ಪ್ರಕಾಶಿತ್ 2:25 - ದೇವ್ನಿ ಖ್ಹಾಚಿ ವಚನ್

²⁵ ಕತೋಬಿ ತುಮೆ ಲೀರಾಖ್ಯಾಸ್ತೆ ಇನಾಸ್ ಮೇ ಆವಲಗು ಘಟ್‍ಥಿ ಧರಿರಾಖೊ.

ಪ್ರಕಾಶಿತ್ 2:25 ပူးပေါင်းရင်းမြစ်များ

ಯೋಹಾನ 14:3

ಮೇ ಜೈ಼ನ್‌, ತುಮಾರಖ್ಹಾಜೆ ಝ಼ಗೊ ತಯಾರ್ ಕರಾನ ಬಾದ್‌ಮ, ಪಾಛೊ಼ಅಯಿನ್‌, ತುಮೂನ ಮಾರ ಜೋ಼ಡೆ ಬುಲೈಲಿ ಜೈ಼ಶ್. ಅಮ್ಮಸ್ ಮೇ ಛೂ಼ತೆ ಝ಼ಗೋಮಾಸ್‌ ತುಮೇಬಿ ರ‍್ಹಿಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:28

ಆ ಪ್ರವಾದಿಖ್ಹಾರಾಮ “ಅಗಬ” ಕರಿ ಏಕ್‍ಜ಼ಣೊ ಥೊ. ಅಗಬನೆ ಅಂತಿಯೋಕ್ಯಮ ಪವಿತ್ರಾತ್ಮನಿ ಖ್ಹಯಾಲ್‌ಥಿ, “ಹಿಡಿ ಜಗತ್‍ನಾಸ್ ಕಾಳ್ದುಕಾಳ್ ಆವ್‌ಶೆ” ಕರಿ ಬೋಲ್ಯೊ. ಯೋ ಕಾಳ್ದುಕಾಳ್‍ನ ಹಗಾಮ್ ಕ್ಲೌದಿಯ ರಾಜ಼ನು ಹಗಾಮ್ಮ ಆಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:9

ತುಮಾರಿ ಪ್ಯಾರ್ ಪಾಕ್‌ ದಿಲ್‌ಥಿ ರ‍್ಹವಾದೆ. ಖರಾಬ್‍ಕಾಮ್ನ ವಹೇರ್‌ಕರೀನ್, ಅಛ್ಛಾ಼ನ ಧರಿರಾಖೊ.

1 ಕೊರಿಂಥ 11:26

ಶನಕತೊ ಕದೆಕದೇಬಿ ತುಮೆ ಆ ರೋಟಾನ ಖಾಸ್ಕಿ,ಅಜು಼ ಆ ಕಟೋರಿಮ ಪೀಯಾಸ್ಕಿ ತದೆ ಯೊ ಆವಾನಿ ವಖ್ಹ್‌ತೆ ಪ್ರಭುನಿ ಮರಣ್ಣ ಊಚು಼ ಪಾಡ್ತು ರ‍್ಹಿಶು.

1 ಕೊರಿಂಥ 4:5

ಅನಖ್ಹಾಜೆ ಕಬ್ಲಗು ಪ್ರಭು ಕೊ ಆವಾನಿಕಿ ಯೊ ವಖ್ಹತ್‌ನ ಅಗ್ಗಳಸ್ ಶನುಬಾರೇಮಾಬಿ ನ್ಯಾವ್‌ನು ತೀರ್ಪ್ ನಕೊಕರ್ಷು; ಇನೆ ಅಂಧಾರಮಾನು ಲಪಿಹುಯು ಕಾಮ್‌ಖ್ಹಾರು ಉಜಾ಼ಳಾಮ ಲೀನ್‌ ಆವ್‌ಶೆ. ಅದ್ಮಿನಿ ದಿಲ್ನಿಖ್ಹಾರಿ ಸೋಚ್ನ ಭಾರ್‌ ಕಾಡ್‌ಶೆ. ತದೆ ಹರೇಕ್‍ಜ಼ಣಾನ ಆವ್ಣುತೆ ಖ್ಹರಾವ್ಣಿ ದೇವ್‍ಥೀಸ್‍ ಮಳ್‌ಶೆ.

1 ಥೆಸ 5:21

ಅಖ್ಖಾಸ್ನ ತರೀಪ್‌ಶ ಕರಿನ್, ಅಛ್ಛಾ಼ನ ಘಟ್ ಧರಿಲೆವೊ.

ಇಬ್ರಿ 10:23

ದಿದೋತೆ ವಾಗ್ದಾನ್ನ ಚ಼ಲಾವವಾಳೊ ದೇವ್. ಇನಖ್ಹಾಜೆ ಅಪ್ಣೆ ವಿಶ್ವಾಸ್‌ನಿ ಬಾರೇಮ ಘಟ್‍ಥಿ ಧರಿರಾಖೆ.

