ಪ್ರಕಾಶಿತ್ 19:10 - ದೇವ್ನಿ ಖ್ಹಾಚಿ ವಚನ್

¹⁰ ತದೆ ಮೇ ಇನ ಆರಾದನೆ ಕರ್ನುಕರಿ ಇನ ಪಗ್‍ಪರ್ ಅಡ್‌ಪಡ್ಯೊ. ಕತೋಬಿ ದೇವ್ನ ದೂತಾನೆ, ಮನ ಅಮ್ ಆರಾದನೆ ನಕೊಕರ್. ಯೇಸುನ ಖ್ಹಾಚ಼ನ ಲೀರಾಖ್ಯಾಸ್ತೆ ತಾರಿನಿತರಾಬಿ ತಾರ ಭೈಯೇನಿತರಬಿ ಮೇಬಿ ಏಕ್‌ ಚಾ಼ಕ್ರಿವಾಳೊ. ಇನಖ್ಹಾಜೆ ದೇವ್ನ ಆರಾದನೆಕರ್, ಯೇಸುನಿ ಸಾಕ್ಷಿಸ್‌ ಪ್ರವಾದನೆನು ಆತ್ಮಕರಿ ಬೋಲ್ಯೊ.

ಪ್ರಕಾಶಿತ್ 19:10 ပူးပေါင်းရင်းမြစ်များ

ಮತ್ತಾಯ 4:10

ತದೆ ಯೇಸುನೆ, “ಇನ, ಶೈತಾನ್‍ ತೂ ಹಟಿಜಾ಼! ‘ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ ಎಕ್ಕಸ್ ಜ಼ಣಾನ ಆರಾದನೆ ಕರ‍್ನು ಅಜು಼ ಸೇವೆ ಕರ‍್ನು ಕರಿ ವಚನ್‌ಮ ಲೀಖೈರ‍್ಹುಸ್” ಕರಿ ಬೋಲ್ಯೊ.

ಮಾರ್ಕ 5:22

ತದೆ ಸಬಾಮಂದಿರ್‌ನೊ ಅದಿಕಾರಿ ಏಕ್‌ ಜ಼ಣೊ ಹಿಜ್ಜಾ಼ ಆಯೊ. ಇನು ನಾಮ್ ಯಾಯಿರ ಕರಿ. ಯೋ ಯೇಸುನ ದೇಖಿನ್, ಇನ ಗೋಡಾಪರ್ ಪಡಿನ್,

ಮಾರ್ಕ 7:25

ಒಗ್ಗಿಸ್‌ಮ ಏಕ್‌ ತಯೇಡನೆ ಯೇಸು ಹಾ ಛಾ಼ ಕರಿ ಖ್ಹಮ್‌ಜಿನ್‌, ಐನ್ ಯೇಸುನ ಗೋಡಾನ ಖ್ಹಾಮ್ಣೆ ಪಡಿ. ಇನಿ ಛೋ಼ರಿನ ಭೂತ್ ಧರಿರಾಖ್ಯುಥು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:19

ಇಮ್‌ ಬೋಲಾಖ್ಹತರ್ ದೇವ್‌ನೊ ದೂತನೆ, “ಮಾರು ನಾಮ್ ಗಬ್ರಿಯೇಲ್, ಮೇ ದೇವ್ನ ಖ್ಹಾಮ್ಣೆ ಭೀರ‍್ಯಾವವಾಳೊ, ತಾರ ಜೋ಼ಡೆ ವಾತೆಬೋಲಿನ್, ಆ ಸುವಾರ್ತೆನ ತುನ ಖ್ಹಮ್‍ಜಾ಼ಡನಖ್ಹಾಜೆ ದೇವ್ನೆ ಮನ ಮೋಕ್ಲಿರಾಖ್ಯೊಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:44

