ಪ್ರಕಾಶಿತ್ 18:14 - ದೇವ್ನಿ ಖ್ಹಾಚಿ ವಚನ್

¹⁴ “ತುನೆ ತರ್‌ಖ್ಹ್ಯೊತೆ ಫಲ್‌ಖ್ಹಾರು ತುನ ಮ್ಹೇಲಿನ್ ಚ಼ಲಿಗಯು. ತಾರು ಅಖ್ಖೂಸ್ ವೈಭೋಗ್‌ಖ್ಹಾರು ಬಿಜು಼ ಖುಷೀನ ಜಿವ್ಣಾನಿ ಶನ್‌ಗಾರ್ ಖ್ಹಾರು ತಾರೇಥಿ ನಾಶ್‌ಹುಯಿಗು. ಯೋ ತುನ ಪಾಛು಼ ಕೆದೇಬಿ ಮಳ್‌ಶೇಸ್ ಕೊಯ್ನಿ”.

ಪ್ರಕಾಶಿತ್ 18:14 ပူးပေါင်းရင်းမြစ်များ

ಮತ್ತಾಯ 11:8

ಕೊಯ್ನಿಕತೊ, ಶಾತ್‌ ದೇಕ್ಣುಕರಿ ಗಯಾಥ? ಶನ್ಗಾರ್‌ನ ಲುಂಗ್ಡ ಪೇರ‍್ಹಿರಾಖಾಸ್ತೆ ಅದ್ಮಿನಾಕಿ ಶು? ಅಛ಼್ಛ ಶನ್‌ಗಾರ‍್ನಲುಂಗ್ಡಾ ಪೇರ‍್ಹಿರಾಖಾಸ್ತೆ ಖ್ಹಾರು ರಾಜಾ಼ನ ಮಹೇಲ್‌ಮ ರ‍್ಹೇಸ್‌!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:20

ಕತೋಬಿ ದೇವ್ ಇನ, “ಬಿಣ್‍ಅಕ್ಲಿ, ಆ ರಾತೇಸ್ ತಾರ ಜಾನ್ನ ಕಾಡಿಲಿಶೆ; ತದೆ ತುನೆ ತಾರಖ್ಹಾಜೆ ಜ಼ಮಾಕರೀನ್ ಮ್ಹೇಲಿರಾಖ್ಯೊತೆ ಯೋ ಖ್ಹಾರು ಕಿನ ಉಶೆ?” ಕರಿ ಪುಛಾ಼ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:25

ಕತೋಬಿ ಅಬ್ರಹಾಮ್‌ನೆ ಇನ, “ಛಿಯ್ಯಾ, ತುನೆ ಆಖ್ಹ್ ಕರ‍್ಯೊತೆ ಖ್ಹಾರೀಸ್‍ ಖ್ಹುಶಿ, ತಾರಿ ಜಿ಼ಂದ್‌ಗೀಮ ತುನ ಮಳ್ಯು. ಇಮ್ಮಸ್, ಲಾಜ಼ರ್‌ನೆ ಲತಾಡ ಪಡ್ಯೊ ಕರಿ ಬೋಲಾನು ಯಾದ್ ಕರಿಲೆ. ಕತೋಬಿ ಹಮ್ಕೆ ಹಜ಼್ಜಾ ಅನ ಸಮಾಧಾನ್ ಛಾ಼, ಕತೋಬಿ ತುನ ಖ್ಹತಾಪ್ಣಿ ಮಳಿರ‍್ಹೀಸ್.

1 ಕೊರಿಂಥ 10:6

ಇವ್ಣೆ ಕರ‍್ಯುತೆ ತಿಮ್ ಅಪ್ಣೇಬಿ ಖರಾಬ್‍ಅಖ್ಖಾನ ಆಖ್ಹ್ ನಾಕರ‍್ನುಕರಿ ಝೇತಾವ್ಣಿ ಹುಯಿನ್ ಆ ಹಮ್ಕೆ ಅಪ್ಣುನ ಸಾಕ್ಷಿ ಹುಯಿರುಸ್.

ಯಾಕೋಬ 4:2

ತುಮೆ ಹರಖ್ಹ್‌ಯತೋಬಿ ಲೀದಾಕೊಯ್ನಿತೇಸ್ ಛಾ಼. ತುಮೆ ಖೂನಿ ಕರ‍್ಯತೋಬಿ. ಪೇಟ್ನ ಬಳಾಪೊ ಕರ‍್ಯತೋಬಿ ಅಖ್ಹ್‌ಕರ‍್ಯಹುಯನ ಕಮೈಲೆಯಿಕೊಯ್ನಿ; ತುಮೆ ಲಡೈ ಪಡೋಸ್‍, ಜಂಗ್ ಭಿಡೋಸ್‍. ಕತೋಬಿ ತುಮೆ ದೇವ್ನ ಬಿಂತಿ ಕರೆಲೇಯಿಕೊಂತೆ ಇನಟೇಕೆ ತುಮುನ ಶಾತ್ಬಿ ಮಳಕೊಯ್ನಿ.

ಪ್ರಕಾಶಿತ್ 18:13

ಅಜು಼ ಲೋಂಗ್‌ಪಟು, ಮಖ್ಹಾಲೊ, ಖ್ಹಾಲರ‍್ಯೊ, ರಕ್ತಬೋಳ, ವಾನುತೇಲ್, ದ್ರಾಕ್ಷಿನೊ ರಖ್ಹ್‌, ತೇಲ್, ಕವ್‌ಳೊ ಆಟೊ, ಘವ್‌, ಢಾಂಡು, ಮೇಂಢು, ಘೋಡೊ, ರಥ್, ಗುಲಾಮ್, ಅದ್ಮಿ ಜಾನ್‌ ಅಖ್ಖು, ಆ ಖ್ಹಾರು ಅಪ್ಣ ಜಿನಖ್ಹ್‌ನಲ್ಯಾವಳು ಕೊಯ್ನಿಕರಿ ಬೋಲ್ತುಹುಯಿನ್ ದುಖ್ ಕರ್ಶೆ.

ಪ್ರಕಾಶಿತ್ 18:15

ಯೋ ಖ್ಹಾರು ಜಿನಖ್ಹ್‌ ವೇಚಿನ್ ಇನೇಥಿ ಶೌಕಾರ್ ಹುಯೂಥೂತೆ ಬೇಪಾರಿ ಖ್ಹಾರು ದೂರ್‌ಮ ಭೀರಿನ್ ಯೊ ಹುಯಿರಿತೆನ ಅಜಾ಼ನಿ ಕುರ್‌ಲ್ಹಾಟಿನ ಖ್ಹಾಜೆ ಡರಿನ್ ದುಖ್‌ಥಿ ರದನ್ಯ ಕರ್ತೊಹುಯಿನ್;