ಪ್ರಕಾಶಿತ್ 20:8 - ದೇವ್ನಿ ಖ್ಹಾಚಿ ವಚನ್

⁸ ಯೋ ಭಾರ್‌ ಐನ್ ಜ಼ಮೀನ್ನ ಚಾರ‍್ಹೆ ಆಡಿಮ ಛಾ಼ತೆ ಅಖ್ಖಾಸ್ ದೇಖ್ಹ್‌ನ ಠಗೈನ್ ಗೋಗ್ ಅಜು಼ ಮಾಗೋಗ್ ಕರಿ ಅದ್ಮಿನ ಝೂ಼ಂಡ್‌ನ ಪೊಖ್ಹ್‌ಲೈಲೀನ್ ಜಂಗ್‌ನ ಮಳಾವ್‌ಷೆ. ಇವ್ಣು ಗಣ್ತಿ ದರ‍್ಯಾವ್ನು ರೇತ್ನಿತರ ರಿಶೆ.

ಪ್ರಕಾಶಿತ್ 20:8 ပူးပေါင်းရင်းမြစ်များ

ಇಬ್ರಿ 11:12

ಇನಖ್ಹಾಜೆ ಮರಾನಿ ಉಂಬರ್‌ಮ ಥೋತೆ ಅಬ್ರಹಾಮ್‍ಥಿ ಆಕಾಶ್‌ನು ಶುಕ್ಕರ್‌ನಿತರಬಿ ದರ‍್ಯಾವ್‍ನಿ ರೇತಿನಿಘೋಣಿಬಿ ಗಣ್ತಿಕೊಂತೆ ಲಡ್ಕಾ ಹುಯು.

ಪ್ರಕಾಶಿತ್ 12:9

ಯೋ ಅರ್ಝ಼ ಕತೊ ಪಿಶಾಚಿಕರಿಬಿ ಶೈತಾನ್ ಕರೀಬಿ ನಾಮ್‌ರ‍್ಹವಾಳ ಯೊ ಜೂ಼ನೊ ಖ್ಹಾಪ್ ಧರ್ತಿಪರ್ ಧಕೆಲಾಯೊ ಇನೊ ದೂತಬಿ ಇನ ಜೋ಼ಡ್ಮ ಜ಼ಮೀನ್‌ಪರ್ ಫೇಕೈಗಯು.

ಪ್ರಕಾಶಿತ್ 16:14

ಆ ಖ್ಹಣೇದ್‌ನುಕಾಮ್‌ ಕರವಾಳು ಭೂತ್‌ನು ಆತ್ಮ ಹುಯಿರ‍್ಹಿನ್ ಧರ್ತಿಪರ್‌ಲ್ಯ ಅಖ್ಖಾಸ್ ರಾಜ಼ವ್‌ಕನ ಜೈ಼ನ್ ಸರ್ವಶಕತ್‌ನೊ ದೇವ್ನ ಮಹಿಮೆನ ದನ್ನ ಜಂಗ್‌ನಖ್ಹಾಜೆ ಇವ್ಣುನ ಎಕ್ಟು ಕರುಕರ್ತುಥು.

ಪ್ರಕಾಶಿತ್ 20:10

ಅತ್ರೇಸ್ ಕಾಹೆತೆ ಇವ್ಣುನ ಠಗಾಯೊತೆ ಶೈತಾನ್ ಆಗ್ ರಂಜ಼ಕ್‌ಖ್ಹಾರು ಲಾಗುಕರಾನ ತಲಾವ್ಮ ನಾಖಿದಿದು ಹಿಜ್ಜಾ಼ ಜಾನ್ವರ್‌ಬಿ ಝೂ಼ಟುಪ್ರವಾದಿ ಖ್ಹಾರೂಬಿ ಹಿಜ್ಜಾ಼ ಥು. ಇವ್ಣೆ ರಾತ್‌ದನ್ ಜ಼ಗ್‌ಜ಼ಮಾನಮಾಬಿ ಖ್ಹತಾಪ್ಣಿ ಪಡುಕರ್ಷೆ.

ಪ್ರಕಾಶಿತ್ 20:3

ಯೋ ಹಜಾ಼ರ್ ವರಖ್ಹ್ ಖತಮ್ ಹುವಾಲಗು ಬಿಜೂ಼ಬಿ ಅದ್ಮಿವ್‌ನ ಠಗಾವ್ಣುನಾತೆಯಿಮ್ ದೇವ್ನ ದೂತಾನೆ ಇನ ಪಾತಾಳ್ಮ ಧಕೇಲಿನ್ ದರ‍್ವಾಜು಼ ಲಗಾಡಿನ್ ಇನ ಮುದ್ರೊಮಾರ‍್ಯೊ ಯೋ ಹಜಾ಼ರ್ ವರಖ್ಹ್ ನಿಕ್ಳಾದಿನ್, ಥೋಡ ಹಗಾಮ್‌ ಇನಛುಟ್ಕಾರ್ ಮಳ್‌ಶೆ.

ಪ್ರಕಾಶಿತ್ 7:1

ಆ ಹುಯಿಜಾ಼ವದಿನ್ ಚಾರ್‌ಜ಼ಣ ದೇವ್ನು ದೂತರ್ ಜ಼ಮೀನ್ನು ಚಾರ್ ರುಕ್‍ಮ ಭೀರಿನ್ ಜ಼ಮೀನ್‌ಪರ್‌ರ‍್ಹವೊ, ದರ‍್ಯಾವ್‌ಪರ್‌ರ‍್ಹವೊ, ನತರ್ ಖೆವ ಝಾ಼ಡಪರ್‌ರ‍್ಹವೊ ವ್ಹಯಿರೊ ನಾವಾಗ್ಣುತೆ ತಿಮ್ ಜ಼ಮೀನ್ನು ಚಾರ್‌ದಿಕ್ನು ವ್ಹಾಯಿರಾನ ಭೀರಾಖಿರಾಖನು ದೇಖ್ಯೊ.