ಪ್ರಕಾಶಿತ್ 16:8 - ದೇವ್ನಿ ಖ್ಹಾಚಿ ವಚನ್

⁸ ಅನಕೇಡೆಥು ಚಾರ‍್ನ ದೇವ್ನದೂತನೆ ಇನ ಕಟೋರಮಥೂತೆ ಇನ ಚಾ಼ಂದ್‌ಪರ್ ರಂಚ್ಯೊ. ತದೆ ಚಾ಼ಂದ್‍ನ, ಆಗ್‍ನಿತರನು ತಡ್ಕೇಥಿ ಅದ್ಮಿನ ಭುಂಜಾ಼ನು ಹುಕುಮ್ ದೆವಾಯು.

ಪ್ರಕಾಶಿತ್ 16:8 ပူးပေါင်းရင်းမြစ်များ

ಮತ್ತಾಯ 13:6

ಕತೋಬಿ ತಡ್ಕೊ ಪಡಾದೀನ್‌, ಯೋ ಶೊಶಿಯೆ ಮಹಿತೋಡಿ ಜ಼ಡೆ ಕೋ ಮ್ಹೇಲಿರಾಖ್ಯುಥುಂತೆ ಇನಖ್ಹಾಜೆ ಖ್ಹುಕೈಗಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:25

ಚಾ಼ಂದ್, ಚ಼ಂದರ್‌ಮೊ ಅಜು಼ ಶುಕ್ಕರ್‌ಮ ಖ್ಹಾರು ಖ್ಹಣೇದ್‍ನು ಕಾಮ್ ಮಾಲುಮ್ ಪಡ್‌ಶೆ. ಜ಼ಮೀನ್‌ಪರ್ ದರ‍್ಯಾವ್‍ನೊ ಅಜು಼ ಝೋ಼ಕಾಳ್ಯನು ಅವಾಜ಼್‌ಥಿ ಅದ್ಮಿಖ್ಹಾರು ಘಬ್‌ರೈಜಾ಼ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:20

ಚಾ಼ಂದ್ ಅಂಧಾರ್‌ಗಡಪ್ ಬಣ್‍ಶೆ, ಚ಼ಂದರ್‌ಮೊ ಲ್ಹೋಯಿನಿತರ ಲಲೇಲಾಲ್ ಉಷೆ. ತದೆ ಪ್ರಭುನೊ ಮಹಾ ಮಹಿಮೆನೊ ದನ್ ಆವ್‌ಶೆ.

ಪ್ರಕಾಶಿತ್ 14:18

ಅನವಾರ್ ಬಿಜೇಕ್ ದೇವ್‌ನೊ ದೂತ ಚಾ಼ಚ಼ರ್‌ಕನಥೊ ಆಯೊ. ಇನ ಆಗ್ನ ಉಪ್ಪರ್ ಅದಿಕಾರ್ ಥು. ಯೊ ಚಾ಼ಲ್ತಿ ದರಾತಿವಾಳನ, “ತಾರಿ ಚಾ಼ಲ್ತಿ ದರಾತಿನ ಪಾಡಿಲೀನ್, ಜ಼ಮೀನ್‌ಪರ್‌ನು ಬಾಗ್‌ನು ದ್ರಾಕ್ಷಿನ ಗುಚ್ಚಾ಼ವ್ನ ವ್ಹಾಡ್‌. ಇನು ಪಂಡುಖ್ಹಾರು ಅಖ್ಖೂಸ್ ಪಕೈಗಯು ಕರಿ ಊಚ಼ ಅವಾಜ಼್‌ಥಿ ಚಿಕ್‌ರ‍್ಯೊ.

ಪ್ರಕಾಶಿತ್ 6:12

ಯೋ ಮೇಂಢಾನು ಚೆಲ್ಕು ಛೋ಼ನು ಮುದ್ರಾನ ಫೋಡಾನು ಮೇ ದೇಖ್ಯೊ. ತದೆ ಮೋಟು ಭೂಕಂಪ್ ಹುಯು. ಚಾ಼ಂದ್ ಕಾಳು ಘುಂಗ್‌ಡಿನಿಮತ್ ಕಾಳೊಹುಯಿಗೊ. ಅಜು಼ ಅಖ್ಖೊಯೇಕ್ ಚ಼ಂದರ್‌ಮೊ ಲ್ಹೋಯಿನಿತರ ಲಾಲ್ ಹುಯಿಗೊ.

ಪ್ರಕಾಶಿತ್ 7:16

ಬಿಜು಼ ಕೆದೇಬಿ ಇವ್ಣುನ ಭುಕ್‌ರ‍್ಹವೊ, ಠೋಖ್ಹ್‌ರ‍್ಹವೊ ಕೋಉಷೇನಿ,

ಪ್ರಕಾಶಿತ್ 8:12

ಚಾರ‍್ನೊ ದೇವ್‌ನೊ ದೂತನೆ ತುತ್ತೂರಿನ ಫೂಕ್ಯೊ, ತದೆ ಚಾ಼ಂದ್‌ನು ತೀನ್‌ಮ ಏಕ್‌ಭಾಗ್, ಇಮ್ಮಸ್ ಚ಼ಂದರ್‌ಮಾನು ಅಜು಼ ಶುಕ್ಕರ್‌ಮಾನು ತೀನ್‌ಮಾನು ಏಕ್‌ಭಾಗ್‌ನ ಖರಾಬ್‌ಹುಯಿನ್‌ ಅಂಧಾರು ಹುಯಿಗು. ಇನಖ್ಹಾಜೆ ದನ್ಮ ತೀನ್‌ಮಾನು ಎಕ್‌ಭಾಗ್ ಉಜಾ಼ಳುಕೊಂತೆ ಅಂಧಾರು ಹುಯಿನ್, ರಾತ್ನಿ ಘೋಣಿಸ್ ಹುಯಿಗು.

ಪ್ರಕಾಶಿತ್ 9:2

ಇನೆ ನರಕ್‌ನಿ ಬಾವ್ಡಿನ ಕಾಡಾದಿನ್ ಬಾವ್ಡಿಮಾಥು ಆಯುತೆ ಧುವೊ ಮೋಟಿ ಕೋಲ್‌ಮಿನು ಧುವಾನಿತರ ಉಪ್ಪರ್ ಆಯು. ಬಾವ್ಡಿನ ಧುವ್ವಾಥಿ ಚಾ಼ಂದ್‌ಬಿ, ಆಸ್‌ಮಾನ್‌ಬಿ, ಕಾಳುರೈಟ್‌ ಹುಯಿಗು.