ಪ್ರಕಾಶಿತ್ 19:18 - ದೇವ್ನಿ ಖ್ಹಾಚಿ ವಚನ್

¹⁸ ರಾಜ಼ವ್ನಿ ಬೋಟಿನಾಬಿ, ಶಿಪಾಯ್ನ ಮೋಟಾನಿ ಬೋಟಿನಾಬಿ, ಅಜು಼ ಶಿಪಾಯ್ನ ಬೋಟೀನ, ಘೋಡಾವ್ನಿ ಬೋಟೀನ, ಘೋಡಾನು ಸವಾರಿವ್ನ ಬೋಟೀನ, ಛುಟ್ಕಾರ್ ಹುಯಿರ‍್ಹವಾಳನು, ಗುಲಾಮ್‌ಖ್ಹಾರನು, ನ್ಹಾನಾವ್ನು ಅಜು಼ ಮೋಟಾವ್ನು ಬೋಟೀನ ಖಾವನ ಆವೊ” ಕರಿ ಬೋಲ್ಯೊ.

ಪ್ರಕಾಶಿತ್ 19:18 ပူးပေါင်းရင်းမြစ်များ

ಮತ್ತಾಯ 24:28

ಮುರ್ದು ಕಿಜ಼್ಜ ಪಡ್ಯುರ‍್ಹೇಸ್ಕಿ, ಹಿಜ್ಜಾ಼ಸ್ ಗರದ್‍ಖ್ಹಾರು ಎಕ್ಟುಹುವಾಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:37

ತದೆ ಶಿಷ್ಯರ್‌ನೆ, “ಪ್ರಭು, ಆ ಕಿಜ್ಗಾ಼ ಉಶೆ?” ಕರಿ ಫುಛಾ಼ವಖ್ಹತರ್‌, ಯೇಸುನೆ ಇವ್ಣುನ, “ಮುರ್ದು ಕಿಜ್ಜಾ಼ಕಿ, ಹಿಜ್ಜಾ಼ಸ್ ಗರದ್‍ಖ್ಹಾರು ಎಕ್ಟುಹುವಾಸ್” ಕರಿ ಜವಾಬ್‌ ದಿದೊ.

ಪ್ರಕಾಶಿತ್ 11:18

ಜಗತ್‌ನು ಅದ್ಮಿಖ್ಹಾರು ಇರಾದೊ ಕರ‍್ಯು. ತಾರಿ ಖೀಜ಼್ ಪ್ರಕಟ್‌ಹುಯಿ. ಮರ‍್ಯಹುಯಾನ ತೀರ್ಪ್‌ ಮಳಾನಿ ವಖ್ಹತ್ಆಯಿ. ತೂ ತಾರ ದಾಸ ಹುಯಿರ‍್ಹೋತೆ ಪ್ರವಾದಿವ್‌ನಾಬಿ, ದೇವ್ನ ಅದ್ಮಿನಾಬಿ, ತಾರ ನಾಮ್ನ ಡರಾವಾಳ ಶಾಣವ್‌ನಾಬಿ, ಅಡ್ಡಾಣಿನಾಬಿ ಪ್ರತಿಫಲ್ ದ್ಯವಾನಿ ವಖ್ಹತ್ ಆ ಜಗತ್ನ ನಾಶ್‌ಕರಾವಳನ ವಿನಾಶ್‌ಕರಾನಿ ವಖ್ಹತ್ ಐಗು”. ಕರಿ ಬೋಲಿನ್ ಇನ ಆರಾದನೆ ಕರ‍್ಯು.

ಪ್ರಕಾಶಿತ್ 13:16

ಆ ಬೇನು ಜಾನ್ವರ್‌ಬಿ, ಶಾಣು, ಅಡ್ಡಾಣಿ, ಶೌಕಾರ್, ಗರೀಬ್, ಛುಟ್ಕಾರ್‌ರ‍್ಹವಾಳು, ಗುಲಾಮ್‌ಖ್ಹಾರು ಅಖ್ಖೂಬಿ ಇವ್ಣ ಇವ್ಣ ಖಾವಹಾತ್ಪರ್ ರ‍್ಹವೊ, ತಾಳ್ವಪರ್ ರ‍್ಹವೊ ಖ್ಹಣೇದ್ ನಖಾವ್ಣು ಕರಿ ಜು಼ಲಮ್‌ ಕರ‍್ಯು.

ಪ್ರಕಾಶಿತ್ 17:16

ಆ ನಾಹುಯಿನ್ ತುನೆ ದೇಖ್ಯೋತೆ ದಖ್ಹ್‌ ಶಿಂಗ್ಡಾಖ್ಹಾರು ಅಜು಼ ಜಾನ್ವರ್‌ನ ದೇಖ್ಯೋನಿ? ಯೋ ಖ್ಹಾರುಸ್ ವ್ಯಭಿಚಾರಿಣಿನ ವಹೇರ್‌ ಕರೀನ್, ಇನ ಖ್ಹದ್ದರ್‌ಕೊಂತೆ ರ‍್ಹವಾಳಿನಿ ಘೋಣಿಬಿ ಲುಂಗ್ಡು ನಾರ‍್ಹವಾಳಿನಿ ಘೋಣಿಬಿ ಕರೀನ್ ಇನಿ ಬೋಟಿನ ಖೈನ್, ಹೈರಿತೆನ ಆಗ್‌ಮ ಬಾಳಿನಾಕ್‌ಷೆ.

ಪ್ರಕಾಶಿತ್ 19:5

ಇನಪಾರ್ ಸಿಂಹಾಸನ್ ಭಣೀಥು ಏಕ್‌ ಟಹುಕೊ ಆಯು. ಯೋ ಅವಾಜ಼್‌ನೆ, “ಅಪ್ಣ ದೇವ್ನು ಚಾ಼ಕ್ರಿಕರಾವಾಳ ಅದ್ಮಿವೊ ದೇವ್ನ ಧನ್ಯವಾದ್ ಕರ‍್ಯು. ಇನೇಥಿ ಡರಾವಾಳ ನ್ಹಾನ, ಮೋಟಾವೊ ಇನ ಧನ್ಯವಾದ್ ಕರೊ”. ಕರಿ ಬೋಲ್ಯು.

ಪ್ರಕಾಶಿತ್ 6:15

ತದೆ ಜ಼ಮೀನ್ನು ರಾಜ಼ವ್‌ಖ್ಹಾರು, ಅಖ್ಖೂಸ್ ಅದಿಕಾರಿ, ಡಂಡ್‌ನೊ ಘಲ್ಡೊಖ್ಹಾರು, ಶೌಕಾರ್‌ಖ್ಹಾರು, ಘಣು ಶಕತ್‌ವಾಳುಖ್ಹಾರು, ಬಿಜು಼ಖ್ಹಾರು ಅದ್ಮಿ ಗುಲಾಮ್‌ಖ್ಹಾರು, ಛುಟ್ಕಾರ್‌ನು ಅದ್ಮಿಖ್ಹಾರು ಪಹಾಡ್ನಿ ಘವಿಮಾಬಿ, ಬಂಡಾನಿ ಚಿಪಾಟ್ನಿಖೀಂಡಿಮ ಲಪಿಗಯು.