ಪ್ರಕಾಶಿತ್ 18:21 - ದೇವ್ನಿ ಖ್ಹಾಚಿ ವಚನ್

²¹ ತದೆ ಘಣಿ ಶಕತ್ನ ಏಕ್‌ ದೇವ್‌ದೂತನೆ ದಳಾನಿ ಘಟ್ಟಿನಿತರಾನು ಏಕ್‌ ಮೋಟ ಬಂಡಾನ ಪಾಡಿಲೀನ್ ದರ‍್ಯಾವ್‌ಮ ಫೇಕಿನ್ ಅಮ್‌ಬೋಲ್ಯೊ; ಮೋಟಿ ನಂಗ್ರೀನು ಬಾಬೆಲ್ ಆ ವದೇಖ್ಹ್‌ಥಿ ಫೇಕ್ಶೇಕಿ ಬಿಜು಼ ಕೆದೇಬಿ ದೆಖಾವ್‌ಶೇಸ್‌ ಕೊಯ್ನಿ.

ಪ್ರಕಾಶಿತ್ 18:21 ပူးပေါင်းရင်းမြစ်များ

ಪ್ರಕಾಶಿತ್ 10:1

ಅನಪಾರ್ ತಾಖತ್‌ವಾಳೊ ಹುಯಿರೋತೆ ಬಿಜೇಕ್‌ ದೇವ್‌ನೊ ದೂತ ಸೊರ್ಗಾಥು ಉತ್ರಿನ್ ಆವಾನು ಮೇ ದೇಖ್ಯೊ.ಇನೆ ವಾದ್‍ಳಾನ ಫೇರಿರಾಖ್ಯೊಥೊ. ಇನ ಮುಡ್‌ಕ್ಯಾನ ಉಪ್ಪರ್ ವಾದ್‌ಳಾನಿಧೂಣ್‌ ಥು. ಇನು ಮ್ಹೋಡು ಚಾ಼ಂದ್‌ನಿತರ ಇನ ಗೋಡ ಆಗ್ನ ಖಮ್‌ನಿತರ ಥಾ.

ಪ್ರಕಾಶಿತ್ 12:8

ಕತೋಬಿ ಯೊ ಅರ್ಝ಼ನ ತಾಖತ್‌ಕೊಂತೆ ಹರಿಗಯು. ಅಮ್ ಸೊರ್ಗಾಮ ಇವ್ಣುನಾಬಿ ಝ಼ಗೊ ಮಳ್ಯುಕೊಯ್ನಿ.

ಪ್ರಕಾಶಿತ್ 16:20

ತದೆ ಹರೇಕ್ ಟಾಪು ನಾಖ್ಹಿಜೈ಼ನ್ ಛ಼ಪಿಗು ಪಹಾಡ್‌ಖ್ಹಾರು ಡೋಳೇಥಿ ಲಪಿಗಯು.

ಪ್ರಕಾಶಿತ್ 18:10

ಯೋ ಹಾಲ್ನ ದೇಖಿನ್ ರಾಜ಼ವ್‌ಖ್ಹಾರು ಡರಿನ್ ದೂರ್ ಭೀರಿನ್ “ಅಲಿ ಮೋಟಿ ನಂಗ್ರಿ ಬಾಬೆಲ್ ಖ್ಹಯೇರ್ ತುನ ದೆವಾಯುತೆ ತೀರ್ಪ್ ಎಕ್ಕಸ್ ಘಡೀಮ ಅಯಿಗೂನಿ” ಕರಿ ಪಸ್ತಾವ್‌ಷೆ.

ಪ್ರಕಾಶಿತ್ 18:22

ಬಾಬೆಲ್ ತಾರಾಮ ಖ್ಹಾರಂಗ ವಾಳುಬಿ, ವಾಜ಼ವಜ಼ಂತ್ರಿ ವಾಳೂಬಿ, ವಾಖ್ಹ್‌ಳಿ ವಜಾ಼ಡವಾಳುಬಿ, ತುತ್ತೂರಿವಾಳು ಆ ಅಖ್ಖಾನು ಅವಾಜ಼್ ಬಿಜು಼ ಕೆದೇಬಿ ಖ್ಹಮಜ಼್‌ಪಡ್‌ಶೆ ಕೊಯ್ನಿ. ಖೆವೀಬಿ ಥರಾನು ಬೇಪಾರಿಬಿ ತಾರಮ ಬಿಜು಼ ಕೆದೇಬಿ ದೆಖಾವ್‌ಶೆ ಕೊಯ್ನಿ. ದಳಾನಿ ಘಟ್ಟೀನು ಅವಾಜ಼್ ತಾರಮ ಅಜು಼ ಕೆದೇಬಿ ಕೊ ಖ್ಹಮಜ಼್‌ಪಡ್‌ಶೇನಿ.

ಪ್ರಕಾಶಿತ್ 20:11

ಇನಪಾರ್ ಧೋಳುಫಟ್ ಥೂತೆ ಮೋಟಿ ಸಿಂಹಾಸನ್‌ಬಿ ಇನಪರ್ ಬೆಠೊರ‍್ಹಾವಳನಾಬಿ ದೇಖ್ಯೊ.ಇನಖ್ಹಾಮ್ಣೇಥು ಸೊರ್ಗ ಧರ್ತಿ ನಾಶಿಗಯು. ಕತೋಬಿ ಇವ್ಣುನ ಜಾ಼ವನ ಝಗೋಕೋಥೂನಿ.

ಪ್ರಕಾಶಿತ್ 5:2

ಅತ್ರೇಸ್ ಕಾಹೆತೆ ಏಕ್‌ ಶಕತ್ನೊ ದೇವ್ನದೂತನೆ ಊಚಿ ಅವಾಜ಼್‌ಥಿ ಚಿಕ್ರಿನ್ “ಆ ಮುದ್ರಾವ್ನ ಫೋಡಿನ್, ಪುಂಗ್‌ಳಿನ ಛೋ಼ಡಾನ ಕೋಣ್ ಯೋಗ್ಯ?” ಕರಿ ಬೋಲಾವ್‌ಕರ್ತೊಥೊ.