋ ಬೇನು ಮರಣ್” ಕರಿ ಮನ ಬೋಲ್ಯೊ.

ಪ್ರಕಾಶಿತ್ 3:5

ಜೀತ್ ಲ್ಯವಾಳೊ ಧೋಳ ಲುಂಗ್ಡಾನ ಫೇರ್‌ಶೆ. ಜಾನ್ನ ಹಕ್‌ವಾಳಾನಿ ಪುಸ್ತಕಮಾಥು ಇನ ನಾಮ್ನ ಮೇ ನೂಛಿಶ್‍ಕೊಂತೆ ಯೋ ಮಾರೊ ಕರಿ ಮಾರ ಬಾನ ಖ್ಹಾಮ್ಣೇಬಿ ಇನ ದೂತವ್ನ ಖ್ಹಾಮ್ಣೆಬಿ ಮಾನವಾಳೊ ಹುಯಿರ‍್ಹೀಶ್,