ಪ್ರಕಾಶಿತ್ 20:11 - ದೇವ್ನಿ ಖ್ಹಾಚಿ ವಚನ್

¹¹ ಇನಪಾರ್ ಧೋಳುಫಟ್ ಥೂತೆ ಮೋಟಿ ಸಿಂಹಾಸನ್‌ಬಿ ಇನಪರ್ ಬೆಠೊರ‍್ಹಾವಳನಾಬಿ ದೇಖ್ಯೊ.ಇನಖ್ಹಾಮ್ಣೇಥು ಸೊರ್ಗ ಧರ್ತಿ ನಾಶಿಗಯು. ಕತೋಬಿ ಇವ್ಣುನ ಜಾ಼ವನ ಝಗೋಕೋಥೂನಿ.

ಪ್ರಕಾಶಿತ್ 20:11 ပူးပေါင်းရင်းမြစ်များ

ಮತ್ತಾಯ 11:22

ಕತೋಬಿ ನ್ಯಾವ್‍ನಿ ತೀರ್ಪ್‌ನ ದನ್ಮ ತುಮಾರಿ ಹಾಲ್‌ಥೀಬಿ ತೂರ್ ಅಜು಼ ಸೀದೋನ್ ಖ್ಹಯೇರ‍್ನಿ ಹಾಲ್‌ ಅಛ್ಛಿ ರ‍್ಹಿಶೆ ಕರಿ ಮೇ ತುಮೂನ ಬೋಲುಸ್!

ಮತ್ತಾಯ 24:35

ಆಬ್-ಧರ್ತಿ ಮಟಿಜಾ಼ಶೆ, ಕತೋಬಿ ಮಾರಿ ವಾತೆಖ್ಹಾರಿ ಕದೇಬಿ ಮಟ್‌ಶೆಸ್ ಕೊಯ್ನಿ.

ಮತ್ತಾಯ 25:31

ಅತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ ಇನಿ ಮಹಾನ್ ಮಹಿಮೆಥಿ ತಮಾಮ್‌ ದೇವ್‌ನು ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಇನಿ ಮಹಿಮೆನು ಸಿಂಹಾಸನ್‍ಪರ್ ಬೇಖ್ಹ್‌ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:5

ಕತೋಬಿ ತಾರೊ ದಿಲ್‌ ಮೊಂಡ್‍ಬಿ ಕಠಣ್ ಹುಯಿರುಸ್. ಇನಖ್ಹಾಜೆ ತುಮೆ ದೇವ್ನೊ ಇರಾದೊ ಅಜು಼ ನೀತಿಥಿರ‍್ಹವಾನು ನ್ಯಾವ್ನುತೀರ್ಪ್‌ನ ದನ್ಮ ತುಮೂನ ಉಷೇತೆ ನಿಶತ್ನ ಅಜೂ಼ಬಿ ಜ಼ಮಕರ್ತೊಹುಯಿನ್ ವಳೇಜಾ಼ಸ್.

2 ಪೇತ್ರ 3:7

ಹಮ್ಕೆ ಛಾ಼ತೆ ಆಬ್-ಧರ್ತಿಖ್ಹಾರನ ಯೋಸ್‌ ವಚನ್ನಿ ತಾಖತ್ತಿ ಆಗ್‌ಥಿ ನಾಶಕರಾನಟೇಕೆ ಟಿವಾಡಿರಾಖ್ಯುಸ್. ಖರಾಬ್ ಅದ್ಮಿಖ್ಹಾರು ವಿನಾಶ್‌ಹುವಾನು ನ್ಯಾವ್ನತೀರ್ಪ್‌ನ ದನ್‍ಲಗುಬಿ ಆ ಅಖ್ಖಾನ ಮ್ಹೇಲಿರಾಖ್ಯುಸ್.

ಪ್ರಕಾಶಿತ್ 12:8

ಕತೋಬಿ ಯೊ ಅರ್ಝ಼ನ ತಾಖತ್‌ಕೊಂತೆ ಹರಿಗಯು. ಅಮ್ ಸೊರ್ಗಾಮ ಇವ್ಣುನಾಬಿ ಝ಼ಗೊ ಮಳ್ಯುಕೊಯ್ನಿ.