ಅಜು಼ ಯೇಸುನೆ ಇವ್ಣುನ, “ಮೇ ತುಮಾರ ಜೋ಼ಡೆಸ್ ಥೋತೆ ತದ್ದೇಸ್, ಆ ಖ್ಹಾರು ತುಮೂನ ಬೋಲ್ಯೊಥೋನಿ. ಮೋಶೇನು ಧರ್ಮಶಾಸ್ತ್ರ, ಪ್ರವಾದಿಯೇನು ಪುಸ್ತಕ್‌ಮ ಅಜು಼ ಕೀರ್ತನೇಮ ಮಾರಿ ಬಾರೇಮ ಲೀಖೈರ‍್ಹೂತೆ ಅಖ್ಖು ಪೂರಹುವಾನು ಜ಼ರೂರತ್ ಛಾ಼ ಕರಿ ಮೇ ತುಮೂನ ಬೋಲ್ಯೊಥೊ ಕೊಯ್ನಿಕಿ ಶು?” ಕರಿ ಬೋಲ್ಯೊ.

ಯೋಹಾನ 5:39

ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:43

ಇನ ನಂಬಾವಾಳನು ಹರೇಕ್‍ಜ಼ಣು ಪಾಪ್ನ ಇನ ನಾಮ್‍ಥಿ ಕ್ಷಮಾಪಣ್ ಮಳ್‌ಶೇತೆ. ಆ ಖ್ಹಾಚಸ್‌ಕರಿ ಪ್ರವಾದಿಖ್ಹಾರು ಸಾಕ್ಷಿ ಬೋಲಿರಾಖ್ಯುಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:27

ಯೆರೂಸಲೇಮ್‍ ಜಿವ್ಣು ಕರುಕರ್ತುಥೂತೆ ಅದ್ಮಿಖ್ಹಾರು ಇವ್ಣು ಅದಿಕಾರಿ ಖ್ಹಾರುಬಿ ಯೋ ರಕ್ಷಕ್ ಕರಿ ಖ್ಹಣೇದ್ ಕರಿಲಿದುಕೊಯ್ನಿ. ಪ್ರವಾದಿಖ್ಹಾರು ಯೇಸುನಿ ಬಾರೇಮ ಲೀರಾಖ್ಯುಥೂತೆ ವಾತೆಖ್ಹಾರಿ ಮಾಲುಮ್ ಕೊ ಹುಯುನಿ ಹರೇಕ್ ಸಬ್ಬತ್ ದನ್ಮ ಇವ್ಣೆ ಫಡ್‍ತುಥೂತೆ ವಾತೆ ಪೂರಹುಯು. ಕತೋಬಿ ಇವ್ಣೆ ಮಾಲುಮ್‌ ಕರಿಲಿದುಕೊಯ್ನಿ. ಯೋ ಯೆಹೂದ್ಯರ್ ಖ್ಹಾರು ಯೇಸುನ ಅಪರಾದಿಕರಿ ತೀರ್ಪ್‌ದಿದು. ಅಮ್ ಕರಾಥಿ ಪ್ರವಾದಿಖ್ಹಾರಾನಿ ವಾತೆನ ಚಾ಼ಲಖ್ಹರ್ಕು ಕರ‍್ಯು.”

2 ಕೊರಿಂಥ 8:7

ತುಮೆ ಹರೇಕ್‌ಮಾಬಿ ಕತೊ, ವಿಶ್ವಾಸ್ಮ ವಾತ್ ಬೋಲಾಮ, ಗ್ಯಾನ್‌ಮ, ಮದತ್‍ಕರ‍್ನು ಕರಿ ದಿಲ್‍ಲಗಾಡಮ, ಬಿಜು಼ ಹಮಾರಿ ಹುಮ್ಮಖ್ಹ್‌ಥಿ ತುಮಾರಮ ಆಯಿತೆ ಪ್ಯಾರ್‌ಮ ಶೌಕಾರ್ ಹುಯಿರ‍್ಹಾಸ್, ಇನಖ್ಹಾಜೆ ಆ ಕೃಪೆಮಾಬಿ ತುಮೆ ಶೌಕಾರ್ ಹುಯಿರ‍್ಹೇವ್ಣು ಕರಿ ಹಮೆ ಆಖ್ಹ್ ಕರಿಯೇಸ್.