ಇಬ್ರಿ 3:6

ಕತೋಬಿ ಕ್ರಿಸ್ತತೋಬಿ ಛಿಯ್ಯೊಹುಯಿನ್ ದೇವ್ನ ಘರ್‌ಪರ್ ಹಕ್‌ವಾಳೊ ಹುಯಿರ‍್ಹೋಸ್. ಅಪ್ಣೆ ಹಿಮ್ಮತ್‍ಬಿನ್ ಭರೋಖ್ಹಾಥಿಬಿ ಖ್ಹರ್ತಿಲಗು ಘಟ್‍ಥಿ ಧರಿರಾಖವಾಳ ಹುಯಾತೊ ಅಪ್ಣೆಸ್ ದೇವ್ನ ಘರ್ ಹುಯಿರ‍್ಹಿಷು.

ಇಬ್ರಿ 4:14

ಆಬ್‌ಮಾಕರಿ ಗಯೋತೆ ದೇವ್‌ನೊ ಛಿಯ್ಯೊಹುಯಿರೊತೆ ಯೇಸುಸ್ ಅಪ್ಣುನ ಏಕ್‌ ಮಹಾಯಾಜಕ್ ಹುಯಿರ‍್ಹೊಸ್. ಇನಖ್ಹಾಜೆ ಅಪ್ಣೆ ಛಾ಼ತೆ ವಿಶ್ವಾಸ್ ಘಟ್ ಧರಿಲಿಯೆ.

2 ಪೇತ್ರ 3:10

ಪ್ರಭುನೊ ದನ್ ಚೋ಼ರ್ ಆವಾನಿತರ ಆವ್‌ಶೆ. ಯೋ ದನ್ಮ ಆಬ್‍ಅಖ್ಖು ಘಲಾರಕೊಂತೆ ಹುಯಿಜಾ಼ಶೆ ಚಾ಼ಂದ್, ಚ಼ಂದರ್‌ಮೊ, ತಾರೊ, ಗ್ರಹಖ್ಹಾರು ಬಳಿನ್ ನೂಚೈಜಾ಼ಶೆ. ಜ಼ಮೀನ್ ಇನಾಮ ಛಾ಼ತೆಖ್ಹಾರುಸ್‍ಬಿ ಭುಂಜ಼ಯಿನ್ ರಾಕ್ ಹುಯಿಜಾ಼ಶೆ.

ಪ್ರಕಾಶಿತ್ 1:7

“ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.

ಪ್ರಕಾಶಿತ್ 22:20

ಆ ಬಾರೇಮ ಸಾಕ್ಷಿ ಬೋಲವಾಳೊ, “ಒಹೊ, ಮೇ ಖ್ಹಾಚಮಾಸ್ ವಗ್ಗಿಸ್ ಆವುಸ್” ಕರಿ ಬೋಲಾಸ್. ಆಮೆನ್. ಪ್ರಭು ಹುಯಿರ‍್ಹೋತೆ ಯೇಸು, ಆವ್.

ಪ್ರಕಾಶಿತ್ 22:7

ಖ್ಹಮ್‌ಜೊ಼, ಮೆ ಘಣು ಜ಼ಲ್‌ದಿ ಆವುಸ್! ಆ ಪುಸ್ತಕ್‌ಮ ಲೀಖೈರ‍್ಹೂತೆ ಖ್ಹಾರಿ ವಚನ್ನ ಪಾಡಿಚಾ಼ಲವಾಳೊ ಧನ್ಯ ಹುಯಿರ‍್ಹೊಸ್ ಕರಿ ಬೋಲ್ಯೊ.

ಪ್ರಕಾಶಿತ್ 3:11

ಮೇ ಒಗ್ಗಿಸ್‌ಮ ವಳ್ಯಾವುಸ್. ತಾರಿ ಕಿರೀಟ್ನ ಕೋಣ್‌ಬಿ ನಾ ಛಿನಾವ್ಣುತೆ ಇಮ್‌ ತುನೆ ಲೀರಾಖ್ಯೊಸ್ತೆ ಇನ ಘಟ್ ಧರಿರಾಕ್.

ಪ್ರಕಾಶಿತ್ 3:3

ಇನಖ್ಹಾಜೆ ತೂ ಲೀರಾಖ್ಯೊಸ್ತೆ ಬೋಧನೆನ ಯೋ ಖ್ಹಮ್‍ಜ್ಯೊತೆ ಪರಕ್ನ ಖ್ಹಯಾಲ್ಮ ಲೈನ್‌ ಇನ ಬಚಾ಼ಡಿಲೆ, ಮನ್ ಫರಾವೊ, ದೇವ್‌ಭಣಿ ಫರಿಜಾ಼, ತೂ ಹೊಷಾರ್ ನಾಹುಯೋತೊ, ಚೋ಼ರ್ ಆವಾನಿಘೋಣಿ ಆಯಿಶ್. ಮೇ ಖಿವಿ ವಖ್ಹತ್‌ಮ ತಾರಕನ ಐಶ್‌ಕರಿ ಬೋಲಾನು ತುನ ಮಾಲುಮ್‌ಪಡ್‌ಶೇಸ್ ಕೊಯ್ನಿ.