ಪ್ರಕಾಶಿತ್ 18:15 - ದೇವ್ನಿ ಖ್ಹಾಚಿ ವಚನ್

¹⁵ ಯೋ ಖ್ಹಾರು ಜಿನಖ್ಹ್‌ ವೇಚಿನ್ ಇನೇಥಿ ಶೌಕಾರ್ ಹುಯೂಥೂತೆ ಬೇಪಾರಿ ಖ್ಹಾರು ದೂರ್‌ಮ ಭೀರಿನ್ ಯೊ ಹುಯಿರಿತೆನ ಅಜಾ಼ನಿ ಕುರ್‌ಲ್ಹಾಟಿನ ಖ್ಹಾಜೆ ಡರಿನ್ ದುಖ್‌ಥಿ ರದನ್ಯ ಕರ್ತೊಹುಯಿನ್;

ಪ್ರಕಾಶಿತ್ 18:15 ပူးပေါင်းရင်းမြစ်များ

ಮಾರ್ಕ 11:17

ಅಜು಼ ಯೇಸುನೆ ದೇವ್ನಿ ವಚನ್ನ ಬೋಲಿ ದೇತೊಹುಯಿನ್, “ದೇವ್ನೆ ಬೋಲ್ಯೊತೆ ಇಮ್‌, ‘ಮಾರಿ ಮಂದಿರ್‌ ಖ್ಹಾರ ಜಾ಼ತ್‌ವಾಳ ಅದ್ಮಿನ ಪ್ರಾರ್ಥನೆನು ಘರ್ ಕರಿ ಬೋಲೈಲೀಶೆ’ ಕರಿ ಲೀಖೈರ‍್ಹೂಸ್‌ನಿ? ಕತೋಬಿ ತುಮೆ ಅನ ಚೋ಼ರ್‌ನಿ ಘವಿ ಬಣೈರಾಖ್ಯಾಸ್!” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:19

ಯೋ ದೆಖ್ಯೊತೆ ದಾಸಿನೊ ಯಜಮಾನ್ನೆ ರಪ್ಯ ಕಮಾವನು ಉಷೆ ಕೊಯ್ನಿಕರಿ ಮಾಲುಮ್ ಕರಿಲಿನ್, ಪೌಲನಾಬಿ ಸೀಲನ ನಂಗರ‍್ನ ನ್ಯಾವ್ನ ಅದಿಕಾರಿಕನ ಖೇಚಿಲಿಗು.

ಪ್ರಕಾಶಿತ್ 18:12

ಅವ್ಣೆ ಖ್ಹೊನ್ನು, ರೂಪು, ಹೀರೊ, ಮುತ್ತ್‌, ಕೋರು ಲುಂಗ್ಡು, ರಾಯಿಜಾ಼ಮಣ್ಣ ರಂಗ್ನು ಲುಂಗ್ಡು, ರೇಖ್ಹಮ್‌ನುಲುಂಗ್ಡು ಅಜು಼ ಲಲೇಲಾಲ್ ಪೇರ್ವಾಖ್ಹ್‌ನಾಬಿ ಅಖ್ಖೀಸ್ ಥರಾನು ಲಾಕ್ಡಾನು ರಾಛು಼, ಅಜು಼ ಹತ್ತಿನದಾತ್ನು ಜಿನಖ್ಹ್‌, ಘಣ ಮೋಲ್ನುಝಾ಼ಡ್, ತಾಂಬು, ಲ್ಹೋಡು, ಅಮೃತಶಿಲೆ ವೇಚು಼ಕರ್ತುಥು.

ಪ್ರಕಾಶಿತ್ 18:13

ಅಜು಼ ಲೋಂಗ್‌ಪಟು, ಮಖ್ಹಾಲೊ, ಖ್ಹಾಲರ‍್ಯೊ, ರಕ್ತಬೋಳ, ವಾನುತೇಲ್, ದ್ರಾಕ್ಷಿನೊ ರಖ್ಹ್‌, ತೇಲ್, ಕವ್‌ಳೊ ಆಟೊ, ಘವ್‌, ಢಾಂಡು, ಮೇಂಢು, ಘೋಡೊ, ರಥ್, ಗುಲಾಮ್, ಅದ್ಮಿ ಜಾನ್‌ ಅಖ್ಖು, ಆ ಖ್ಹಾರು ಅಪ್ಣ ಜಿನಖ್ಹ್‌ನಲ್ಯಾವಳು ಕೊಯ್ನಿಕರಿ ಬೋಲ್ತುಹುಯಿನ್ ದುಖ್ ಕರ್ಶೆ.

ಪ್ರಕಾಶಿತ್ 18:14

“ತುನೆ ತರ್‌ಖ್ಹ್ಯೊತೆ ಫಲ್‌ಖ್ಹಾರು ತುನ ಮ್ಹೇಲಿನ್ ಚ಼ಲಿಗಯು. ತಾರು ಅಖ್ಖೂಸ್ ವೈಭೋಗ್‌ಖ್ಹಾರು ಬಿಜು಼ ಖುಷೀನ ಜಿವ್ಣಾನಿ ಶನ್‌ಗಾರ್ ಖ್ಹಾರು ತಾರೇಥಿ ನಾಶ್‌ಹುಯಿಗು. ಯೋ ತುನ ಪಾಛು಼ ಕೆದೇಬಿ ಮಳ್‌ಶೇಸ್ ಕೊಯ್ನಿ”.

ಪ್ರಕಾಶಿತ್ 18:19

ತದೆ ಇವ್ಣೆ ಮಾಥಪರ್‌ ಮಾಟಿನ ರಂಚಿಲಿನ್ ಚಿಕರ್ತುಹುಯಿನ್, ಹಾಯ್, ಹಾಯ್, ದರ‍್ಯಾವ್‌ಪರ್ ಜಾ಼ವಾಳು ಜ಼ಹಾಜ಼್‌ವಾಳು ಅಖ್ಖೂಬಿ ಇನ ಮೋಲ್ನು ಧನ್‌ ದೌಲತ್‌ಥೀಸ್ ಶೌಕಾರ್ ಹುಯುಥೂನಿ, ಆ ಹೈರ‍್ಹಿತೆ ಎಕ್ಕಸ್ ಘಡೀಮ ನಾಶ್‌ ಹುಯ್ಗೀನಿ’ ಕರಿ ದುಖ್‌ಥಿ ರದನ್‌ಕರ‍್ಯು.

ಪ್ರಕಾಶಿತ್ 18:3

ಅಖ್ಖಾಸ್ ದೇಖ್ಹ್‌ನು ತಾಖತ್ತಿ ಇನು ವ್ಯಬಿಚಾರ್ ಕರಿ ಬೋಲಾನು ಖಾರಕ್ನು ದ್ರಾಕ್ಷಿನ ರಖ್ಹ್‌ನ ಪೀದು. ಜ಼ಮೀನ್ನ ರಾಜ಼ವ್‌ಖ್ಹಾರು ಇನಿಜೋ಼ಡೆ ವ್ಯಬಿಚಾರ್‌ ಕರ‍್ಯು. ಇನು ಭೋಗ್‌ನು ಖುಷಿಥಿ ಜ಼ಮೀನ್ನು ಬೇಪಾರಿ ಖ್ಹಾರು ಶೌಕಾರ್ ಹುಯಿಗು ಕರಿ ಬೋಲ್ಯೊ.