ಎಫೆಸ 5:15

ಇನಖ್ಹಾಜೆ ತುಮೆ ಚಾ಼ಲ್ ಚ಼ಲಣ್ಣಿ ಬಾರೇಮ ಹೊಷಾರ್‌ಥಿ ರ‍್ಹವೊ. ಬಿಣ್‍ಅಕ್ಲಿ ನಾ ಹುಯಿರ‍್ಹೇಣುತೆ ಅಕ್ಲಿ ಹುಯಿನ್ ಜಿವೊ.

ಎಫೆಸ 5:33

ಯೊ ತುಮುನಾಬಿ ಹುವಾಸ್, ತುಮಾರಮ ಹರೇಕ್ ಬಾವ್ರಿ ಇನುಯೋ ಪ್ಯಾರ್ ಕರಾನಿತರಸ್ ಇವ್ಣಿ ಬಾವ್ಣೆನ ಪ್ಯಾರ್ ಕರ‍್ನು. ಅಖ್ಖಿ ಬಾವಣ್‍ ಇವ್ಣ ಬಾವ್ರಿಯೇನ ಇಜ಼್ಜಥ್ಥಿ ಚಾ಼ಲಿಲೇವ್ಣು.

ಫಿಲಿಪ್ಪಿ 3:3

ಖ್ಹಾಚಿ ಖ್ಹತ್ನ ರ‍್ಹವಾಳು ಕೋಣ್‌ಕತೊ, ದೇವ್ನಿ ಆತ್ಮನಿ ಖ್ಹೂಜ಼್‍ಥಿ ಆರಾದನೆ ಕರವಾಳು ಅಜು಼ ಕ್ರಿಸ್ತ ಯೇಸುಮ ಖುಷಿ ಕರವಾಳುಬಿ, ಶರೀರ್‌ನಿ ಆಖ್ಹ್‌ನಿ ಬಾರೇಮ ಭರೋಖ್ಹೊ ಕೊಂತೇಬಿ ಹುಯಿರ‍್ಹಾಸ್ತೆ ಅಪ್ಣೆಸ್.

1 ಥೆಸ 5:15

ಕೋಣ್‌ಬಿ ಖರಾಬ್‌ನ ಬದಲ್ ಖರಾಬ್ ನಾ ಕರ್ನುತೆ ಇಮ್‌ ದೇಖಿಲೆವೊ. ಕತೋಬಿ ತುಮೆ ಏಕ್‌ಥಿಏಕ್ ಅಜು಼ ಹರೇಕ್ ಅದ್ಮಿನಾಬಿ ಅಛ಼್ಛುಕರೊ.

ಇಬ್ರಿ 1:14

ಆ ಅಖ್ಖು ದೇವ್ನದೂತರ್ ರಕ್ಷಣೆನು ಹಕ್ನ ಲೀರಾಕ್ಣುತೆ ಇವ್ಣಅಖ್ಖಾನು ಸೇವೆನಖ್ಹಾಜೆ ಮೋಕ್ಲಾಯುತೆ ಸೇವೆನು ಆತ್ಮ ಕಾಹೇಕಿಶು.

ಇಬ್ರಿ 12:25

ವಾತೆ ಬೋಲುಕರಾತೆಯಿನ ಝಿಟ್ಕಾರ‍್ನುನಾತೆ ತಿಮ್ ದೇಖಿಲೆವೊ ಶನಕತೊ ಜ಼ಮೀನ್‌ಪರ್ ದೇವ್ನಿ ವಚನ್ ಬೋಲ್ಯಹುಯಾನ ಝಿಟ್ಕಾರವಾಳು ನಿಶತ್ನ ಛುಕಿಜಾ಼ವನ ನಾಹುಯುಕತೊ, ಸೊರ್ಗಾಥು ವಾತೆ ಬೋಲಾವಳನ ಮ್ಹೇಲಿನ್ ಅಪ್ಣೆ ದೂರ್ ಗಯಾತೊ ನಿಶಥ್ಥಿ ಕಿಮ್ ಛು಼ಕ್‍ಶು?

