ಪ್ರಕಾಶಿತ್ 18:18 - ದೇವ್ನಿ ಖ್ಹಾಚಿ ವಚನ್

¹⁸ ಯೊ ಹುಯಿರ‍್ಹೀತೆ ಭುಂಜಾ಼ವನು ಧುವ್ವಾನ ದೇಖಿನ್ ಆ ಮೋಟಿ ನಂಗ್ರಿನ ಸಮಾನ್ ಖಿವು? ಕರಿ ಅವಾಗ್‌ಮಾಂಡ್‌ಷೆ.

ಪ್ರಕಾಶಿತ್ 18:18 ပူးပေါင်းရင်းမြစ်များ

ಪ್ರಕಾಶಿತ್ 13:4

ಅರ್ಝ಼ನ ಯೊ ಜಾನ್ವರ್‌ನ ಅದಿಕಾರ್ ದಿರಾಖ್ಯೊತೆಖ್ಹಾಜೆ ಇವ್ಣೆ ಯೊ ಅರ್ಝ಼ನ ಆರಾದನೆಕರ‍್ಯು. ಅಜು಼ ಇವ್ಣೆ “ಯೋ ಜಾನ್ವರ್‌ನಾಬಿ ಅರಾದನೆ ಕರೀನ್, ಆ ಜಾನ್ವರ್‌ನ ಬರೋಬರಿ ಕೋಣ್ ಛಾ಼? ಅನ ವಿರೋದ್ ಜಂಗ್ ಭಿಡಾನ ಕೋಣ್ ಶಕತ್‌ವಾಳು? ಕರಿ ಬೋಲ್ಯು.

ಪ್ರಕಾಶಿತ್ 14:11

ಎಥ್ರಾನವಾಳನೆ ಖ್ಹತಾಪ್ಣಿನೊ ಧುವೊ ಜ಼ಗ್‌ಜ಼ಮಾನಮಾಬಿ ಛ಼ಡುಕರ್ಷೆ, ಜಾನ್ವರ್‌ನ ಅಜು಼ ಇನ ಮೂರತ್ನ ಖ್ಹಲಾಮ್ ಕರವಾಳು ರ‍್ಹವೊ, ಇನ ನಾಮ್ನ ಖ್ಹಣೇದ್ನ ನಖೈರಾಖವಳೊ ರ‍್ಹವೊ ರಾತ್‌ಬಿ ದನ್ ಅರಾಮ್‌ಕೊಂತೆ ರ‍್ಹಿಶೆ ಕರಿ ಮೋಟಿ ಅವಾಜ಼್‌ಥಿ ಬೋಲ್ಯೊ.

ಪ್ರಕಾಶಿತ್ 16:19

ಮೋಟು ನಂಗರ್ ತೀನ್ ಭಾಗ್‌ ಹುಯಿನ್ ಚೀರೈಗು ಅಜು಼ ಜ಼ಗ್‌ಜಾ಼ತ್‌ನು ನಂಗ್ರಿಖ್ಹಾರು ಪಡೀಗು. ತದೆ ದೇವ್ನೆ ಬಾಬೆಲ್‌ನ ಖ್ಹಯಾಲ್ ಕರೀನ್ ಇನು ಘಣು ಇರಾದೊ ಕರಿ ಬೋಲಾನು ದ್ರಾಕ್ಷಿನ ರಖ್ಹ್‌ಥಿ ಭರಾಯುಹುಯು ಕಟೋರಾನ ಯೊ ನಂಗರ‍್ನ ದಿದೊ.

ಪ್ರಕಾಶಿತ್ 18:16

‘ಹಾಯ್! ಹಾಯ್! ಮೋಟಿ ನಂಗ್ರಿ ತುನ ಕೆಥ್ರಾನಿ ಖರಾಬ್ ಹಾಲತ್! ರಾಯ್‌ಜಾ಼ಮಣ್ಣ ರಂಗ್ನು ಅಜು಼ ಲಲೇಲಾಲ್ ರಂಗ್ನು ಪೆರ್ವಾಖ್ಹ್‌ನ ಫೇರಿಲಿನ್, ಖ್ಹೊನ್ನು, ಹೀರೊ, ಮುತ್ತ್, ಆ ಅಖ್ಖಾಥಿ ಶನ್‌ಗಾರ್ ಹುಯಿರ‍್ಹಿಥೀತೆ ಇನ ಕಿಮ್ಕಿ ಖರಾಬ್ ಹಾಲ್‌ ಚಾ಼ಲಿಗಿ.