ಪ್ರಕಾಶಿತ್ 21:14 - ದೇವ್ನಿ ಖ್ಹಾಚಿ ವಚನ್

¹⁴ ಯೋ ಖ್ಹಯೇರ‍್ನು ಭೀತ್‌ನ ಭಾರ ಹದಿಪಾಯನುಬಂಡೊ ಥು. ಇನಪರ್ ಮೇಂಢಾನು ಚೆಲ್ಕಾನು ಭಾರಜ಼ಣ ಅಪೊಸ್ತಲರ‍್ನು ನಾಮ್ ಥು.

ಪ್ರಕಾಶಿತ್ 21:14 ပူးပေါင်းရင်းမြစ်များ

ಮತ್ತಾಯ 16:18

ಅಜು಼ ಮೇ ತುನ ಶಾತ್ ಬೋಲಸ್‍ಕತೊ, ಪೇತ್ರ, ತೂ ಬಂಡೊ, ಅಜು಼ ಆ ಬಂಡಾಪರ್ ಮೇ ಮಾರಿ ಸಬೆನ ಭಾಂದೀಶ್, ಪಾತಾಳ್ನಿ ಶಕತ್‌ಬಿ ಇನ ಕದೇಬಿ ಹರಾವನ ಕೋ ಉಶೇನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:26

ತದೆ ಇವ್ಣಖ್ಹಾಜೆ ಚಿಟ್ಟಿನಾಖ್ಯು, ಇನಾಮ ಮತ್ತೀಯನು ನಾಮ್ ಪಡಾಯು.ತದೆ ಘ್ಯಾರಜ಼ಣ ಅಪೊಸ್ತಲರ‍್ನಿ ಜೋ಼ಡ್ಮಯೊ ಮಳಿಗೊ.

ಗಲಾತ್ಯ 2:9

ಸಬೇನು ಖಂಬುಕರಿ ಬೋಲೈಲಿದಹುಯ ಯಾಕೋಬ್, ಪೇತ್ರ, ಯೋಹಾನ ಇವ್ಣೆ ದೇವ್ನೆ ಮನ ದಿರಾಖ್ಯೋತೆ ವಾರ್‌ಖ್ಹಾನ ಮಾಲುಮ್ ಕರಿಲಿನ್ ಗಳ್‍ಜೋ಼ಡ್‍ಥಿ ರ‍್ಹವಾನು ವತಾಳನಖ್ಹಾಜೆ ಮನಾಬಿ ಬಾರ್ನಬನಾಬಿ ಹಾತ್ ಮಳಾಯೊ. ಅಜು಼ ತುಮೆ ಯೆಹೂದ್ಯರ್‌ಕಾಹೆತೆ ಅದ್ಮಿಕನ ಜಾ಼ವೊ, ಹಮೆ ಯೆಹೂದ್ಯರ್‌ಕನ ಜೈ಼ಯೇಸ್‌ಕರಿ ಮಾನಿಲಿದ.

ಎಫೆಸ 2:20

ಅಪೊಸ್ತಲಬಿ ಅಜು಼ ಪ್ರವಾದಿಖ್ಹಾರುಬಿ ಕರಿ ಬೋಲಾನು ಹದಿಪಾಯಪರ್ ತುಮೆ ಘರ್‌ನಿಘೋಣಿ ಭಂದೈರ‍್ಹಾಸ್. ಕ್ರಿಸ್ತ ಯೇಸುಸ್ ಮುಖ್ಯ ಹುಯಿರ‍್ಹೊಸ್ತೆ ಕೋಣಾನೊಬಂಡೊ ಹುಯಿರ‍್ಹೊಸ್.

ಎಫೆಸ 3:5

ಗಯೋತೆ ಹಗಾಮ್ಮ ಅದ್ಮಿವೊನ ಆ ಮಾಯ್ನೊ ಕೊಬೋಲಾಯುನಿ ಕತೋಬಿ ದೇವ್ನೆ ಇನ ಪವಿತ್ರಾತ್ಮಥಿ ಅಪೊಸ್ತಲರ‍್ನ ಅಜು಼ ಪ್ರವಾದಿಖ್ಹಾರನ ಮಾಲುಮ್ ಕರೈರಾಖ್ಯೋಸ್.

ಎಫೆಸ 4:11

ಯೊ ಹೈರೋತೆ ಇನಾಮ್ನ ದ್ಯವಾಳೊಬಿ ಹುಯಿರ‍್ಹೊಸ್ ಕತೊ ಯೊ ಥೋಡಜ಼ಣಾನ ಅಪೊಸ್ತಲರ್ ಕರಿಬಿ, ಥೋಡಾನ ಪ್ರವಾದಿಕರಿಬಿ, ಥೋಡಜ಼ಣಾನ ಸುವಾರ್ತೆ ಬೋಲವಾಳುಕರಿಬಿ, ಥೋಡಜ಼ಣಾನ ಸಬಾಪಾಲಕರ್ ಕರಿಬಿ, ಶಿಕಾಡವಾಳೊ ಕರಿಬಿ ನೆಮಿಸಾಯೊ.

ಇಬ್ರಿ 11:10

ಶನಕತೊ ಇನೆ ಹಮೇಶ ಹದಿಪಾಯ ರ‍್ಹವಾನು ನಂಗರ‍್ನ ಕತೊ ದೇವ್ನೆ ಖ್ಹೂಜ಼್‌ಕರೀನ್ ತಯಾರ್ ಕರಿರಾಖ್ಯೊಸ್ತೆ ನಂಗರ‍್ನ ಅಬ್ರಹಾಮ್ ಮ್ಹೋರೆ ದೇಖುಕರ್ತೊಥೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:17

ಕತೋಬಿ ಪ್ಯಾರ್‌ನ ದೋಸ್ತಿವೊ, ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನು ಅಪೊಸ್ತಲರ್‌ಖ್ಹಾರು ಪಹಿಲೆ ಶಾತ್ ಬೋಲ್ಯುಥು ಕರಿ ಯಾದ್‍ಕರಿಲೇವೊ.

ಪ್ರಕಾಶಿತ್ 18:20

ಸೊರ್ಗಾಮ ರ‍್ಹವಾಳ ಅದ್ಮಿವೊ, ಅಪೊಸ್ತಲ ಖ್ಹಾರಾವೊ಼, ಪ್ರವಾದಿಖ್ಹಾರವೊ಼, ಯೊ ಹುಯಿರ‍್ಹೀತೆನ ಇನಖ್ಹಾಜೆ ಖುಷಿ ಕರೊ. ಶನಕತೊ ಆ ಹೈರಿತೆ ತುಮುನ ಠಗಾಯ್ತೆ ಇನಖ್ಹಾಜೆ ದೇವ್ನೆ ಇನ ಬರೋಬರ್‌ಥೀಸ್‌ ತೀರ್ಪ್‌ ಕರ‍್ಯೊ.

ಪ್ರಕಾಶಿತ್ 21:13

ಪೂರಬ್ ದಿಕ್ಮ ತೀನ್ ಬಾಕಲ್, ಉತ್ತರ್ ದಿಕ್ಮ ತೀನ್ ಬಾಕಲ್, ದಕ್ಷಿಣ್ ದಿಕ್ಮ ತೀನ್ ಬಾಕಲ್, ಪಶ್ಚಿಮ್ ದಿಕ್ಮ ತೀನ್ ಬಾಕಲ್‌ಥು.