ಪ್ರಕಾಶಿತ್ 16:20

ತದೆ ಹರೇಕ್ ಟಾಪು ನಾಖ್ಹಿಜೈ಼ನ್ ಛ಼ಪಿಗು ಪಹಾಡ್‌ಖ್ಹಾರು ಡೋಳೇಥಿ ಲಪಿಗಯು.

ಪ್ರಕಾಶಿತ್ 19:11

ಇನಪಾರ್ ಪರ್‌ಲೋಕ್ ನಿಕ್ಳಿರ‍್ಹಾವನು ಮೇ ದೇಖ್ಯೊ. ತದೆ ದೇಕ್, ಧೋಳೊ ಘೋಡೊ ಮನ ದೆಖಾಯು. ಇನಾಪರ್‌ ಬೆಠೊರ‍್ಹವಾಳಾನ ವಿಶ್ವಾಸ್‌ವಾಳೊ, ಖ್ಹಾಚೊ಼ಕರಿ ನಾಮ್. ಯೊ ನೀತಿಥಿ ನ್ಯಾವ್‌ನ ಫೇಡವಾಳೊ, ನೀತಿಥಿ ಜಂಗ್‌ಭೀಡವಾಳೊ ಹುಯಿರೊಸ್.

ಪ್ರಕಾಶಿತ್ 20:2

ಯೋ ದೇವ್ನ ದೂತಾನೆ ಕುಟ್‌ಣ್ಯೊಬಿ ಶೈತಾನ್‍ಬಿ, ಹುಯಿರೋತೆ ಜೂ಼ನೊ ಖ್ಹಾಪ್ ಕತೊ ಅರ್ಝ಼ನ ಧರೀನ್ ಹಜಾ಼ರ್ ವರಖ್ಹ್‌ಲಗು ಕೋಂಡಿರಾಖ್ಯೋಥೊ.

ಪ್ರಕಾಶಿತ್ 21:1

ಇನ ಪಾಛ಼ಳ್ ಮೆ ನವು ಸೊರ್ಗ ಅಜು಼ ಜ಼ಮೀನ್ನ ದೇಖ್ಯೊ. ಪಹಿಲೇನು ಆಕಾಶ್ ಅಜು಼ ಪಹಿಲೇನು ಜ಼ಮೀನ್‌ಕೊಂತೆ ಹುಯಿಗಯು. ಹಿಜ್ಜಾ಼ ದರ‍್ಯಾವ್‍ಬಿ ಕೋಥೂನಿ.

ಪ್ರಕಾಶಿತ್ 21:5

ತದೆ ಸಿಂಹಾಸನ್‌ಪರ್ ಬೆಠೊಥೋತೆ ಇನೆ, “ದೇಖ್ ಮೇ ಖ್ಹಾರುಸ್ ನವೇಥಿ ಉಬ್‌ಜಾ಼ವುಸ್‌” ಕರಿ ಬೋಲ್ಯೊ. ಅಜು಼ ಏಕ್‌ ಜ಼ಣಾನೆ ಮನ, ತೂ ಅನ ಲೀಕ್. ಶನಕತೊ ಆ ವಚನ್‌ಖ್ಹಾರು ಖ್ಹಾಚು಼ಬಿ ವಿಶ್ವಾಸ್‌ ಕರಖ್ಹರ್ಕೂಬಿ ಹುಯಿರ‍್ಹುಸ್” ಕರಿ ಬೋಲ್ಯೊ.

ಪ್ರಕಾಶಿತ್ 4:2

ತುರಂಥಿಸ್ ಮೇ ಆತ್ಮಾನ ಕಬ್‌ಜ಼ಮಾಥೊ, ತದೆ ಹಿಜ್ಜಾ಼ ಪರ್‌ಲೋಕ್‌ಮ ಏಕ್‌ ಸಿಂಹಾಸನ್ ಥೀ.ಯೋ ಸಿಂಹಾಸನ್‌ಪರ್ ಏಕ್‍ಜ಼ಣೊ ಬೆಠೋಥೊ.

ಪ್ರಕಾಶಿತ್ 6:14

ಆಕಾಶ್ ಪುಂಗ್‌ಳಿನಿತರ ಲಪ್‌ಟೈನ್‌ ಡೋಳೇಥಿ ಲಪಿಗಯು. ಹರೇಕ್ ಪಹಾಡ್ ಅಜು಼ ಟಾಪುಖ್ಹಾರು, ಇನಿ ಇನಿ ಝ಼ಗೋಥು ಖ್ಹರ್ಕಿಗಯು.