ಪ್ರಕಾಶಿತ್ 18:8 - ದೇವ್ನಿ ಖ್ಹಾಚಿ ವಚನ್

⁸ ಇನಖ್ಹಾಜೆ ಖ್ಹತಾಪ್ಣಿ, ಮರಣ್, ಮೋಟೊ ರೋಗ್, ಎಕ್ಕಸ್ ದನ್ಮ ಆವ್‌ಶೆ. ಇನ ತೀರ್ಪ್‌ ದ್ಯವಾಳೊ ಪ್ರಭು ದೇವ್ ಶಕತ್‌ವಾಳೊ ಹುಯಿರ‍್ಹೋಸ್ತೆ ಇನಖ್ಹಾಜೆ ಯೊ ಹೈರ‍್ಹಿತೆ ಆಗ್‌ಥಿ ನಾಶ್‌ ಹುಯಿಜಾ಼ಶೆ

ಪ್ರಕಾಶಿತ್ 18:8 ပူးပေါင်းရင်းမြစ်များ

1 ಕೊರಿಂಥ 10:22

ಅಪ್ಣೆ ಪ್ರಭುನ ಇರಾದೊ ಆವನಿತರ ಛೇಡಾವ್ಣು ಕಿಶು? ಅಪ್ಣೆ ಇನೇಥಿಬಿ ತಾಖತ್‍ವಾಳ ಹುಯಿರಾಸ್‍ ಕಿಶು?

ಪ್ರಕಾಶಿತ್ 11:17

“ಪ್ರಭು, ಸರ್ವಶಕ್ತನೊ ದೇವ್, ರ‍್ಹವಾಳೊ ತೂ ತಾರಿ ಮೋಟಿ ಅದಿಕಾರ್‌ನ ಲೀಲಿನ್‌ ಚ಼ಲಾಯೊತೆ ಇನಖ್ಹಾಜೆ ತುನ ಧನ್ಯವಾದ್ ಕರ್ಯೆಸ್.

ಪ್ರಕಾಶಿತ್ 17:16

ಆ ನಾಹುಯಿನ್ ತುನೆ ದೇಖ್ಯೋತೆ ದಖ್ಹ್‌ ಶಿಂಗ್ಡಾಖ್ಹಾರು ಅಜು಼ ಜಾನ್ವರ್‌ನ ದೇಖ್ಯೋನಿ? ಯೋ ಖ್ಹಾರುಸ್ ವ್ಯಭಿಚಾರಿಣಿನ ವಹೇರ್‌ ಕರೀನ್, ಇನ ಖ್ಹದ್ದರ್‌ಕೊಂತೆ ರ‍್ಹವಾಳಿನಿ ಘೋಣಿಬಿ ಲುಂಗ್ಡು ನಾರ‍್ಹವಾಳಿನಿ ಘೋಣಿಬಿ ಕರೀನ್ ಇನಿ ಬೋಟಿನ ಖೈನ್, ಹೈರಿತೆನ ಆಗ್‌ಮ ಬಾಳಿನಾಕ್‌ಷೆ.

ಪ್ರಕಾಶಿತ್ 17:18

“ಅಜು಼ ತುನೆ ಯೊ ತಯೇಡಾನಿ ಘೋಣಿ ದೇಖ್ಯೋತೆ ಆ ಮೋಟಿ ನಂಗ್ರಿ ಹುಯಿರ‍್ಹೀಸ್ ಯೊ ಜ಼ಮೀನ್ನ ರಾಜಾ಼ವ್‌ನ ಚ಼ಲಾವನ ಅದಿಕಾರ್‌ ಲೀರಾಖಿಸ್”.

ಪ್ರಕಾಶಿತ್ 18:17

ಎತ್ರು ಧನ್‌ದೌಲತ್‌ಬಿ ಎಕ್ಕಸ್ ಘಡೀಮ ನಾಶ್ ಹುಯಿಗೀನಿ ಕರಿ ಪಶ್ತಾವ್‌ಷೆ. ಅತ್ರೇಸ್ ಕಾಹೆತೆ ಜ಼ಹಾಜ಼್‌ನೊ ಮಾಲಿಕ್ ಖ್ಹಾರು ಅಜು಼ ಇನಾಮ ಜಾ಼ವಾಳೂಬಿ, ಚ಼ಲಾವಾಳುಬಿ, ದರ‍್ಯಾವ್‌ಮ ರಾಬಿನ್ ಜಿವ್ಣು ಕರವಾಳು ಖ್ಹಾರುಸ್ ದೂರ್ ಭೀರಿನ್,

ಪ್ರಕಾಶಿತ್ 18:19

ತದೆ ಇವ್ಣೆ ಮಾಥಪರ್‌ ಮಾಟಿನ ರಂಚಿಲಿನ್ ಚಿಕರ್ತುಹುಯಿನ್, ಹಾಯ್, ಹಾಯ್, ದರ‍್ಯಾವ್‌ಪರ್ ಜಾ಼ವಾಳು ಜ಼ಹಾಜ಼್‌ವಾಳು ಅಖ್ಖೂಬಿ ಇನ ಮೋಲ್ನು ಧನ್‌ ದೌಲತ್‌ಥೀಸ್ ಶೌಕಾರ್ ಹುಯುಥೂನಿ, ಆ ಹೈರ‍್ಹಿತೆ ಎಕ್ಕಸ್ ಘಡೀಮ ನಾಶ್‌ ಹುಯ್ಗೀನಿ’ ಕರಿ ದುಖ್‌ಥಿ ರದನ್‌ಕರ‍್ಯು.

ಪ್ರಕಾಶಿತ್ 19:3

ಭೇನೆಹಲ್ಲ, ಹಲ್ಲೆಲೂಯ ಕರಿ ಘಣು ಚಿಕ್ರಿನ್ ಯೋ ಬಳುಕರಸ್ತೆ ಧುವೊ ಜ಼ಗ್‌ಜ಼ಮಾನಮಾಬಿ ಉಪ್ಪರ್ ಅವುಸ್‌ಕರ್‌ಷೆ ಕರಿ ಬೋಲ್ಯು.