1 ಯೋಹಾನ 5:10

ದೇವ್ನ ಛಿಯ್ಯಾಮ ವಿಶ್ವಾಸ್ ಕರಾವಾಳೊ ಆ ಸಾಕ್ಷಿನ ಇನಾಮ ಲೀರಾಖಸ್. ದೇವ್ನ ನಂಬಕೊಂತೆ ಯೋ ಇನ ಝು಼ಟೊಕರಿ ಬಣೈರಾಖ್ಯೊಸ್. ಕಿಮ್‌ಕತೊ ದೇವ್ ಇನ ಛಿಯ್ಯಾನಿ ಬಾರೇಮ ದಿದೋತೆ ಸಾಕ್ಷಿಮ ಇನೆ ವಿಶ್ವಾಸ್ ಕರ‍್ಯೊಕೊಯ್ನಿ.

1 ಯೋಹಾನ 5:21

ಪ್ಯಾರ್‌ನ ಲಡ್ಕಾವೊ ಮೂರತ್ ದೂರ್ ರ‍್ಹೀನ್ ತುಮುನ ಬಚಾ಼ಡಿಲೇವೊ.

ಪ್ರಕಾಶಿತ್ 1:1

ಯೇಸು ಕ್ರಿಸ್ತನಿ ಪ್ರಕಾಶಿತ್ ವಚನ್ ಒಗ್ಗಿಸ್‌ಮ ಚಾ಼ಲ್ನುತೆ ಬಾರೇಮ ಯೋ ಇನ ದಾಸಖ್ಹಾರನ ವತಾಳನಖ್ಹಾಜೆ ಆ ಖ್ಹಾರು ದೇವ್‍ಥಿ ದೆವಾಯುತೆ. ಯೇಸು ಇನ ದೂತನ ಮೋಕ್ಲಿನ್ ಇನೇಥಿ ಆ ಖ್ಹಾರಿವಾತ್ನ ಯೋಹಾನ ಮಾಲುಮ್‌ ಕರಾಯೊ.

ಪ್ರಕಾಶಿತ್ 1:9

ಯೋಹಾನಕರಿ ಮೆ ಕ್ರಿಸ್ತಮ ತುಮಾರೊ ಭೈ ಹುಯಿರೋಸ್. ಅಪ್ಣೆ ಹಿಡಿಕ್ ಯೇಸುನಖ್ಹಾಜೆ ಖ್ಹತಾಪ್ಣಿಮಾಬಿ,ರಾಜ್ಯಮಾಬಿ, ಖ್ಹಮಾಳಮಾಬಿ ವಾಟೊಲೀರಾಖ್ಯಸ್, ಮೆ ದೇವ್ನಿ ಸಮಾಚಾರ್‌ನಾಬಿ ಯೇಸುನಿ ಬಾರೇಮ ಸಾಕ್ಷಿ ದ್ಯವಾನಖ್ಹಾಜೆ ಪತ್ಮೋಸ್ ಟಾಪಾಮ ಥೊ.

ಪ್ರಕಾಶಿತ್ 12:11

ಇವ್ಣೆ ಮರಣ್‌ಲಗೂಬಿ ಭೈಯೇ ಭೇನೆನ ಇವ್ಣ ಜಾನ್ನ ಪ್ಯಾರ್ ಕರ‍್ಯಕೊಂತೆ, ಮೇಂಢಾನ ಚೆಲ್ಕುಹುಯಿರ‍್ಹವಾಳನ ಲ್ಹೋಯಿಥಿಬಿ ಇನು ಸಾಕ್ಷಿನು ಅಜು಼ ಬೋಲಾಯುತೆ ವಚನ್‌ಥಿಬಿ ಇನ ಜೂತಿಲಿದು.

