ಪ್ರಕಾಶಿತ್ 18:10 - ದೇವ್ನಿ ಖ್ಹಾಚಿ ವಚನ್

¹⁰ ಯೋ ಹಾಲ್ನ ದೇಖಿನ್ ರಾಜ಼ವ್‌ಖ್ಹಾರು ಡರಿನ್ ದೂರ್ ಭೀರಿನ್ “ಅಲಿ ಮೋಟಿ ನಂಗ್ರಿ ಬಾಬೆಲ್ ಖ್ಹಯೇರ್ ತುನ ದೆವಾಯುತೆ ತೀರ್ಪ್ ಎಕ್ಕಸ್ ಘಡೀಮ ಅಯಿಗೂನಿ” ಕರಿ ಪಸ್ತಾವ್‌ಷೆ.

ಪ್ರಕಾಶಿತ್ 18:10 ပူးပေါင်းရင်းမြစ်များ

ಪ್ರಕಾಶಿತ್ 11:8

ಆ ಸಾಕ್ಷಿನು ಬೇ ಮಖ್ಹಾಣ್ಯು ಮಹಾ ನಂಗರ‍್ನ ಗಲ್ಲೀಮ ಪಡ್ಯುರ‍್ಹಿಶೆ. ಆ ಖ್ಹಯೇರ‍್ನ ಖ್ಹಣೇದ್‌ಹುಯಿನ್ ಸೊದೋಮ್ ಕರಿಬಿ, ಈಜಿಪ್ಟ್ ಕರಿಬಿ ನಾಮ್ ಛಾ಼. ಇವ್ಣೊ ಪ್ರಭು ಜಿನುಕು ಹಿಜ್ಜಾ಼ಸ್ ಶಿಲ್‌ಬೇಪರ್ ಮಾರಾಯೊಥೊ.

ಪ್ರಕಾಶಿತ್ 14:8

ಇನ ಪೀಠೆ ಬೇನೊ ದೇವ್ನದೂತನೆ ಐನ್, “ರಡ್ಕಿಗೈ, ರಡ್ಕಿಗೈ, ಬಾಬೆಲ್‌ಕರಿ ಹುಯಿರಿತೆ ಮೋಟಿ ನಂಗ್ರಿ ರಡ್ಕಿಗೈ! ಹೈರಿತೆ ಹರೇಕ್ ಜ಼ಗ್‌ಜಾ಼ತ್‌ವಾಳಾನ ವ್ಯಬಿಚಾರ್‌ಕರಿ ಬೋಲಾನ ದ್ರಾಕ್ಷಿನ ರಖ್ಹ್‌ನ ಪಿಡೈದಿದಿ” ಕರಿ ಬೋಲ್ಯೊ.

ಪ್ರಕಾಶಿತ್ 16:19

ಮೋಟು ನಂಗರ್ ತೀನ್ ಭಾಗ್‌ ಹುಯಿನ್ ಚೀರೈಗು ಅಜು಼ ಜ಼ಗ್‌ಜಾ಼ತ್‌ನು ನಂಗ್ರಿಖ್ಹಾರು ಪಡೀಗು. ತದೆ ದೇವ್ನೆ ಬಾಬೆಲ್‌ನ ಖ್ಹಯಾಲ್ ಕರೀನ್ ಇನು ಘಣು ಇರಾದೊ ಕರಿ ಬೋಲಾನು ದ್ರಾಕ್ಷಿನ ರಖ್ಹ್‌ಥಿ ಭರಾಯುಹುಯು ಕಟೋರಾನ ಯೊ ನಂಗರ‍್ನ ದಿದೊ.

ಪ್ರಕಾಶಿತ್ 17:12

ತುಮೆ ದೇಖ್ಯಾತೆ ಯೋ ದಖ್ಹ್‌ ಶಿಂಗ್ಡಾಖ್ಹಾರು ಬಿಜೂ಼ಬಿ ರಾಜ಼್ ಲೀರಾಖ್ಯುಕೊಂತೆ ದಖ್ಹ್‌ ರಾಜ಼ವ್‌ಖ್ಹಾರು ಹುಯಿರಾಸ್. ಕತೋಬಿ ಯೋ ಖ್ಹಾರು ಜಾನ್ವರ್‌ನಿ ಜೋ಼ಡ್ಮ ಏಕ್‌ ಘಂಟಾಲಗು ರಾಜ್ಯ ಚ಼ಲಾವನ ಇವ್ಣೆ ಅದಿಕಾರ್ ಲಿಶೆ.

ಪ್ರಕಾಶಿತ್ 18:18

ಯೊ ಹುಯಿರ‍್ಹೀತೆ ಭುಂಜಾ಼ವನು ಧುವ್ವಾನ ದೇಖಿನ್ ಆ ಮೋಟಿ ನಂಗ್ರಿನ ಸಮಾನ್ ಖಿವು? ಕರಿ ಅವಾಗ್‌ಮಾಂಡ್‌ಷೆ.

ಪ್ರಕಾಶಿತ್ 18:19

ತದೆ ಇವ್ಣೆ ಮಾಥಪರ್‌ ಮಾಟಿನ ರಂಚಿಲಿನ್ ಚಿಕರ್ತುಹುಯಿನ್, ಹಾಯ್, ಹಾಯ್, ದರ‍್ಯಾವ್‌ಪರ್ ಜಾ಼ವಾಳು ಜ಼ಹಾಜ಼್‌ವಾಳು ಅಖ್ಖೂಬಿ ಇನ ಮೋಲ್ನು ಧನ್‌ ದೌಲತ್‌ಥೀಸ್ ಶೌಕಾರ್ ಹುಯುಥೂನಿ, ಆ ಹೈರ‍್ಹಿತೆ ಎಕ್ಕಸ್ ಘಡೀಮ ನಾಶ್‌ ಹುಯ್ಗೀನಿ’ ಕರಿ ದುಖ್‌ಥಿ ರದನ್‌ಕರ‍್ಯು.

ಪ್ರಕಾಶಿತ್ 18:21

ತದೆ ಘಣಿ ಶಕತ್ನ ಏಕ್‌ ದೇವ್‌ದೂತನೆ ದಳಾನಿ ಘಟ್ಟಿನಿತರಾನು ಏಕ್‌ ಮೋಟ ಬಂಡಾನ ಪಾಡಿಲೀನ್ ದರ‍್ಯಾವ್‌ಮ ಫೇಕಿನ್ ಅಮ್‌ಬೋಲ್ಯೊ; ಮೋಟಿ ನಂಗ್ರೀನು ಬಾಬೆಲ್ ಆ ವದೇಖ್ಹ್‌ಥಿ ಫೇಕ್ಶೇಕಿ ಬಿಜು಼ ಕೆದೇಬಿ ದೆಖಾವ್‌ಶೇಸ್‌ ಕೊಯ್ನಿ.

ಪ್ರಕಾಶಿತ್ 18:8

ಇನಖ್ಹಾಜೆ ಖ್ಹತಾಪ್ಣಿ, ಮರಣ್, ಮೋಟೊ ರೋಗ್, ಎಕ್ಕಸ್ ದನ್ಮ ಆವ್‌ಶೆ. ಇನ ತೀರ್ಪ್‌ ದ್ಯವಾಳೊ ಪ್ರಭು ದೇವ್ ಶಕತ್‌ವಾಳೊ ಹುಯಿರ‍್ಹೋಸ್ತೆ ಇನಖ್ಹಾಜೆ ಯೊ ಹೈರ‍್ಹಿತೆ ಆಗ್‌ಥಿ ನಾಶ್‌ ಹುಯಿಜಾ಼ಶೆ