ಪ್ರಕಾಶಿತ್ 21:17 - ದೇವ್ನಿ ಖ್ಹಾಚಿ ವಚನ್

¹⁷ ದೇವ್‌ದೂತನೆ ಯೋ ಭೀತ್‌ನ ಆಳ್ತಿಕರ‍್ಯೊ, ಯೊ ಬೇಖ್ಹೊ ಖ್ಹೋಳ ಅಡಿಯೆತ್ರೆ ಆಳ್ತಿ ಥು. ಆ ಗಣ್ತಿಮ ಅದ್ಮಿನು ಹಾತ್‌ಯೆತ್ರೆ ಕತೊ ದೇವ್ನದೂತಾನ ಹಾತ್‌ಯೆತ್ರೇಸ್.

ಪ್ರಕಾಶಿತ್ 21:17 ပူးပေါင်းရင်းမြစ်များ

ಪ್ರಕಾಶಿತ್ 13:18

ಅನ ಮಾಲುಮ್ ಕರಿಲ್ಯಾವಾನ ಗ್ಯಾನ್‌ಬಿ ಜ಼ರೂರತ್ ಛಾ಼. ಅಕ್ಲಿ ಯೊ ಜಾನ್ವರ್‌ನ ಗಣ್ತಿನ ಲೀಖ್ಯಾನ ಗಣಾದೆ, ಯೊ ಏಕ್‌ ಅದ್ಮಿನ ವತಾಳನು ಗಣ್ತೀನು ಲೀಖ್ಯು ಹುಯಿರ‍್ಹೂಸ್. ಇನು ಗಣ್ತೀನು ಲೀಖ್ಯು ಛೊ಼ಖ್ಹೊ ಛೋ಼ಪರ್ ತೀನಿಖ್ಹ್‌.

ಪ್ರಕಾಶಿತ್ 14:3

ಇವ್ಣೆ ಸಿಂಹಾಸನ್ನ ಖ್ಹಾಮ್ಣೆಬಿ ಯೊ ಚಾರ್ ಜೀವಿನ ಅಜು಼ ಶಾಣವ್ನ ಖ್ಹಾಮ್ಣೇಬಿ ನವು ಗೀದ್‌ ಬೋಲ್ಯು. ಆ ಧರ್ತಿಥು ಮೋಲ್ ಲೀರಾಖ್ಯುಥೂತೆ ಏಕ್‌ ಲಾಕ್ ಚಾರ್‌ಉಪ್ಪರ್ ಚಾ಼ಳಿಖ್ಹ್ ಹಜಾ಼ರ್ ಅದ್ಮಿನ ಪಣ್ಕಿ ಬಿಜು಼ ಕೋಣ್‌ಬಿ ಯೊ ಗೀದ್‌ನ ಶಿಕಾನ ಕೊಉಷೇನಿ.

ಪ್ರಕಾಶಿತ್ 21:16

ಯೋ ಖ್ಹಯೇರ್ ಚಾರ್‌ಕೂಠಿ ಥು. ಯೊ ಕೆವ್ಡು ಲಾಂಬುಕಿ ಎತ್ರೇಸ್ ಚೌ಼ಡುಥು. ದೇವ್ನದೂತನೆ ಖ್ಹಯೇರ‍್ನ ಇನ ಆಳ್ತಿನಲಠ್ಠೇಥಿ ಗಣ್ಯೊ. ಯೊ ಖ್ಹಯೇರ್ ಏಕ್‌ ಹಜಾ಼ರ್ ಪಾಚ಼್‌ಖ್ಹೊ ಮೈಲ್ ಲಾಂಬು, ಏಕ್‌ ಹಜಾ಼ರ್ ಪಾಚ಼್‌ಖ್ಹೊ ಮೈಲ್ ಚೌ಼ಡು, ಬಿಜು಼ ಏಕ್‌ ಹಜಾ಼ರ್ ಪಾಚ಼್‌ಖ್ಹೊ ಮೈಲ್ ಊಚು಼ಥು.

ಪ್ರಕಾಶಿತ್ 21:9

ಖ್ಹರ್ತಿನು ಖ್ಹಾತ್ ಖ್ಹತಾಪ್ಣಿಥಿ ಭರೈರುತೆ ಖ್ಹಾತ್ ಕಟೋರವ್ನ ಧರಿರಾಖ್ಯುತೆ ಖ್ಹಾತ್‌ಜ಼ಣ ದೇವ್‌ದೂತರ್‌ಮ ಏಕ್‍ಜ಼ಣೊ ಐನ್ ವಾತೆ ಬೋಲ್ತೊಹುಯಿನ್, “ಮಾರಿ ಜೋ಼ಡ್ಮ ಆವ್, ಮೇಂಢಾನ ಚೆಲ್ಕಾನ ಬಾವಣ್‍ ಹುವಾಳಿ ವ್ಯತುಲ್ಡಿನ ತುನ ವತಾಳುಸ್‌” ಕರಿ ಬೋಲ್ಯೊ.

ಪ್ರಕಾಶಿತ್ 7:4

ಮುದ್ರೊ ಮರೈಲಿದುತೆ ಇವ್ಣಿ ಗಣ್ತಿ ಮನ ಖ್ಹಮಜ಼್‌ಮ ಆಯುಕಿ ಏಕ್‌ಲಾಕ್ ಚಾರ್‌ಉಪ್ಪರ್ ಚಾ಼ಳೀಖ್ಹ್‌ಹಜಾ಼ರ್‌ ಇಸ್ರಾಯೇಲರ‍್ನು ಹರೇಕ್ ಖೂಮ್ನ ಮಳಿಹುಯು ಹುಯಿರ‍್ಹುಥು.