ಪ್ರಕಾಶಿತ್ 21:15 - ದೇವ್ನಿ ಖ್ಹಾಚಿ ವಚನ್

¹⁵ ಮಾರೇಥಿ ವಾತೆ ಬೋಲು ಕರ್ತೊಥೋತೆ ದೂತನೆ ಯೊ ಖ್ಹಯೇರ್‌ನಾಬಿ ಇನ ಬಾಕಲ್ನಾಬಿ ಅಜು಼ ಇನು ಭೀತ್‌ನ ಆಳ್ತಿಕರಾನಖ್ಹಾಜೆ ಇನ ಹಾತ್ಮ ಖ್ಹೊನ್ನಾನೊ ಆಳ್ತಿನೊಲಠ್ಠೊ ಧರಿರಾಖ್ಯೋಥೊ.

ಪ್ರಕಾಶಿತ್ 21:15 ပူးပေါင်းရင်းမြစ်များ

ಪ್ರಕಾಶಿತ್ 21:12

ಯೋ ಖ್ಹಯೇರ‍್ನ ಊಚು಼ ಭೀತ್ ತು. ಯೋ ಅಖ್ಖಾ ಬಾಕಲ್‍ಕನ ದೇವ್‌ದೂತರ್‌ ಥಾ. ಅಖ್ಖಾನ ಬಾಕಲ್‌ನ ಉಪ್ಪರ್ ಇಸ್ರಾಯೇಲ್‌ನು ಭಾರ ಖೂಮ್ನು ನಾಮ್ ಲೀಖೈರ‍್ಹೂಥು.

ಪ್ರಕಾಶಿತ್ 21:16

ಯೋ ಖ್ಹಯೇರ್ ಚಾರ್‌ಕೂಠಿ ಥು. ಯೊ ಕೆವ್ಡು ಲಾಂಬುಕಿ ಎತ್ರೇಸ್ ಚೌ಼ಡುಥು. ದೇವ್ನದೂತನೆ ಖ್ಹಯೇರ‍್ನ ಇನ ಆಳ್ತಿನಲಠ್ಠೇಥಿ ಗಣ್ಯೊ. ಯೊ ಖ್ಹಯೇರ್ ಏಕ್‌ ಹಜಾ಼ರ್ ಪಾಚ಼್‌ಖ್ಹೊ ಮೈಲ್ ಲಾಂಬು, ಏಕ್‌ ಹಜಾ಼ರ್ ಪಾಚ಼್‌ಖ್ಹೊ ಮೈಲ್ ಚೌ಼ಡು, ಬಿಜು಼ ಏಕ್‌ ಹಜಾ಼ರ್ ಪಾಚ಼್‌ಖ್ಹೊ ಮೈಲ್ ಊಚು಼ಥು.

ಪ್ರಕಾಶಿತ್ 21:21

ಭಾರ ಬಾಕಲ್‍ಖ್ಹಾರು ಭಾರ ಮುತ್ತ್ ಹುಯಿರ‍್ಹುಥು. ಹರೇಕ್ ಬಾಕಲ್ನಾಬಿ ಏಕೇಕ್‌ ಮುತ್ತ್‌ಥಿ ಬಣೈರಾಖ್ಯುಥು. ನಂಗರ‍್ನು ಗಲ್ಲಿ ಪಾಕ್‌ಥಿ ರ‍್ಹವಾನ ಶಿಖ್ಹಾನಿತರನು ಅಶ್ಲಿ ಖ್ಹೊನ್ನೇಥಿ ಬಣೈರ‍್ಹೂಥು.

ಪ್ರಕಾಶಿತ್ 21:25

ಖ್ಹಯೇರ‍್ನು ದರ‍್ವಾಜು಼ಖ್ಹಾರು ದನ್ಮ ಮುಚಾ಼ವ್‌ಶೇಸ್ ಕೊಯ್ನಿ. ಹಿಜ್ಜಾ಼ ರಾತ್‌ಕತೊ ಕೊಯ್ನಿಸಸ್ ಕೊಯ್ನಿ.