ಪ್ರಕಾಶಿತ್ 12:17

ತದೆ ಅರ್ಝ಼ನ ಯೊ ತಯೇಡಾಪರ್ ಘಣು ಖಿಜೈ಼ನ್, ಇನಿ ಪಿಳ್ಗಿಮ ಥೂತೆ ಇವ್ಣಾಪರ್ ಕತೊ, ದೇವ್ನಿ ಹುಕುಮ್‌ನ ಪಾಡಿ ಚಾ಼ಲಿನ್ ಯೇಸುನಿ ಬಾರೇನಿ ಸಾಕ್ಷಿ ಹುಯಿರ‍್ಹವಾಳನಪರ್ ಜಂಗ್ ಭೀಡಿನ್,

ಪ್ರಕಾಶಿತ್ 14:7

ಯೊ ದೇವ್ನದೂತನೆ ಜೋ಼ರೇಥಿ, “ದೇವ್‍ಥಿ ಡರೊ ಇನ ಮಹಿಮೆಕರೊ. ಶನಕತೊ ಯೊ ಅದ್ಮಿಖ್ಹಾರನ ತೀರ್ಪ್ ದ್ಯವಾನಿ ವಖ್ಹತ್ ಐಗಿ. ಇನ ಆರಾದನೆ ಕರೊ ಸೊರ್ಗನಾಬಿ, ಜ಼ಮೀನ್ನಾಬಿ, ದರ‍್ಯಾವ್ನಾಬಿ, ಪಾಣಿನ ಚೇಜ಼್‌ಭಾರನಾಬಿ ಬಣಾವವಾಳನ ಆರಾದನೆ ಕರೊಕರಿ ಬೋಲ್ಯೊ.

ಪ್ರಕಾಶಿತ್ 15:4

ಪ್ರಭು, ತುನ ಡರಾಕೊಂತೆ ಅಜು಼ ಅದ್ಮಿಖ್ಹಾರು ತಾರ ನಾಮ್ನ ಮಹಿಮೆ ಕರಾಕೊಂತೆ ಕೋಣ್‌ತೋಬಿ ಛಾ಼ಕಿಶು? ತೂ ಎಕ್ಕಸ್ ಜ಼ಣೊ ಪರಿಶುದ್. ತಾರು ನೀತಿನು ನ್ಯಾವ್‌ನು ತೀರ್ಪ್ ಉಜಾ಼ಳಮ ಆಯೂತೆ ಖ್ಹಾಜೆ ಹರೇಕ್ ಜ಼ಗ್‌ಜಾ಼ತ್‌ಖ್ಹಾರು ತಾರ ಖ್ಹಾಮ್ಣೆ ಅಯಿನ್ ತುನ ಆರಾದನೆ ಕರ್ಶೆ.

ಪ್ರಕಾಶಿತ್ 19:9

ಅತ್ರೇಸ್ ಕಾಹೆತೆ ಇನೆ ಮಾರೇಥಿ ವಾತೆ ಬೋಲ್ತೊಹುಯಿನ್ ಮೇಂಢಾನು ಚೆಲ್ಕು ಹುಯಿರ‍್ಹವಾಳನ ವ್ಯಹಾನ ಮಿಝ಼್‌ವಾನ್‌ಮ ಬುಲೈರ‍್ಹಾವಳು ಧನ್ಯರ್ ಕರಿ ಬೋಲಾನು ಲೀಖ್‌ಕರಿ ಬೋಲಿನ್, “ಆ ಖ್ಹಾರಿವಾತೆ ದೇವ್ನು ಖ್ಹಾಚು಼ ವಚನ್ ಹುಯಿರುಸ್.” ಕರಿ ಬೋಲ್ಯೊ.

ಪ್ರಕಾಶಿತ್ 4:10

ಯೋ ಚಾರ್ ಉಪ್ಪರ್ ವೀಖ್ಹ್‌ ಜ಼ಣು ಶಾಣುಖ್ಹಾರು ಸಿಂಹಾಸನ್‌ಪರ್ ಬೆಠೊರ‍್ಹವಾಳಾನ ಗೋಡಾಪರ್ ಆಡ್‍ಪಡಿನ್, ಇವ್ಣ ಕಿರೀಟ್ನ ಸಿಂಹಾಸನ್ನ ಖ್ಹಾಮ್ಣೆ ನಾಖಿನ್, ಜಾನ್ನದೇವ್‌ನ ಕದೇಬಿ ಆರಾದನೆ ಕರ್ತುಹುಯಿನ್