ಪ್ರಕಾಶಿತ್ 17:16 - ದೇವ್ನಿ ಖ್ಹಾಚಿ ವಚನ್

¹⁶ ಆ ನಾಹುಯಿನ್ ತುನೆ ದೇಖ್ಯೋತೆ ದಖ್ಹ್‌ ಶಿಂಗ್ಡಾಖ್ಹಾರು ಅಜು಼ ಜಾನ್ವರ್‌ನ ದೇಖ್ಯೋನಿ? ಯೋ ಖ್ಹಾರುಸ್ ವ್ಯಭಿಚಾರಿಣಿನ ವಹೇರ್‌ ಕರೀನ್, ಇನ ಖ್ಹದ್ದರ್‌ಕೊಂತೆ ರ‍್ಹವಾಳಿನಿ ಘೋಣಿಬಿ ಲುಂಗ್ಡು ನಾರ‍್ಹವಾಳಿನಿ ಘೋಣಿಬಿ ಕರೀನ್ ಇನಿ ಬೋಟಿನ ಖೈನ್, ಹೈರಿತೆನ ಆಗ್‌ಮ ಬಾಳಿನಾಕ್‌ಷೆ.

ಪ್ರಕಾಶಿತ್ 17:16 ပူးပေါင်းရင်းမြစ်များ

ಪ್ರಕಾಶಿತ್ 12:3

ತದೆ ಆಕಾಶ್‌ಮ ಬಿಜೇಕ್ ಅದ್ಭುತ್ ದೆಖಾಯು; ಹಿಜ್ಜಾ಼ ಏಕ್‌ ಅರ್ಝ಼ ಥು. ಇನ ಖ್ಹಾತ್ ಮುಡ್‌ಕ್ಯಾಬಿ ದಖ್ಹ್‌ ಶಿಂಗ್ಡಾ ಥು. ಇನ ಮುಡ್‌ಕ್ಯಾವ್‌ಪರ್ ಖ್ಹಾತ್ ಕಿರೀಟ್‌ಖ್ಹಾರು ಥು.

ಪ್ರಕಾಶಿತ್ 16:12

ಛೋ಼ನ ದೇವ್ನದೂತಾನೆ ಇನ ಕಟೋರಮ ಥೂತೆಯಿನ ಯೂಫ್ರಟಿಸ್ ಕರಿ ಮೋಟಿ ನದ್ದೀಮ ರಂಚಾ಼ಖ್ಹತರ್ ಯೋ ಪಾಣಿ ಖ್ಹರೀನ್ ಪೂರಬ್ನು ಬಾಜು಼ಥು ಆವಾಳ ರಾಜಾ಼ವ್‌ನ ಮಾರಗ್ ತೈಯಾರ್‌ಹುಯು.

ಪ್ರಕಾಶಿತ್ 17:10

ಅತ್ರೇಸ್ ಕಾಹೆತೆ ಇವ್ಣಾಮ ಪಾಚ಼್ ರಾಜ಼ ಪಡಿಗಯ. ಏಕ್‌ ರಾಜ಼ ಹಮ್ಕೆ ಚ಼ಲವ್‍ಕರಸ್. ಅಜೇಕ್‌ಜ಼ಣೊ ಬಿಜೂ಼ಬಿ ಆಯೊಕೊಯ್ನಿ. ಯೊ ಆಯೋತೊ ಥೋಡ ಹಗಾಮ್ ಖಲಿ ರಾಜ಼್ ಚ಼ಲಾವ್‌ಷೆ.

ಪ್ರಕಾಶಿತ್ 18:19

ತದೆ ಇವ್ಣೆ ಮಾಥಪರ್‌ ಮಾಟಿನ ರಂಚಿಲಿನ್ ಚಿಕರ್ತುಹುಯಿನ್, ಹಾಯ್, ಹಾಯ್, ದರ‍್ಯಾವ್‌ಪರ್ ಜಾ಼ವಾಳು ಜ಼ಹಾಜ಼್‌ವಾಳು ಅಖ್ಖೂಬಿ ಇನ ಮೋಲ್ನು ಧನ್‌ ದೌಲತ್‌ಥೀಸ್ ಶೌಕಾರ್ ಹುಯುಥೂನಿ, ಆ ಹೈರ‍್ಹಿತೆ ಎಕ್ಕಸ್ ಘಡೀಮ ನಾಶ್‌ ಹುಯ್ಗೀನಿ’ ಕರಿ ದುಖ್‌ಥಿ ರದನ್‌ಕರ‍್ಯು.

ಪ್ರಕಾಶಿತ್ 18:8

ಇನಖ್ಹಾಜೆ ಖ್ಹತಾಪ್ಣಿ, ಮರಣ್, ಮೋಟೊ ರೋಗ್, ಎಕ್ಕಸ್ ದನ್ಮ ಆವ್‌ಶೆ. ಇನ ತೀರ್ಪ್‌ ದ್ಯವಾಳೊ ಪ್ರಭು ದೇವ್ ಶಕತ್‌ವಾಳೊ ಹುಯಿರ‍್ಹೋಸ್ತೆ ಇನಖ್ಹಾಜೆ ಯೊ ಹೈರ‍್ಹಿತೆ ಆಗ್‌ಥಿ ನಾಶ್‌ ಹುಯಿಜಾ಼ಶೆ

ಪ್ರಕಾಶಿತ್ 19:18

ರಾಜ಼ವ್ನಿ ಬೋಟಿನಾಬಿ, ಶಿಪಾಯ್ನ ಮೋಟಾನಿ ಬೋಟಿನಾಬಿ, ಅಜು಼ ಶಿಪಾಯ್ನ ಬೋಟೀನ, ಘೋಡಾವ್ನಿ ಬೋಟೀನ, ಘೋಡಾನು ಸವಾರಿವ್ನ ಬೋಟೀನ, ಛುಟ್ಕಾರ್ ಹುಯಿರ‍್ಹವಾಳನು, ಗುಲಾಮ್‌ಖ್ಹಾರನು, ನ್ಹಾನಾವ್ನು ಅಜು಼ ಮೋಟಾವ್ನು ಬೋಟೀನ ಖಾವನ ಆವೊ” ಕರಿ ಬೋಲ್ಯೊ.