ಪ್ರಕಾಶಿತ್ 19:15 - ದೇವ್ನಿ ಖ್ಹಾಚಿ ವಚನ್

¹⁵ ಜ಼ಗ್‌ಜಾ಼ತ್ನ ಕತ್ರಾನಖ್ಹಾಜೆ ಇನ ಮ್ಹೋಡೇಖ್ಹು ಚಾ಼ಲ್ತಿ ತಲ್ವಾರ್‌ ನಿಕ್ಳಿಆವಾಸ್. ಯೊ ಇವ್ಣುನ ಲ್ಹೋಡಾನ ಡಂಡೇಥಿ ಆಳ್‌ಷೆ. ಸರ್ವಶಕತ್‌ನೊ ಹುಯಿರೋತೆ ದೇವ್ನಿ ಘಣಿ ಮೋಟಿ ಖೀಜ಼್‌ಕರಿ ಬೋಲಾನ ದ್ರಾಕ್ಷಿನ ಬಾನೇಮ ರ‍್ಹವಾಳನ ಖುಂದ್ಲಿನಾಕ್ಷೆ.

ಪ್ರಕಾಶಿತ್ 19:15 ပူးပေါင်းရင်းမြစ်များ

2 ಥೆಸ 2:8

ಯೋ ಅಧರ್ಮಿ ದೆಖಾವ್‌ಶೆ. ಪ್ರಭು ಯೇಸು ಇನ ಮ್ಹೋಡಾನು ದಮ್‌ಥೀಸ್ ಇನ ಮಾರಿನಾಕ್‌ಶೆ. ಅಜು಼ ಯೋ ಹಿಜ಼್ಜಾ ರ‍್ಹಿಶೇತೆ ಇನಖ್ಹಾಜೇಸ್ ಇನ ನಾಶ್ ಕರಿನಾಕ್‌ಶೆ.

ಪ್ರಕಾಶಿತ್ 1:16

ಇನ ಖಾವಹಾತ್ಮ ಖ್ಹಾತ್ ತಾರೊ ಧರೈರೂಥು. ಇನ ಬಾಕಮಾಥು ಬೇಮ್ಹೋಡಾನಿ ತಲ್ವಾರೆ ನಿಕ್ಳುಕರ್ತಿಥಿ ಇನು ಮ್ಹೋಡು ಧೊಪಾರ್‌ಮ ಶಕಥ್ಥಿ ಉಜಾ಼ಖ್ಹ್‌ ದೇಸ್ತೆ ಚಾ಼ಂದ್‍ನಿಘೋಣಿ ಥು.

ಪ್ರಕಾಶಿತ್ 12:5

ಇನೆ ಜ಼ಗ್‌ಜಾ಼ತ್ನ ಲ್ಹೋಡಾನ ಲಠ್ಠೇಥಿ ಚ಼ಲಾವ್‌ಣೂತೆ ಏಕ್‌ ಪರ್ಖ್ಹಾ ಲಡ್ಕಾನ ಜ಼ಣಿ. ಯೋ ಲಡ್ಕು ತದೇಸ್‌ ದೇವ್‌ಕನಾಬಿ ಇನ ಸಿಂಹಾಸನ್‌ಕನಬಿ ಪಡೈಗಯು.

ಪ್ರಕಾಶಿತ್ 14:10

ಯೋಬಿ ಜಿನುಕು ದೇವ್‌ನೊ ಇರಾದೊಕರಿ ಬೋಲಾನ ಕಟೋರಮ ಶಾತ್ಬಿ ಮಳಾಯುಕೊಂತೆ ನಾಖಿಹುಯು ದೇವ್ನು ಇರಾದೊಕರಿ ದ್ರಾಕ್ಷಿನ ರಖ್ಹ್‌ನ ಪೀಶೆ. ಪರಿಶುದ್ ದೇವ್ನ ದೂತರ‍್ನ ಖ್ಹಾಮ್ಣೇಬಿ, ಬಲೀನ ಮೇಂಢಾನ ಚೆಲ್ಕಾನ ಖ್ಹಾಮ್ಣೆ ಅಗ್‌ಥೀಬಿ, ರಂಜ಼ಕ್‌ಥಿ, ಖ್ಹತಾಪ್ಣಿ ಪಡ್‌ಶೆ.

ಪ್ರಕಾಶಿತ್ 19:21

ಇವ್ಣು ಶಿಪಾಯಿಖ್ಹಾರನ, ಘೋಡಾಪರ್ ಬೆಠೊರ‍್ಹವಾಳಾನ ಬಾಕೇಥಿ ಆಯೂತೆ ಬೇಮ್ಹೋಡಾನಿ ತಲ್ವಾರ್‌ಥಿ ಮರೈಗಯು, ಅಜು಼ ಜಿನಾವರ್‌ಖ್ಹಾರು ಇವ್ಣು ಬೋಟಿನ ಪೇಟ್‌ಭರಿನ್ ಖಾದು.

ಪ್ರಕಾಶಿತ್ 2:12

ಪೆರ್ಗಮಾನು ಸಬೆನ ದೂತನ ಅಮ್‍ಲೀಕ್; ಬೇ ಮ್ಹೋಡಾನು ಚಾ಼ಲ್ತಿ ತಲ್ವಾರ್‌ನ ಧರಿರಾಖವಾಳೊ ಶಾತ್‌ ಬೋಲಾಸ್‍ಕತೊ,

ಪ್ರಕಾಶಿತ್ 2:16

ಇನಖ್ಹಾಜೆ ತೂ ಮನ್ ನಾ ಫರಾಯೊತೊ ಮೇ ಒಗ್ಗಿಸ್‌ಮ ತಾರಕನ ಐನ್‌ ಮಾರ ಮ್ಹೋಡಮಾಥು ಆವಾಳಿ ತಲ್ವಾರ್‌ಥಿ ಇವ್ಣಪರ್ ಜಂಗ್ ಭೀಡಿಷ್‌.

ಪ್ರಕಾಶಿತ್ 2:27

ಯೋ ಲ್ಹೋಡಾನ ಲಠ್ಠೇಥಿ ಇವ್ಣುನ ಚ಼ಲಾವ್‌ಷೆ, ಮಾಟಿನು ಮಟ್ಕಿ ಫುಟಿಜಾ಼ವಾನಿಮತ್ ಇವ್ಣು ತಾಖತ್ ಟುಟಿಜಾಷೆ.