ಪ್ರಕಾಶಿತ್ 17:6 - ದೇವ್ನಿ ಖ್ಹಾಚಿ ವಚನ್

⁶ ಯೋ ತಯೇಡ ನೀತಿವಾಳನ ಲ್ಹೋಯಿನ ಅಜು಼ ಯೇಸುನ ಖ್ಹಾಜೆ ಸಾಕ್ಷಿದೀನ್ ಮರ‍್ಯಹುಯಾನ ಲ್ಹೋಯಿನ ಪೀನ್ ಕಯೇಪ್ ಹುಯಿರ‍್ಹವಾಳಿನ ದೇಖ್ಯೊ. ಮೇ ಇನ ದೇಖಿನ್ ಘಣು ಆಶ್ಚರ್ಯ ಹುಯೊ.

ಪ್ರಕಾಶಿತ್ 17:6 ပူးပေါင်းရင်းမြစ်များ

ಯೋಹಾನ 2:10

ಅಖ್ಖುಜ಼ಣು ಅಛ್ಛು಼ ದ್ರಾಕ್ಷಿನು ರಖ್ಹ್‌ನ ಪಹಿಲೆ ದೀನ್ ನಿಷಾಛ಼ಡಿಗತೊ ತದೆ ಮಾಮುಲಿನ ರಖ್ಹ್‌ನ ದೇಸ್. ತೂತೊ ಅಛ಼್ಛ ದ್ರಾಕ್ಷಿನ ರಖ್ಹ್‌ನ ಹಮ್ಕೆಲಗು ದೀರಾಖ್ಯೊಸ್ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:20

ಅಜು಼ ತಾರಿ ಸಾಕ್ಷಿ ಹುಯಿರೋತೆ ಸ್ತೆಫನನು ಲ್ಹೋಯಿ ರಂಚಾ಼ವನಿ ವಖ್ಹ್‌ತೆ, ಮೇಬಿ ಇನ ಮಾನಿನ್ ಇನ ಮಾರವಾಳಾನು ಝ಼ಗ್ಗಾಕನ ಟಿವೈನ್ ಭೀಯೊಥೋನಿ, ಕರಿ ಇವ್ಣೆ ಮಾಲುಮ್ ಕರಿರಾಖವಳು ಹುಯಿರುಸ್.

ಪ್ರಕಾಶಿತ್ 12:11

ಇವ್ಣೆ ಮರಣ್‌ಲಗೂಬಿ ಭೈಯೇ ಭೇನೆನ ಇವ್ಣ ಜಾನ್ನ ಪ್ಯಾರ್ ಕರ‍್ಯಕೊಂತೆ, ಮೇಂಢಾನ ಚೆಲ್ಕುಹುಯಿರ‍್ಹವಾಳನ ಲ್ಹೋಯಿಥಿಬಿ ಇನು ಸಾಕ್ಷಿನು ಅಜು಼ ಬೋಲಾಯುತೆ ವಚನ್‌ಥಿಬಿ ಇನ ಜೂತಿಲಿದು.

ಪ್ರಕಾಶಿತ್ 13:15

ಆ ನಾಹುಯಿನ್ ಆ ಬೇನು ಜಾನ್ವರ್‌ನ ಮೂರತ್ನ ಜಾನ್‌ ದ್ಯವಾನಿ ತಾಖತ್‌ಬಿ ಮಳ್ಯು. ಇನ ಖ್ಹಲಾಮ್ ಕರಾಕೊಂತೆ ಖ್ಹಾರಸ್ನ ಮರ್‌ನಾಖನಿ ಶಕತ್ ಇನಥು.

ಪ್ರಕಾಶಿತ್ 13:7

ಆ ನಾಹುಯಿನ್ ದೇವ್ನ ಪರಿಶುದ್ಧ ಅದ್ಮಿವ್‌ಪರ್ ಜಂಗ್ ಭೀಡಿನ್ ಇವ್ಣುನ ಹರಾವನಿ ಅದಿಕಾರ್ ದೆವಾಯು ಅಜು಼ ಅಖ್ಖೀಸ್ ಖೂಮ್‌, ಬೋಲಿ, ಲೋಗ್, ಜ಼ಗ್‌ಜಾ಼ತ್‌ಪರ್ ಇನ ಅದಿಕಾರ್ ದೆವಾಯು.

ಪ್ರಕಾಶಿತ್ 16:6

ಯೊ ಅದ್ಮಿಖ್ಹಾರು ದೇವ್ನು ಅದ್ಮಿವ್‌ನು ಅಜು಼ ಪ್ರವಾದಿ ಖ್ಹಾರಾನು ಲ್ಹೋಯಿನ ರಂಚ್ಯೂತೆಖ್ಹಾಜೆ ತುನೆ ಇವ್ಣುನ ಯೋ ಲ್ಹೋಯಿನ ಪಿಯಾನ ದಿದೊ. ಇವ್ಣುನ ಯೋಸ್ ಬರೊಬರ‍್ನು ಕಿಮ್ಮತ್ ಕರಿ ಬೋಲಾನು ಮೆ ಖ್ಹಮ್‌ಜ್ಯೊ.

ಪ್ರಕಾಶಿತ್ 2:13

ತೂ ಜಿವ್ಣುಕರುಕರಾತೆ ಝ಼ಗೊ ಮಾಲುಮ್ ಕರಿರಾಖ್ಯೊಸ್, ಯೋ ಶೈತಾನ್ನು ಸಿಂಹಾಸನ್ನು ಝ಼ಗೊ ಹುಯಿರ‍್ಹುಸ್. ತೂ ಮಾರ ನಾಮ್ನ ಘಟ್‍ಥಿ ಧರಿರಾಖ್ಯೊಸ್. ಶೈತಾನ್ನು ಘರ್ ಹುಯಿರ‍್ಹೂತೆ ತಾರ ಖ್ಹಯೇರ್‌ಮ ಮನ ವಿಶ್ವಾಸ್‌ವಾಳೊ ಸಾಕ್ಷಿ ಹುಯಿರೊಥೋತೆ ಅಂತಿಪ ಮರೈಜಾ಼ವನಿ ವಖ್ಹ್‌ತೆಬಿ ಮಾರಾಮ ಮಿಛಾ಼ಣ್ಯೊಥೊತೆ ವಿಶ್ವಾಸ್ ಧಖೆಲ್ಯೊಕೊಯ್ನಿ.