ಪ್ರಕಾಶಿತ್ 19:19 - ದೇವ್ನಿ ಖ್ಹಾಚಿ ವಚನ್

¹⁹ ತದೆ ಯೊ ಜಾನ್ವರ್‌ಬಿ, ಜ಼ಮೀನ್ನ ರಾಜ಼ವ್‌ಬಿ, ಇವ್ಣ ಶಿಪಾಯಿಖ್ಹಾರೂಬಿ ಯೊ ಘೋಡಾಪರ್ ಬೆಠೊರ‍್ಹವಾಳನಪರ್ ಅಜು಼ ಇನ ಶಿಪಾಯ್ನ ಉಪ್ಪರ್‌ಬಿ ಜಂಗ್ ಭೀಡಾನಖ್ಹಾಜೆ ಮಳಿನ್ ಐರ‍್ಹಾವನು ದೇಖ್ಯೊ.

ಪ್ರಕಾಶಿತ್ 19:19 ပူးပေါင်းရင်းမြစ်များ

ಪ್ರಕಾಶಿತ್ 11:7

ಕತೋಬಿ ಆ ಬೇಜ಼ಣ ಇವ್ಣಿ ಸಾಕ್ಷಿಯೆವ್‌ನ ಬೋಲಿ ಖತಮ್ ಕರಾದಿನ್,ಪಾತಾಳ್‌ಥೊ ಆವ್‌ಶೇತೆ ಜಾನ್ವರ್‌ ಅವ್ಣುನ ಜಂಗ್‌ಮ ಹರೈನ್ ಮಾರಿನಾಕ್‌ಶೆ.

ಪ್ರಕಾಶಿತ್ 14:9

ಇನ ಪೀಠೆ ತೀನ್ನೊ ದೇವ್ನದೂತನೆ ಅಯಿನ್, “ಕೋಣ್‌ತೋಬಿ ಖೆವತೋಬಿ ಜಾನ್ವರ್‌ನಾಬಿ ಇನು ಮೂರತ್‌ನಾಬಿ ಆರಾದನೆಕರಿನ್‌ ಇವ್ಣ ತಾಳ್ವಪರ್‌ರ‍್ಹವೊ ಹಾತ್‌ಪರ್‌ರ‍್ಹವೊ ಇನು ಖ್ಹಣೇದ್ನ ನಖೈರಾಖ್ಯೂತೊ,

ಪ್ರಕಾಶಿತ್ 16:14

ಆ ಖ್ಹಣೇದ್‌ನುಕಾಮ್‌ ಕರವಾಳು ಭೂತ್‌ನು ಆತ್ಮ ಹುಯಿರ‍್ಹಿನ್ ಧರ್ತಿಪರ್‌ಲ್ಯ ಅಖ್ಖಾಸ್ ರಾಜ಼ವ್‌ಕನ ಜೈ಼ನ್ ಸರ್ವಶಕತ್‌ನೊ ದೇವ್ನ ಮಹಿಮೆನ ದನ್ನ ಜಂಗ್‌ನಖ್ಹಾಜೆ ಇವ್ಣುನ ಎಕ್ಟು ಕರುಕರ್ತುಥು.

ಪ್ರಕಾಶಿತ್ 16:16

ತದೆ ಯೊ ಜ಼ಮೀನ್ನ ರಾಜಾ಼ವ್‌ನ ಇಬ್ರಿಯ ಬೋಲಿಮ ಅರ್ಮಗೆದ್ದೋನ್ ಕರಿ ಬೋಲಾನ ಝ಼ಗೋಕನ ಮಳಾಯು.

ಪ್ರಕಾಶಿತ್ 18:9

ಇನಿ ಜೋ಼ಡೆ ವ್ಯಬಿಚಾರ‍್ನು ಪಾಪ್ ಕರೀನ್ ಇನ ವೈಭೋಗ್‌ಮ ವಾಟೊ ಹುಯಿರ‍್ಹಾತೆ ಜ಼ಮೀನ್ನ ರಾಜ಼ವ್‌ಖ್ಹಾರು ಯೊ ಬಳಾನು ಶೇಜ಼್‌ಥಿ ಉಪ್ಪರ್ ಛ಼ಡಾನ ಧುವ್ವಾನ ದೇಕ್‍ಷೆ. ಯೊ ಮರಾನು ದೇಖಿನ್ ರದನ್ ರ‍್ಹೋಜ಼್‌ನ್ಯಾಬಿ ದುಖ್ ಕರ್ಶೆ.

ಪ್ರಕಾಶಿತ್ 19:21

ಇವ್ಣು ಶಿಪಾಯಿಖ್ಹಾರನ, ಘೋಡಾಪರ್ ಬೆಠೊರ‍್ಹವಾಳಾನ ಬಾಕೇಥಿ ಆಯೂತೆ ಬೇಮ್ಹೋಡಾನಿ ತಲ್ವಾರ್‌ಥಿ ಮರೈಗಯು, ಅಜು಼ ಜಿನಾವರ್‌ಖ್ಹಾರು ಇವ್ಣು ಬೋಟಿನ ಪೇಟ್‌ಭರಿನ್ ಖಾದು.