ಪ್ರಕಾಶಿತ್ 21:23 - ದೇವ್ನಿ ಖ್ಹಾಚಿ ವಚನ್

²³ ಖ್ಹಯೇರ‍್ನ ಉಜಾ಼ಳು ದ್ಯವಾನ ಚಾ಼ಂದ್‌ರ‍್ಹವೊ ಚ಼ಂದರ್‌ಮೊರ‍್ಹವೊ ಹೋಣುಥುಕೊಯ್ನಿ ಶನಕತೊ ದೇವ್ನಿ ಮಹಿಮೆಸ್ ಉಜಾ಼ಖ್ಹ್‌ ದೆವ್‌ಕರ್ತೋಥೊ. ಮೇಂಢಾನು ಚೆಲ್ಕುಸ್ ನಂಗರ‍್ನ ದೀವೊ ಹುಯಿರ‍್ಹೋಥೊ.

ಪ್ರಕಾಶಿತ್ 21:23 ပူးပေါင်းရင်းမြစ်များ

ಮತ್ತಾಯ 16:27

ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ.

ಮಾರ್ಕ 8:38

ವ್ಯಭಿಚಾರಣಿ ಘೋಣಿ ಛಾ಼ತೆ, ಆ ಪಾಪ್‍ಭರಿ ಪಿಳ್ಗಿಮ ಕೋಣ್‌ತೋಬಿ, ಮಾರಖ್ಹಾಜೆ ಅಜು಼ ಮೇ ಬೋಲಿಶಿಕಾಡುತೆ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಅದ್ಮಿನೊ ಛಿಯ್ಯೋಬಿ ಇನ ಬಾನಿ ಶಕತ್‌ಥೀಬಿ ಅಜು಼ ಉಜಾ಼ಖ್ಹ್‌ಥಿ ಭರೈನ್, ಅದಿಕಾರ್‌ಥಿ ಪವಿತ್ರ ದೇವ್‌ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಅದ್ಮಿನಿ ಬಾರೇಮ ಖ್ಹರ್‌ಮಾವ್‌ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:32

ಯೋ ಪರೈ ಜಾ಼ತ್‌ವಾಳ ಅದ್ಮಿನ ತಾರಿ ಮರ್ಜಿ ವತಾಳವಾಳೊ ಉಜಾ಼ಳು ಹುಯಿರ‍್ಹೋಸ್ ಅಜು಼ ತಾರು ಇಸ್ರಾಯೇಲ್ ಅದ್ಮಿವೋನ ಮಹಿಮೆ ಉಶೆ.

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 1:4

ಇನಾಮ ಜಾನ್‌ ಥು. ಯೋ ಜಾನ್‌ ಅದ್ಮಿ ಖ್ಹಾರಾನ ಉಜಾ಼ಳು ಹುಯಿರ‍್ಹುಥು.

ಯೋಹಾನ 1:9

ಯೊ ಖ್ಹಾಚು಼ ಉಜಾ಼ಳು ಹುಯಿರುಥು ಅಜು಼ ಯೊ ಜಗತ್‌ಮ ಆವಾಳು ಥು, ಯೊ ಅಖ್ಖಾ ಅದ್ಮಿನ ಉಜಾ಼ಖ್ಹ್‌ ದೆವಾಳು ಹುಯಿರ‍್ಹುಥು.

ಯೋಹಾನ 17:24

“ಬಾ! ತುನೆ ಅವ್ಣುನ ಮನ ದಿದೊ, ಅಜು಼ ಮೇ ಕಿಜ್ಗಾ಼ ರ‍್ಹವುಸ್‍ಕಿ ಹಿಜ್ಜಾ಼ಸ್ ಅವ್ಣೇಬಿ ರ‍್ಹೇವ್ಣುಕರಿ ಅಜು಼ ಆ ಜಗತ್ನ ಉಬ್ಜಾ಼ನ ಅಗಾಡಿಸ್, ತುನೆ ಮನ ಪ್ಯಾರ್ ಕರೀನ್, ಮನ ದಿದೋತೆ ಮಹಿಮೆನ ಅವ್ಣೆ ದೇಕ್ಣು ಕರಿ ಮೇ ಆಖ್ಹ್ ಕರುಸ್.

ಯೋಹಾನ 5:23

ಶನಕತೊ, ತಮಾಮ್‌ ಜ಼ಣು ಬಾನ ಮರ್ಯಾದಿ ವತಾಳಸ್ತೆ ಇಮ್ಮಸ್, ಛಿಯ್ಯಾನಾಬಿ ಮರ್ಯಾದಿ ವತಾಳ್ಣು ಕರಿ ಇನೆ ಅಮ್ ಕರ‍್ಯೊತೆ, ಕೋಣ್ ಛಿಯ್ಯಾನ ಮರ್ಯಾದಿ ದೇಯಿಕೊಯ್ನಿಕಿ ಇವ್ಣೆ ಇನ ಮೋಕ್‌ಲ್ಯೊತೆ ಬಾನಾಬಿ ಮರ್ಯಾದಿ ಕೋ ದೇಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:11

ಯೋ ಉಜಾ಼ಳಾನಿ ಮಹಿಮೆಥಿ ಮಾರ ಡೋಳ ಕಾಣಹುಯಿಗಾತೆ ಇನಖ್ಹಾಜೆ ಮಾರಿಜೋ಼ಡೆ ರ‍್ಹವಾಳುಖ್ಹಾರು, ಮಾರೊ ಹಾತ್‍ಧರೀನ್ ದಮಸ್ಕಮ ಬುಲೈಲಿನ್ ಗಯು.

ಪ್ರಕಾಶಿತ್ 14:4

ಇಮ್ಮಸ್ ತಯೇಡಾನಿ ಶವಾಶಿಥಿ ಮೈಲು ಹುಯುಕೊಂತೆ ಕವಾರಿನಿತರ ಥೂತೆ ಅವ್ಣೇಸ್. ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹಾವಳೊ ಕಿಜ್ಜಾ಼ ಗಯೊತೋಬಿ ಇವ್ಣೆ ಅನ ಪೀಠೆ ಜಾ಼ಸ್. ಅವ್ಣೆ ಅದ್ಮಿವ್‌ಮಾಥು ಶೊಂತ್ ಅದ್ಮಿಹುಯಿನ್ ಮೋಲ್ ಲೆವೈಜೈ಼ನ್ ದೇವ್‍ನಾಬಿ ಮೇಂಢೊ ಹುಯಿರ‍್ಹಾವಳನಬಿ ಪಹಿಲ ಫಲ್ನಿತರಹುಯ.

ಪ್ರಕಾಶಿತ್ 18:1

ಆ ಅಖ್ಖುಹುವಾನ ವಾರ್ ವಿಶೇಷ್ ಅದಿಕಾರ್‌ನೊ ಬಿಜೇಕ್ ದೇವ್‌ನೊ ದೂತ ಸೊರ್ಗಾಥು ಉತ್ರಿನ್‌ ಆವಾನು ಮೇ ದೇಖ್ಯೊ. ಇನಿ ಉಜಾ಼ಖ್ಹ್‌ನಿ ಶಕಥ್ಥಿ ಜ಼ಮೀನ್ನ ಉಜಾ಼ಳು ಮಳ್ಯು.

ಪ್ರಕಾಶಿತ್ 21:11

ಯೋ ಖ್ಹಯೇರ್ ದೇವ್ನಿ ಶಕಥ್ಥಿ ಉಜಾ಼ಖ್ಹ್‌ ದೆವ್‌ಕರ್ತೋಥೊ. ಅಜು಼ ಝ಼ಗೇಗುಕರಾತೆ ವಜ್ರನಿತರ ಉಜಾ಼ಖ್ಹ್‌ ದೆವ್‌ಕರ್ತೋಥೊ. ಘಣ ಮೋಲ್ನ ಐರಾನಿತರ ಜ಼ಮ್ಕು ಕರ್ತುಥು.

ಪ್ರಕಾಶಿತ್ 21:25

ಖ್ಹಯೇರ‍್ನು ದರ‍್ವಾಜು಼ಖ್ಹಾರು ದನ್ಮ ಮುಚಾ಼ವ್‌ಶೇಸ್ ಕೊಯ್ನಿ. ಹಿಜ್ಜಾ಼ ರಾತ್‌ಕತೊ ಕೊಯ್ನಿಸಸ್ ಕೊಯ್ನಿ.

ಪ್ರಕಾಶಿತ್ 22:5

ಅಜು಼ ರಾತ್ ಬೋಲಾನುಸ್ ಕೊರ‍್ಹಿಶೇನಿ. ಇವ್ಣುನ ದೀವೊನು ಉಜಾ಼ಳುಬಿ ಚಾ಼ಂದ್‌ನು ಉಜಾ಼ಳುಬಿ ಹೋಣುಕೊಯ್ನಿ. ಪ್ರಭುಹುಯಿರ‍್ಹೋತೆ ದೇವಸ್ ಇವ್ಣುನ ಉಜಾ಼ಳು ಹುಯಿರ‍್ಹಿಶೆ.ಇವ್ಣೆ ಜ಼ಗ್‌ಜ಼ಮಾನಮಾಬಿ ಜಿವಿರ‍್ಹಿಶೆ.

ಪ್ರಕಾಶಿತ್ 5:6

ಸಿಂಹಾಸನ್‌ಬಿ ಚಾರ್ ಜೀವಿಬಿ ಥೂತೆ ಝಗೋಕನಾಬಿ ಅಜು಼ ಶಾಣುಖ್ಹಾರು ಥೂತೆ ಝ಼ಗೋನ ಇಚ಼್‌ಮ ಏಕ್‌ ಮೇಂಢಾನ ಭಿಯುರ‍್ಹವಾನು ದೇಖ್ಯೊ. ಯೋ ಹಮ್ಕೆ ತದೇಸ್‌ ಬಲೀನಖ್ಹಾಜೆ ರ‍್ಹೇಖ್ಹಯ್‌ ರ‍್ಹಾವನಿತರ ದೆಖವ್‌ಕರ್ತುಥು. ಯೋ ಮೆಂಢಾನ ಚೆಲ್ಕಾನ ಖ್ಹಾತ್ ಶಿಂಗ್ಡು ಖ್ಹಾತ್ ಡೋಳಾವ್‌ಥು. ಆಖ್ಹಾರು ಧರ್ತಿಪರ್ ಮೋಕ್‌ಲೈರ‍್ಹುಥೂತೆ ದೇವ್ನು ಖ್ಹಾತ್ ಆತ್ಮ ಹುಯಿರುಥು.

ಪ್ರಕಾಶಿತ್ 7:17

ಶನಕತೊ ಸಿಂಹಾಸನ್ನ ಇಚ಼್‌ಮ ಛಾ಼ತೆ ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹವಾಳೊ ಇವ್ಣುನ ಕುರುಬನಿತರ ರ‍್ಹೀನ್ ಜಾನ್ನು ಪಾಣಿನು ಚೆಜ಼್‌ಭಾರಕನ ಚ಼ಲೈಲಿಜಾಷೆ ಅಜು಼ ದೇವ್ ಇವ್ಣ ಡೋಳಾನು ಆಂಝು಼ಖ್ಹಾರು ನೂಛಿನಾಕ್ಷೆ ಕರಿ ಬೋಲ್ಯು.